|
|
|
 Re: دعوة غداء هسي دي طوالي .... (Re: Mustafa Mahmoud)
|
ألأخت سودانية
موافق على الدعوة و ان كان اسمى سقط سهوا
بالرغم من انى كنت من المتواجدين من الصباح
عموما انا (مهوى) بس لازم تكونى عاملة حساب
الناس العندهم ( سكرى ) و ( قرحة) بعيد عنك
اما بالنسبة للتحلية انا جايبة معاى طبعا
مفاجأة .
الفولانى
| |
 
|
|
|
|
|
|
|
 Re: دعوة غداء هسي دي طوالي .... (Re: عوض الله الفولانى)
|
تسلم يا فولاني
تعرف انا طبيخي بشبه اكل ناس السكر و القرحة
لا ملح لا بهارات و لا صلصات
و بركز علي الشوربة و الخضار
ناس بينا لمن اجي بدري و اطبخ بضربوا
و بسموا الطبيخ اكل العيانين
التحلية غالبا سطلة فواكة من فواكة الموسم
حذر فزر موسمنا هنا ايه؟؟
تسلم
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
سلامتك الف سلامة و اللستة التحت دي كلها كرامتك ...
Quote: Muna Khugali
»Mustafa Mahmoud
»nour tawir
»PLAYER
»sudania2000
»TahaElham
»Talb Tyeer
»wadahmed
»بدرالدين شنا
»بشير حسـن بشـير
»بكري الصايغ
»حمزاوي
»عادل عبدالرحمن
»عصام أحمد
»قرشـــو
|
ثانياً ...
عمو قرشو ده بي ترتيبو التحت ده ما اظنو بلحق ، اغرفي ليه براه ...!!!
ثالثا... انا مالي ...
قاعد من الصباح و حياتك ... لكن ماشايف اسمي ...!!
دي حركات من بكري مش كدي ..!!؟؟
انا ماداير معاكم ...!!!
و بعمل لي سندوتش و بحلي بي حلاوة كوجاك ..!!
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
| Quote: قاعد من الصباح و حياتك ... لكن ماشايف اسمي ...!! |
يا من اري ردك و لا اراك
غلطان بعتذر و اعتذر تاني و الغداء ما ينفعنا كان فطيناك
انا قلت امن زي الماسنجر فيها اوف لاين بس انا كيشة في التكنو
تديني معاك حلاوة كوجاك
تصدق
جني حلاوة كوجاك
الحناكيش يمتنعون و ناس كيت كات
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
إنتو ضابحين ولا ريحت الابرى دى شنو؟
بعدين ياخى انا قاعد من صباح الفكى (مافاهم صباح الفكى دى شنو) لاكن قاعد
برضو سقط سهواًً ؟
غايتو شكرا ليك ...
وبعدين الزولة دى عزومتها عزومة مراكبية ساى ...
قولى كلامك دا اخر الشهر كان مابقى ليك حار
سوباجو
اخوى قوم شوف الجعلى طابخ شنو بالله طبيخ (google)
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
بتنا العزيزة سودانية
لك التحية
شكرا على الدعوة
بس ان شاء الله يكون عندكم ملاح قرع وكسرة
عشان نعمل عجنة بت كلب
تعرفى زمان كنا نكب الاكل كله فى الصينية ملاحات مختلفة وسلطة وكسرة وعيش كمان
ونلخبط القصة كلها مع بعض
تطلع وجبة ولا احلى
ولازم الناس يكونوا هدافين واكالين
ويا حبذا لو تخلل الاكل خطف من الايادى
يا حليل ايام زمان ياخى
الواحد بقى ما قادر ياكل ذاته فى الغربة
بالهناء والشفاء يا بتنا انتى والمعاك
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
جظك من السماء و امك داعية ليك اتفضل
تعرف القصة دي Quote: تعرفى زمان كنا نكب الاكل كله فى الصينية ملاحات مختلفة وسلطة وكسرة وعيش كمان
ونلخبط القصة كلها مع بعض
تطلع وجبة ولا احلى
ولازم الناس يكونوا هدافين واكالين
|
بابا الله يرحمو بقوم يذيدها موية من الابريق و الشباب بقوم يصرخ احتجاجا و هو بقول لزوم البركة و الهدف الاساسي بغيظنا عشان نصرخ و نضحك
الحناكيش تلقاهم بقولوا ياي بلدي خالص لووووووووووووووول
تسلم
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
Quote: بعدين ياخى انا قاعد من صباح الفكى (مافاهم صباح الفكى دى شنو) لاكن قاعد
|
دي على وزن حبوبة ونسيني بتاعت النضيف صحبك ...!!!
