|
|
 لماذا يدافع محمد الحسن العمدة عن الكيزان؟
|
===========
هل محمد الحسن العمدة كوز مزروع وسط الانصار؟
عادة اذا كان الكوز مزروع لايظهر علي مستوي القيادة ما حقيقة هذا الرجل
سائق السيد محمد عثمان الي وقت قريب بجده كان مزروع من قبل النظام لم يكتشفه احد الا عندما.....
كان لايتحدث في السياسه وكاتم طول الوقت
محير امر محمد الحسن العمدة
هل هو من دفع مجموعة مبارك الفاضل للمصالحه مع النظام وتخلي عنها كما تقول الاخبار المرويه
ربي اغفر لي ربي اغفر لي
|
|
 
|
|
|
|
|
|
|
 Re: لماذا يدافع محمد الحسن العمدة عن الكيزان؟ (Re: saif massad ali)
|
| Quote: لماذا يدافع محمد الحسن العمدة عن الكيزان؟ |
قيل الساكت عن الحق شيطان أخرس..
وبحسب معتقد المسلمين..
وواقف عريان نجل زي لوحات خالد كودي..
ووهمات خيال المآته بتاع مردا كودي..
يا ود عوج الدرب..
إنما المؤمنين إخوة..
وبعضهم أولياء بعض..
أعتقد أن محمد حسن العمدة مسلم واقف في الضفة المقابلة لأعداء الإسلام..
يا ود عوج الدرب..
عشان ما أنسى وعندكـ كمان..
قالوا..
الكفر ملة واحدة..
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
سيف مساعد
كيفنك يازوول ولعلك طيب
يوجد فرق بين الكيزان والدفاع عن الحق ...
محمد حسن العمده يدافع عن الحق ...
علي فكرة الشيخ البرعي له الرحمة والمغفرة ... لديه علاقات وثيقة جدا بالكيزان ولمن لا يعرفه اي البرعي يظن انه كوز ..
وانت لديك صلات طيبة بالشيخ البرعي ... يعني ببساطة ممكن نتهمك زورا وبهتان بانك كوز ويمكننا ان نثبت ذلك بحكم انك مسلم ومن مريدي الشيخ البرعي...
شفت كيف ان بالامكان الصاق الاتهامات واثباتها ...
شكرا لسعة صدرك
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: A.Razek Althalib)
|
الشقيق / سيف
لك التحية ....
| Quote: هل محمد الحسن العمدة كوز مزروع وسط الانصار؟ |
لا ليس كذلك ....
محمد الحسن العمدة أنصاري مزروع وسط الاحباب الانصار ...
أعرفه منذ المرحلة الثانوية ثم الجامعية وقد تعرضنا معا الى الكثير
من أذى الكيزان ... ولا اظنه يدافع عن الكيزان ...
.
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
في يوم الأربعاء الأغر
يوم نزل السيد الصادق وأسرته
الى وسط الخرطوم في مقدمة
المتظاهرين ضد سياسة الإفقار والتجويع
كانت الدكتورة بيان تقود المرجفين في المنبر
لدعم أولياء نعمتها من المفسدين الذين
أدخلوا الدين الى بورصة التجارة والأعمال
ومع ذالك
خرج علينا الأستاذ ودالعمدة
وفي يده لافتة عريضة يدعونا فيها
أن نرفع أقلامنا وفرشاتنا عن الدكتورة
الشئ الذي لم نجد له تفسيرا
مودتي عمر
| |
|
|
|
|
|
|
|
|
 Re: لماذا يدافع محمد الحسن العمدة عن الكيزان؟ (Re: عمر دفع الله)
|
سيف مساعد..
ما تخاف وما حأقوقلكـ..
| Quote: عرفتك انت اول زول بنط لي في رقبتي |
ليه كرفته..
| Quote: البوست ده مو ليك يا اخوي انا عايز ود العمدة شخصيا |
خير من يدافع عنكـ غيركـ..
يا ود عوج الدرب..
أعرف الحق بتعرف رجاله..
أختلف مع ود العمدة سياسياً في كثير مما يطرح..
وألتقيه في كثير من المواضيع الدينية..
ولكن لن أجرده حقه في التعبير عن ذاته وخطه..
وإن إختلفت ذاته وخطه عن خط حزبه..
دم بخير ولك مودتي..
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: A.Razek Althalib)
|
عند الحق السوداني الاصيل لا يفرق بين الكوز وغيره ولقد ظهر
معدن السودانيين الاصيل في ادانة الجريمة التي اودت بروح محمد طه
على الرغم من اختلاف غالبيتهم معه لدرجة العداء .
ومن معرفتي بك يا حبيب لا اعتقد انك ستقف موقف المتفرج وانت
ترى صديق لك يتعرض لاغتيال شخصيةان كان كوزا او ابريق.
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
عزيزي الفاضل سـيف ..
حبـي وتحيـاتـي ..
| Quote: هل محمد الحسن العمدة كوز مزروع وسط الانصار؟ |
كمـا قـال الشـقيق جمـال :
ود العمـدة حبيـب مـزروع فـي نبض الأحبـاب ..
بـل هـو نمـا فـي نبض كـل الشـرفـاء ..
أهـم مـا يمـيز ود العمدة عزيزي :
إنه لا يؤمن بأن الحق يحتاج إلى تكتم ومجاملة ..
الجهر برأيه من أعظم صفاته ..
لا يعرف المسايرة ..
حياته واضحة كالحط المستقيم ..
لا فرق بين ظاهرها وباطنها ..
لا يقـود فـي الصبـاح مظـاهـرة ثـم يـأكـل المسـاء فـي
مـوائـد الظالمين ..
دا كـلامـي عـن منـاضـل تشـرفنـا بصـداقته ومعـرفتـه ..
أمـا كـلام السـياسـة والتكتيك والعمل التنظيمي :
طبعا عزيزي حكاية فلان زول مزروع دي أنا شايف كل الناس بتتحدث عنها بمنتهى البساطة ..
كأنما نريد أن نزرع شجرة في أرض خصبة !!
الزرع من أصعب وأتفه وأجبن الأساليب السياسية ، وذلك لآتي :
هل نحن أحزاب سياسية أم جهات أمنية ؟؟
بالتأكيد نحن أحزاب سياسية ، وبالتالي فماذا نريد من ذاك التنظيم حتى نفقد مجهود
كوادرنا ؟؟
هل الشخص الذي تريد أن تزرعه له القدرة التامة على تحمل الضغط النفسي الرهيب
الواقع عليهو ؟؟
بمعنى زول ياكل ويشرب وينام معاك ..
وبعد دا كلو يطعنك في ظهرك !!
هل العزيز العظيم ود العمدة يمكن أن يفعل ذلك ؟؟؟؟
لا وألف لا عزيزي سيف ..
الشئ المهم أيضا :
هل الشخص الذي تريد أن تزرعه محصن فكريا وعقائديا ضد الجهة التي تريد أن تزرعه فيها ؟؟
مش ممكن يزوغ ويندمج معاهم قلبا وقالبا ؟؟؟
عزيزي سيف ، مسألة الزرع دي ما مسألة ساهلة كما يتخيلها البعض ..
دي عايزة أخصائين في علم النفس والاجتماع والسياسة والفكر ...الخ
| Quote: عادة اذا كان الكوز مزروع لايظهر علي مستوي القيادة ما حقيقة هذا الرجل |
طيب والفائدة شنو ؟؟؟
أنا لمن أزرع زول مفترض أزرع زول ينفذ لي سياستي وخطي السياسي ..
وطالما ما كان في القيادة أكيد لا يستطيع أن يخدمني ..
وبالتالي أكون فقدت مجهودو داخل تنظيمي ..
Quote: سائق السيد محمد عثمان الي وقت قريب بجده كان مزروع من قبل النظام لم يكتشفه احد الا عندما.....
