ادعم مشروع تدريب وتأهيل المكفوفين فى السودان بالتصويت على هذا الفيديو
السودان: تجريم العمل في مجال حقوق الإنسان يهدد حماية الحريات
صور وفيديوهات أحتفال بورداب الرياض بزملائهم م طارق مرغني .. اسماعيل التاج
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 03-22-2017, 10:31 PM الصفحة الرئيسية

مدخل أرشيف النصف الثاني للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!!!

12-20-2006, 11:15 AM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!!!

    كنت شاهدا ليلة امس علي حادثة سطو غريبة ورهيبة ومخيفة

    ففي حوالي الساعة 12 و40 دقيقة من بعد منتصف ليلة امس الثلاثاء 19 ديسمبر2006

    دخلت محل ( انترنت كافيه) في شارع 53 العمارات _ شارع محمد نجيب , صاحب الكافية

    شاب لطيف اعرفة جيدا ويمت بصلة القربي لصديقنا ناذر عضو المنبر وبينما كنت اتحدث

    مع صاحب المحل دخل شاب يرتدي بنطلون جينز ويضع كاب علي راسة قاطعا حديثي مع صاحب

    المحل سائلا :

    كم ساعة النت

    رد علية صاحب المحل ب 1000 جنية ( هذا كله امامي )

    فوضع يده علي راسة قائلا والللله كدي ( كمن يفكر) وفجاءة قام بخطف الموبايل الجديد

    لصاحب المحل وخرج (جاريا) بسرعة , كل هذا في اقل من دقيقة وقد الجمتني المفاجاة ولم

    استطع الحركة لثوان خرج مسرعا خلفة صاحب المحل وبعض رواد الكافية ولكن للاسف كان هناك

    من ينتظرة في ( موتورسيكل) فركب خلفة وانطلقوا بسرعة فائقة جدا !!

    الي هنا ويمكن لي ان اعتبرها جريمة واجد لها المبررات واضعها ضمن الجرائم العظام التي

    ظهرت في عهد الانقاذ ولكن الجريمة الكبري اتت بعد ذلك وهي من نوع الجرائم التي تقلق

    وتشعر المواطن بانه وكما يعالج نفسة بنفسة ويتعلم فعلية كذلك ايضا ان يجند نفسة

    واهلة وافراد اسرتة لحماية النفس والعرض والممتلكات !!

    والجريمة الكبيرة هي عند اتصالنا بالرقم (999) كما يحصل دائما في كل الدول المحترمة

    فرد علية احدهم وانقلكم للحوار :

    -الو السلام عليكم ياخي تعرضنا لسرقة بطريقة غريبة وعاوزين دورية

    الشرطي او الظابط(لايهم)علي الطرف الاخر :

    وين السرقة

    _ والله في شارع محمد نجيب العمارات


    الشرطي :

    والله دي ما اختصاصنا !!!!!!!!


    _ يااخي كيف السرقة دي هسة قبل دقيقة ممكن تتصل بالجهاز لاقرب دورية ؟!!


    الشرطي :

    يا اخي قلنا ليك شوف اقرب قسم ما اختصاصنا !!!!!!!!!!


    وضع الشاب سماعة الهاتف مستغربا فسالتة يا ربي الشرطة التي تضع شعارها

    الشرطة في خدمة الشعب وتستعرض عضلاتها وعرباتها نهارا جهارا في شوارع

    الخرطوم الرئيسية اختصاصها شنو ؟!!!!

    تبرع احد الاخوة وقال بان اقرب قسم هو السوق الشعبي , ركبت معهم العربة حيث

    لم استطع تركة هكذا وانا كنت شاهدا واستطيع التعرف علي المجرم ولو بعد 100 عام

    وصلنا قسم الشرطة (الشعبي) استقبلنا شرطي كان يجلس خارج القسم مستمعا لايات من

    الذكر الحكيم من جهاز راديو , ودار الحديث التالي :

    - السلام عليكم .. تعرضنا لسطو وكن.... ..

