دعواتكم لزميلنا المفكر د.الباقر العفيف بالشفاء العاجل
|
|
 الحمل في دارفور...والولادة في تشاد
|
برقية الي حكومتنا:-
وقفو برنامج فرسان في الميدان.... الوجه الاعلامي للجنجويد....ناس البرنامج ديل ما عندهم شغلة غير ..
مِكّرٍ مِفّرٍ مُقبلٍ مُدبرٍ معًا
كجلمودِ صخرٍ حطهُ السيلُ من علٍ
... قدر ما جا جنجويدي عشان يتسابق .... يهرينا بالبيت .. المشبوه دا....ويقعد يشكّر في الحصين ..وحمدي جنجويد الدين.... شابكنا اترجل.. و...ركب ....
ومسمار وركب مين يقلعو؟
برقية الي وزارة الخطف والرهائن العراقية:-
خسمتكم بالزي خلقكم.. وبالملح والملاح البينا.. ما تجيبو لنا نحن السودانين الشبهات والمشاكل.... عليكم الله اختطفو سوداني واحد بس.... وجيبوهو في التلفزيون و الجرائد....عشان الناس كلهم يشوفوهو ويبقو شاهدين..نحن عارفين باكر دي امريكا تجي تقول القاعدين يخطفو الرهائن ديل السودانين....وايش معنى الناس كلها خطفو منها زول علا السودانين ديل؟...ونقعد نكوس للتخارجنا وما نلقاها...انتو ما عارفين امريكا دي شِبكة؟
برقية الي الامم المتحدة:-
بارك الله فيكي....وماقصرتي... رسلتي عدة وعدل الولادة لي نسوان دارفور....مع انو عدل التابا واليابا.... المافيهو ولا عويد واحد حق صندل...ولا ريحة موية ولا ريحة ناشفة...... لكن غايتو القحة ولا صمة الخشم..وبعدين يا الامم انتي جنيتي؟.... ولا داية واحدة ترسليها مافي؟...انتي ماكي عارفة ولادة نسوانا نحن كلها موعافرة ومودافرة..؟... انتي قايلة نسوانا بيلدن كدي ساكت؟..ابدا وحاتك.... ما شفتي شفعنا روسنهم مطاولة وقوية كيفن؟..... اكان مو ساكت....ونسوانا شديدات ولضيضات في عُمرِن... حسي دي روسين بي تمرق بي هينة؟....
برقية الي قونداليزا رايس:-
لا.... اصبري يا دي...مالك ما بتزورينا؟.. سمعتيهو ..ولاّ جابوهو ليكي؟.. رفاقتك كلهم جونا علا انتي؟..... غايتو ما بسعلك.....والختيتيها رقدت مقالة......ونحن الما بيجينا في دي....تاني لا بينا لا بينو....البِكا ما يدخلّنا عليهو.......
|
|
 
|
|
|
|
|
|
|
 Re: الحمل في دارفور...والولادة في تشاد (Re: سجيمان)
|
دكتورنا العزيز عادل، كيفنك؟ وأم الخير كيفنها، والولاد، والكفيل، إن شاء الله صابر بعد موت الصقر؟
Quote: برقية الي قونداليزا رايس:-
لا.... اصبري يا دي...مالك ما بتزورينا؟.. سمعتيهو ..ولاّ جابوهو ليكي؟.. رفاقتك كلهم جونا علا انتي؟..... غايتو ما بسعلك.....والختيتيها رقدت مقالة......ونحن الما بيجينا في دي....تاني لا بينا لا بينو....البِكا ما يدخلّنا عليهو....... |
قونقوليزه بت الريس؟؟ يا خي ما رسلّت الراجل "بلاّ"، وحتى بالأمارة قضى الليلة في الطيارة، وأصبح سافر دارفور.. وبعده طوالي جاء عمنا الحاج كوفي، نسيبها..
| |
|
|
|
|
|
|
|
|
|
Re: الحمل في دارفور...والولادة في تشاد (Re: serenader)
|
الحبيب سجيمان..
انت والله قاصدنى عدييييل كدة..ياخى انا مش محذرك تبعد عن قونقوليزا؟
قلناليك وسط لينا اخوك الفى امريكاعشان يجمع بين قلوبنا لكنك حسدتنا على ريدتنا وبعد دة تقوم ترسل ليها برقيات من وراى؟ويمكن ايميلاتك ليهاكمان تكون تطاقش.
ماعارفنى ياخى انه انا بغير؟
الله يجازيك ياشجيمان ويجازى خلقتك.
| |
|
|
|
|
|
|
|
|
|
Re: الحمل في دارفور...والولادة في تشاد (Re: سجيمان)
|
سجيمان اخوى
والله ما قلت الا الحق .
امريكا اريتها شبكة الكافر عدو محمد ( ص ) .
يحلنا منها الما نام ولا اكل الطعام ( سبحان الله ) .
وكونداليزا رايس دى داير بى مجيها شنو ؟؟؟؟
عليك الله دى خلقها يلوموها ؟؟؟
قالوا اهلنا الما دارك ما لامك .
اووووووعك تجامل بنغير راينا فيك يا سجيمان ..
ام وضاح
| |
|
|
|
|
|
|
|
|
|
Re: الحمل في دارفور...والولادة في تشاد (Re: سجيمان)
|
قلقوا .. معاك جداً .. والله قونداليزا دي ما برضى فيها أنا كلو كلو..
سيجيمان.. والله يا دكتور.. ضحكتني ضحك.. عارف ليه السودانيين ما بخطفوهم ليه!؟ عشان لو خطفوهم مافي زول بشتغل بيهم ولا بجيب خبرهم.. والخاطفين يبقوا في أكل وشراب وزيادة مصاريف... إحنا أرخص شعب على حكومته.. والله ما شفته حكومة زي دي .. والله الهنود عندهم قيمة..
شكرا والله على الابتسامة الرسمتها لي في الصباح الحار ده
بنت الحسين
| |
|
|
|
|
|
|
| |
سجيمان
Yasir Elsharif
قلقو
essam&amal
مريم بنت الحسين
شمهروش
فيس بوك
تويتر
انستقرام
يوتيوب
بنتيريست