|
|
 قررنا الآتـى : ـ
|
نحن / بشـير حسن بشـير ، عضو منبر سودانيز اونلاين منذ 26- نزفمبر 2004 م ، قررنا الإنسحاب من البورد وتعليق عضويتنا بلا رجعه وللأبد ، وترك المكان لمن هو أجدر منا بذلك ، وذلك للأسباب : ــ
شاركت فى الكثير من الردود على بوستاتكم إخوتى ، وأنزلت بعض البوستات بإسمى مباشره ،وإنى لأكيد أنها مشاركات فاعله منى ، إحترامى لتقديركم بما كتبته أن كان صالحا أم طالحا ، ولكنى متأكد أنه صالح بما فيه الكفايه ولأبعد الحدود ، الموضوع الذى أنا بصدده الآن هو بوســت منى أنزلته قبل 11 ساعه من الآن هذا البـوســت الآن على وشك الخروج من الصفحه الأولى دون أى رد منكم زملائى ، والبوســت هو بعنوان (( كل سنه وإنت طيبه حبيبتى )) دعوه كريمه منى لكم جميعا بمشاركتى فرحتى فى عيد ميلاد بنتى جومانا الخامس ، ولكن لا رد ولا حتى كلمه من أى واحد فيكم ، الرد قد وصلنى منكم جميعاوهو الرفض فى مشاركتى ، لكم الشكر ولى القرار فى الإنسحاب
غير مأسوفا على وعلى الأخ بكرى الإستفاده من المكان الذى سيكون شاغرا لقلم من الأقلام المفيده والمقبوله ، ولكم الشكر ...................
|
|
 
|
|
|
|
|
|
|
|
Re: قررنا الآتـى : ـ (Re: بشير حسـن بشـير)
|
الحبيب بشير
حقك و حق جومانا علينا و كل عام و هي بألف خير
أكيد تكتب ما هو قيم
وليس الإهتمام ببوست ما دليل أهمية ما به
جرب أن تكتب بوست بعنوان مشكلة أو شكلة أو ما شابه ستجد القراء طقشو الألف في ربع ساعة
فقط اعطنا و أعط القراء فرصة أن يقرأوك من جديد
محبتي
لنا
| |
|
|
|
|
|
|
|
|
 Re: قررنا الآتـى : ـ (Re: lana mahdi)
|
يا بشير قول يا لطيف نحن لنا عامين عتاله لما نكتبه دحين لوك الصبر وتورب لك أخوان تلقاهم لى قدام والف عيد ميلاد سعيد لصغيرتك وإن شاء تفرح بنجاحها وسعادتها وطول عمرها....فيا صديقى ياتينا الشعور 60 مره فى الدقيقه ولكن نقول ربما فى الدقائق القادمات حتى قوت فارات الأصابع وصرنا نرفع ما نكتب دون حرج ونستمتع بذلك عسى ولعل شخص خارج كون المنبر يستجيب ولو بدعاء....(فبلاش تفارق خليك هنا)
مع خالص الود والسلام
منصور
| |
|
|
|
|
|
|
|
|
|
Re: قررنا الآتـى : ـ (Re: lana mahdi)
|
يا عم بشير والله لو بحسبوها كدة المنبر دة كان فضلوا فيهو أقل من عشرة أشخاص لكن نحن عايزين نطرح أراء محددة بغض النظر أن تفاعل معها الناس أم لا , أخوك ذاتو الحال من بعضو لكن أنا قاعد فوق قلبهم كدة بس.
و بالمناسبة كل سنة و جومانا بخير
خالد
| |
|
|
|
|
|
|
|
|
|
Re: قررنا الآتـى : ـ (Re: بشير حسـن بشـير)
|
استاذنا/بشـير حسن بشـير
وابنتنا جومانا
لكم الاسف حتى ترضون ,انا متاكد من نفسى ونيابه عن بقية الزميلات والزملاء من عدم التجاهل..عارف الدنيا صباح والجماعة كلهم بداية دوام عين فى الشغل والثانية فى سودانيزاونلاين ...
عقبال الاف شمعة لابنتنا جومانا وكل سنة وانتم بخير..