    الشرطي مقاطعا : وين

    _ في شارع محمد نجيب

    الشرطي مقاطعا: اختصاص اقرب قسم

    _ طيب لو سمحت اقرب قسم وين

    الشرطي : امتداد الدرجة الاولي (العمارات شارع 1)

    تحركنا راجعين خائبين محبطين لم نستطع الحديث مع بعضنا .. وصلنا للقسم وكان

    يجلس خارجا هذة المره 3 من افراد الشرطة يرجفون من البرد

    _ انا : السلام عليكم شباب لو سمحتو القسم دا اختصاصه لوين لانه اتعرضنا لسرقة

    في الشارع ده ذاته طوااالي شارع 53

    احد الشرطة : وين شارع 53 غرب الظلط ولا شرقة

    _ انا : غرب الظلط

    الشرطي: والله شوف ( اشار امامه من الناحية الاخري للشارع) لو كانت هناك مشاجرة

    دي ما قريبة ؟ انحنا بنوديها للاوسط لانه اختصاصهم ( لاحظ تفاعل الشرطة مع الجريمه) والبرود !!!

    _ انا: شكرا بس الاوسط دا وين كمان ؟

    الشرطي: يااخي الجنوبي !!!!!!!

    _ انا : الجنوبي بكون الاوسط كيف ؟

    الشرطي : الجنوبي بتاع المرور بتعرفه ؟ في ظهرة بتلقا الوسط !!!

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    تحركنا الي الجنوبي ( المركب مكنة الاسط) كل هذا استغرق حوالي 35 دقيقة بعد الجريمة

    وصلنا الاوسط ..

    _ انا : السلام عليكم يا شباب بالله البلاغات وين ؟

    الشرطي : ليه في شنو

    _ انا : ابدا سرقة بس وسطو بطريقة غريبة وجريئة وغير معتادة !! اظن !! .

    الشرطي وكان ايضا يجلس مع زملائة خارج القسم : امشي لمكتب الضابط

    دخلنا القسم والملاحظة الاولي وفي ذلك البرد الشديد كان هناك بعض ( المتهمين)!!

    يقومون بغسل البلاط و(الحوش) واحد الشرطة ممسكا ( بخرطوش) مياة صابا اليهم الماء

    وهم حفاة يغسلون ويمسحون في منظر غير آدمي وغير انساني ينتهك حقوق المتهم والانسان

    دخلنا الي مكتب الظابط ..

    مكتب الظابط يتكون من طاولة مكتب وكرسي و(سرير) , تلفزيون وجهاز ديجتال !!!!

    _ انا : السلام عليكم ( في يدة هذه المرة)

    الظابط: ببرود مصطنع وصوتا خفيضا اهلا !!!!

    _ والله في الحقيقة تعرضنا ( قمت بحكاية كل القصة) وساعدني صاحبنا المسروقة منه الاشياء

    الظابط : متثاءااب يا اخي في زول ما بعرف الحرامية من اشكالهم ؟!!!

    - انا : انا ما بعرف شكل الحرامية والله !!

    الظابط : ظاهرين الا انت برااك ..

    انا : براي و ظاهرين كيف وعلاماتهم شنو يعني شنو يا سيادتك العلامة البقدر افرز بيها الحرامي

    من المواطن الشريف السوي ..

    الظابط : يا اخوي ظاهرة بس المواطنين براهم بتاعين شبك ومهملين

    انا : لا ابدا معليش انت بتعرفهم لانك متخصص وانا ( ميت من الضحك) بس المواطن ما ممكن

    تقول ليه القبيلة دي حرامية ولا اللون دا ولا العلامة دي يعني انا بعد كلامك ده وانا سايق

    العربية لو لقيت زول عاوز مساعدة ومبنشر بقيف لية يعني انا ما ممكن الغي يا سيادتك

    تربيتي واخلاق المجتمع عشان اقعد اركز في (وش) الناس وبعدين دي عملية مرهقة وبتقتل

    المروءة والاخلاق عند الشعب ودي الباقية لينا بجانب انها تشعرنا بعدم الامان !!!

    _ الظابط : (وقد شعر بانني مستعد للنقاش ) والله الجريمة اتطورت في السودان

    انا : طيب ده ما هو الشي البتقوله الشرطة ووزارة الداخلية للناس انته بتقولوا انه البلد

    آمنه ونحنا قاعدين نتعامل باخلاقيات البلد الآمنة !!

    انا : المهم يا سيادتك هسة العمل شنو ؟ !!!

    الظابط : والله طالما شفتو (وشو)!!! هسه ناس المباحث برة في شغل تعالوا الصباح

    نوريكم صور يمكن تتعرفو علية !!!!

