|
دعواتكم لزميلنا المفكر د.الباقر العفيف بالشفاء العاجل
|
|
 Re: اتاريــني قيــافة...و...عاجــب ناس الصحــافة؟ (Re: صديق الموج)
|
صديق الموج
| Quote: سجيمان انا مش صاحبك |
بالحيل صاحبي
بس يا صديق شيدو حيلكم... انت ورجاء العباسي....واشراقة...وتماضر....والموصلي.....واسامة الخواد..
وحمزة سليمان....وباقي الناس الهنا....شدو حليكم عشان يجيبوكم في الجرايد..زي كدي.....
قبال ما انا البس البدلة والكرفتة.....وارسل لهم صورة...وبعدين يقولو لكم.... يا قمري كر
| |
 
|
|
|
|
|
|
|
 Re: اتاريــني قيــافة...و...عاجــب ناس الصحــافة؟ (Re: سجيمان)
|
والله تستاهل كل خير يا زول يا رائع
لا بطريك حبا فيك
لكن الحقيقة انت احد دعامات هذه الساحة والساحة الاخرى
تجلب الفرح والروح الطيبة
وتتدفع فى النفوس الفايرة دفعة من الهواء البارد تلطف اجواء جهنم
لك الود والتقدير يا زول متفرد
واصل
يا ظريف الروح
سيجمان
| |
|
|
|
|
|
|
|
|
|
Re: اتاريــني قيــافة...و...عاجــب ناس الصحــافة؟ (Re: sharnobi)
|
شرنوبي
| Quote: والله تستاهل كل خير يا زول يا رائع |
بارك الله فيك
اها يا اخوي الوصا بالمهلة.... انت في امريكا... عليك الله كدي شوف لي ناس الواشنطون بوست ديل.....قول لهم زول قاعد في واطاة الله دي... وعديّل...وهميلان....ومن ايدكم دي لي ايدكم التانية....شوية شوية نقرب لي كونداليزا
| |
|
|
|
|
|
|
|
|
 Re: اتاريــني قيــافة...و...عاجــب ناس الصحــافة؟ (Re: سجيمان)
|
يا سي جي man يا أخوي موضوعك قريناه وموقعك أب Vew + Encoding + Arabi (Widows) كل دقيقة ده زرناه وجننا جن ما باقي لي غير أطير للصين أتعلم صيني وأجي راجع لي موقعك العجيب .
بس قول لي كيف ألحق أحجز لي كرسي قبال نا زعيط ومعيط ونطاط الحيط ما يجوا يملوا البكان ونبقى في فتيش مكان في الشماعة.
حاولت أسجل علا قال لي كان سجيمان ما وافق ما بنسجلك ولا تجي في ضلنا ده وخليك هناك قاعد في حوش البقر، بالله تقول الواحد داير يسجل في الانتخابات.
لكن علي باليمين وليدكم داك أب دوده خليه ساكت أريته دودة عدوك ، غايتو يحمد ربه أنها مرقت وما سوت ليه ناكوشة أقصد كاروشة!!!!!
راجين التسجيل وكان موظفين موقعك ديل مستقدمهم جداد من االبلد كلمنا عديل كان بلصهم ونمشي أمورنا، بالمناسبة موضوع البلصة ما تقولوا لينا،، هه ما عارفه ؟ كيف الكلام ده ؟؟ يا أخي البلصة اللت حاج نفاج الفي حلتكم يوم مشى الخرتوم يقضي ليه غرض في مصلحة الأراضي!!!
