دعواتكم لزميلنا المفكر د.الباقر العفيف بالشفاء العاجل
|
|
 ادب المكــاوة....و..ثقــافة المطـاعنـة...و ابجـديـات الغتــاتة
|
نحن امة خلقت للمكاوة...والمطاعنة ...والغتاتة...وعشان يبقى همنا كلو كيف نكاوي بعض.....ونتغاتت علي بعض....ونتفنن في كدا.....
نسيبة مكجنة راجل بنتها..... وقاعدة معاهو في البيت... يجي من الشغل....ويمرق عنقريبو...في ضل الضهر....كان ياخد لو غميدة...تجي النسيبة وتشيل المكشاشة وتقعد تكنس عن راسو.. مش تكنس وبس.... تنقنق كمان.... يخسي يا يمة من دا الصعوط.. الحوش كلو صعوط؟....غايتو الراجل البيسف الصعوط اريتو راجل التاباني....الرويجيل النومة تطيرلو من راسو... ويقعد يفكر كيف يطير نسيبتو.....
في الابتدائي.... علمونا ادب المكاواة... في كتاب المطالعة...ونحن في بداية المعرفة والتعلم....يا شرف هل معك نبق؟..... لا معي قلم...
واحدبيسال صاحبو... عندك نبق وداك عشان يتغاتت عليهو ويكاويهو وعارفو مكجن المدرسة والقراية.... يقول لو معي قلم.....والغريبة يكاوية بدون اي مبرر ولا سند قانوني للمكاواة....لكن مزاج ونوع من المتعة.....
تصحا من النوم.... بعد احلام سعيدة تلقى مرتك واقفة لك عن راسك وشايلة لستة طلبات.... ممكن تخليها لي بعدين لكن امعاناً في المكاوة والغتاتة...تقولن ليك من دغش الرحمن....وتمسخ عليك باقي اليوم...الحمد لله انا من شهر العسل وقعت على وثيقة تعايش مع ام الخير ومن ضمن بنودها عدم الطلبات الدغاشية دي.....
ثقافة المطاعنة والمكاوة تظهر جليه في اغانينا.... وخصوصا في السيرة
الليلة جينا كية للمابينا
غنية تنضح مكاواة....ومطاعنة.... واضحة وضوح الشمش....وغنية تانية زي
الرايق النعسان الدلال غاريهو
البيكاوي الناس
خطوة.....خطوة..........مشيهو
نغنيها...ونحن نضحك...ونسوانا يزغردن.... فرحانات بالمكاواة دي...
ولاّ.... الغنية .... بتاعت الجابري....يغنيها وهو يبتسم ومبسوط
مرات اقول اديهو كلمة تزعلو
علشان اشوف خدو الحرير
.... الدمعة جارية تبللو
شوفو نزعة المكاوة...والنفسية المطاعناتية....والسلوك الغتاتي.... العند الشاعر والفنان والمستمعين...وانا واحد منهم لاني كنت....بتكيف للغنية دي وخصوصا البيت الغتيت دا......لكن حسي الزول الداير ازعلو داك....علا اديهو علقة تجننو...حتين اشوف خدو الحرير الدمعة جارية تبللو.....لانو النضم بقى ما بيجيب اي نتيجة......
حتى في السياسة....ودي ميدان فسيح.... للمكاواة والمطاعنة والغتاتة..والسياسي الناجح....هو السياسي الكاواي.....وغتيت....مشكلة زي مشكلة دارفور..... المعارضة عشان تورط الحكومة...تقول مفروض يحصل كدا وكدا وكدا....الحكومة عشان تكاوي المعارضة تقوم تسوي عكس كلام المعارضة...وتتورط لي اضنيها....
يعني كلو ...مكاواة وغتاتة... مع سبق الاصرار والترصد
|
|
 
|
|
|
|
|
|
|
|
Re: ادب المكــاوة....و..ثقــافة المطـاعنـة...و ابجـديـات الغتــاتة (Re: سجيمان)
|
صديقي د. عادل
عافاك الله
قالوا في واحدة مما تسمع ليها بي بكا ، و يقوموا ناس الحلة يأجروا لوري عشان يمشوا يعزوا ، تقوم تتأخر مخصوص ، و لما اللوري يقوم تقوم تجدع جزمتا في اللوري عشان يقولو اللوري فاتا أثناء محاولة الركوب فيه..
أها قالوا الولية دي مات ليها زول .. جاها لوري مليان جزم و شباشب .. واحدة جات قالت ليها البركة فيكي مافي ..