كان لايتحدث في السياسه وكاتم طول الوقت |
ودا عمل شنو ؟؟
والنظام استفاد منو شنو ؟؟
هل استطاع أن يغير سياسة الحزب الاتحادي ؟؟
هل استطاع أن يستقطب الميرغني للمؤتمر الوطني ؟؟
فقط معلومات أمنية يمكن أن يقوم بها اي مصدر أمني آخر ..
عـزيـزي سـيف ..
لا أحـب أن أدافـع عـن المنـاضـل ود العمـدة ..
لأن جامعـة الجـزيـرة تشـهد له ..
ومـدنـي تشـهد له ..
والسـماء ذاتهـا تشـهد له بالنقـاء والصمـود والشـرف ..
ود العمـدة أعظـم مـن كلمـات تقـال فـي حقـه هنـا ..
مـع التود والتقـديـر ..
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: حسين يوسف احمد)
|
| Quote: الزرع من أصعب وأتفه وأجبن الأساليب السياسية |
يا رفيقي يا حسين لو هؤلاء وجهوا جهودهم في زرع المحبة و تربيتا بالوطنية والانتماء لما كان هذا حالنا ,, ماذا يستطيع ان يقدم لبلده من ربي وغذي بالغدر والخيانة والتضليل والتجسس ووو من ارازل الصفات ؟؟
بعقلية الزرع هذه ضيعوا القوات المسحلة والنقابات وكافة مؤسسات المجتمع المدني اعمدة واساس المدنية والتقدم .
وكما غنى وردي
من زي ديل واااااااااااا اسفاي
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
Quote: الشئ المحير كتير من الناس يعتقدون انه كوز
|
الناس مشكلتهم انهم يعتقدون كثير
مهما اعتقدوا يظل ابننا العمدة رجل يدافع عن الحق
ولا يخشا في قول الحق لوم لائم
ودى اليومين دى في ازمة فيها شديدة
ود عوج الدرب الشكل معاك جميل بل رائع
تحياتى لك والعزيز ود العمدة
ود وراق عرف القصد من البوست
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: هشام مدنى)
|
الأخ العزيز سيف
المقصود من البوست ..وصل.
عرفت "ود العمدة" منذ سنوات طويلة، وكان لنا شرف الزمالة والرفقة التنظيمية في تنظيم الطلاب الأنصار وحزب الأمة في جامعتي الجزيرة (العمدة) والخرطوم(شخصي الضعيف). وعرفته طوال هذه السنوات شجاعا في رأيه، ومناضلا فريدا، ليس ضد الإنقاذ فحسب، وإنما في داخل الحزب أيضا، منافحا عن الإصلاح والشفافية، ومصادما القيادة في أرفع مستوياتها.
| |
|
|
|
|
|
|
|
|
 ممكن أصدق أن(لنا مهدي)كوزة ولا أصدق أن محمد حسن العمدة كوز (Re: saif massad ali)
|
ممكن أصدق أن(لنا مهدي) اللي هي شخصي الضعيف كوزة ولا أصدق أن محمد حسن العمدة كوز أو يمت بصلة للمؤتمر الوطني
الحبيب عمر دفع الله
أنا متذكرة الأحداث جيداً
أيام الإنتفاضة الثانية أعتقد لن تستطع أن تحضر ما يثبت كلامك بصدد دعم العمدة لبيان في هجمتها ضد المعارضة في المسيرة الثانية كما قلت في مداخلنك هنا
ببساطة لأن بيان آخر حضور لها كان يوم 4/9 وغابت فترة (أسبوع تقريباً) لتأتي يوم 10/9 ببوست موجه ل(حق). في حين الإنتفاضة الثانية أو المسيرة كانت يوم 6/9
شفت الظلم دة سهل كيف؟حقو كلنا نبعد منو فالظلم ظلمات
أنا متابعة و في انتظارك.
وللمعلومية البوست دة سيف مشرك بيهو مش لود العمدة و لكن لآخرين لأن سيف على المستوى الشخصي صديق لود العمدة و يعرفه كما يعرف نفسه
لنا
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
الاخ سيف.
نعم هناك تحالف غريب بين بيان وود العمدة.
لكني ليس بمستغرب من هذا السلوك داخل حزب الامة.
لقد خرج من حزب الامة عبدالله محمد أحمد, وزير الثقافة الذي قال يجب التخلص من الاثار والتحف بالمتحف القومي.
وهناك أيضا العنصري عضو هذا البورد إبراهيم علي. هذا هو حزب الامة يا سيف.
دينق.
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
الأستاذة لنا مهدي
أعتقد ان حديثي واضح
ولا يحتاج الى شرح
أنني أعرف من هو ود العمدة
ولا أحتاج الى تعريف من أحد
والحملة الأخيرة على الدكتورة بيان
إرتبطت بشكل أساسي بمظاهرة
الأربعاء الآولى والثانية
من هنا بدأ الفرز
لهذا السبب كان إستغرابي
لموقف الأخ ودالعمدة
أما الطريقة التي تحدثتين بها لم تعجبنى
ويبدو أنني أخطأت الطريق
فأرجو المعذرة
عمر
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: عمر دفع الله)
|
Quote: أما الطريقة التي تحدثتين بها لم تعجبنى
ويبدو أنني أخطأت الطريق
فأرجو المعذرة
عمر |
الحبيب عمر
أبداً ما أخطأت الطريق
ممكن تكون أخطأت التقدير و لكني أصر على حوارك
لكن ما الذي لم يعجبك في (طريقتي التي تحدثت بها)علماً بأنني غمست كيبوردي في حبر الأدب و الصبر و الكلمات اللينة؟
لا تضيق أخي الحبيب بالرأي الآخر و لا أحسب أن رأيك رأي آخر فقط ربما اختلط عليك شيء ما.
أما دينق فالبيكرهك يحدر ليك في الضلمة بتتكلم كيف عن الكيزان وود العمدة يا بتوع نيفاشا و الشراكة مع الحكومة؟؟
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
مرحبا بالكيزان داخل حزب الامة ان كانو علي شاكلة ود العمدة
شايف كتابات ود العمدة الاخيرة عن الحركة والشيوعيين بالاضافة لوقفته الحازمة لما تعرضت له زميلة بالبورد جلبت عليه المتاعب لكن المبادئ لاتتجزا ووقوفه مع مايراه حق غض النظر عن خلط الكيمان والمواقف السياسية هو الصواب بعينه التحية لك ياود العمدة ياخوي سيف الجماعة لو دايرين يزرعوا زول اكيد مابكون ود عمد ديل ناس عينم مليانة وقيم النخوة والرجولة فتحوا عليها عيونم
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
ود مساعد، سلامي،
ياداب انتبهت لي كوزنة ود العمدة؟
راجع في الارشيف دواسنا معاهو.
الكوزنة مرة اخري عقلية، علي كده مافاهم الشهادات دي، اوكلام حتي بعاعيت البعث، عن "حق" الكيزان!
حق او كيزان في سطر واحد؟
مافاهم كيف تعبير ود العمدة عن نزواتو الكيزانية، تكون قولة حق او دفاع عن حق؟
حاجة تمخول!
الحقيقة الاخري المرة، انو سوس الاسلام السياسي، ناخر في عظم "الامة" من الستينات، تاريخ ميلاد جبهة الميثاق، بزعامة ابليس الكيزان الاكبر، الترابي، في احضان "امة" الاسلام السياسي.
تبذبذب، او ضبابية الصادق المهدي الذي اهدر امكانيات كيان الانصار الهائلة في الفارغ، تعود لتلوث الاخير بي عادم الاسلام السياسي، جبهة الميثاق!
اثر الاسلام السياسي علي الحركة الانصارية ابتداءا من الهادي، كان مدمر جدا جدا!
ياخي يكفي في نيجيريا لوحدها، انصار يقارب عددم، تعداد جمهورية السودان باكملو!
مااتيح للصادق من امكانيات اوفرص، لم تتاح لافريقي اخر علي مدي نصف القرن الماضي!