على كل حال يا سودانية ...
كان دايرة عدس بالقوقل ... كوليل ده بجيهك فيه تب ...
و بي زيت الزيتون ... عشان الكورسترول و كدة ....
و انا قبلت الدعوة ...
| |
|
|
|
|
|
|
|
|
|
Re: دعوة غداء هسي دي طوالي .... (Re: Sobajo)
|
يا فردة ((عندنا هنا ممنوعة الكلمة دي بس انت قلت اسمك ))) انا بموت في العدس بس بشنو قلت؟؟
العدس يقدم معه كبدة ((جامعة الخرطوم زمان)) او جبنة و بالعدم شطة حارة بليمون
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
ضابحين ليه بت النفيدي انا ؟؟ حلة قرع بايتة و شوربة خضار حديثة مع السلطة الخضراء صحن اساسي لزوم الحمية .. لو دا ما كفا العدس رااااااااااااااااقد
و بليلة العدس مغذية
و اهو الجود بالموجود
كوليل
المراكبية كيف بعزموا؟؟
| |
|
|
|
|
|
|
|
|
|
Re: دعوة غداء هسي دي طوالي .... (Re: كوليل)
|
| Quote: دي على وزن حبوبة ونسيني بتاعت النضيف صحبك ...!!! |
عليك نور... سودانية فى البورد ... والنضيف بى الدرب (عز)
أمس قال داير كيكة تفاح الليلة بسويها ليه ...
اها اتفضلو معانا ... مراكبية برضو
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
يا سودانية
لك التحية والتقدير علي الطلاق زي الأكلنا غداكم رغم إنني لست من المعازيم لسبب عدم تواجدي بالمنبر لكن الفضول ورائحة شوربة خضار (ملجة ودمدني) جابنا على البوست- لكن اتوقع الشهور ( يونيو ويوليو وأغسطس ) موسم (المنقة) والبيع (بالكوم)أو بالقطعة - وفعلا الموز بكون غالي جدا اليومين ديل
سؤال ممكن : شنو أخبار المدراس والرسوم الولائية والاتحادية ؟؟ باقي نحن اصحاب وجعة مع مدارس الأساس بودمدني
تقديري ومودتي
الشفيع مصطفى
| |
|
|
|
|
|
|
|
|
|
Re: دعوة غداء هسي دي طوالي .... (Re: Mustafa Mahmoud)
|
Quote: ya sudania I am still waiting
where is your lunch
is it a rumour
by the way are from wad madnee??
lol
dr mustafa mahmoud
سؤال ممكن : شنو أخبار المدراس والرسوم الولائية والاتحادية ؟؟ باقي نحن اصحاب وجعة مع مدارس الأساس بودمدني |
الغداء و اتغدينا و انتو ما جيتو
احلي شئ قلت لاختي انا عزمن ناس للغدا
قالت من كمان ؟؟ و ليه ما صلحتي الاكل و ذتي الحاجات؟؟
قلت ليها ناس البورد
قالت لي يا النبي نوح البت جنت و حاة سيدي شواطينك ديل بجننونكي
السؤال ممكن
الاجابة قالوا السنة دي مجاني
و لسة يومين و ما قالوا حاجة و عيالنا نحنا في المجلس الافريقي و ادوهم طبعا
لكن انا برضو مستنية قرار المدارس و هل هم جادين عشان انا في جمعيتي بكفل ايتام الاساس في بعض المدارس و بوفر ليهم اللبس و بجمع كتب برضو
لو عندك مشكلة قول عوووق نساعدك
التحلية شمام (ابو الرخا)) المنقة تصدق القطعة ب 3000
التفاحاية ب 1000 و الايراني 1500
اما القريب 1000 للقطعة
و البرتقال 6000
و يعني سلطة فواكه بدون عنب و ما فوق تكلف 20000
احسن الشمام
الشاي جاهز و مدور
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
Quote: هسي قلت اخدت الغداء
وقلت اعزم المتواجدون الان
لقيت :
Muna Khugali
»Mustafa Mahmoud
»nour tawir
»PLAYER
»sudania2000
»TahaElham
»Talb Tyeer
»wadahmed
»بدرالدين شنا
»بشير حسـن بشـير
»بكري الصايغ
»حمزاوي
»عادل عبدالرحمن
»عصام أحمد
»قرشـــو
فمرحب بكم علي صينية الغداء بعد 15 دقيقة
اي طلبات اضافية خارج الصينية تجيبوها معاكم
و العصير موية زير
التحلية بشوف حاجة ع الطائر
مرحب
خارج النص: التواجد لغة هو تبادل كلمات الغرام
(عدل بواسطة sudania2000 on 03-07-2006, 08:32 ص) |
بتسـتعبطـي صـح?
