|
اجمل الإغاني النوبية للرطانة و محبي الفن النوبي
|
التحية لكل عشاق الفن النوبي الإصيل و اهديكم اجمل اغاني النوبة تميز موسيقي بديع و كلمات مبدعة تحكي عن عشق ولهان للمحبوبة ، البلد، الطبيعة ، العادات و التقاليد النوبية
قدموا طلبات باغانيكم المفضلة و إن شاء الله بحاول تلبية طلباتك
|
|
|
|
|
|
|
|
Re: اجمل الإغاني النوبية للرطانة و محبي الفن النوبي (Re: Sayed Bekab)
|
ود بيكاب كرريقون آجا نل سالم سليما انتان
اللغة النوبية افضل من كلمة رطانة انها لغة اقدم من معظم اللغات المنشرة علينا ان نحافظ على مقدراتنا وتراثنا هى ليست برطانة.. يمكن كما اللغة الانجليزة رطانة لمن يجهلها .. فانها لغة سودانية 100% اصيلة غير مستوردة حتى ول غزتها بعض الكلمات المستحدثة
أفيلوق
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: sharnobi)
|
احبائي
الشرنوبي النوبي الإصيل
النزيز حجازي عاشق الفن النوبي الجميل
الوجيه وجدي صالح ذو الطله البهية
منان صاحب الهم النوبي
ابوبكر حفيد ترهاقا الصامد
إهديكم هدية مباركة و ان شاء الله عيدكم سعيد
اول باكورة انتاجنا هدية لعاشق الفن النوبي النزير - عديلة بصوت المشجي امير مكاوي المشهور بامير الخلا و ياحليلك يا بلد
عديله
To save right click on Adeela, then save target as
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: sharnobi)
|
ود بيكاب، كل سنة وإنت طيب وإن شاء الله السنة الجاية على أمنياتك، وشكراً كثيفاً على هذه المبادرة الرائعة
والله بوستك دا معاي فى جرح، أنا من عشاق الفن النوبي ،على الرغم من إني مانوبي ومافاهم حاجة، لكن دائماً الأغنية النوبية تدغدغ في الحنين إلى جيرة وعُشرة طيبة مع أهلنا النوبيين فى أيام مضت فرحاً لن ننسى ذكراها، وإذا أحب الله عبداً وإجتباه أسكنه جار نوبة، لك ولكل النوبيين أسمى معاني الحب القدسية.
يلا بعد كلامي السمح اللي كتبتو عنكم فوق دا، حقو أنا أول واحد تبدأ بيهو ، وعايز أغنية "عديلة" مع النص والترجمة (دي إذا ماطلعت هي نفسها اللي طلبها دكتور شرنوبي، لأنو أخوك زي الأطرش فى الزفة، وكان طلعت هي زاتها عليك الله نزل لينا أغنية البلابل، اللي مضمونها بقول:" نحن لا نحفل بكلام الناس مهما يقولوا عننا"
ولك كل شكري وفائق إمتناني
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: Sayed Bekab)
|
كورييق اجا نلن
بشريات الوافد الجديد
عايزين غير الموجود في كل مواقعنا الاسفيرية .. طالت المدة بيننا وبين اغانينا بغيابنا الذي طال وصار مسيخا نافسنا فيه كل اجدادنا واباءنا الذين قضوا عمرا في المهجر قبل ان يكون المهجر ملاذ ملايين السودانيين...نريد غناء نوبيا ليس فيه مفردات مستعارة من اية لغة اخري كبعض غناء وردي ومكي وخالي محمود احمد خيري .. نوبيا يجعلنا نبحث عن الكلمات التي اختذلتها الذاكرة فنعييد استعمالها ... وعشمنا فيك كبير
لكم مودتي ابوبكر
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: Sayed Bekab)
|
احبائي
الشرنوبي النوبي الإصيل
النزيز حجازي عاشق الفن النوبي الجميل
الوجيه وجدي صالح ذو الطله البهية
منان صاحب الهم النوبي
ابوبكر حفيد ترهاقا الصامد
إهديكم هدية مباركة و ان شاء الله عيدكم سعيد
اول باكورة انتاجنا هدية لعاشق الفن النوبي النزير - عديلة بصوت المشجي امير مكاوي المشهور بامير الخلا و ياحليلك يا بلد
عديله
و عندي ليكم كم تسجيل مختلف لعديله
To save right click on Adeela, then save target as
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: Sayed Bekab)
|
الحبيب سيد بيكاب لك التحية وكل عام وانتم بخير تجدني من عاشقي الاغاني النوبية الاصيلة لقد كان الفنان الراحل الموقيم احمد مونيب لة الرحمة فناني المفضل وسمعت العديد من الاغاني النوبية من خلالة وكانت قمة الروعة مع العلم نا لا افهم اللغة الحلفاويية الاصيلة لاكن بحاول اكتب ما تجود زاكرتي اسمر شرليتوا ....اي واللة دسري ناريكو .. ايواللة انقيرهنيفاي موناي دولي ياودشوسي هيرمينة ايلنقا شورتنقة .....................اهة دحين مابعرف ارطن ولك منن كل الحب تخريمة اتمني ان اغني بهذة اللغة الجميلة لكل من يحبها
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: Sayed Bekab)
|
الاخ الـحبيـب الحــبوب، " ابـو أسـيل " بـوكـاب. ســلام بالكوم واشـواق كـتيرة.