عشان كده ماصدفة كيف، او بي صورة غير مباشرة "في الظاهر" خط الرسم البياني لانحدارنا كشعب، موازي لي خط انحطاط الصادق بخط الثورة المهدية، والكيان تحديدا!
الرجل مسخ كيزاني منو انصاري!
عاين ليهو اليوم والتاني جاري علي الخديوي يقدم فروض الولاء والطاعة كيف!
حفيد مقبولة، عامل فيها عربي!
الحبيب دينق،
ابراهيم علي براهو؟
يازول خليها مستورة!
في اوساط حزب الامة كوادر، عيفونة استعلاءم بالله تحجب عين الشمش، مع انو غاز!
عندكم في واشنطون الاسمو محمد الحسن مين كده، المطنقع داك!
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Bashasha)
|
بشبش
والله عينك قوية لكن ..
انت عارف الان في واقع معاش اتغيرت بيهو حسابات كتيرة و كذلك المسميات والمصطلحات
الشاهد الان ان الكيزان هم :
المؤتمر اللاوطني بزعامة البشير
+
الحركة الشعبية بزعامة سلفا كير
+
تمومة جرتق ولزوم الزينة - الحزب الشيوعي وبعض احزاب الفكة
في الجانب المصادم لخندق الكيزان نجد :
حزب الامة القومي بزعامة الامام الهمام الصادق المهدي
+
حزب البعث العربي الاشتراكي
+
حزب المؤتمر السوداني
+
حركة حق
+
الناصريين
الخ
الخ
الشعب السوداني
اها يا بشبش وكت تطلع سودانك الجديد من وحل الجبهة الاسلاموية بعدين ممكن تجي وتمنطق الناس
ده يا سيدي ياسر عرمان بقى اخطر من نافع وغوش واسال فايز السليك ياتيك بالخبر اليقين
انت ح تفضل متحجر طول عمرك وبعد شوية ح تقعد وتحوم في المنبر ده تغني ماشفتو عوض ( السودان الجديد ) يا ناس
اصح يا بشبش واقرا قائمة عضوية الحركة الشعبية في جهاز الامن تقاسم السلطة واسالهم عن المهام حقتهم بتلقى في قائمتها دعم الكيزان وضرب القوى الوطنية , وممكن تسال وزير الحركة الشعبية لام اكول الشغلو عمر البشير مراسلة يودي ليهو الجوابات للسادة الامريكان !!!!!
وممكن تسال هاشم بدر الدين ياتيك بالخبر اليقين
فتك بعافية
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: محمد حسن العمدة)
|
| Quote: تمومة جرتق ولزوم الزينة - الحزب الشيوعي وبعض احزاب الفكة |
ودالعمدة انت ناسي انو الحلف بتاع تمومة الجرتق فيه الاتحادي الديمقراطي بعضوية اكبر شايفاك بتمر في مشاركتهم من غير تعليق ه كبار على نقدك " يا نقاد" ما هم حزب كبير مؤثر في الشارع السوداني وتاثيرهم اكبر ووجودهم اكبر من الشيوعيين ولا الشيوعيين اولاد كلب
" أزدوجية معايير ولا خوف من فتح باب مع الاتحاديين " شوفت الشجاعة دي عايزة ليها قلب قوي وصادق.
بتحليل بسيط بيكشف قدر كيف انك مصاب بلوثة عداء للشيوعيين وغير صادق في نقدك -
| Quote: حزب البعث العربي الاشتراكي |
شكلك ما عارف انو البعثين مشاركين في برلمان تمومة الجرتق وعندهم 2 ولا دي ما عرفها برضو يا اخوي هنالك فرق كبير بين تحالفات الطلبة وتحالفات السياسين والاحزاب وشكلك بعيد ما عارف انو الان في تحالف بين حزب الامة والشيوعيين كدي حاولو فشلو.Quote: حزب المؤتمر السوداني
+
حركة حق
+
الناصريين |
اذا كان الحزب الشيوعي والاتحاديين احزاب فكة ديل شنو؟
بتعاني من لوثة عداء وزدوجية في المعايير وقول لي ما صاح الكلام دة لكن بعد ما تعمل تحليل لمداخلتك.
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: hanadi yousif)
|
فى البدء التحيه
لكل الزملاء /الاخوة/الاصدقاء فى البورد
وتحية خاصه للرفيقه هنادى
فى الحقيقة ورغم اننى درست فى جامعة الجزيرة وعاشرت كل الوطنين الذين ناضلو ضد جبروت الجبهة الاسلاميهاحييهم جميعا رغم اختلافنا الفكرى لكن اجدد سؤال الاخ سيف من هو محمد حسن العمده؟اجيبينى يا هنادى لاننى كنت من اكثر المتضررين فى احداث 98 والتى يتكلم عنها ود العمده الجياشى سيف الجبهة الديمقراطيه المسلول كما اطلق علية الكيزان
لاننا وللحقيقة نعرف من فر تاركا وراهو الغبار ونعرف من صمد
ولانناكوادر جبهة ديمقراطية كن نحترم الكادر الاخر ولا زلنا اتفى بهذا القدر الا ان تتضح لى الرؤية ولى عودة
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
ود العمدة ....
زاملته 6 سنوات بنفس الجامعة ( الجزيرة ) وبنفس الكلية ( الاقتصاد ) وفي نفس ( المقعد ) الدراسي
واشهد له بالنقاء واتباع الحق وحسن السيرة وطيب المعشر
وهو من كوادر الانصار البارزين بالجامعة ولا يوجد لدي ادنى شك بذلك
لسن انصاريا ولكني احترم الانصار واحترم حزب الامة لاني احس بوطنيتهم
واجزم ان الامة من الاحزاب التي لا يوجد بها ازدواج في التوجهات
فقط لاغير .......
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: ايوب عبدالرحيم)
|
الشقيق سيف
ان الاخ الحبيب محمد الحن العمدة
انى لا اعرفه معرفة شخصية ولكنى قدحدثونى عنه بعض الاحباب هنا فى الداخل
عن انصاريتة وعن نضالاتة فى الجامعة وهو كان الكادر الخاطبى لحزب الامة فى جامعة الجزيرة
وهو ود عمدة الباوقة وانصارى اب عن جد
ومن يشك فى انصارية ود العمدة فاليشك فى انتمائة لحزبة
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
Quote: الشاهد الان ان الكيزان هم :
المؤتمر اللاوطني بزعامة البشير
الحركة الشعبية بزعامة سلفا كير |
ودالعمدة،
سلفا كير، كوز؟
ده ابتزال لايحترم عقل المتلقي خالص!
بل لايستحق الرد اصلا!
من جانبنا نتفهم تماما دواعي عدم اكتراث سلفا بي مشروع السودان الجديد، بنفس اندفاع مؤسس المشروع، الرسول قرنق، صلي الله عليه وسلم!
فلو الشهيد قرنق كان نبي، فسلفا رجل عادي زيي اوزيك، عارف كويس الجلابة ابدا مابقدرو تضحيات ابناء الجنوب المليونية، من اجل سودان واحد!
صراحة ومن وجهة نظر ابن الجنوب العانا عمرو كلو ولايزال، لامعني علي الاطلاق ان يدفع ثمن بهذه الفداحة، من اجل مثاليات، ونيابة عن مجموعة بشرية لاتعترف به حتي كانسان!
انا كمال بشاشا ده لو كنت عشت ك"جنوبي" ليوم واحد في الخرطوم او في الجنوب، لاستكثرت حتي طلقة واحدة من اجل وحدة مع ناس ماعايزني بالمرة!
فالحركة الشعبية ياكوز ياود العمدة شهادة مصداقيتا، ممهورة بي دماء اكثر من2,000,000 شهيد!