أعـزمينـا قبلها بشـهر وشـوفينـا "بنتواجـد" ولا لأ..
حـبي
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
Quote: بابا الله يرحمو بقوم يذيدها موية من الابريق و الشباب بقوم يصرخ احتجاجا و هو بقول لزوم البركة و الهدف الاساسي بغيظنا عشان نصرخ و نضحك
|
رحم الله والدك يا ستى
ولكن يبدو انه كان فردة لاننا كنا بنعمل كده دائما
من الابريق وللصينية مباشرة
تصدقى ما كنا بنقرف ابدا
رعى الله ايام الصبا يا بتى
| |
|
|
|
|
|
|
|
|
|
Re: دعوة غداء هسي دي طوالي .... (Re: sudania2000)
|
Quote: ولكن يبدو انه كان فردة لاننا كنا بنعمل كده دائما
|
الله يرحمو الف رحمة رجل من الزمن الندي و ملون
فريد متفردا في كل شئ و بسيط و حبيب الكل
لك الله يا ابي و لنا الذكريات
قرشو
تسلم يا فردة الفريد
| |
|
|
|
|
|
|
|
|
|
Re: دعوة غداء هسي دي طوالي .... (Re: الخير محمد عوض)
|
المتواجدون الان بالمنبر العام 370 شخص » (32 )عضو و(33 زائـر
»ABDELMAGID ABDELMAGID
»ahmed haneen
»ali elhassan
»ALMURADABI
»Dr.Abbas Mustafa
»Faisal Al Zubeir
»Gaafar Ismail
»garjah
»Haytham Abdulaziz
»Inaam Saad
»mohmmed said ahmed
»munswor almophtah
»Osama Ahmed
»Saifeldin Gibreel
»Sakotaweya
»wadahmed
»wesamm
»أحمد الشايقي
»الخير محمد عوض
»الفاتح وديدي
»انعام حيمورة
»انعام عبد الحفيظ
»بكرى ابوبكر
»حيدر حسن ميرغني
»سامي عبد الوهاب إدريس
»عادل محمد الصافي
»عبدالغني كرم الله بشير
»عصام الطيب حسن
»عمر عبد الخالق سعيد
»فيصل محمد خليل
»مبيوع
»محمد صلاح
دعـوتي لله خـالصـة ان يتواجـد الزوار بهـذا المسـتوى المشـرق 
| |
|
|
|
|
|
|
|
|
|
اتكاءة الاسبوع (Re: sudania2000)
|
الاعزار الخير و ابوحراز
لكم الشكر علي التواجد هنا 
و اليوم الغداء مندي بالروابي و احلي جمعة علي الاطلاق
الحضور قمة الاشراق
و الاكل دسم ووداء للحمية
الجمعة متعة الايام
و اتكاءة الاسبوع
جمعة سعيدة و اسفة جدا للغياب
و لكم كل الحب و التقدر و الاحترام
و حبابكم عشرة
اي طلبات نحن جاهزين
| |
|
|
|
|
|
|
| |
Mustafa Mahmoud
عوض الله الفولانى
Sobajo
قرشـــو
Muna Khugali
خضر الطيب
ابوحراز
الخير محمد عوض
waleed500
فيس بوك
تويتر
انستقرام
يوتيوب
بنتيريست