|
|
 الأخت تراجي وناس كندا عليكم الله شوفوا لي هجرة بي غادي
|
الاخت تراجي والخالة نور تاور وناس كندا
سلام
عليك الله يا جماعة شوفوا لي هجرة لي كندا دي بي غادي لأنو
الظاهر كدا السودان دا خلاص بقى ما فيهو حاجة. أو مامنو فايدة
نهائي لأنو الحكومة ما نافعة ولو عاوزين ينتفضوا عليها حا تشيل نصف
السودانيين والبلد حا تتدمر.
الأمر الثاني وحسب نظرتي الخاصة دخول ناس أمريكا إلى السودان
حايكون الأمر عراق آخر وما حتكون في اي حياة في البلد لأنهم
ما حا يكتفوا بي دارفور وبس وبل بالعكس حا يدمروا كل شيء جميل
في بلادي حتى الأخلاص.
والله يا جماعة انا جادي في موضوع الهجرة دا.
مادام كبار البلد موافقين علي الاحتلال يبقى انا الصغير دا مالي
ومال المشاكل, احسن امشي اشوف لي دولة اوروبية مستقرة تكفل حقوقي
وحقوق اولادي وتربيتهم, لأنو الدول العربية ما حا تقبل بينا تاني
وحا يضايقونا ويكرهونا يومنا.
ولكم التحية
أبوفتحية
|
|
 
|
|
|
|
|
|
|
|
Re: الأخت تراجي وناس كندا عليكم الله شوفوا لي هجرة بي غادي (Re: الصادق صديق سلمان)
|
| Quote: والله يا جماعة انا جادي في موضوع الهجرة دا. |
الصادق كيفنك
انا مارحبت بيك قبل يومن تلاتة
ما شاء الله مشاركاتك وصلت 189 مشاركة
كدا انت في اول الطريق الى كندا وياريت كمان لو زودتها شوية
شوية شتيمة من هنا وشوية صور ملفوحة من هناك وشوية عناوين تزغلل
وتعمل ليك كم شكلة في المنبر دا وكان ما لقيت زول تشاكلو شاكلني انا دا 00 مسامحك يا زول
بعدها بي كم اسبوع تلقى نفسك بقيت مناضل كبير وتطلع كم اشاعة الصادق اعتقلو الصادق شارك في مسيرة شنو والصادق في مدينة وين والصادق موبايلو مقفول والصادق وين حتى الناس يحتاروا فيك دا الصادق صديق سلمان وللّ السيد الصادق المهدي
وبعد دا شوف كان ما لقيت الفيزا
بعدين ما تنساني لمن تمشي كندا 00 سمح
انا مش الاديت الفكرة
| |
|
|
|
|
|
|
|
|
|
Re: الأخت تراجي وناس كندا عليكم الله شوفوا لي هجرة بي غادي (Re: الصادق صديق سلمان)
|
الأخ / الأمين
ياخي الموضوع بتاع الهجرة دا جاء زعل من الناس
الحاكمة في السودان والناس المعارضة سواءً.
يعني ممكن تقول روحي انهزامية لأني براي ما بقدر اعمل
حاجة, لا بقدر اعارض ناس ملأوا السودان أمناً وممكن واحد
يديني كف يوديني الآخرة و بعدين انا زاتي ما مقتنع بالمعارضة
الحالية دي لأن الأمر بالنسبة لهم وكما اعتقد انهم يريدون ان
يحكموا فقط. لأنهم حكموا السودان دا زمان وماعملوا حاجة واحدة
صحيحة.
لكن حا اعمل بي نصيحتك دي وحا ابدًأ اشاكل واحسن واحد تشاكلوا
عشان تهاجر هو حسين ملاسي او محمد حامد جمعة.
أبوفتحية
| |
|
|
|
|
|
|
|
|
|
Re: الأخت تراجي وناس كندا عليكم الله شوفوا لي هجرة بي غادي (Re: الصادق صديق سلمان)
|
Quote: الأمر الثاني وحسب نظرتي الخاصة دخول ناس أمريكا إلى السودان
حايكون الأمر عراق آخر وما حتكون في اي حياة في البلد لأنهم
ما حا يكتفوا بي دارفور وبس وبل بالعكس حا يدمروا كل شيء جميل
في بلادي حتى الأخلاص. |
الاخ العزيز أبو فتحية..
ياخ أنت يمكن معاك حق في حال البلد والناس ولأنها بصراحة البقت بقت ..والهاجرو ديل احسن منك في شنو بعدين كلها أرض الله ..لكن كلامك الفوق ده ما بخليك تسافر وناس كندا ديل ما حيشتغلوا بيك الشغلة ولا بهببو ليك.. ولمن تمشي تسلم أول صرفة من الويلفير بتاعهم ما تقول كلامك ده حيقطعوا منك يا عزيز ده لو حتمشي لجوء طبعا...أنت لازم تقول أنو أنا برحب بالقوات الدولية لتحرير السودان وركز على تحرير دي وانا حأمشي إستقبل القوات الاممية في مطار (الحمرة) في دارفور ..وبكلامك ده تكون عملت كم زوبعة كده في المنبر كده وكم وهمة عشان مناضلو الكيبورد ديل يسعوا في السفر ..