فماهي مصداقية حزب الامة اللي كلاب الاسلام السياسي، الضالة الان، اتربت "جريوات" في حجرو ؟
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Bashasha)
|
العزيز/ ود العمدة
يا زول مقوم نفسك في كم؟
لم نفهم من كلامك ان سلفا كير اصبح كوز... و انما فهمنا منه ان هنالك واقع جديد في السودان بعد نيفاشا و ابوجا و ان كان بلغة تهكمية غير مقبولة... و لا تساعد كثيرا في الحوار.
العزيز/ سيف مساعد
هسع مشاكل السودان العويصة دي كلها ما لقيت منها موضوع غير ملاحقة كوزنة ود العمدة من عدمها؟ و لو فرضنا ان ود العمدة هو حسن البنا السوداني... فهل ملاحقة شخص واحد و مشاحد كفيلة بحل قضايا امة كاملة؟ ملاحقة الافكار افضل بكثير من ملاحقة الاشخاص و الله أعلم.
تحياتي لك يا زول .
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: برير اسماعيل يوسف)
|
RED]كتـب الجبـان الـرعـديـد بشـاشـا :
Quote: ودالعمدة،
سلفا كير، كوز؟
ده ابتزال لايحترم عقل المتلقي خالص! |
طيب يـا ربـي اللي يدينهو متحالفة مع الكيزان دا منو؟؟؟؟
مش ياهو (الخليفـة) سـلفاكير سفاكير ذاتو !!؟؟؟
ولا برضو دعاة الوهم الاسمو السودان الجديد عميان بصر وبصيرة !!
ودا مش ياهو (الخليفة) الوفي للنبي بتاعو ذاااتو :
| Quote: بنفس اندفاع مؤسس المشروع، الرسول قرنق، صلي الله عليه وسلم! |
أهـا وكـدي نشـوف إنبـطاح (النبي) المجـرم جون قرنق كمـان :
النبي المجرم قرنق ، والشيطان الفاسد في طريقهما
لغار حراء للتحالف :
وتمت البيعة ، بيعة (الشـجرة) :
ويتعـاهـدان علـى التحـالـف وسـرقة الثروة :
ويحمـلا (كتابهما المقدس) بيمينهما :
وكـل فـرح بمـا أتينـاه..
(مـن الأعمـاق ياحبيبي يا غالي):
وتشابكت أيدي المجرمين :
النبي المجرم جوة دار الكيـزان !!
تكون دي يا ربي غار حراء بتاعتو !!؟؟
أمـك !!!
النبي المجرم يـؤدي قسـم الولاء والطـاعـة للكـيزان
وهـو صـاغـر زليـل حقـير ..
بس يا ربـي الكتاب الحلف عليهو شنو؟؟؟
حـلااااتـم يـا نـاس :
وتشـابكـت أيـدي المجـرمين السـفلة :
دا النبي عمـل كـدا ..
يـا ربـي الاتبـاع بعملـوا شـنو ؟؟
عـايـزين تعـرفـوا !!؟؟
حسـنا ، شـوفـوا الـرعـديـد الجبـان المدعـو بشـاشـا
كتـب شـنو عـن نفسـو :
| Quote: عشان كده عمري كلو ماشاركت في مظاهرة وان كنت متواجد في البعض منها، كحب استطلاع اوغيرو |
زول عمـرو ما مـرق في مظاهرة ..
في داعي يتفاصح ويقل أدبو ..
زول ماتت فيهو قيم المبادئ كما ماتت فيهو قيم الرجولة
قلة الأدب ليهو شنو ؟؟؟؟
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: حسين يوسف احمد)
|
| Quote: ودالعمدة انت ناسي انو الحلف بتاع تمومة الجرتق فيه الاتحادي الديمقراطي بعضوية اكبر شايفاك بتمر في مشاركتهم من غير تعليق ه كبار على نقدك " يا نقاد" ما هم حزب كبير مؤثر في الشارع السوداني وتاثيرهم اكبر ووجودهم اكبر من الشيوعيين ولا الشيوعيين اولاد كلب |
هنادي
انا دائما بقول ليك وبنصحك لما تجي تكتبي تهدي
اعصابك والربربة دي ما كويسة التقلة سمحة ,
بعدين الاواصاف الشينة دي انا ما قاعد اوصف بيها
خالص مرة تقولي ( عاضيك كلب سعران اسمو الحزب
الشيوعي والحركة الشعبية ومرة الشيوعيين اولاد كلب )
القول ده ما سمح وعيب في حقك وحق الحزب الشيوعي . مهما
اسرفت في ( خصومة ) لكن نوع النضمي ده ما بقولوا
لانوا الحزب الشيوعي فيهو كوادر مفخرة .
اما عن الحزب الاتحادي الديموقراطي فلم اسكت عنه
ساهيا ولا جابنا فهو لم يحسم امره كحزب بعد فهنالك
تيارات كثيرة وقفت بكل قوة ضد المشاركة وفضلت ان
تختار لكياناتها اسماء تفرز بها نفسها عن تيارات
المشاركة , ده بختلف عن الحزب الشيوعي الاجمع على
المشاركة سكوتي عن الحزب الاتحادي من اجل ترك الصراع
بين الاخوة الاشقاء حتى يحسم من غير تاثير على خياراتهم
ومن غير زيادة الشقة وهم الان يحاولون جاهدين حسم
الصراعات ديموقراطيا بينهم وده بيتطلب منا الاشادة
وحسن المتابعة ان لم يكن دعم الخيار الديموقراطي بما نراه مناسبا .
فهمتي ؟؟؟
نحن ناس ديموقراطيين ما بنهاجم ساكت من اجل
الهجوم وعندك ناس جمال الصادق وقريب الله هنا
في المنبر ممكن تساليهم . الاختلاف بين موقفي
الحزب الشيوعي والاتحادي واضح وكبير فاحتجاب
الميرغني بالخارج وحده اشارات يفهمها كل لبيب
اما الحزب الشيوعي حسم واضح لخيار المشاركة بل والدفاع عن سياسات
النظام مثل حديث فاطمة الذي تحاولون تبريره بانه قبل
فبراير كما يقول ابو ساندرا مع العلم
ان مشكلة دارفور قبل فبراير . هذا اضافة
الى عدم تاييد الحزب الشيوعي للقرار 1593 القاضي
بتسليم مجرمي الحرب في دارفور الى المحكمة الدولية .
وعلى ما يبدوا ان تصادف توقيت صدور القرار مع ظهور
الاستاذ نقد بالمداهمة الغوشية قد اثر كثيرا في قرارات
الحزب فتامين حياة زعيم الحزب اهم كثيرا من حياة انسان دارفور .
وازيدك من الشعر بيت كما يقال :
ترشيح وتقديم الحزب لفاطمة احمد ابراهيم
وفاروق وسليمان حامد وصالح محمود سقطة اخلاقية
اخرى للحزب الشيوعي لان اي كوادر يتم تقديمها
يعتبر ذلك حرقا للحزب لتلك الكوادر في المستقبل
ويبدو ان الحزب اراد ان يحرق هذه الكوادر لاسباب
كثيرة خاصة بالنسبة لفاطمة احمد ابراهيم حيث تعتبر
كادرا مزعجا للحزب الشيوعي ففضل الحزب الاحتفاظ
بكوادره الاخرى للمستقبل بينما فضل حرق هؤلاء بمؤسسات
النظام مع امكانية ابراز قيادات بديلة مستقبلا
لا تؤثر على الحزب .ده سلوك غير اخلاقي اخر
تجاه قيادات افنت عمرها من اجل الحزب
اما عن حزب البعث فشايفك هربتي من مداخلة
الرفيق حسين الاخيرة التي توضح موقف حزبه من
المشاركة فلماذا وضعتي مداخلتك اعلى مداخلته
علما بانه كان الاسبق التسلسل الطبيعي وضع مداخلتك
ادنى البوست اي بعد حسين ولكن يبدو انك لبدتي فوق راي .