    انا : طيب هو مش الصور دي مفروض تكون في مكتب ومفروض يكون في ناس مباحث في مكتب

    وناس ميدانيين ؟!! ما عارف لية نجي الصباح تاااني !!

    الظابط : يا اخي يا ابن العم خلينا من الاجراءت دي ( وهو متحركا ع الباب) تعالوا

    الصباح وانشاء الله تتحل !!!!!!!!!!!!!!!!!!!!!!

    نسيت ان اقوا بانني لا اعرف رتب العساكر هذا الظابط لة نجمة واحده علي كتفة !!

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    هذه قصة حقيقية اقسم بالله العظيم عليها كنت شاهدا علي الجريمة وعلي مهزلة الشرطة ..

    السيد وزير الداخلية ومدير الشرطة نراهم يوميا مترافقين في وسائل الاعلام المختلفة ..

    عربات الشرطة التي تخلق البلبلة في السوق العربي كذلك كثيرة يقودها من لايعرف قدر

    البلد واقدارها ويركب معه افراد غلاظ لا يقيمون اعتبارا لامراة جائعة تفترش (برندات)

    السوق العربي لتبيع الطواقي عسي ان تاكل اللقمة الحلال تقيها شر الفاقة والعوز وسؤال

    الناس فتاتيها فلول الدهماء من كل فجا عميق يقودون سيارات مكتوب علي جانبها( شرطة)

    وهم يمارسون عمل المجرمين والفتوات يركبونها عنوة وبقوة !! هل هذة الشرطة ؟؟؟؟

    شيخا كبير يبيع ( المساويك) يالقرب من المسجد العتيق يقفز علية من السيارات المسماة

    مجازا بالشرطة فياخذة للقسم او لجهة قد يعرفها افراد الشرطة وساكني مجاري المتعافي

    هل هذة هي الشرطة ؟!!!!!!!!

    هل يعقل ان لا يعرف الشرطي دائرة الاختصاص ؟!! هل الرقم 999 للطوارئ ام لشي اخر يعرفة

    الوزير ومدير شرطتة الذي يتفنن في لبس الازياء السودانية الشعبية في كل مناسبة !!!!!!

    ما هي مهمة ومهمات الشرطة ؟ ومن هؤلاء الذين يقودون السيارات بسرعة كبيرة ويطلقون

    الابواق امام المدارس والمستشفيات ورياض الاطفال ؟ من هؤلاء ؟!! هل هم الشرطة ؟؟؟؟؟

    هل نحن آمنون في عهدكم يا وزير الداخلية ؟!!!

    هل يعقل ان تبدا التحريات في قضية خطيرة مثل هذة بعد24 ساعة وبعد ان يكون المجرم

    قد استعد للانقضاض علي الضحية التالية ؟؟؟

    هل يفترض ان احترم الشرطة وقوانينها بتلك الحالة البائسة ؟!!!

    انا شخصياعرفت بعد ليلة امس ما هي مهمة الشرطة ؟؟؟؟؟؟؟؟

    حفظ الله السودان من المجرمين ومن الشرطة

    امييييين

    منعم



    (عدل بواسطة عبد المنعم سليمان on 12-20-2006, 11:28 AM)
    (عدل بواسطة عبد المنعم سليمان on 12-20-2006, 11:33 AM)
    (عدل بواسطة عبد المنعم سليمان on 12-20-2006, 12:13 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 11:42 AM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    القصة اهديها لكل من يصدق شرطة جمهورية السودان

    لكل من يصدق شعار الشرطة الكذاب

    (الشرطة في خدمة الشعب)


    فقط لا تحلموا بعالما سعيد في عهد الانقاذ NEVER


    لا تحلموا ...


    ولصديقنا عبدالله (الله يعوضك) يبدو ان الجنجويد قد

    استباحوا الخرطوم ايضا !!

    الله يحفظ الوطن

    منعم


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 11:46 AM

بكري الصايغ

تاريخ التسجيل: 11-16-2005
مجموع المشاركات: 19331

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    الاخ الـحبيـــب الـحـبوب،
    عبدالمنعـم،
    تحـــيةطـــيبـة.