عنـدي اشـرطة فيـديو وكاسيـتات نادرة باللغـة النوبيـة، ومشـكلتي لابعرف انزل الاغانـي دي في الكمبوتر وبعد الكمبيوتر للـمنبر.. " شـغلانيـة "!!!. مسـتعد وبكـل تـرحاب ارسـل لك تـسـجيلات منها او كلها حسـب ظروفك..بس تنزلها للمنبـر عشـان الناس تســمع " دســن بـراما " و " أشـدو حلفـا "!!.
قول لي كـيف الطريقة و " إهـنا الآ الرهب والسـعهـ " ولـك مـودتـي !!!!.
ملحـوظة : لـم أجـد أصـلآ كلمة " أسـيل " في " المنـجد في اللغة والاعلام"!!.
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: Sayed Bekab)
|
سلام يا بيكاب يا جميل ومبروك اسيل
ويا بكرى يا قريبى انا ما عربى لكين بعرف معنى اسيل يعنى ذات الخد المورد.. وكل سنة وانت فرحان مع نايرات الخدود.. مش من اصلى واصيل (اسلى واسيل كما يقول اهلنا (اللسين سينا وللا سادا) مع حبى لكما.. وفى انتظار تسجيلات بكرى النادرة.. نورالدين منان
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: Sayed Bekab)
|
الاخ الـحبيـب الحـبـوب منـان " قـريـبي "
سـررت وإيـما سـرور بـتعليقك الجـميل، ولكن تبقي المشـكلة قائـمة وهـي ان هذة الكـلمة " أسـيل " غيـر موجـودة عربيـآ في اقـوي قاموس لبنانـي " الـمنجـد فـي اللغة والاعـلام "!!!!. ....ولا يـمكـن الكـلمة دي ظهـرت بعـد طباعة القـاموس !!!? او يكون بيـكاب " قاطـعها من راسـة!!!??.
.............. نحـتكـم للأمم المـتحـدة!!!!.
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: ابو جهينة)
|
اعزائي بكري الصايغ و منان و ابوجهينه
تسلموا علي الإهداء لكن مافي داعي للإمم المتحدة لانو المولودة اسمها ريل سيد بيكاب ما اسيل و ما عارف اسم اسيل ده جاكم من وين لكن مالو كان بترسلوا الخرفان قبل يوم الجمعة بناديها اسيل و بجيكم راجع لطلباتكم
بكري مرحب بيك حبابك رسل الشرائط و ممكن اعدل لهم ليك ل DVD وارسلهم ليك تاني ان شاء الله لكن الشغلانية دايرة وقت شويه لو بتصبر برسل ليك عنواني البريدي
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: Sayed Bekab)
|
الاخ الـحبيـب الـحبـوب، بيـكاب، سـلام بالاكـوام وتـحـايا عطــرة،
اكرر التهــاني والف مبروك بـــ " ريـل "، وتتـربي إن شـاء اللة في عــز ورغـــد بإذن اللـة، عـن الاشـــرطة الفيـديو والكاسيتات القـديمة حأرسلـها لـك متي ما رغبـت، وارسـل العنوان. اما بخصـوص الاسـتعجال فـهي اشـرطة قاعـدة معاي ليـها 12 ســنة. لـك مـودتــي.
| |
|
|
|
|
|
|
Re: اجمل الإغاني النوبية للرطانة و محبي الفن النوبي (Re: Sayed Bekab)
|
وجدي صالح
التحية لك و لكل احبائي فى حلفا انتظر مني اسمر اللونا قريبا بمخلتف الإصوات ان شاء الله
منان التحية لك مجددة
عديلة بالطمبور بصوت محمد عوض و الكورس الابداااااع
محمد عوض-عديلة
النذير لسه جاياك عديله باصوات مختلفه شيل الصبر سمح اخوي!
نادر السوداني
لكن ما طلعته خطير عديل كده الله يرحم احمد منيب كان فنان بمعني الكلمة و لقد التقيته عده مرات فى الإسكندرية لك مني اعطر التحايا
محمد مكي محمد
التحايا كل التحايا لفناني شمال النوبة و الرائد الفنان حسن الصغير و فكري كاشف و عادل باطا و حمو باطا و خضر العطار و اب الفن النوبي علي كوبانه
ابو بكر
اهديك الخال محمد احمد خيري
محمد احمد خيري
حاتم ابراهيم
اهديك مكي علي إدريس بالطمبور فى هيلا
هيلا-مكي علي إدريس
ناظم تسلم يا حبيبنا
ابو جهينه
اهداء خاص لك و المبدع حسين ألالا
المبدع حسين ألالا
| |
|
|
|
|
|
|
|