مع تحياتي ,,,,
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: محمد حسن العمدة)
|
Quote: كانت الدكتورة بيان تقود المرجفين في المنبر
لدعم أولياء نعمتها من المفسدين الذين
أدخلوا الدين الى بورصة التجارة والأعمال
ومع ذالك
خرج علينا الأستاذ ودالعمدة
وفي يده لافتة عريضة يدعونا فيها
أن نرفع أقلامنا وفرشاتنا عن الدكتورة
الشئ الذي لم نجد له تفسيرا |
ما تحته خط
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Deng)
|
كتب الأخ دينق:
Quote: الاخ سيف.
نعم هناك تحالف غريب بين بيان وود العمدة.
لكني ليس بمستغرب من هذا السلوك داخل حزب الامة.
لقد خرج من حزب الامة عبدالله محمد أحمد, وزير الثقافة الذي قال يجب التخلص من الاثار والتحف بالمتحف القومي.
وهناك أيضا العنصري عضو هذا البورد إبراهيم علي. هذا هو حزب الامة يا سيف |
لكني ليس بمستغرب من هذا السلوك داخل حزب الامة
وأنا أستغرب جدا أن ترد مثل هذه العبارة من الأخ دينق. أرهقنا الإٍسلاميون كثيرا بمحاكم تفتيش (دينية)، فهل ترغب الحركة الشعبية الآن، أن تقيم بدورها محكمة تفتيش (وطنية)؟؟
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: خالد عويس)
|
[B]استاذ عويس
اسع دينق حيجي يبكي ويقول هو ما حركة شعبية..
واصلا دينق لا يتواجد الا في المستقنعات التى اشتم فيها
مثل نباتات المانجروف المائية...دائما معوقة..
وهو زول مسكين عنده مشكلة
من انا؟
بدل يقعد ينتهز الفرصة لتبيان الظلم الواقع على اهله.ز
بس ساكي بيان بالقصص الكضب ودائما وابدا في فزعة نوسان شماليات..
فهو مشكلتو كلها انه العمدة احق حق..
وانا طرف..
ويا دينق
كم مرة قلت ليك
انك جنوبي مركب مكنة ولد عرب عواليق..
لا لامي جنوبي لا لامي شمالي عواليق..
شوف اهلك المساكين القاعدين في اطراف الخرطوم..
اكتب عنهم وصل صوتهم.. خلي مبارية الحريم دي..
هناية قالو ليها شنو وعلانة حصل ليها شنو..
يخص عليها رجالة فالصو..
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Salwa Seyam)
|
كتب متواضع الفكرة والأسلوب دينق(*):Quote: المجنونة بيان
لقد تم رفع القلم عنك في هذا البورد.
وهناك مادة في القوانين الجنائية أسمها زوال الاهلية.
أنا لا أدري أن تلك المادة مازالت موجودة أم لا.
لقد زالت أهليتك منذ زمن بعيد |
الكلام مـَـهـْـدِيّ للمتمشدقين بنـُـصرة المرأة وحمايتها.
أما السيد عمر دفع الله فقد كتب:Quote: كانت الدكتورة بيان تقود المرجفين في المنبر
لدعم أولياء نعمتها من المفسدين الذين
أدخلوا الدين الى بورصة التجارة والأعمال |
فهمتُ من العبارة التي تحتها خط أنّ الدكتورة بيان
تستفيد مادياً من علاقتها (المزعومة) بالحاكمين ،
ولا أظنّ أن لما كتبه سيادته معنى آخر.
يبقى أهم شيء: أن يدعم السيد عمر جملته الخبرية هذه
بما يؤكدها حتى نضعه في خانة الصادقين.
حتى ذلك الحين: Talk is Cheap.
___________________________
(*) طلب منـّـي صديقي العزيز أن أطلق سراح دينق
بعد (اعتقالٍ) و(حصار مطبق) في مقالات عديدة،
اعتذرت لصديقي العزيز ووعدته بتفيذ أي طلب...
إلا هذا !!
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Ahmed Alrayah)
|
... وبالعودة لموضوع المقال الرئيس، فأنا
لا يهمني إن كان محمد حسن العمدة (كوزاً) أو لا،
المهم -عندي- أنه يكتب بأسلوبٍ حسنٍ يوجب الاحترام.
التحية له ولمعظم الكاتبين هنا من المنسوبين لحزب
الأمة، ولا يسعني إلا أن أعرب عن إعجابي بزميلهم
الصحفي خالد عويس، أحد الرموز الشابة بهذا المنبر.
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Ahmed Alrayah)
|
ولدنا العزيز احمد
عمر دفع الله هذا مرسال مراسيل
ويعمل ضمن جوقة الخواض الذي اصابته
لوثة حسادة من مقابلة في مجلة الصحافة..
وهو جاي ب"كاموفلاج" سياسي
يروج احاديث عجيبة وقصص
معروفة كذب..وكاركاتيرات
تشبه ملصقات الصحة الانجابية
اذا كان هناك شخص النظام ولي
نعمته فهو هذا العمر
كيف كان وجد لجؤ سياسي ورطب..وضرب الولفير
الراسمالي
لو ما ناس الانقاذ ديل..
اسع موش اتحداه العمدة يجيب كوت؟
لماذا لم يأت به؟
دا نموذج لنظرية رخص الكلام..
اما بخصوص دينق كم مرة تدخل
عدد ياخي خليه ما تردي عليه
واحد حلفني ما اخش بوستو داك..
لكن يبدو انه لازم يترد عليه باستمرار..
وفائق الاحترام
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Salwa Seyam)
|
دينق
لو كنت من منطقة تعيسة مثل الجنوب هرستها الحروب
سكانها مزعزعين في اطراف المدن يقتاتون الهوان..
لما تفرغت لشتم النسوان.. ولما صرت صبي ستات زار
واي كلمة حاكتبها حتكون لاجلهم..
هذه فرصة يضيعها فقط مجنون..
فمن هو المجنون انا ام انت
ايها اللاهي بينما قومك يصرخون حزنا,,,
ايها الهايف عديم المبادئ
لا صرت وزة ولا بطة..
مسكين الجنوب المبتلى باشكالك هذه..
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Salwa Seyam)
|
| Quote: انا افتكر يا سيف بدل ما تقول كده كان تقول ما هو الفرق بين محمد حسن العمدة ومحمد حامد جمعة ؟ |
معقول يا سلوى يطلع منك كلام زي ده ؟
دي اكبر صدمة والله
ولكن طالما انك استشهدتي بقول هنادي انا ما بعرف متحالف مع منو
انا بعيد السؤال ده ليكم
انتو عارفين نفسكم متحالفين مع منو ؟؟؟
في اتفاقية اسمها اتفاقية القاهرة ملحقات نيفاشا
كما يقول الحبيب برير اسمعين تم التوقيع في
الاتفاقية دي بين حزب المؤتمر الوطني ( الكيزان )
وبين التجمع الوطني الديموقراطي - الحزب الشيوعي
عضو اساسي في التجمع الوطني - الاتفاقية دي اتفاقية
تحالف وشراكة ولنقل ائتلاف حكومي بموجبها انخرطت
الكوادر الاتية اسمائها من قيادات الحزب الشيوعي في مؤسسات النظام :
عضوية المجلس اللاوطني الانقاذي : لعععع احسن ( الكيزاني )
الاستاذة فاطمة احمد ابراهيم
الاستاذ سليمان حامد
الاستاذ صالح محمود
الاستاذ فاورق ابو عيسى
حزب الامة ( طرد ) من التجمع الوطني الديموقراطي
استجابة لرغبة ملحة من الحركة الشعبية للاستفراد
باحزاب التجمع الاخرى اذ كان حزب الامة يشكل غريما
قويا للحركة ونزعاتها الاستبدادية الاستعلائية
لاحزاب مثل الحزب الشيوعي
المهم انو حزب الامة الذي أنتمي اليه لا يرتبط
باي حلف او معاهدة مع الحزب الشيوعي السوداني
واذا كان في غير كده ممكن تجيبوهو
في البوست ده عشان تخرسوني
والاهم من ذلك انا متصالح مع نفسي
ومبدئي تجاه خط حزبي ...كيف ؟
بالعداء للجبهة الاسلاموية المتقلدة
بقلائد الحكم الظالم المستبد والمتحالفة
مع الحزب الشيوعي السوداني باتفاقية القاهرة
اذا من منا لا يعرف حلفائه من اعدائه
الطبيعي ان يدافع كوادر الحزب الشيوعي السوداني
عن الجبهة الاسلاموية - المؤتمر اللاوطني وعن حكومة
نافع وغوش ووو الخ والمتعااااافن
اذا انا عدائي للحزب الشيوعي من مبدا وليس نزعة او شهوة اخرجو حزبكم من التحالف الغريب الشاذ مع المؤتمر
الوطني وحينها سيكف ود العمدة عن تناوله بشرا ام خيرا
سلوى لا تنزلقي كما انزلق الاخرون
ما اعرفه عنكي حتى الان انك مبدئية القول والفعل
وده ما مجاملة ولا انتي بحوجة لواحد ( كوز )
زي ولا زي ود جمعة عشان يقول ليك كلام ده
اقري كلامي ده بروااااااااااقة يا سلوى
واستمعي لضميرك ذلك الصوت الهاااااااااادي
الذي ياتي من اعماق اعماق مبادئك واخلاقك
ودعك عن مهاترات المنبر
هل انا كوز ام المتحالفين حقيقة مع الكيزان ؟؟
هل هنالك اتفاقية موقعة بينكم والكيزان ؟
هل هنالك عضوية لكم بداخل مؤسسات الكيزان ؟
هل هنالك اتفاقية بين حزب الامة والحزب الشيوعي ؟
هل محمد حسن متصالح مع نفسه ؟
ام الذين ( يكنتكون ) يسارا ويخزنون يمينا ؟؟؟
سلوى ...................