....
| |
|
|
|
|
|
|
|
|
|
Re: اتاريــني قيــافة...و...عاجــب ناس الصحــافة؟ (Re: Al-Shaygi)
|
يا سجيم(مان) حكايتك حكاية
وأها قالوا ليك شنو بعد ما ضربت التلفون
اصلنا كنا حومنا في مكاتب الصحافة ام ورقاً مشتت تحت الكرعين مغلف بالغبار
ولومك بي انا جبت ليهم أخبار القطر الطحن الناس في محطة اتبرا
وصور الضحايا ولا كيمان مخيم غانا
ونشروها صفحة أولى ولا اشتغو بي
وكنت قاعد اكتب ليهم من مكتب اعلام الخرطوم في البرلمان القديم
نميري شرب الشاي
وابو القاسم جا بي جاي
ود الطاهر قال كفاي
وناس علام
والناس الرقدو
ما بتعدو
وجونا ناس الأيام قالوا نشغلكم موظفين
نسوي شنو
قالوا تلملمو قصاصات الورق
ولما تجيكم حظوة بنخليكم توزعو الحبر على الورق
وحياتك جنس عجزان لما عموا في التصحيح قالوا ياوليدات ما تضيعوا عمركم مع شلاتيت الورق ده
احسن ليكم تشتغلوا مداحين
ولا سافروا الصين
ما هو الناس ممكن تطلب العلم هناك
ولحي ما تبنا منهم ما جابو اسمنا من قريب ولا بعيد
وحاتك محجوب عبد الله ذاتو اتحير فينا
وصاحبنا اسماعيل الحاج موسى اللعمنو عارفن ناس جن في غزال
من داك الزمن قاعد ينظر ليهم في الاستراتيجية الصحفية
اها يا سجيمان كلم لينا رميدان
يمكن محطة اللواري يحولوها جنب ناس الصحافة
وناكل لينا صحن فول في ضل الضحى جنبهم
قول يا صحيف
| |
|
|
|
|
|
|
|
|
|
Re: اتاريــني قيــافة...و...عاجــب ناس الصحــافة؟ (Re: سجيمان)
|
عزيزي سيجيمان
والله انا ما دخلت البورد الا عشان اتونس معاك........
وما كفايه كان اقرأ ليك وبس........
قولتا الونسة مهمة.......
وانا ما عارفه الموضوع ده حيوديني لي وين......
لكين انا متعودة.......
اقول ليك.. مره عرسته لي راجل بس...... لانو عندو اخت شغاله في ديوان شئون الخدمة.......
ومرة تانيه........ عرسته بس....... لانو كونت دايره اتحنن......
مابتفتكر ده سبب وجيه انو نكون اصحاب؟؟؟
| |
|
|
|
|
|
|
|
|
|
Re: اتاريــني قيــافة...و...عاجــب ناس الصحــافة؟ (Re: سجيمان)
|
الحمد لله من زمان نحن اصحاب
وكمان البوستات بتاعتك بفتشهابالمقنطيس كان ما لقيتها
وكان ما قريتها ما قاعدة انوم قسم بالشيخ الجعلى
اها يا سجيمان عليك الله ودينى معاك لناس الصحافة خلينى
اتفشى هناك .
اها يا سجيمان القيافة
وفايت الناس مسافة
وعاجب ناس الصحافة
وعاجب اى زول غصبا عن اى زول
ام وضاح
| |
|
|
|
|
|
|
|
|
|
Re: اتاريــني قيــافة...و...عاجــب ناس الصحــافة؟ (Re: سجيمان)
|
الاخ سى جى مان
والله ماشة معاك .......موقع جديد ودخول الى عالم الصحافة ......
