دعواتكم لزميلنا المفكر د.الباقر العفيف بالشفاء العاجل
|
|
 احــي.... انا....من ...اللــقو.... دا
|
واقف جنبي في الشارع.... باين عليهو جاي جديد من السودان....احلف بالتكسرني الجلابية اللابسا مغسلة في السودان.... مليانه ظهرة... لمن روحا طالعا....لابس لو سفنجة ظهرية برضو جديدة من الورقة.... عدادها علي الصفر....واقف وفي اللحظة دي جات واحدة ملفلفة اسود في اسود.. زولي بلع ريقو...وقدم كراع واخر كراع وقعد يعاين لها.....لما اتلفت ولقاني جنبو اتخلع...وضحك وبلع ريقو وقال لي....والله يا جنا البلد دي فيها جنس لقو....سلمت عليهو وباركت ليهو السفنجة...وسعلتو ...انت من وين؟.....قال لي من حجر الطير...قلت لو حجر الطير مافيهو لقو؟....... قال لي نان باقي لك زي التريانات ديل......لقو حجر الطير كاتلو المحل... وشيل جركانات الموية....لكن يا جنا حسي ان الواحد دارلو واحدة منهن ما بيعرسنو؟..... وبعدين خلي بالك ماتشوفني كدي؟....امانة ماني نضام....وماني فنجري..والله اللقوية ما تاخد معاي خمسة دقايق...علا تكون رادتني....والله بنوت البلد هناك... يا زول ها....وقت يقولن لك ..عصام ود امحقين... النضم كمل.....ويومي السافرت دا....كلهن يتباكن... وحيرتهن ....
يا جنا انت شغال وين؟..... قلت لو شغال مغترب..........قال لي لا..لا انت الزيك دا...موهين.مو ساهل... اقل شي يكون شغال لو في سوبر ماركت...وحايم وسط الجداد المتلج دا...وشوالات السكر....وشولات الرز
قلت لو يا عصام اخوي..وصفك دا شغلة فار مو شغل زول......
رجع لي تاني لللقو..... سعلني يا جنا اصلك ما ناضملك واحدة من لقو السعودية... الطاشي بي شوارع الزلط دي؟.... قلت لو ناضمت زماااان....وقت جيت جديد زيك كدي....واللقوية قبلت علي.... وقالت لي انقلع..... والانقلاعة اللي يومك دا....
|
|
 
|
|
|
|
|
|
|
|
Re: احــي.... انا....من ...اللــقو.... دا (Re: سجيمان)
|
نحن مَدينين للفيل بتاعك دا بي ضحكتنا، في زمن فيه الضحك بقى شي عزيز
حقيقي يا دكتور بوستاتك دائما بتكون Anti Acid للبوستات الحامضة الكتيرة المالية البورد، لذلك خليك قاعد فوق ضهر الفيل دا أصلك ما تنزل وإن دُرتَّ شي من تحت نحن بنرفعو ليك فوق ضهر الفيل
لكن أنا خايف في الفاتح من سبتمبر يطلعو قرار ويقولوا:
نرجوا عدم اصطحاب الأفيال
نبقى وِرِطنا
يا دكتور في مثل بيقول: (الفيل ولا الكفيل)
ولاَّ أنا بيتخيل لي؟؟؟
| |
|
|
|
|
|
|
|
|
|
Re: احــي.... انا....من ...اللــقو.... دا (Re: koki)
|
Quote: AhMeD sIdDiG says:
شوف كلام سجيمان دا عليك الله
Niyazi says:
اي والله كلامة .زول واعي ميه الميه
Niyazi says:
انت سجيمان دا منو ؟
Niyazi says:
ووين
AhMeD sIdDiG says:
دكتور عادل الصادق الصديق
AhMeD sIdDiG says:
دكتور بشرى فى مكلة
AhMeD sIdDiG says:
من اهلك الرباطاب
Niyazi says:
بالله والله ما شاء الله
AhMeD sIdDiG says:
يعنى اكبر ممنا بشوية كدا
AhMeD sIdDiG says:
كان خمسة كان عشرة
Niyazi says:
هههههههههههههههههه
Niyazi says:
بشوية كدا
AhMeD sIdDiG says:
كان خمسة كان عشرة |
| |
|
|
|
|
|
|
|
|
|
Re: احــي.... انا....من ...اللــقو.... دا (Re: Kostawi)
|
ياسجيمان يا اخوي انت تعبتني خلاص انا عشان افهم لاقو ضربت اربعة تلفونات من فرانكفورت السودان .يا اخوي انت بتجيب النضمي ده من وين.انا في بت كتب لي الصورة شرط اسبوع بعاين في الصورة ما لقيت فيها شرط. انت اللغة اتغيرت ولا كيف.
ود عوج الدرب
| |
|
|
|
|
|
|
|
|
|
Re: احــي.... انا....من ...اللــقو.... دا (Re: سجيمان)
|
لالا ياسجيمان انا جيت العاصمة شلت البازبوري وطلعت ماسمعت نضميكم ده طلعت 86 شيتكم ده كتر يابا
والله انا رسلت يكتبو لي مصطلح الكلمات الجديدة,واحد مرسل لي اميل قال ياخي نحن مقشطين قح لينا,اها دا اقول ليه شنو كتبت ليه البركة فيكم وفينا الناس الماتو كتار.
| |
|
|
|
|
|
|
|
|
|
Re: احــي.... انا....من ...اللــقو.... دا (Re: سجيمان)
|
الله يجيب يوم 1 بسرعه عشان قوانين سبتمبر تتطبق و نشوف نوعك ده بمشي وين، لقو هسه عليك الله ما بتخجل و حالتك متلفح و متدمدم كده، ياخى لغتك سوقيه خالس خالس، قول الجكس او التتى او النمتى او البلوم او البط او الحمام او ...او ، امه ما تترقى اصلو عامل قريبك اب سفنجه ده، يلا انقلع
انا من زمان اقول الزويل اب وشيشن عجيب ده مالو قلبى اباهو، من اول حلقه بتاعت محطة تلفزيون اهليه انا ما انبلع لى اصلو، وكل ما يجيبوهو فى التلفزيون و لا يدلدلو بوستآ هنا انا ما قاعد اكون مرتاح ، اتاريهو هو ....  ، لا حول و لا قوة الا بالله، سجيمان ااخوى اقعد اتضحك لى معاهو كده لما الرماد يكيل سجيمان ... نصحتك وانا بره
| |
|
|
|
|
|
|
| |
سجيمان
حبيب نورة
khider
abuguta
tmbis
omer almahi
صديق الموج
nadus2000
manubia
نيازي مصطفى
jini
Kostawi
saif massad ali
أحمد أمين
بدرالدين شنا
فيس بوك
تويتر
انستقرام
يوتيوب
بنتيريست