|
|
|
 Re: (إنشاء 1706 مسجد بالسودان) الآن!!.. دا اسمو... (Re: Ashraf el-Halabi)
|
Quote: منظمة السالكين الخيرية ترد علي قرار مجلس الامن بانشاء 1706مسجداُ بولايات السودان
الخرطوم 6/12(سونا) يشهد الدكتور نافع علي نافع نائب رئيس المؤتمر الوطني للشئون السياسية والتنظيمية ظهر بعد غدٍ الجمعة افتتاح مسجد قرية اللقيد بولاية النيل الاببيض والذي قامت بتشييده منظمة السالكين الخيرية بتمويل من الجمعية الاسلامية لمملكة البحرين
وقال الامين العام لمنظمة السالكين عثمان عبدالقادر الفادني ان افتتاح مسجد اللقيد يأتي في اطار ما اعلنته المنظمة بتشييد 1706 مسجداً رداً علي قرار مجلس الامن القاضي بدخول قوات اممية لدارفور
واوضح الفادني ان افتتاح المسجد يؤكد عزم المنظمة في تنفيذ ما تعهدت به بتنفيذ 1706 مسجد مؤكداً ان المنظمة شيدت حتي الآن ما يفوق الـ 800 مسجد في معظم ولايات السودان مشيداً بالجهود التي يقدمها الخيرون داخل السودان وخارجه مشيرا لدعم الجمعية الاسلامية وجمعية الاصلاح بالبحرين والدعم الذي ظل يقدمه دكتور نافع ودكتور مجذوب الخليفة وديوان الزكاة بالمركز وولاية سنار في دعم مشروعات المنظمة الخيرية بالسودان
//// |
| |
 
|
|
|
|
|
|
|
|
Re: (إنشاء 1706 مسجد بالسودان) الآن!!.. دا اسمو... (Re: Ashraf el-Halabi)
|
| Quote: وقال الامين العام لمنظمة السالكين عثمان عبدالقادر الفادني ان افتتاح مسجد اللقيد يأتي في اطار ما اعلنته المنظمة بتشييد 1706 مسجداً رداً علي قرار مجلس الامن القاضي بدخول قوات اممية لدارفور |
يعني لو كان رقم القرار (35,000,000) كان اسي يكون لكل مواطن مسجد!!..
يعني حتى المسيحيين والوثنيين والملاحدة!!
بكدا كان الإنقاذ تكون حققت دولة المواطنة...
وتكون أخرست الشيوعيين وبتاعين حقوق الإنسان بأنها نفذت المادة "2" من الإعلان العالمي لحقوق الإنسان..
كذلك نكون حققنا الاكتفاء الذاتي من المساجد, بالتالي نكون مززززقنا فاتورتها نهائي, ويصبح شعار المرحلة (نركع مما نصنع)
طبعا أكيد الوفرة دي تتيح لينا -بارتياح- تصدير المساجد الفارهة القديمة (زي النيلين والجامعة)...
أو نتبرع بيها لإخوتنا المساكين في الشيشان والبوسنة والهرسك.
وبرضو هي لله.
| |
|
|
|
|
|
|
|
|
|
Re: (إنشاء 1706 مسجد بالسودان) الآن!!.. دا اسمو... (Re: Omer Abdalla)
|
| Quote: شرع الائمة والمؤذنون بكوستي بتقديم دعوى ضد المسؤولين بالولاية بواسطة الاستاذ عبدالرحمن هارون نقيب المحامين بالولاية وطالب الائمة والمؤذنون باستحقاقاتهم المالية |
يعني الشغله بقت Occupation !!!
حليل عم صالح.. الله يرحمه مات بدري.. هسي كان بي صوته السمح داك عدادو فات عداد فرفور.
فعلاً زي ما قلت يا عمر عبد الله
| Quote: دا اسموا "غثاء كغثاء السيل لايبالي الله بهم" كما قال النبي المعصوم .. |
| |
|
|
|
|
|
|
|
|
|
Re: (إنشاء 1706 مسجد بالسودان) الآن!!.. دا اسمو... (Re: Ashraf el-Halabi)
|
Quote: كذلك نكون حققنا الاكتفاء الذاتي من المساجد, بالتالي نكون مززززقنا فاتورتها نهائي, ويصبح شعار المرحلة (نركع مما نصنع)
طبعا أكيد الوفرة دي تتيح لينا -بارتياح- تصدير المساجد الفارهة القديمة (زي النيلين والجامعة)...
أو نتبرع بيها لإخوتنا المساكين في الشيشان والبوسنة والهرسك. |
الاخ الحلبي
الله يجازي محنك
فيها شنو لو حققنا اكتفاء ذاتي في حاجة بس ولو كانت
المساجد ودخلنا مرحلة التصدير.
يجب ان نحمد للانقاذيين هذا الانجاز التاريخي بتحقيق
الاكتفاء الذاتي في المساجد لحد الوفرة والدخول في
مرحلة التصدير...