    بينـما كنت اطالع " الارشــيف والمكتبات " الخـاص بـ " سودانيـزاونلاين" للنصـف الثاني من عام 2005 لشـهر ديســمبر من نفـس العام، وقع نـظـري علي مـوضــوع جـاء تحـت عـنوان: " تضــامنـوامـعنا فـي فـضـح مـحاولة إغتيـال زميلنـا عبدالـمنعم سليمـان الفاشلة من قبل جهـاز الامـن " ، واكـرر مرة
    تـمنياتـي بســـلامتك الغاليـــة عنـدنا، وان كنت ألـومك بشـــدة انك رحـت اخـيـرآ بـحـسـب ماجاء في مقالتك و...., " وتـهـبـش مـراكـز البـوليـس!!!".
    ---------------------------------------------------------------------------------------------------------------------------------------نسخة قابلة للطباعة من الموضوع ارسل الموضوع لصديق اقرا المشاركات فى شكل سلسلة « الموضوع السابق | الموضوع التالى »
    أقرا احدث/اخر مداخلة فى هذا الموضوع »
    03-10-2005, 05:30 م

    عبدالعظيم عبدالله

    تاريخ التسجيل: 20-03-2004
    مجموع المشاركات: 683


    تضامنوا معنا في فضح محاولة اغتيال زميلنا عبد المنعم سليمان الفاشلة من قبل جهاز الامن السوداني


    دارفورنيوز3 اكتوبر
    [email protected]
    فشل الأمن السوداني في وقت سابق في تنفيذ إحدى عملياته الوضيعة والتي استهدفت الكاتب المرموق عبد المنعم سليمان بمحل إقامته الحالية بـ (..........). فيما علمت (دارفورنيوز) أن مليشيا من الأمنيين بإحدى الدول وعبر السفارة السودانية هناك دبروا محاولة الاغتيال المذكورة.
    والتحق سليمان الذي لا يزال متأثرا بجراحه جراء الحادث ، ككاتب ، مشاركا في إذكاء صوت الحق والحقيقة بصفحة (أخبار دارفور) ، فيما شهدت له ساحة الشتات في الخارج الصولة تلو الأخرى دفاعا عن دارفور والحق المسلوب ، وقرر الأطباء إجراء جراحة عاجلة للسيد منعم سليمان من المقرر أن تتم بدولة ألمانيا الشقيقة ..
    وموقع دارفورنيوز إذ يورد الخبر الحزين ، تضامنا مع الكاتب الكبير ، ومواساة لقراءه ولشعب دارفور الذي قدم على طريق ثورته كل غال ونفيس ، يسال الله العلى القدير أن يمن بالشفاء العاجل وينعم بالعافية على المناضل/ الكاتب الكبير.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 11:55 AM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    صديقنا بكري الصايغ

    احترامي

    Quote: تضــامنـوامـعنا فـي فـضـح مـحاولة إغتيـال زميلنـا عبدالـمنعم سليمـان الفاشلة من قبل جهـاز الامـن " ، واكـرر مرة
    تـمنياتـي بســـلامتك الغاليـــة عنـدنا، وان كنت ألـومك بشـــدة انك رحـت اخـيـرآ بـحـسـب ماجاء في مقالتك و...., " وتـهـبـش مـراكـز البـوليـس



    انا لست بالشخص المقصود اعلاة ..


    اظنة صاحب الاسم من دارفور فقط يشابهني في الاسم !!



    شكرا

    منعم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 11:56 AM

بكري الصايغ

تاريخ التسجيل: 11-16-2005
مجموع المشاركات: 19331

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)


    ..... كتب الاخ العزيـز ابوســـاندرا اليوم 20 ديسـمبر 2006 موضـــوعآ جـاء تـحـت عنـــوان: " من سميح القاسم إلى محمود درويش : يا محمود .. إحذر البرد والشرطة والتدخين !".