مااااااااالك الحصل عليكي شنو ؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: محمد حسن العمدة)
|
| Quote: ودالعمدة انت ناسي انو الحلف بتاع تمومة الجرتق فيه الاتحادي الديمقراطي بعضوية اكبر شايفاك بتمر في مشاركتهم من غير تعليق ه كبار على نقدك " يا نقاد" ما هم حزب كبير مؤثر في الشارع السوداني وتاثيرهم اكبر ووجودهم اكبر من الشيوعيين ولا الشيوعيين اولاد كلب |
هي ؟؟؟
يا ربي دي هنادي فضل ولا عشة الفلاتية ؟؟
( تصليح النضارة مع تكبير العدسة )
ده ما شغل انا واخوي الكاشف ظااااتو بظاتو
قرقرقرقرقر
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: محمد حسن العمدة)
|
Quote: هي ؟؟؟
يا ربي دي هنادي فضل ولا عشة الفلاتية ؟؟
( تصليح النضارة مع تكبير العدسة )
ده ما شغل انا واخوي الكاشف ظااااتو بظاتو
قرقرقرقرقر |
محمد حسن
خفة الدم ما ممكن تصطنع لانها قدرات غير مكتسبة .
ثانيا:- الموضوع ليس لديه علاقة بنكتة عشة الفلاتية الوضوع اشارة لعدم صدقك في النقد شغال تنقد في الحزب الشيوعي بسبب المشاركة وتتجاوز بل " تشكر في الاتحادين" دا دليل على مواقفك الغير مبدئية وغير شجاعة.
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: hanadi yousif)
|
| Quote: انا افتكر يا سيف بدل ما تقول كده كان تقول ما هو الفرق بين محمد حسن العمدة ومحمد حامد جمعة ؟ |
المدعوه سلوى صيام
شوفى يا بت الناس ... محمد الحسن العمدة اعرفه (فقط ) فى هذا المنبر واشهد انه شخص محترم وقلم جدير بالاحترام والفرق بينى وبينه اننى (كوووووووووز ) وهو (حزب امه ) ونحن الاتنين واضحين الدور والباقى على (الصامولات العويرة ) اللافة فى البوستات
تنويه : صامولة عويرة يعنى تربط فى اى حاجة وبتوالف مع اى حديدة
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: محمد حسن العمدة)
|
طبعا كل استنادات وادلة الشيوعيين ( اللي اتداخلوا هنا ) علي اني كوز هو الاتي :
كتب محمد سيد احمد :
| Quote: عداء العمدة للحزب الشيوعى واضح جدا |
يعني الدليل على ( كوزنة ) ود العمدة هو انه واضح العداء للحزب الشيوعي .
اما البصيرة ام حمد فدليلها البائن بينونة كبرى هو :
| Quote: لوثة عداء للحزب الشيوعي |
لسع متحجرة في مستنقعات مصطلحات متعفنة
وعند الاخت سلوى صيام :
| Quote: ولكن اشهد ومن خلال معرفتى ليه فى هذا المنبر انه عنده درجة عداء للحزب الشيوعى لاتوجد الا عند الكيزان.. |
لا اجد تعليقا اكثر دقة ووصفا وتعبيرا من قول التجاني الطيب لمثل هذا الكادر :
Quote: (الزميل حسن تاج السر، وهو عضو سكرتارية اللجنة المركزية منذ إعادة هيكلة العمل القيادي في النصف الثاني من عام 1971 يصف الحالة في حزبنا في ظل ما أسماه الستالينية علي النحو التالي:
* عقيدة ايمانية ..
*عبادة فرد ..
* شخصنة الحزب في سكرتيره العام ..
* تفشي الكسل الذهني بين مثقفيه ..
* معاداة المبادرة ..
* سيادة أساليب الهيمنة والتشرذم
* والفتك بالخصوم وتدميرهم عن طريق تشويه السمعة وفبركة التهم ..
* وتسريب الاختلاقات والأقاويل عن القادة الغير مرغوب فيهم للحط من شأنهم وقتل شخصياتهم ... والإنتشاء باخبار السقوط والإرتداد والإبعاد من القيادة ..
* افتقاد الحق والعدل داخل الحزب .. وأصبحت القيادة نهباَ للكذب والتآمر، وتحول الحزب الي قطيع مسلوب الارادة وانطمست معالم الحزب كمؤسسة ديمقراطية..)) |
"التجاني الطيب بابكر؛ مجلة قضايا سودانية؛ العدد الثاني والعشرون، ديسمبر 1999، صفحة 1"
اذا كانت هذه شهادة عضو سكرتارية اللجنة المركزية للحزب الشيوعي السوداني فما ضر ود العمدة من شهادات ناس قريعتي راحت المصابين بداء العقلية الشيوعية المنكفئة والمنحطة
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: محمد حسن العمدة)
|
الأخ دينق
تحياتي
أولا، أنا أعبر عن رفضي الشديد وادانتي وصفك الأخت بيان بما وصفته بها.
ثانيا، كتبت:
Quote: خالد عويس.
طبعا أنت جاي تدافع على العمدة ولقد صمت من قبل وأستحيت من كتابات إبراهيم علي.
دعني أقول لك أن الصادق المهدي نفسه كوز وعنصري ناهيك عن واحد مثل العمدة.
دينق. |
وللمرء يا عزيزي دينق أن يدافع عن آرائه ومنظومته السياسية بسبل شتى، لكن، لكي يكون منصفا وأمينا، عليه ألا "يشيطن" الآخرين، ويجعل من حزبه السياسي أو حركته، مبرأة من العيوب والأخطاء.
دعك من الصادق المهدي، و"كيزان" حزب الأمة القومي (المعارض)!!
ماذا عن الحركة الشعبية لتحرير السودان، "المشاركة" في الحكم الآن؟
ماذا عن نصرتها للمهمشين والضعفاء!!
ماذا عن خرق الدستور في عهد(كم) يا دينق؟؟
ماذا عن الاعتقالات، والتعذيب، والتضييق على الصحافة؟؟
ماذا عن استمرار الجرائم في دارفور؟
أين هو دور(كم) يا دينق؟
ألا يقوم وزير خارجيتـ(كم) بدور بارز جدا في (الدفاع) عن توجهات الحكومة حاليا؟
بما في ذلك طبعا، موقفها من مسألة دارفور!!