(أكتم السر)..
ده غايتو لو عندك نية سفر بالجد...........
| |
|
|
|
|
|
|
|
|
|
Re: الأخت تراجي وناس كندا عليكم الله شوفوا لي هجرة بي غادي (Re: الصادق صديق سلمان)
|
Quote: الأخ / الأمين
ياخي الموضوع بتاع الهجرة دا جاء زعل من الناس
الحاكمة في السودان والناس المعارضة سواءً. |
يا الصادق انت بس محبط
انا البكلم فيك دا يمكن اكون من اكتر السودانيين تضررا من نظام الانقاذ
لكني اعرف افرق تماما بين مصلحتي الشخصية كفرد والإنقاذ كنظام والسودان كبلد واُمة
وقسماً عظماً ما استرزق بي سمعة بلدي وقسماً عظماً أطأطأ لي مخلوق ولو راسي انحنى ادوسو بي رجلي
ودا ما يعني كل الناس البرا عملاء ومرتزقة ووو لا لكن للأسف منهم النظره تحت قدميه ويحاول بي شتى الوسائل يشوه صورة بلده وما يهمه الا نفسه النظام يتغير بي غزو بي انقلاب بي أي حاجة البلد كلها تحرق ما مهم المهم يكون ولد قيافة ويتكلم بي اسم الغلابة التعابة وهو ابعد ما يكون عن التعب والغلب
انا ما عرفتك انت بتكب من وين ؟ لو من السعودية بجوا ممثلين لي ناس الهجرة لي كندا ومكاتب السفر مفتوحة لي أي مكان في العالم وبعلنوا عنها في الصحف
وفي النهاية يا الصادق فكر كويس وأوزن الأمور بميزان حقيقي وبعدها قرر والقاسمه ليك الله بتجيك لو انت في كندا ولو انت في محلك البتكتب منو دا
Quote: لكن حا اعمل بي نصيحتك دي وحا ابدًأ اشاكل واحسن واحد تشاكلوا
عشان تهاجر هو حسين ملاسي او محمد حامد جمعة. |
 اوعا تصدق كلامي داك وتقوم تشاكل
الشكل دا ابعد منو الا يجيك ويبقى ليك في رقبتك دي والوقت داك اتحزم وامرق ليهو
| |
|
|
|
|
|
|
|
|
|
Re: الأخت تراجي وناس كندا عليكم الله شوفوا لي هجرة بي غادي (Re: الصادق صديق سلمان)
|
Quote: ده غايتو لو عندك نية السفر بالجد
|
الأخ حاتم
سلام
لو الجماعة ديل عملوا اللازم أكيد حا اسافر
لكن بالنسبة لي كلامك الخاص بالوطن فهي حقيقة
ماثلة لا يعلمها أو لا يعيها الكثيرون عن قصد لأنهم
يريدون أن يعوها.
ياخي ناس الحكومة حرموا الشعب السوداني كرامة وسهولة
العيش في ارضهم الحرة المليون مربع وناس المعارضة لمن
كانوا في الحكم ماعملوا حاجة لي الشعب دا وهسي يجوا يقولوا
ليك (نحن نرحب بالقوات الدولية في دارفور) حاجة عجيبة ياحاتم
بعدين الناس ديل ما شايفين العراق ولا لبنان ولا أفريقيا دي زاته
فيها كم دولة عندها مشاكل زي دي يارجلز ولا الأفارقة في أمريكا
عندهم كم معاناة يا رجل.
عشان كدا اخوك لمن يهاجر حا يرتاح زي ما الناس الهناك دي مرتاحة
ويناضل من خلال الكي بورد والمظاهرات التي ينظومها هناك والهتافات
ابوفتحية
| |
|
|
|
|
|
|
|
|
|
Re: الأخت تراجي وناس كندا عليكم الله شوفوا لي هجرة بي غادي (Re: الصادق صديق سلمان)
|
| Quote: إلا كان جايي ترتاح اقعد قبلك البلد دي مافيها راحة |
الأخت تراجي
سلام
انت بس حاولي لي بي غادي وما ينوبك إلا ثواب.
مستقبل السودان خلاص انتهي يا اختي.
حكومة لا تعمل لمصلحة الشعب ومعارضة تريد تسليمه إلى أنياب
الأسد (أمريكا) وبالنسبة لي العراق ليس ببعيد على الرغم من أني
اقف مع أهلي في تلك البقعة الطيبة (دارفور) ولكني وبما اني سوداني
ولي رأي فرأيي هو أن الحل ليس بيد الأمريكان.
وعشان هم جايين انا بخلي ليهم ولي الناس الجابوهم السودان السودان
كلو.
أنت أعلم وأدرى مني بكيفية سهولة الحياة هناك رغم صعوبتها خصوصاً
تربية الأولاد الذين يحتاجون لحياة كريمة في بلد (ديمقراطية)
أبوفتحية
| |
|
|
|
|
|
|
| |
الصادق صديق سلمان
hatim
Tragie Mustafa
محمد الامين محمد
فيس بوك
تويتر
انستقرام
يوتيوب
بنتيريست