|
|
|
 Re: انا سوداني هدي الجنسية .....ابوي حلفاوي وام ذاندية ......وجد غرباوي حفيد ميسيرية (Re: نادر السوداني)
|
انا سودانى وابوى سودانى **** مزيج من نوبة وزنج وفولانى
من انزارا وام كدادة ***** بجاوى وشايقى كمان حسانى
انا منصورى وانا شلكاوى ***** وانا فوراوى وانا بطحانى
كوشى وجدى بعانخى وكشتا ***** ومهدى قدير والماظ فى كيانى
انا سودانى.. وابوى سودانى **** انا سودانى وليد نوبية
ابوى زانداوى وام شكرية **** وعمى الجعلى وخالتى لقية
وخالى اساغة وصافى النيى ***** والحبوبة مهيرة السمحة
والخالات تامزين ورقية ***** انا سودانى مية المية
يا نادر يانادر...
نورالدين منان
| |
 
|
|
|
|
|
|
|
|
Re: انا سوداني هدي الجنسية .....ابوي حلفاوي وام ذاندية ......وجد غرباوي حفيد ميسيرية (Re: نادر السوداني)
|
انا سوداني هدي الجنسية
ابوي حلفاوي وام ذاندية
وجدغرباوي حفيد ميسيرية
مينوالبيقول مالينا هوية
في لوني سواد مخلوط خمرية
كلامنة رطانة ولغة عربية
اجدادي زمان ما دفعوا الدية
فرسان واسود للحرية
لي جدي بعانخي قصص مروية
ولدوا امام قايد مهدية
حتي طالب الكلية
هذم العسكر والرجعية
ولد البقارة قرونة قوية
يكمبل ويعرض في ثورية
جبل لادو حجار نارية
تحرق الكافر والة نية
النخل العالي في الشمالية
يصد الريح لو هبة علية
الكرم والجود والحنية
في التاكا ياناس مية المية
| |
|
|
|
|
|
|
| |
نادر السوداني
Marouf Sanad
wesamm
Tragie Mustafa
sumah
Tumadir
Mannan
فيس بوك
تويتر
انستقرام
يوتيوب
بنتيريست