استمتع جدا بمباريات كاس العالم ، وتعلمت فهم الكورة منهاوانتظرها من ال 4 سنوات للاربعة سنوات بفارغ الصبر لاشاهد سحر الكورة التي لا ارغب في مشاهدتها في اي وقت اخر هذه السنة فاجانا السيد صالح كامل بقراره المفاجيء المستفز جدا!! يعني الكورة دي لعبة قالوا اسمها لعبة شعبية وليست لعبة حنكوشية!! يقوم بجرة قلم وقرار يشفرها لينا؟؟ والمنطق شراء كرت ب 500 الف جنية ، سوف اقول فوق شنو ؟؟؟ عشان اشوف كاس العالم بالطريقة التي يرغب بها صالح كامل ؟؟ بالامس عرضت المبارة الافتتاحية مجانا ، وفي كل لحظة قلبي كان بيدق واوقول الله يكضب الشينة وحسه حنمسع جملة ( اشتركوا الان) لكن تواصلت المباراة واتضح انه اكرامية منه!! ورغم مشاعرنا الكورية المجهجهة بفعل عوامل صالح كامل الذي اهدر الاحساس الكروي لمليون واحد غلبان وحكومتنا المبجلةاللي ما راعوا مشاعرنا وفعلوا مثلما فعلت الاردن والمغرب لشعوبها سنتابع الكورة بدون كرت وسنتجهد للاستمتاع بها رغم كل ذلك وبالغتوا في حقنا والله عفوا العنوان جهجهتا مشاعرنا .. واكيد الكلمة ذاتها اتجهجهت زي ما جهجهونا
Quote: ورغم مشاعرنا الكورية المجهجهة بفعل عوامل صالح كامل الذي اهدر الاحساس الكروي لمليون واحد غلبان
..
Quote: عفوا العنوان جهجهتا مشاعرنا .. واكيد الكلمة ذاتها اتجهجهت زي ما جهجهونا
والله يا مايا حالتكم ( تجهجه ) نحن هنا كنا الحمد لله مستمتعين بالنيل الأزرق على الاقل كافيانا من ثقالة الفضائية السودانية الكملو بيها قروشنا.. قام غضب علينا .. وشفرهـ .. تشتري الاشتراك .. غير المسلسلات ما تجي فيهو حاجة .. عليك الله الداير مسلسلات منو؟؟ .. الـ ART زي الزفت .. امس حضرت فيها الافتتاح والمباراتين .. ندمت عليها.. ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة