|
|
|
 Re: بكري ابوبكر... أديك ســـر ؟؟ (Re: عنيده)
|
اديك ســــر ؟
خلتني اسرح في القبيل ,,,في الجاي والحاضر الفتر
واحنس الزكري الامان ..ترجع تقيف... تنجد غريقه من الخطر
اصلو المقدر لي كان ...ووقعت في ريد البحر
ومن الــقدر أين المفـــر؟
مااصلو مكتوب لي مسطر,,
اديك سر؟
ياريتني ارجع طفلة.. وارمي الضفاير في الضهر
يابت عنيدة هالة جات ..ماشين علي درس العصر
واتجاري افتش مره كراس الحساب ومره لشريط الشعر
وقبل الدرس نتلم صحاب ... نتلم كتار
نلعب سوا من حجلة لام الحفر,,,
وسلوي ياسلوي مالك بتبكي عايزه ايه؟
عايزه انووووم بعد السهر,,
وهمي المكوم في البحر يتلاشي
...... لامد لاجزر
اديك ســـر؟
ياريتني ابقي المستحيل
وامسح فروقات الزمن,,
يعود الحبيب حضن الوطن
ويرجع بعد غربة الامان
شوق البعيد لناس حنان
مليانه بالود والسلام
لا كلام زعل لاحديث خصام
لاشكوك لا ظن,,,
واديك ســـر...؟
ح نتلااااااقي...
نتلاقي من بعد المدي
ماريدنا مالي الاورده,,
ساكن في شريان الغنا,,
وباقي العصب للافئده
من بدري ضيعت الخبر
وعندك لقيتو بمبتدا,,
يامنتهاي خليك قريب
عندك وجدت المبتداء
عنيدة في لحظة خرف(الله يجازيك ياأمنه)
| |
 
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
بكري أبوبكر أديك سر ؟؟ خلي حاجة آمنة تدخل
عنيدة دي ما بتجيب من طرف
حاجة آمنة دي يا عنيدة ياها الحاجة الهناك ولا واحدة تانية ؟
عنيدة وينك ما ظاهرة بورتسودان ؟
لحظة شهيق
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
Quote:
مشتهيه لي حوليه في فسحتنا ديك
حلقة زكر ..الله.. الله حي
يــــــــا الله حي
رايات ورق ..صاجات و طار..
والنوبه ايييييييييييييك
الله ..الله ..
مجانين يا شيخ العرب..مجانين
الله ..الله..
يا شيخنا هووووى.. مجانين..
يا سيدنا البدوي .. مجانين
والناس تميل.. الناس تميل
الله .. الله..
وقلوب تميل..
الله ..الله ..
يالله صلى على الحبيب
الله ..الله..
والناس تغـــــــــــــيب..
والقلوب تغرق تذوب..
الله ..الله
ترهف تهش..
والوجوه تصفى و تبش
الله ..الله
في حزتا.. بتخيلك ..
في كل نبضة قلب دق و ارتعش
الله .. الله
في كل وش..
الله .. الله
في كل شي..
أديك سر؟ .. خليك بعيد
|
ســرك باتـع
يا عـنود
وأثني منح صديقتك الحاجة امنـة
أحلى باسويرد
وتحياتي
أحمـد الشايقي
| |
|
|
|
|
|
|
|
|
 Re: بكري ابوبكر... أديك ســـر ؟؟ (Re: أحمد الشايقي)
|
Quote: مشتهيه لي صحية دغش ..
والناس نيام
تطل على نسمة خريف
صارا لي منك سلام..
صاراو شــــــــــــــديد..
في حزتا ..تطرب تزغرد..
حلة حلة .. وحارة حارة
وشفع الجيران يمرقو
لابسين جديد..
يمرقو ما يفضل نفر
خالتي سيدة تلقى مريم
يتقالدن ..بعد قطيعه..وحورب عنيد
أديك سر؟ ..خليك بعيد |
الأخت الحبيبة
عنيدة
حأديك سر
و ما تكونى
بعيدة
كلماتك,
من اجمل ما قرأت
و اسلوبك,
من اجمل ما رأيت
و لكى منى
و للحاجة آمنة
كل الحب
و التحية
غادة
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: showgi idriss)
|
هذه المرأه العدويه أعدو إليها يا بكرى بإحسان وأفتح لها الأبواب فإن ما قالت به يرفع لها الحجب فعشقت الذات وهوى عشقها لا سواه.............فيا عنيده من أين لك تلك....
فيا بكرى نثنى دخولها فإن فرشتها تغير منها ما لدافنشى ودالى وبيكاسو
منصور
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
عنيده تحياتى ..