يعني الغرب لو زاد من تهديداتو ضد دارفور ممكن نصل
مرحلة خمسة مساجد لكل فرد بحيث يصلي كل وقت من
الاوقات الخمسة في مسجد من مساجده الخمسة الخاصة
به
واذا كان الفنان سيد خليفة بيغني ويقول:
وهنا ارقد في الرمال ولا اري غير الرمال
يعني ممكن تبقي بعد ثورة المساجد:
وهنا انظر في المساجد ولا اري غير المساجد في البلاد
مع خالص الود
| |
|
|
|
|
|
|
|
|
|
Re: (إنشاء 1706 مسجد بالسودان) الآن!!.. دا اسمو... (Re: omar ali)
|
Quote: يعني الغرب لو زاد من تهديداتو ضد دارفور ممكن نصل
مرحلة خمسة مساجد لكل فرد بحيث يصلي كل وقت من
الاوقات الخمسة في مسجد من مساجده الخمسة الخاصة
به
واذا كان الفنان سيد خليفة بيغني ويقول:
وهنا ارقد في الرمال ولا اري غير الرمال
يعني ممكن تبقي بعد ثورة المساجد:
وهنا انظر في المساجد ولا اري غير المساجد في البلاد |
بس يا عمر علي عيب السيناريو دا إنه فضل صلاة الجماعة بيضيع من المواطنين!!
أوعي يكون بمشي جيوب ناس الإنقاذ برضو!!
شفت المشاريع الحضارية ببنوها كيف؟.
| |
|
|
|
|
|
|
|
|
|
Re: (إنشاء 1706 مسجد بالسودان) الآن!!.. دا اسمو... (Re: Ashraf el-Halabi)
|
شكرا أشرف لطرحك لهذا الموضوع
بالمناسبة الموضوع ده مهم جدا زي ما عارفين, ليه ما نحاول نشوف حكاية استغلال الدين دي, ومعروف انه ده واحد من اكبر الابواب غير المحكمة الاغلاق وزي ما معروف الباب ده دخلوا منوا كتار للسلطة أو القوة أو الثروة والجاه....
(إنشاء 1706 مسجد بالسودان)؟؟؟؟؟؟؟؟؟؟؟؟؟؟؟؟؟ هل فعلا المسلمين بالسودان عايزين العدد ده؟
طيب خلينا نعمل ما عارفين!!!!! و نسأل سؤال برئ جدا:
قصاد الجوامع و المساجد دي:
ما عدد المدارس التي بنيت؟ واذا موجوده هل هي مجهزه بكل الادوات والمعلمين المؤهلين؟
وهل هي مجانية؟ زي ما المساجد دي استعمالا مجاني؟؟؟
كم مركز صحي وكم مستشفي مؤهل اتبنوا؟؟
كم مشروع تنموي حقيقي تعود فوايده للمواطن مباشرة, تم انشاؤه؟؟؟
ياناس اللحى الكذابة من قبل ومن بعد. اقول ليكم كلمة:....
كفاية
| |
|
|
|
|
|
|
|
|
|
Re: (إنشاء 1706 مسجد بالسودان) الآن!!.. دا اسمو... (Re: Yasir Bastawi)
|
Quote: ما عدد المدارس التي بنيت؟ واذا موجوده هل هي مجهزه بكل الادوات والمعلمين المؤهلين؟
وهل هي مجانية؟ زي ما المساجد دي استعمالا مجاني؟؟؟
كم مركز صحي وكم مستشفي مؤهل اتبنوا؟؟
كم مشروع تنموي حقيقي تعود فوايده للمواطن مباشرة, تم انشاؤه؟؟؟ |
ياسر بسطاوي إنت شيوعي ولا شنو؟
دا بقى كلام أعداء التوجه الحضاري زاتو!!
يعني الحكومة دي تتقطع!!
ياخ ما بنت ليكم الجوامع المكندشة وجهزتها بأحدث أجهزة الصوت والإضاءة وفرشتها بأفخر السجاد، كمان تجهز ليكم المدارس والمستشفيات ومتاع الدنيا!!
ما تبنوا إنتوا مدارسكم ومراكزكم الصحية وتجهزوها براكم، ولا تقروا وتتعالجوا تحت أي شجرة!!
شعب مدلع صحيح!!
| |
|
|
|
|
|
|
|
|
|
Re: (إنشاء 1706 مسجد بالسودان) الآن!!.. دا اسمو... (Re: Ashraf el-Halabi)
|
(دار العوضة تشيد مدارسها بالعون الذاتي)
دا عنوان بوست موجود بالصفحة الأولى جاء فيه:| Quote: وذكر الأمين المالي بأنهم خاطبوا المسؤولين مرارا ولكن كانت النتيجة أن وعدوا ببناء فصل واحد مقابل فصلين للرابطة. |
| Quote: دار العوضة عبارة عن قرية كبرى تقع شمال مدينة دنقلا وجنوب أرقو وهي منطقة نائية تنعدم فيها الكهرباء والمياه |
الأعزاء رابطة دار العوضة
بعد التحية
قولوا لمسئولين ديل رابطتنا قررت تبني مسيد في دار العوضة تعبيرا عن رفض أهالي المنطقة للقرار الأممي 1706, المسئولين حا يقولوا ليكم حرررم قصاد مسيدكم دا نهدي منطقتكم عشرة مساجد من الـ 1706 مسجد بتاعين منظمة السالكين ويجي يفتتحها د. نافع شخصيا (الله أكبر, ومعاها رفعة يد) وبعد ما يمشي سعادتو صلوا في مسيدكم والعشرة مساجد حولوها لمدارس أساس وثانوي وجامعة ومستشفى وكل ما ينقصكم.
وبالله التوفيق
| |
|
|
|
|
|
|
| |
Ashraf el-Halabi
الصادق اسماعيل
Omer Abdalla
omar ali
فيس بوك
تويتر
انستقرام
يوتيوب
بنتيريست