    اتـمنـي ان تطلع علي الـموضـــوع الشيـــق.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 11:58 AM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    Quote: فشل الأمن السوداني في وقت سابق في تنفيذ إحدى عملياته الوضيعة والتي استهدفت الكاتب المرموق عبد المنعم سليمان بمحل إقامته الحالية بـ (..........). فيما علمت (دارفورنيوز) أن مليشيا من الأمنيين بإحدى الدول وعبر السفارة السودانية هناك دبروا محاولة الاغتيال المذكورة.
    والتحق سليمان الذي لا يزال متأثرا بجراحه جراء الحادث ، ككاتب ، مشاركا في إذكاء صوت الحق والحقيقة بصفحة (أخبار دارفور) ، فيما شهدت له ساحة الشتات في الخارج الصولة تلو الأخرى دفاعا عن دارفور والحق المسلوب ، وقرر الأطباء إجراء جراحة عاجلة للسيد منعم سليمان من المقرر أن تتم بدولة ألمانيا الشقيقة ..
    وموقع دارفورنيوز إذ يورد الخبر الحزين ، تضامنا مع الكاتب الكبير ، ومواساة لقراءه ولشعب دارفور الذي قدم على طريق ثورته كل غال ونفيس ، يسال الله العلى القدير أن يمن بالشفاء العاجل وينعم بالعافية على المناضل/ الكاتب الكبير.



    يا بكري انا لست من دارفور وان كنت اتشرف بذلك فدارفور واهلها علي القلب

    دائما !!


    المقصود شخص اخر !!


    للعلم



    منعم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 12:35 PM

محمد عمر الفكي
<aمحمد عمر الفكي
تاريخ التسجيل: 10-15-2006
مجموع المشاركات: 7305

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    الاخ منعم
    تحية طيبة
    يبدو ان كراهيتك للانقاذ قد اوصلتك الي درك عميق واكبر دليل عليه هو الطراش الذي استفرغته بسبب "نخامة مرة السوق العربي علي كراعك" فيبدو اخي انه اصابك بالطمام فبقت نفسك طامة من اي حاجة حتي وصلت الي رجال شرطتنا الميامين.
    هذا عيب شائع في السودانيين والصحفيين خصوصا وهو التفاتهم الي صغائر الامور لان النفس وامالها صغيرة لا تتعب في مرادها الاجسام.
    بالله انت مغلغل 17 قسم بوليس وقاطع مسافة توصلك الكاريبي عشان "تلاتين حشرة؟!!!!!!" البلد مهددة بقرارات اممية وعقوبات دولية وانت تزعج رجال الشرطة بموبايل؟ عيب اختشي
    نحن في شنو وانت في شنو؟ المشروع الحضاري يتساقط رجال الشرطة يقتلون عينك يا تاجر وانت تلوم فيهم عشان موبايل؟ ما كفاية سهرانين الليل والنهار وانت نائم تشخر ما جايب خبر؟ يحاربوا في دارفور، استعداد طوالي عشان المظاهرات المشبوهة البتنظمها المعارضة، الواحد الليل ما بنوموا من قبل المظاهرة بيوم تلقاه الليل كله يطرق في سوطه وخرطوش البلاستيك بل يصل الامر انه الواحد يمكن يجربه في نفسه عشان يعرفه حار ولا لا!!!!!! واحتمال يفك في نفسه بمبان عشان يعرفه بخنق ولا لا!!!!!!! وانت وصاحبك دا ساكين ليكم عاشقة؟ اخجلوا وارتفعوا لمستوي الحدث؟
    كان ناقص تمشي ناس الجهاز عشان تصحيهم لموبايلك" اسف هو الموبايل ذاتو ما حقك، الشلاقة ليك شنو ما عارف" وخفت تمشي لوزير الداخلية او وزير الدفاع عشان "شيطانك" دا؟
    الناس ما في ايدهم حاجة بس انت مستعجل قالوا ليك تعال الصباح قمت رجعت الانترنت وقعدت تكتب فيهم.
    كمان جايب لك انسانية في ناس مجرمين ينظفوا في القسم، انت ما عارف انه النظافة من الايمان؟ وانه الرسول وصي عليها؟
    فعلا سقطت في نظري واثبت للجميع انه ما عندك وطنية.
    نداء لمن يهمه الامر ان تشتروا احسن موبايل وتجدعوه للصحفي دا في وشو هو وصاحبه الما بخجل.
    وفعلا الاختشوا ماتوا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 12:25 PM

بكري الصايغ

تاريخ التسجيل: 11-16-2005
مجموع المشاركات: 19331

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    الاخ الـحـبيـــب الـحـبوب،
    عبدالـمنعــــم.