جميل ما كتبتيه ..
ومرافعتك وتذكيتك لصديقتك من اجمل التذكيات .
أما الحاجة آمنة عرفتها من خلال آجمل الناس ولم اصدافها الي الان
واشهد من خلال ما سمعته عنها بانها انسانة مقتدرة وتملك من العطاء
ما يجعلنا نطمع بان تكون هنا حتى نتعلم منها .
وقولى لها اليل مظلم وحالك والروح فى غاية آخر الروح .
اتمنى أن تكون هنا الحاجة آمنة .
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
.. بتخيل ايامى البدن بى طلتك ...
و اتخيلك زخة مطر
... تحضن ارض عطشانة يوم ما ملتك ...
و اتخيلك رنة نغم
... بتردد اجراس الفرح لمن تجود بى بسمتك ...
واتخيلك انفاس ورد
... يبداء ربيعو بى هلتك ..
و اتخيلك و اتخيلك ...
حجوج
ـــــ
عنوود !
عاش من شاف ليك حرف،،
هذا بعد الشوق،،
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
عنيييييييييييييييييدة
سلامي وإحترامي وترحيبي بحجة آمنة
| Quote: بكري ابوبكر... أديك ســـر ؟؟ |
شوف يا تدي حجة آمنة دي باسوورد ولا أنا بخليها تدخل بإسم بدرالدين شنا
هي (عنيدة) يا بكري إنت خليك أحسن منها إنت الكبير
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
ياربييييييييي من صباحكم..
ثااااااااابت..
ياها حجة امنة صديقةالسايبر وحبيبة القلب
ورفيقة الخرف
انت فارقت الحوش داك مالك
شكرا" لدعمك
الشايقي
عرفت اي سر الحاديهو لبكري؟
دي حجوجه وكفي البيها بوردينا احتفي
شكرا" للتثنيه
الغـــاده الوسميه..
جيتك براها كرنفال فرح ياحبيبه
(عاجباني بسمتك دي)عيني بارده
دي كلمات رفيقة الخرف حجة امنه
امانه مابعجبك خرفا
شكرا"نبيلا"..
خال فاطمه..
تسلم يابا علي تثنيتك
وتحياتي للحنينه السكره
شوقي ياابوالشووش
تشكرات يامان علي الدعم
منصور المفتاح
زيارتك فيها تشريفنا مزاجنا وتكملة كيفنا
.. واديك سر؟
حجة امنة رفيقة سدار ممتازه جدا"
شكرا" مطر.
غمرتوني بالفرحه..
لكم السعد يارايعين..
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
سفيان نابري
يقولو ليك شنوبعد جميل(قولك) دا
ياصديق(اجمل الحلوين)
شكرا" مطر يارايع لتثنيتك..
الفاتح وديدي
تشكر علي دعمك..
شكرا" جزيلا"
نوووووبي
قلت احسن كده
حجوجه جاياك يابشرا
خرف بمزاج
شكرا" لانك هنا صديقي
سوميتاااااااااااا
يابت شوق الشوق والله
امس كنت بقرا مداخله لخالتو سلمي
لقيتك فيها وقفتااااااااا..بث
وبجد طولنا..
وعاش من شافك
ALGARADABI تحياتي .. وتشكرات لانك هنا
لكن الـــ Favorites عديييل كده
اديك سر,,,,
دا كلام خرف مااابنحملو
تسلم ياملك
حسام يوسف
يسأل منك الخيييير.. وصلني سؤالكم وسلامكم
ليكم اصفي الود
,,,
شكرا" لتزكيتك يارايع
بكري الامين.. ماتنتظر ساي قوم بالواجب
مني خوجلي
تسلمي كتير علي تزكيتك
ومني ومن حجة امنه محبة وتحيه ليكي ولايه
عمو ودرمليه
(عمدة عشاق كوستي)هنا(عيون مقلعه)
ليك مودتي ولاحباب هناك..
امنه مختار يابت بلدي يابت سوداني
دباكتيوا
ياها زااااااااتا حجة امنه
شكرا" لدعمك ياروعه
وليكي مني اشواق وتحايا كميات
بدرالدين شنا
تسسسلم ياالبدرررررررررري
حجة امنه قالت ماعندها مانع
تدخل بباسوردك وتزيدو(حـــلا)
شكرا" لتزكيتك.. شكرا" مطر يارايع
عبدالله وداعه..منورين بيك والله
مشتاقين..
