في دعم حملة علاج دكتور الباقر العفيف:- قليل من كثر خير من كثير من قلة
نداء أنساني بخصوص الدكتور الباقر العفيف
|
|
 كــولن باول.. اتاريهو حلبي
|
ما يجي واحد ولاّ واحدة يقول لي انت عنصري..... عليكم الله..... نانو نضمي دا ونسة ساكت...وقطيعة في الراجل دا....
مررة شفتو ....في نيفاشا.. ماشي مع علي عثمان وقرنق الاتنين...وهو في النص.... زول طويل وجهامة واحمر..... وحات الله اتعجبت حد العجب ما يقف لو حد....زول احمر من علي عثمان....قلت اتاريهو حلبي...وناس امريكا مزنجنو ساكت وقالو دا افريقي ....علا في واحد قال لي يا زول في زنوج في امريكا حوووووومر....
لكن حسي باقي لكم الحلبي دا.... بيحل لي ناس دافور شي؟...غايتو انا راي يرجو كوفي عنان.... اكان ما يجي يقيف جنب ناسنا ويطلع حلبي برضو.......وتبقى الشغلة اخير لهم يقبلو علي ناس افريقيا دي... ناس زُرق....ومافي زول بيشكك فيهم....ونضمهم بي يتقبل....
غايتو رميدان اخوي القاعد في امريكا.... قال رسل مصاريف.... الف دونار... مع زول......والله شدت قلبي ما ماكلني...وخايفو يكون رسلن مع كولن دا...البارح ضربت لي امي وحدستها
امي قالت الراجل دا.. خايفاهو يتشغل...وينسى القروش ويدخلن عليهو...غايتو انا قلت لها تمشي تقيلي في المطار...ونزلت الزول دا من الطيارة... تمشي عليهو وتسعليهو من الامانة الرسلا رميدان....واووووعك يقول لك بعدين..وقبال ما يصل السجادة الحمرا تمسكي في طرف بدلتو وما تفكيهو علا والدونارات في ايدك.... يقوم ياكل القروش ونبقى في.. حاو..و..تُر......
وبعدين وقت يجي يرجع امريكا.... عليك الله ما يرجع لي ناس رميدان .. ايد ورا وايد قدام....رسلي معاهو حويجات.... اهم شي الطلح و الشاف لي مرة رميدان...والدوم والقنقليس...والتسالي والمررو...والشطة الفاشري.......
|
|
 
|
|
|
|
|Articles
|News
|مقالات
|بيانات
|
|
|
|
|
|
|
Re: كــولن باول.. اتاريهو حلبي (Re: سجيمان)
|
| Quote: ونبقى في.. حاو..و..تُر...... |
هن الحاجات الببقن في حاو وتر شويه يا سجيمان؟؟
هسع كولن باول دا ان طقتو ملاريا ما بنبقي في حاو وتر
ولو لقي ناس السودان كلهم دارفور ما بنبقي في حاو وتر
ولو ركت فيه ضبّانه ...وكبست عليه غمّه ما بنبقي في حاو بس
ولو لاقي ليه عرب رحل شايلين عكاكيزن ويرعوا في رعيتم مستنين
عيد الضحيه الجائي يبيعوا خرفانهم مش ديل جنجويد ونبقي في حاو بس
ولو لاقوه الجنجويد بي الصح بي الصح ما بنبقي في حاو وتر...
دونارات امك ديل ما مشكله ممكن يرمين ليك في البوسته كان في الفاشر كان في ابشي...بصلنها ...الكلام حاو وترنا نحن
| |
|
|
|
|
|
|Articles
|News
|مقالات
|بيانات
|
|
|
|
|
|
Re: كــولن باول.. اتاريهو حلبي (Re: سجيمان)
|
سجيمان سمعت قصه ادعى راويها انها حقيقيه، قالوا واحد سودانى حب ليهو امريكيه زنجيه ونوى يتزوجا، رسل لى اهلو وقال ليهم الموضوع، فى الوقت جماعتك الطيبين الما بقصروا شالوا الخبارات ودوها السودان "فلان داير يعرس خادم و الشنو وشنو"،ام الراجل الكلام وصلا وقلقت قامت سافرت ليهو واصرت تشوف العروس والظاهر كانت زى كولن باول ده،الام بعد ما شافتا"والله حاسدين ولدى ساكت بس، اسه دى ما بت عرب عديل كده"
شوف جنس المحن دي يا سجيمان، فى امريكا وجايين من افريقيا ونازلين فى اهل البلد ده عب وده شنو ما عارف ، ما عندك لى كبريته وصفيحة جاز؟؟
| |
|
|
|
|
|
|Articles
|News
|مقالات
|بيانات
|
|
|
|
|
 Re: كــولن باول.. اتاريهو حلبي (Re: سجيمان)
|
| Quote: وقبال ما يصل السجادة الحمرا تمسكي في طرف بدلتو وما تفكيهو علا والدونارات في ايدك.... يقوم ياكل القروش ونبقى في.. حاو..و..تُر...... |
سيجيمان..
الرجاء الاتصال حالا بالست الوالدة للاطمئنان.. بعدين تكون مشت ورا الشمس  ..
انت قايل الموضوع فيهو سجادة حمرا.. دي (أف فيفتين)..
| |
|
|
|
|
|
|Articles
|News
|مقالات
|بيانات
|
|
|
|
|
|
Re: كــولن باول.. اتاريهو حلبي (Re: سجيمان)
|
بالمناسبة شمار يا سجيمان ما عارفو وصلك ولا لسة
الزول كولن باول ده ما طلع عديلنا عديل كده
قالو هو وواحد اسمو عبدالمجيد سوداني متزوجين أخوات
طبعاً أخوك عندو جنس ذكاوة
فقلت يمكن عبدالمجيد ده رميدان أخو سجيمان
وإلا ما كان لقى ليهو زول مضمون زي باول عشان يرسل
معاه الدولالات لي ناس البيت.
| |
|
|
|
|
|
|Articles
|News
|مقالات
|بيانات
|
|
|
|
سجيمان
صديق الموج
abuguta
nazar hussien
shiry
عصام دهب
Raja
بلدى يا حبوب
Outcast
انستقرام
يوتيوب
بنتيريست