    لك الشـكر علـي التوضـــيـح، وتابع الكـتابة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 12:30 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    شكر اخي بكري الصايغ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 12:35 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    يامنعم
    (تشكي للمرة الشكية )
    نقلاً عن الاستاذ النور الجيلاني في كدراوية كدراوية ... (بتكون سمعتها طبعاً)
    بداية :
    ياخينا الجاتكم في موبايل صاحبكم سامحتكم عديل
    ثانياً:
    ياخي إنت مفروض تشكر وزير الداخلية علي أنو الناس المشيت تبلغوا عندهم ديل
    ماقبضوكم تحت المادة ( المصحيكم لحدي الوقت ده شنو ) .
    والله لكن حرامي حريف حرفنة . مبالغة

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 12:54 PM

Hisham Ibrahim
<aHisham Ibrahim
تاريخ التسجيل: 02-19-2006
مجموع المشاركات: 3540

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: خضر حسين خليل)

    منعم

    الشعار بقة كدا (الشرطة مافي خدمة الشعب ولا حاجه).

    وعربات الشرطة دي عشان توصل الضباط لبيوتهم وتوصل نسوانهم للبكيات والأفراح.

    وزير الداخلية ومدير الشرطة (الـ.... باس) ديل شكيناهم لله.

    الله يعوض على كل من فقد شيء قبل كدا وبعد كدا !!!

    أبقوا حريصين على حاجاتكم.

    هشام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 12:46 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    Quote: يتساقط رجال الشرطة يقتلون عينك يا تاجر وانت تلوم فيهم عشان موبايل؟ ما كفاية سهرانين الليل والنهار وانت نائم تشخر ما جايب خبر؟ يحاربوا في دارفور، استعداد طوالي عشان المظاهرات المشبوهة البتنظمها المعارضة، الواحد الليل ما بنوموا من قبل المظاهرة



    ود الفكي


    شكرا لوقفتك مع شرطة الوطن ونتمني ان ترجع لنا الشرطة كما عهدناها دائما !!



    والله تحير طيب مرسل لناذر يبني ليك بيت ليه ؟!!



    كسرة :


    وانحنا راجعين بعد التعب داااك كله قابلونا 2 بوليس سواري راكبين حصين

    صاحبي قال لي وديل شنو ؟!!

    قلت لية ديل عندهم سباق !!!!!!!!!!!!!!


    الله يخلي الشرطة السودانية


    منعم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 12:56 PM

محمد عمر الفكي
<aمحمد عمر الفكي
تاريخ التسجيل: 10-15-2006
مجموع المشاركات: 7305

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    يا منعم
    علي الطلاق التلفون دا شكله قطع مصارينك، كفارة والجاتك فيه سامحتك" سوري الجات لصاحبك" قريب ناذر.
    بالمناسبة يا منعم ما تميت لينا القصة فتحت بلاغ ولا لسه؟ غايتوا لو فتحت بلاغ انا خايف يحصل لك الحصل لاشرف؟ اشرف دا واحد صاحبي انت ما بتعرفوا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 12:51 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    Quote: والله لكن حرامي حريف حرفنة . مبالغة



    والله يا خضر حرامي احرف من راجل المره


    بس الاحرف منه الظابط


    ده حكاية .. راجل ظريف جدا وعلي نياته !!



    عاوزني اعرف الحرامية بالشكل !!


    وانا خفت اقول ليه والله شكل الحرامي ال في ذهني


    عنده دقن

    منعم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 01:00 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    منعم
    هههههههههههه
    ضحكتني قلت لي حرامي عندوا دقن ياخي عليك الله ده وصف توصفوا هسي
    والله حراميك ده غايتو الا يكون مؤتمر وطني . لانو المواتر دي حتة حساسة شوية
    وبتدعم الحرامية (بتاعين أخوي وأخوك ديل) لانهم مابركبوا اي مواتر ولا عربات
    ديل حي الله تلبت وبس.

    خضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 01:06 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    هشام

    تحياتي


    Quote: أبقوا حريصين على حاجاتكم



    المشكلة يا هشام ما حاجتنا بس .. انا شخصيا حاجاتي كتيره

    حاجاتي انه الشرطة ما تجي في الكشة بس !!

    النسوان الفقراء والطلاب المحتاجين بشتغلوا في السوق العربي


    تصدق انه الشرطة بتدقهم وبتشيل راس المال وتصادره !!


    طيب حرامي الموبايل بالقوة ده كيف ما يجي !!


    ياااخ ما معقولة حكومة ما بتقدر توفر الرزق الحلال لشعبها !!