مالك حتي في ال msnماظاهر
تسلم ياملك علي التزكيه
وشكرا" كثييييييييييف
لكم السعد
لكم السعد
لكم السعد
لكم السعد
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: ابوبكر الامين يوسف)
|
سلامات
وعوافي
يابكري حاجة امنة من اللائي تحتفل بهن المحافل والمنابر ... وهي كاتبة رصينة تشهد لها الاسافير بالروعة والحرف الندي ... اول ما قرات لها كان في عكس الريح .. تكتب وكان كلماتها تمشي ..
فهلا منحتنا هذا الضياء عله يسحر عيون المساء ....
الف مرحبتين حاجة امنة ..
ومنتظرين
تخريمة:-
ياجماعة رسلتو ايميلات تزكية لي بكري ابوبكر ...؟
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
العزيزه ععنيده
حقيقه جعلتينى اسرح واعيش فى لوحتكى ففعلا ما كتبتيه لوحه حقيقيه بتفاصيلها البسيطه العميقه لبت بلدى ف ايتانينا ودانيتا بحاجه امنه فالسيد بكرى باذن الله لن يرد اى جميل
امانينا
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
فدياس (انشالله يكون كده صاح)
شكرا"مطر للتزكية .. واديك ســر
قول للجماعة يسأل منكم الخييييير ..
بازرعـــة...
اولا" سعيدة بانضمامك يا(سلالة الروعــة)
وتانيا" القصايد دي لصديقتي المخرفةحجة امنة
اجمل مافي الامر اني اوووول من يستمع لحروفا
وبين قوسين اريتو خرف البنيات
شكرا" نبيلا"
حسام .. الهمااااام ..
تسلم ياذوق
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: Hozy)
|
أضم صوتي للعنيدة، زينة البنات،بقول مموسق، وحس يباهي ببنت بلدي الدنيا بأكملها قائلاً لها، أنت :
رويانا من صحية دغش ..
والناس نيام
متمني لي ثورة وكلام،
معسول لذيذ، منك سلام
منك سلام، رعشة دعاش،
منك سلام ..
والناس نيام،
منك سلام
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
مهيره
تشكري ياراقيه..
علي محمد علي بشيرتسلم يارايع علي تزكيتك
وحجة امنة+عنيدة = ريدة شديده
هووووووزي الجميله
واحشاني ...
مودتي
..حيدر بدوي صديق
كان عارفاك بتجي
كان (ضبحت )ليك بوست تاني
تسلم..
وانا مني ليك ..مليون سلام
حيدرنا ياحلو الكلام
وبتمني جيتك لي دوام
ود زينبتسلم يالاصيل
,,,
شكرا" نبيلا"علي تثنيتك
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
Quote: الغـــاده الوسميه..
جيتك براها كرنفال فرح ياحبيبه
(عاجباني بسمتك دي)عيني بارده
دي كلمات رفيقة الخرف حجة امنه
امانه مابعجبك خرفا
شكرا"نبيلا".. |
الحبيبات
عنيدة,
و حجة آمنة
الخرف ما عندكم
لاكن
ممكن نخرف معاكم
كل الحب
و كامل الود
غادة
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: Soumeta)
|
سلامات
وعوافي
ياعنيدة ويابكة الحاصل شنو ياجماعة ..؟
نقوم نعمل مظاهرات في المنبر دا والا كيف ...
ااااي والله حاجة امنة تستاهل انتفاضة موش مظاهرات ..
وياشباب خليكم مصحصحين ما معروف وقت الانتفاضة متين ..
Quote: حاجة امنة اتصبري
عارف الوجع في الجوف شديد
عارفك كمان مابتقدري
حاااااااجة امنة حاااااااااااااجة امنة |
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: ودرملية)
|
ما تخليك عنيدة و أدينا معاك سر
حاجة آمنة لازم نفكّ عنّـهــا الأسر
نقيف معاها و لى بكر ما بننكسر
و لو قال أبيت تلقينا ناس كسر
لازم تكون بيناتنا بى رضا أو قسر
الما بساندك فى رجاك هو الخسر
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: ابوبكر الامين يوسف)
|
عنييييدة إتصبري
وحاجة آمنة..إتصبري
عارفة الوقوف بيزهج كتير
لكن عارفنك إنتي بتقدري
إتصبري لحدي ما اللورد يفتح الباب
مرحبا بحاجة آمنة..