شايف الغتاتة ؟ من جوة بيت الكلاوي حقة الأبجديات
أرقد عافية
| |
|
|
|
|
|
|
|
|
|
Re: ادب المكــاوة....و..ثقــافة المطـاعنـة...و ابجـديـات الغتــاتة (Re: bayan)
|
الأخ سي جي لك التحيات الناضرات
ذكرتني بالمكاواة ..عادة كانت في بلدي الحبيب دامر المجذوب عندما نذهب في سيرة عريس وكا السيرة وقتها لها شنا ورنا وبالأرجل غالبا .." والرتاين" مرات اذكرها تماما رغم صغري حينها .."شفت صغري دي ككيف" هاها عندما تصل السيرة تستقبل بغناء المكاواة فيبدأ اهل العريس ب " عريسنا ابشورة الفكا البورة في كورال غنائي صاخب متحمس " ويرد اهل العروس مع الرش بالماء " واعلتكن فات حلتكن في غيظ وحنق.."ومن هنا اظن المكاواة تبدأ مع بداية بناء عش القماري هاها..
| |
|
|
|
|
|
|
|
|
|
Re: ادب المكــاوة....و..ثقــافة المطـاعنـة...و ابجـديـات الغتــاتة (Re: walid taha)
|
عميد ادب الحياد نافورة البوورد حبابك
نحنا في بورد غتيتين اون لاين ماهرين في فنون المكاوة والغتاتة ما بتاعت الفنان بتاعت الشفع وغتاته مخلوطة بي روح شريرة
الان انا جاتيني رغبة قوووووية اتغاتت وما ارد
لكن لو اتغاتتا وما رديتت ماح تكون اتفشيت انتا في استمرار ابوست
الموجه ضد معشر بن غتيت
وهم كتاااااااار
ظلاميين
وعنصريين
ومطاريد وطن
لولا الدول اللاماهم كان ماكان وكان
اتمنى ان تتغاتت الدول التي منحتهم حق اللجوء وتطردهم
ح يمشوا ووووووووووووووووين؟؟؟؟؟
التوقيع ابو الغتاته الحاقد
| |
|
|
|
|
|
|
|
|
|
Re: ادب المكــاوة....و..ثقــافة المطـاعنـة...و ابجـديـات الغتــاتة (Re: سجيمان)
|
يا سي جي مان
المكاوه اصلها ما عندنا بس بل عند كل شعوب العالم وبالانجليزي هي كلمة (كواي مان للمذكر وكواي وومن للمؤنث) وهي في الاصل من كلمة مكوة لان المكوة تمرر عدة مرات على قطعة القماش حتى تزيل الكرفسة وكذلك المكاواة يجب ان تعيد وتنوع الكلمات حتى تصل للنتيجة وهي كرفسة وجه المقصود وتكويهو بالكلام كوي وبالعكس ممكن تلاقي زول زعلان تكاويه ويبدا ينبسط ويضحك
وأغرب حاجة انو المكاواة ما ممكن تتجمع مع الغتاتة في وقت واحد يعني الواحد ممكن يكاوي بس أو يتغاتت بس
وشوف غتاتة زول سؤلوهو عن صاحبو المتقدم لي بت من اهلو قال ليهم ما بعرفو( من الواقع)
جمال
| |
|
|
|
|
|
|
|
|
|
Re: ادب المكــاوة....و..ثقــافة المطـاعنـة...و ابجـديـات الغتــاتة (Re: سجيمان)
|
يا سي جي مان
المكاوه اصلها ما عندنا بس بل عند كل شعوب العالم وبالانجليزي هي كلمة (كواي مان للمذكر وكواي وومن للمؤنث) وهي في الاصل من كلمة مكوة لان المكوة تمرر عدة مرات على قطعة القماش حتى تزيل الكرفسة وكذلك المكاواة يجب ان تعيد وتنوع الكلمات حتى تصل للنتيجة وهي كرفسة وجه المقصود وتكويهو بالكلام كوي وبالعكس ممكن تلاقي زول زعلان تكاويه ويبدا ينبسط ويضحك
وأغرب حاجة انو المكاواة ما ممكن تتجمع مع الغتاتة في وقت واحد يعني الواحد ممكن يكاوي بس أو يتغاتت بس
وشوف غتاتة زول سألوهو عن صاحبو المتقدم لي بت من اهلو قال ليهم ما بعرفو( من الواقع)
جمال
| |
|
|
|
|
|
|
| |
سجيمان
humida
ابو جهينة
bayan
ود حماد
walid taha
شمهروش
saif massad ali
جمال السنوسي
ABU QUSAI
حبيب نورة
طيفور
فيس بوك
تويتر
انستقرام
يوتيوب
بنتيريست