برجاء العدول عن قرار الانسحاب
| |
|
|
|
|
|
|
|
|
|
Re: قررنا الآتـى : ـ (Re: بشير حسـن بشـير)
|
كلنا في الهم شرق اخي بشير الحسن لبنت طول العمر والسعادة ودامت احتفالاتك ,وحتى الفرح الاكبر بالتحرر من ربق الاستعمار الجاثم على صدورنا 17 عامآ والاخر المتحفز للإنقضاض سودانييزاونلاين موقع مبسط لخريطة السودان الكبرى المنقسمة والمتجزئة والمتبعثرة شلليات وتكتلات وصداقات هي العامل الاكبر للإندفاع نحوالردود قليلون هم الذين يقرؤن من الفائده دونما قرارات مسبقة وانطباعية او اخوانية سيدي لا تنسحب بل قاوم التجاهل بمزيد من الكتابة وفي النهاية البقاء للأقيد وان طال الزمن مرة تانية مليون بوسة لجمانة الحبيبة ولك طول البقاء حتى نحيلكم لمتحف سودانييز ولك ولجمانة الحياة كلها ولكل اطفال السودان المستقبل المشرق .لا نـَأسَـفُ عـلى غـَــدْر ِالـزَّمـَـان ِلـَطالـَمـَا
رَقـَصَـتْ عـَلى جُـثـَثِ الأسُـودِ كِـلابا
لا تـَحْسَبـََنَّ بـِرَقـْصِها تـَعـْلـُو عـَلى أسْيَادِها
تـَبْقـَى الأسُودُ أسُودا ً والكِلابُ كِلابا ..
| |
|
|
|
|
|
|
|
|
|
Re: قررنا الآتـى : ـ (Re: محمد مختار جعفر)
|
عزيزي بشير
اعتبر نفسي مقصرا في حقك حقيقة
ولك العتبي حتي ترضي
واحس تماما بما يعتمل في صدرك
كل عام وابنتك بالف خير
وارجو ان تعدل عن قرار المغادرة
دوما اسعد
| |
|
|
|
|
|
|
|
|
|
Re: قررنا الآتـى : ـ (Re: ASAAD IBRAHIM)
|
فصل ليك تهمة بانك امنجى ولا كوز عينك قوية
ولا اقول ليك (قول النصيحة ) عديل فى المنبر والله يكرهوك الكتابة ( حتكون عليك دمغات شائم وشيل حال اخير منها فقر الردود )
| |
|
|
|
|
|
|
|
|
|
Re: قررنا الآتـى : ـ (Re: بشير حسـن بشـير)
|
عمنا بشير
انا شخصيا اسف جدا
شفت بوستك لكن مادخلت
اصلو انا زول ريف حكاية اعياد الميلاد والزواج دى ما عندي فيها كبير غرض
حرم يا بشير انا ما عارف تاريخ ميلادي شايل شهادة مكتوب فيها يوم 1: 1
والسواد الاعظم من ناس الريف بيشاركوني في التاريخ ده الحاجة الكويسة انو عيد ميلادناالمزيف بيصادف راس السنة و عيد الاستقلال
عشان كدة ياعمنا ماتزعل
اما التجاهل كما يسميه د مصطفى دى ظاهرة عامة حرم مرات انا بوستيي بتاع الليلة في اليوم التاني بجيبو من قريب للارشيف
ياخى الناس معذور مشاغل الحياة كترت
فتك بعافية
| |
|
|
|
|
|
|
|
|
|
Re: قررنا الآتـى : ـ (Re: بشير حسـن بشـير)
|
كل سنه وجوماناكما تحب ..وبالف خير..
Quote: يا عم بشير والله لو بحسبوها كدة المنبر دة كان فضلوا فيهو أقل من عشرة أشخاص لكن نحن عايزين نطرح أراء محددة بغض النظر أن تفاعل معها الناس أم لا , أخوك ذاتو الحال من بعضو لكن أنا قاعد فوق قلبهم كدة بس.
|
خالد: (الله يديك العافيه) .. مت من الضحك..
بشير: Quote: أخوك ذاتو الحال من بعضو لكن أنا قاعد فوق قلبهم كدة بس.
|
.. انزل بوستات ولا بهببو لي..
مش كدا وبس .. في ناس اداخل معاهم يطنشوني .. شفت المحن دي كيف..
لكن شئ افضل من لا شئ ..
المنبر مقروء .. واهو الواحد بوصل صوته..
دمت بكل خير..
| |
|
|
|
|
|
|
| |
بشير حسـن بشـير
lana mahdi
munswor almophtah
خالد عبد الله محمود
حسن الجيلى سعيد
Mohamed Elnaem
الرفاعي عبدالعاطي حجر
محمد مختار جعفر
ASAAD IBRAHIM
محمد حامد جمعه
الطاهر ساتي
عبد المنعم سليمان
عبد المطلب خضر عبد المطلب
فيس بوك
تويتر
انستقرام
يوتيوب
بنتيريست