وشكرا عنيدة
عصام
ــــــــــــــــــــــــــــــــــ
عنيدة ..كل ما أقرأ إسمك بتزكر (مفيد وعنيدة) المسلسل بتاع الأطفال الجميل
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: حسام يوسف)
|
الـ غاده الوسيمه
اديكي سر؟ دي يابتي ((( لوحة جمال موكب عطر)))
اتفضلي يالحبيبه خرفي براحتك
سوميتااااااااااا
عمري بعدو بالساعات عشان خاطر مواعيدو
جبناها
| |
|
|
|
|
|
|
|
|
|
سا اظل اجلب كل يوم وردة (Re: عنيده)
|
تسلمى يا ست البنات ...
على الكل شى ...
انك حبيبة ...الاقرب ...
وشكرا لى ضيوفك الجميلين ...
حقيقة استقبال سر بالى واسعدنى حد السعادة ...
شكرا العزيز بكرى ابو بكر ...
هوووووى
تانى شكرن ..
سمح ؟
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: حجة امنة)
|
يا عنيدة
سرك جميل ..
وموهوب ..ومبدع للغاية
والله اعجبتنى حجة آمنة ولغتها السلسة ..وموهبتها الفذة ..
وحلاوة كلامها وطراوة دخلتها على البورد ..
وخفة دمها الواضحة
بسحروك يا حجة آمنة ..وكمان اسمك جميل ومميز ..
يا مرحبا ...
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
بكرى اديك سر اخطر من سر عنيدة..
اشطب عنيدة وحجة امنة
لانهم اكبر من مساحة الفرح الهنا
واجمل من اى وردة شفتها
وحلوات حلاتا بلا السكر
وشقيات شقاوة الارانب
اطردهم خلى اى بستان يحتضنهم
احبهم فرادى ومجتمعات،،،
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: صديق الموج)
|
سلامات
وعوافي
ياود الموج كدي شوف لينا معاك عنيدة دي طارت وين ..
ياعنيييييييييييدة تحضري يا يما ماتغيبي ..
انتي طرتي وين يازولة ماتجي حاجة امنة الفقرية ياهدي قاعدة في نص البيت ..
والبيت محروس وستو تكوس
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
ثابت
.. شفتها جات من غير ميعاد
ود رمليه
...اولا اعزر خرفي واني كنت بقو ليك ياعمو
قرقرقرقر.. ياخي احرجتني علي قول ... طلعت انا المخرفه
ابوبكر
.. قادر الله علي اجتهادك يابو الحروف هي هي هي هي
شكرا"
رأفت ميلاد
.. شكرا" علي الترحيب بصديقتي
الملك
... زمممممممممن وين ياانت
هسي السربعه الماسكو ليك منو قال خير
ولا طير في الباقيروتب ولا طب ساكت
تماضر....
حباب السمحه..سري باتع موش
.. شكرا" لمرورك المبهج
ودالموج...
الكلام انتهي..
لكن ملعون المابحبك ياخي
وشوق الشوق ياخالنا وعمدتنا
دا بالاجماع
ود رمليه
...كلاكيت تاني مره
طرت بعيد وجيت وتاني طايره
سودانيه ولرسولنا قوماك بيّّّّّا
ايمن طابير
الروعه في جيتك دي
تسلم اخوي
حجه امنه الحنينه السكره
بركه الجيتي واتدفقتي فيضان عمار
وسربعات وكده.. اها شفتي ترحيب الناس دي كيف
حلوين جدا
تسلموووووووووووو
| |
|
|
|
|
|
|
|
|
|
Re: بكري ابوبكر... أديك ســـر ؟؟ (Re: عنيده)
|
سلامات
وعوافي
عنيدة بي ملاح ويكاب ..
اسمعي انتي ماتجي تسربعي معانا بي هناك ..
اسالي الملك او حاجة خايفة من بوست السربعة خليهم يوصفوا ليك عشان انا وصفي مابيكون مزبوط..
بركة الشفناك ياعنيدة ..
| |
|
|
|
|
|
|
| |
عنيده
ثابت محمد
أحمد الشايقي
غادة عبدالعزيز خالد
خال فاطمة
showgi idriss
munswor almophtah
سفيان بشير نابرى
الفاتح وديدي
فيصل نوبي
Soumeta
ALGARADABI
حسام يوسف
ابوبكر الامين يوسف
Muna Khugali
ودرملية
بدرالدين شنا
معتصم دفع الله
Saifeldin Gibreel
انعام عبد الحفيظ
مهيرة
على محمد على بشير
Haydar Badawi Sadig
wedzayneb
رأفت ميلاد
الملك
Tumadir
صديق الموج
Aymen Tabir
فيس بوك
تويتر
انستقرام
يوتيوب
بنتيريست