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: محمد حسن العمدة)
|
الحبيب قوش ( ود العمدة سابقا )
كل ما أسئ الظن بك تطلع اسواء من سوء ظني .
فى حوار مع الحبيب محمد فول تاكد لى بما لا يدع مجالا للشك انك لاتفرق بين شيوعى وشيعى كثيرا ( سكسك ) بس وسكسك ده من محايدين جامعة الخرطوم مرة مرق على الناس قال ليهم انا القيادة الجماعية . ياهو ذاتو انت القيادة الجماعية وانت الساس وانت الراس . مجموع اخطاءك وجلطاتك يخجل الكيزان ذاتم انو تكون كوز معاهم يعنى مرة سلفاكير كوز ومرة الشيوعين فكة والشيوعين احى منهم فاطنة حاضنة البشير وامريكا عويرة والصادق ما شاف جيبوتى بعينو ومبارك ما سرق القروش وما ادراك ما تراخيص وزارة التجارة وتانى الشيوعين والشيوعين قاسين وكعبين وشينين وقاعدين فى البرلمان .
ياخينا اسمع نحنا قبل كدة ما قلنا ليك نادى زول كبير من جوه هسى لمينا فى عمك فول وبنتحاور معاهو بمنتهى الهدوء بعد ننتهى بنكلمك تكتب بوست تشكر فيهو الحزب الشيوعى وبنوريك تنبذ منو
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Elwaleed Ibrahim)
|
الوليد مررت ولم تسكب شيئا مفيدا
كوني لا افرق بين شيوعي وشيعي عليك اثباته ومن
السهل اطلاق الكلام لكن من الصعب اثباته
من السهولة ان اثبت لك ان سلفاكير هو نائب البشير
القائد العام للجنجويد ورئيس اكبر نظام فاسد في
العالم ومن السهل ان اثبت لك ان كليهما البشير ونائبه
د سلفاكير مجرمو حرب وكذلك من السهل اثبات كون فاطمة
( حاضنة ) الشير عضوة بالمجلس اللاوطني الانتقالي ومنذ
ان جاء هذا النظام جميعنا من معارضي النظام نطلق على
كل منتسب لمؤسسات النظام اسم ( كوز ) وبالتالي فان
فاطمة احمد ابراهيم و سلفاكير ( كيزان ) بموجب عضويتهما
في مؤسسسات النظام
لكنك لن تجد في محمد حسن العمدة سوا انه عضو في منبر سودانيز
اون لاين وعضو في حزب الامة القومي
يبقى الحديث عن سكسك وجلسنا مع محمد فول كلام حشو ويفتقر الى
الموضوعية و يضع صاحبه في خانة اللاموضوعية
اذا يا الوليد لم تاتي بجديد بل اثبت انك احد الستاليون الجدد
وانك تسي الظن في نفسك اكثر من اساءة الظن في الاخرون
بل الاكثر من ذلك انتم معشر الشيوعيين تمهدون لتهيئة الشعب
السودان بتقبل نظام البشير - سلفاكير واعادة عادة عفا الله عما سلف
ارجع شويه لارشيف المنبر وشوف منهجكم الكنتم بتعارضو بيهو
وتلقائيا ح تمسك الكيبورد وتصف الحزب الشيوعي ( الشيعي )
في خانة الكيزان وبنفس منطقكم السابق الا اذا تمت تسوية
للمنهج وفقا لاتفاقية القاهرة و استحقاقات عضوية مؤسسات النظام
الفاشي
رمتني بدائها وانسلت ... وبدون حياء
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: saif massad ali)
|
كتب المدعو عمر فالكاو :
Quote: فى البدء التحيه
لكل الزملاء /الاخوة/الاصدقاء فى البورد
وتحية خاصه للرفيقه هنادى
فى الحقيقة ورغم اننى درست فى جامعة الجزيرة وعاشرت كل الوطنين الذين ناضلو ضد جبروت الجبهة الاسلاميهاحييهم جميعا رغم اختلافنا الفكرى لكن اجدد سؤال الاخ سيف من هو محمد حسن العمده؟اجيبينى يا هنادى لاننى كنت من اكثر المتضررين فى احداث 98 والتى يتكلم عنها ود العمده الجياشى سيف الجبهة الديمقراطيه المسلول كما اطلق علية الكيزان
لاننا وللحقيقة نعرف من فر تاركا وراهو الغبار ونعرف من صمد
ولانناكوادر جبهة ديمقراطية كن نحترم الكادر الاخر ولا زلنا اتفى بهذا القدر الا ان تتضح لى الرؤية ولى عودة |
كدي اول حاجة يا رفيق انت حاشر مداخلتك دي فوق مالك ؟؟
مفتكر ما ح نشوفا ولا شنو ؟؟؟
نفس منهج ( الرفيقه ) هنادي
تتركوا التسلسل الطبيعي للمداخلات وتختو مداخلاتكم في النص عشان ما نشوفا
المهم ...
اول شي التحية للزميل المناضل اسامة الدياشي
وسيبك من سؤال هنادي وسيف ( الصديق )
الشقيق انت اسامة الدياشي بتثق فيهو ؟؟
اوصف ليك بيتهم وين في عطبرة عشان تمشي تسألوا ؟
طيب في عطبرة في حي اسمو الحصايا
في مدرسة اسمها الخدمات
في شارع بيفصل بين بيت الدياشي وبين المدرسة على
ما اعتقد واذكر اسمو شارع الشمالي
والتحية للمناضل اسامة الدياشي فقد كان من اخر
الذين خرجوا معنا من الجامعة على طريق النيل
عترة والتحية لاشاوس امثال اخي الصغير اوفقير
والحبيب على حارن كجام والحبيب الاخ عضو المنبر
عصام ابو حجل وكل المناضلين الاشاوس الذين لم
يتركوا حرم الجامعة الا بعد ان داهمتها قوات
الشرطة بعد حصيلة ما لا يقل عن 94 كوزا
طريحي فراش مستشفى ود مدني
هوي يا وليد ارعى بقيدك
عليك الله انت الدفعة كم ؟
بس ما تبقى من دفع اولاد تامنة ؟؟
ـــــــــــــــــــــــــــــــــــ
امشي كمل لعبك وتعال
| |
|
|
|
|
|
|
|
|
 لا ياودالعمدة! (Re: محمد حسن العمدة)
|
Quote: انت اسامة الدياشي بتثق فيهو ؟؟
اوصف ليك بيتهم وين في عطبرة عشان تمشي تسألوا ؟ |
لا يا عمدة تجدني لا أتفق معك هذه المرة
أنت بتبرر ليه و يسألو منو و عن شنو؟؟؟؟؟؟!!!!!!!!!!!!!!!