    انا ما عندي مشكلة انضرب ويشيلوا موبايل صحبي وموبايلي بس

    يراعوا للفقراء والمحتاجين ..

    ما ممكن عشان ربط لميزانية ولاية المتعافي تتشرد اسر ونساء وشيوخ

    ويكترو الحرامية لانه مافي لقمة حلال في كل البلد !!

    ما ممكن !!


    بمبان ما مشكلة .. جلد .. محاكمات سريعة كلها بنقبل بيها

    بس باللة الشرطة لازم تفهم حاجه واااحدة

    انه الامن الاجتماعي اهم من اي شي !!

    البلد محتاجة لشرطة فاهمة وواعية


    الشرطي لازم يشعر المواطن بالامن !!


    تعرف امس وانا طلعت من الظابط طلعت خايف لانه حكي قصص كتيره

    ومخيفة بصوره عادية جدا !!!!!!!


    نتعايش مع الاجرام يعني ولا شنو !!


    طبعا لا ولا يمكن


    احترامي


    منعم






                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 01:10 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    Quote: بالمناسبة يا منعم ما تميت لينا القصة فتحت بلاغ ولا لسه؟ غايتوا لو فتحت بلاغ انا خايف يحصل لك الحصل لاشرف؟



    والله يا محمد ما عارف !!

    الصباح ما مشيت .. عبدالله هو الشاكي بكون مشي ؟!!!

    انا الشاهد علي الحرامي وع البوليس !!!

    اشرف ماله يا محمد ؟!!


    انشاء الله ما ودوه الماسورة ؟!!!!!


    منعم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 01:16 PM

محمد عمر الفكي
<aمحمد عمر الفكي
تاريخ التسجيل: 10-15-2006
مجموع المشاركات: 7305

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 01:24 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 01:38 PM

محمد عمر الفكي
<aمحمد عمر الفكي
تاريخ التسجيل: 10-15-2006
مجموع المشاركات: 7305

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    بعد شوية برسلها ليك.
    تعرف مرة عندي تلفزيون اتسرق من المزرعة مشيت القسم افتح بلاغ العسكري سالني الاكتشف السرقة منو؟ قلت ليه انا؟ قال لي كيف؟ قلت ليه انا بجي بعد ما اصلي العشاء في المسجد حائم علي عنابر المزرعة اتفقدها واتفقد العمال فما لقيت العمال لانهم بيمشوا يتعشوا ويجوا راجعين فقمت عاينت لقيت التلفزيون مافي؟ قال لي كان معاك زول؟ قلت ليه لا، تتصور يا منعم قال لي شنو؟ والله العظيم بالحرف الواحد" الكلام دا بدينك وبخليك متهم!!!!" طبعا لا داعي اقول لك انه قلت ليه "يعوضنا صاحب العوض"
    مرة وقفت عربيتي في السوق ولانه نزلت في دكان جماعة اهلي ما قفلت العربية لانه ما حاتاخر ولانه العمال برا كتار بعاينوا ليها، دخلت الدكان وبعد اقل من دقيقتين اسمع ليك الجوطة بره، مرقت لقيت واحد ماسك ليه اتنين والناس متلمة عليهم، قال لي ديل لقيناهم مدخلين راسهم في العربية حقتك، قلت ليه "علي الطلاق لو سرقوها ما افتح فيهم بلاغ" وركبت ودورت وخليت الناس في لمتها.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 01:52 PM

محمد عمر الفكي
<aمحمد عمر الفكي
تاريخ التسجيل: 10-15-2006
مجموع المشاركات: 7305

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    والله العظيم واحد صاحبي انسرق قريب العشرين مليون، قام مشي لي ناس الدورية جنبهم وقال ليهم الحرامي سرق بيتنا هسي وهو في المنطقة قالوا ليه اركب، العربية دورت مامشت 100 متر قطعت بنزين، قالوا ليه امش جيب بنزين وتعال، وفعلا مشي جاب جالونين وجاء بعد ان طارت القروش والي الان رغم مرور ما يقارب 45 يوم علي الحادثة لم يظهر شي في الافق.
    انا وعدته اني اجيب ليه شمعتين في بداية الشهر التاني من السرقة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 02:15 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 28946