انت مش محتاج (تتغا) انت محتاج ...شوية تواضع
ودخلنا الموقع الجديد ..ولكن أستعنت بكل الخبرات علشان أبارك ليك ما قدرت أكتب حاجة
أكتب بالعربى (البرفيو )يطلع بالتوتسا......قلت ممكن دا( تغا موقع)
| |
|
|
|
|
|
|
|
|
|
Re: اتاريــني قيــافة...و...عاجــب ناس الصحــافة؟ (Re: سجيمان)
|
غايتو ياسجيمان ناس الصحافه ديل اول مره اسمع بيهم,الظاهر عليهم ناشئين
انت يكفيك سودانيزانلاين
حاول جمع كتاباتك كلها فى كتاب و استرذق و خلى شغل البلوشى ده
و شوف زول من فطاحلة البورد يكتب المقدمه
و زول تانى يصمم الغلاف
ومممكن تجمع اظرف التعليقات فى قسم خاص
اصحى يا بريش و العب فى المليان
الذمن ده ذمن استثمار المواهب و القدرات
و انت زول موهوب (بس محتاج شويه Tweek )
?what u think
| |
|
|
|
|
|
|
|
|
|
Re: اتاريــني قيــافة...و...عاجــب ناس الصحــافة؟ (Re: سجيمان)
|
يا سجيمان...اهبط شوية...النكلمك....التلفون دا تلفون عوض الكريم
قال حالف يشغلك شيال عشان تصفق اربعة وعشرين ساعة في الكلام القلتو فيه دا...وبعدين نشر الموضوع في الصحافه عشان ما تنكرو وتقول كتبتو ام الخير.....وقالوا ختّ كرسي لي عثمان مصطفي في محل انترنت جنب التلفزيون مستنين بوست الفشخرة...زيادة يقين...
اها شيل شيلتك وطرق ايديك لي الصفيق
| |
|
|
|
|
|
|
|
|
|
Re: اتاريــني قيــافة...و...عاجــب ناس الصحــافة؟ (Re: سجيمان)
|
حبيبنا سجيمان..
طبعا عارفنى انازعلان منك وكنت محاربك عديل كدة وانت براك عارف السبب شنو لكن معليش انا خلاص مصالحك بما انك بقيت مهم ومن المشاهير ومن كبار رجالات الدولة.
مصالحتى ليك دى بتذكرنى لمن نحن ضغار (ومازلت..انا قاصد روحى)ونكون متخاصمين مع واحد من الأولاد وبعدين بقوم يجيب ليه كورة ولا ابوه يشترى ليه عجلة ولا كدة كنا ننسى كل شيئ ونعمل فيها اصحابو موت..ومن شب على شيئ شاب عليه..
عموما مبروك عليك وعليناالعجلة الجديدة وارجوك ان تنقل تحياتى لى ناس كلام رجال..والله انا بقول ليك الكلام دة وكل برآءة اطفال الدنيا فى عيونى ..لأنى مركز مع قونقوليزا..
اكرر التهنئة.
| |
|
|
|
|
|
|
|
|
|
Re: اتاريــني قيــافة...و...عاجــب ناس الصحــافة؟ (Re: سجيمان)
|
سجيمان أخوى .. رفقا بنا فقد قتلنا الشـمار .. و مازلنا نتمحرك فى إنتظار المكالمة و ردها .. لحدى بكرة لو ما جانا الشممار حتى كيبورداتنا سنكون مضطرين لأنتحال شخصيتكم و نقنع من كذا هللة ونتصل على ناس الصحافة و نجيب الشمار من لغاليغو
و ننتهز هذه المناسبة لنبث شكوانا .. بعدم تمكننا من قراءة سايتكم و جأرت ماوساتنا بالشكوى من الأنكودنق لفك شفرة لغة لم نعرف ماهيتها أهى صينية أم أمازيقية أم لتوانية أم رباطابية كما ورد فى الأنسايكلوبديا .. و هنا أيضا و لحدى بكرة إن لم تستطع سمكرة طلاسم هذه اللغة سأبعث لكم بفكى آدم ..
| |
|
|
|
|
|
|
| |
سجيمان
صديق الموج
sharnobi
Al-Shaygi
المسافر
salwa elsaeed
ودقاسم
ابو جهينة
essam&amal
omer almahi
alfatih
ياسر مكاوي
دورنقاس
طه حسن عبدالله
مريم الطيب
nazar hussien
willeim andrea
قلقو
Raja
بلدى يا حبوب
فيس بوك
تويتر
انستقرام
يوتيوب
بنتيريست