كونك أنصاري صميم و أحد كوادر حزب الأمة القومي دي حقيقة
بالمناسبة أصلاً البوست دة حُرف بقدرة قادر ليتحول لهجوم على حزب الأمة القومي
بس مش مشكلة
ما تبرر لي زول و لا زول عاقد ليك محكمة هنا عشان تدافع عن نفسك يا حبيب
لنا
| |
|
|
|
|
|
|
|
|
|
Re: لا ياودالعمدة! (Re: محمد عادل)
|
Quote: ياود العمدة انت انصارى والبشك فى انصاريتك دا اشك فى نفسو
خليهو يمشى اسال عنك الزول دا |
لك الحب كله يا حبيب محمد عادل
| |
|
|
|
|
|
|
|
|
|
Re: لا ياودالعمدة! (Re: lana mahdi)
|
Quote: ما تبرر لي زول و لا زول عاقد ليك محكمة هنا عشان تدافع عن نفسك يا حبيب
لنا |
اميرة الأمراء والاميرات
طبعا الوليد ده انا بجاريهو عشان يتعلم ويفهم
كيف يحترم الناس ولازم نصبر للناس الزيو عشان
نشر العلم والادب في حد ذاتهم رسالة سامية , لن
اسعى لتبراير او دفوعات فهنادي التي اطلقت
الاشاعات تعرفني جيدا وهي وانا نعرف السبب
وكذلك الذين سبقوها , الاخ الفاضل سامي ناصر
وناصر علي وعبد الناصر هؤلاء يعرفونني جيدا
( ولا بد ان هنادي التقطت اواحيطت بما لم يحيط به
غيرها امثال فالكو )
وخاصة الاخ الزميل الفاضل عبد الناصر فقد واجهنا سويا
المرحوم علي عبد الفتاح عندما جاء الى النشيشيبة
في ركن نقاش حاشد تصديت له خاصة عندما تناول بسوء
الشهيد محمود محمد طه وكانت النتيجة ان تنشن الكيزان
وافتكروني جمهوريا وحاولوا ضربي وندموا على ذلك
وجاء هنا ذكر الحبيب الزميل الدياشي لانه تربطني به
علاقة خاصة هو والحبيب الزميل احمد صالح هؤلاء وقفوا
معي وقفات لا انساها ابدا ولذلك وجب علي تثبيت
ذلك عندما جاء ذكر الحبيب الدياشي .
من اجل الدياشي فقط يا اميرة وليس من اجل هؤلاء الرجرجة
| |
|
|
|
|
|
|
|
|
|
Re: لماذا يدافع محمد الحسن العمدة عن الكيزان؟ (Re: Walid Safwat)
|
| Quote: تنويه : صامولة عويرة يعنى تربط فى اى حاجة وبتوالف مع اى حديدة |
دي قوية يا كومندة...ما اكثر الصواميل العويرة..
العزيز ود العمدة
عالم الشيوعين منقسم الى اثنين معاهم او ضدهم..
ضدهم بالضرورة حتكون كوز..
لانه عالمهم ما بيحتمل اكثر من كدا..
وتاريخهم في ترويج الاكاذيب بدا بقيامهم..
العداء السافر لكل مخالف لهم في الراي حتى
الاعضاء الذين تختلف وجهات النظر بينهم وبين
البعض يتحولون الى شاذين جنسيا او
مجانيين او غواصات.. تهم جاهزة تدور منذ الخمسينات
الان يريدون تبرير موت شيبون انه كان مريض
نفسيا ويشككون في وجود رسالة يلوم بها
بعض اعضاء الحزب بالاسم...رغم ان هذه الرسالة
ثابتة باقوال المحققين الذين حققوا في الانتحار..
لكن فلول اليسار تريد ان تلصق بشيبون الجنون وفي شخص
اقترح انه كان شاذا وحدد من هو الطرف الآخر...
شوف اي زول بيقول ليهم بغم بيطلع كوز بقدرة قادر
بعدين طوالي ينضموا لبعض ويرددوا نفس الكلام
والكذب دور مرسوم .. مافيه اي خيال..
انا عملوني كوزة بعداك اهنت ا لشعب السوداني
بعداك في الامن بعداك شغالة في الحكومة..
نفس الكلام بيتكرر,, ودي الطريقة اليسارية ترديد الكذب
الى ان يصبح حقيقة
نحنا محظوظين لانه متاح لنا الدفاع عن النفس فورا...
زمان يستخدموا الميدان في ترويج الاشاعات ضد
ضحاياهم..والضحايا لا يجدون مكان للدفاع عن نفسهم فيه,,
ولكن شكرا للانترنت الذي كفل لنا حق الدفاع عن النفس.
والمضحك انهم شغالين بنفس الطريقة القديمة..
ودي دليل على تحجرهم والغباء... يجي الواحد يكتب ليه كضبة
مفتكر حتفوت على الناس
مثل اكاذيب شـــهناديــــــــــروق
عن زوجي مثلا.. هل شخص عاقل في حزب يحترم
نفسه يمكن ان يكذب كذبة مثل هذه؟
زوجي رجل معروف وتاريخه معروف..ومعروف
انه حضر الى هنا وهو يحمل الدكتوراه
وليس مبعوثا.. كما ذكرت هنـــشروقـــــــادي..
كما قالت انه كوز والتاريخ يشهد ماذا حدث سنة 1977
في الحركة الطلابية الاسلامية
تاريخ معروف ومعلوم ولكن من يقرا ومن يحبث بجدية
بدلا من خلق الاشاعات وتاليفها..
يا محمد العمدة الى ان يتعلم هؤلاء ان
الكذب الان صار يكشف بسرعة
وان نظرية احداث السمعة بعداك ما مهم من يصدق قد انتهى
لان كان يمكن ان اعمل اسكان لشهادات زوجي من امريكا..
وانه لم يبعث للتحضير هنا ابدا
وتنتهي الكذبة في دقيقة...
وممكن ان احضر شهادة من اشخاص في الحزب الشيوعي او اي حزب آخر
كانوا في الجامعة سنة 1977
بعد المصالحة.. ليروا الاحداث.
والانشقاق الذي حدث
ومن هم الذين كانوا يتحدثون في الاركان..
لتعرف هنادي وغيرها من هو الكوز..
على الحزب ان يحاسب الاعضاء المنفلتين الذي يشيعون الاكاذيب
دون تروي وهم يعرفون انها اكاذيب ولكن
يريدون اشانة سمعة الخصوم بئس الطالب والمطلوب
مثل انك كوز هذه وانت تنتمي الى حزب آخر
ومعروف..
هذه كذبة يجب عمل مجلس محاسبة لهنادي على اطلاقها..
لو كان الحزب يريد ان يكسب اعضاء جدد
او متعاطفين..
وعلى الحزب ان يحاسب الاعضاء على سلوكهم العام..
اي واحد يقوليك ياخي فلان داك ما بيمثل الحزب
ومشترك في البورد بصفته الشخصية
وتجد ان ذلك الفلان دائما طارح نفسه شيوعي..
عشان تعرف ساذجة القائمين على الحزب...
انا شخصيا قد كسبني الحزب عدو( رغم تصالحي معهم منذ نعومة اظفاري) ساقوم بعمل
كل ما في وسعي حتى لا يكسب مقعد واحد في البرلمان.
في الانتخابات ساذهب الى السودان ان شاء الله
واي دائرة نازل فيها شيوعي
ساقوم فقط يتوزيع اوراق يالاشياء التى تكتب هنا
من قذف للاعراض ونشر للاكاذيب.
لنرى هل يريد الشعب السوداني الطيب ان يمثله هؤلاء في الانتخابات
ونشوف بعداك من سيكسب.. ساقوم بتنزيل المناضل المضاد
على الارض..ومن دقنو فتلو...
على الحزب ان يجبر هنادي
ان تعتذر لود العمدة. الذي يمارس حقه المشروع وهو الدفاع عن النفس..
لانه بالجد دائما تقعوا في شر اعمالكم بغفلتكم وهبالتكم وعدم مسؤوليتكم..
تستهترون بسمعة الناس . تكذبون بكل بساطة
وتنسون التأريخ المدون هو اسوء التواريخ..لانه يبقى
للابد.. شاهدا عليكم بخط يدكم..
وننتظر ان نرى الحزب وكيف يتعامل مع هذه التهم الجزافية..
التى تقطع من الراس الى الكي بورد.د ون سابق معرفة
| |
|
|
|
|
|
|
| |
saif massad ali
A.Razek Althalib
إسماعيل وراق
تولوس
gamal elsadig
عمر دفع الله
نيازي مصطفى
حسين يوسف احمد
bayan
Waly Eldin Elfakey
lana mahdi
Deng
Mahadi
Bashasha
hanadi yousif
عمر فالكاو
ايوب عبدالرحيم
محمد عادل
mohmmed said ahmed
محمد حامد جمعه
Walid Safwat
فيس بوك
تويتر
انستقرام
يوتيوب
بنتيريست