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    الله يعوضك يا عبد الله ..
    احمد الله اهو كان معاك عبد المنعم وهو زول ما شاء الله عليو ذاكرتو قوية (جمل بس )وبتذكر ليك الحرامي دا وكت ما شافو .. !!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 05:41 PM

Alshafea Ibrahim

تاريخ التسجيل: 12-12-2004
مجموع المشاركات: 6958

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    الأخ عبد المنعم
    أحمد ربك ما فتحوا ليك بلاغ إزعاج السلطات ؟؟؟؟؟؟؟؟
    تاني مرة ما تمشي المحلات دي نصيحة لله تعالى ، الشرطة الحالية متخصصة جبايات وهي باعتراف كل الدوائر الحكومية الإنقاذية أكبر منتهك للقوانين التي تنظم تحصيل المال العام - لا تهديها للوزير الوزير مشغول بأمور كبيرة أهديها لمدير عام الشرطة
    اخوك
    الشفيع ابراهيم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 06:00 PM

Elmosley
<aElmosley
تاريخ التسجيل: 03-14-2002
مجموع المشاركات: 33572

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    قطعا قصة صادقة

    ولكن لو طلبنا من كاتب كوميدي محترف أن يصوغ لنا مثل
    هذه المأساة لما استطاع

    اللله يكون في عونكم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 06:31 PM

ateif abdoon
<aateif abdoon
تاريخ التسجيل: 09-20-2006
مجموع المشاركات: 810

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: Elmosley)

    سلام يا منعم

    تعرف لحسن حظكم انو ناس المباحث ما كانو موجودين

    لانو اول حاجه قبل ما يعرفو الحكايه شنو

    كانو طلبو منكم تدفعو ليهم قدر سعر الموبايل مرتين

    حق العشا وشاي الصباح والسجاره و و ووو

    وحمد الله الف علي السلامه


    ((امال ايه مش الشعب في خدمة الشرطه))
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 08:08 PM

Salah Waspa
<aSalah Waspa
تاريخ التسجيل: 11-21-2006
مجموع المشاركات: 1139

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    الأخ عبد المنعــــــم

    ســـلامات يــاخ وكفارة للأخ عبــد اللــه

    وكم حزنــت يــا منعـم علـى ما آلت اليه أحوال بلدي الحبيب من استهتار

    ولا مبــالاة وصلـت حــد التفريــط فـي أمـن وســلامة المواطن وكأنــــه

    يطــلب حمــايته من أجنبي وكأنها فضــل مــن هــؤلاء عليــه .

    وعلى ذكــر هذا الحدث المخـــزي دعني أحــكي لك حكــاية إمرأة مسـنة لم

    تســتطع ذات يــوم قـفـل باب منزلها وقامت بالإتصال بشرطة النجدة وعند

    حضور الضابط علم بسبب إتصالها فما كان منه إلا الذهاب وإحضار قفلا جديدا

    ولم يذهب إلا بعد تركيبه القفل بنفسة والتأكــد من سلامتها ثم غادر وكانت

    قد كتبت الصحف الكندية عن تصرف هذا الضابط ليس لتجاوبه مع البلاغ ولكن

    لذهابه بنفسه وإحضار ما يلزم وقيامه بالتركيب أيضا فليت بلادي تقيٌم

    الإنسان وتجعله يغمض جفنيه وهو مطمئن على نفسه وماله وعرضــه .

    وأكثر ما لفت انتباهي في هذا البوست حكاية ومشينا لقينا نفرين تلاته

    قاعدين برة دي فهي جـد تجعل الواحد لايستغرب تصرف هذا الضابط الرابط

    المرابض .


    تحيـــاتي وعليك الله يامنعم ماتجيب لينا اخبار تغمــنا


    أخـــــــوك صـــلاح واســبه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 09:10 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    Quote: احمد الله اهو كان معاك عبد المنعم وهو زول ما شاء الله عليو ذاكرتو قوية (جمل بس



    الله يديك صبر الجمل يا ناذر اخوي


    منعم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2006, 09:22 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: yahoo ده السودان ( اهدي المهزلة لوزير الداخلية الفيلسوف ومدير شرطتة الوسيم ) !!!!!!!!!!! (Re: عبد المنعم سليمان)

    صلاح .. عاطف .. الموصلي .. الشفيع


    تحياتي وتقديري واحترامي



    الله يحفظ الوطن



    منعم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de