|
|
 أربعة (خمسة) سنين تجربة وزاد -- شكرا يا بكرى
|
الليلة 20 يونيو 2006م
إحتفال وشكر
إحتفال زى كل سنة
وشكر لبكرى أبوبكر زى كل يوم
20 يونيو 2002م
تجربة وزاد
وحب وأعياد
وبرضو
إنفعالات ليها ابعاد
على قول زميلتنا العزيزة "دريمز"
أربعة سنين ب "الميلاد"
وخمسة سنين ب "التسنين"
أربعة سنين بالميلاد عشان بدت من 20 يونيو 2002م
وكان ميلاد "المطر"
جا مارق من رحم الغيمات، شايل للواطا رسائل محبة ملفوفة فى مناديل الرذاذ الأخضر
فى الوقت داك، السماء قالت ليهو
مبروك عليك يا شقى يا حزين
اليوم إنت أكملت نص فرحك
وما كانت عارفه إنو الروح ذاتا ناقصة ودايره التمامه
فعلا والله تجربة وزاذ
تجربة عجيبة جدا، وزاد يسمن ويغنى من جوع قديم ومقيم
وخمسة سنين من قبل داك، لكين ضاعت شهادة الميلاد
على العموم
ومن هنا، ومن هذا المقام "زى كلام الناس التلقاهم يخطبوا فى الإحتفالات ديلك"
أرسل المحبة والتقدير والعرفان الجزيل
لكل الأعزاء الزملاء هنا فى سودانيزاونلاين
الناس القدام والناس الجداد
الفاتو والقاعدين والجايين
وقبل هذا وذاك
تكريم شخصى ليك
يا بكرى أبوبكر
وفى العمرين السمحين ديل
برسل ليك شكر كتير ليك وتقدير غزير
على كل شى
|
|
 
|
|
|
|
أبوذر بابكر
Nasruddin Al Basheer
فيس بوك
تويتر
انستقرام
يوتيوب
بنتيريست