|
|
 رســـاله الى عــظماء الدوحــه (فقط)
|
الســـــــــــــــــلام عليـــــــــــــــــــــــكم
اليوم هو يوم ميلادى بينكم والفضل يرجع للاستاذ بكرى ابوبكر الذى اعطانى قلما جديدا ملكى انا وحدى وانا بينكم الان بكينونتى غير متطفل عليكم اليوم هو يوم ميلادى الاول وانا احدث مولود منبرى احمل جنسية( سودانيز اون لاين) لدى العديد من الاباء والعديد من الامهات والاخوان والاخوات والبيوت , وهذه خدمه يتميز بها مولودى سودانيز اون لاين فقط .
اولا الاسباب التى دفعتنى الا دخولى هذا البيت الكبير هو ان الظروف الحالكه والدروب الشائكه
جمعتنى باناس قل ان تجدهم فى هذه الايام ووجدتهم فى ليل الغربه همنا واحد ورغم اختلاف الاسباب التى ارسلتنا هناالا اننا نحمل عشقا واحدا فى حب الوطن و(سودانيز اون لاين) جمعت كل السودانيين باختلافهم العرقى والفكرى والدينى تحت مسمى( وطن ).
واسمحوا لى ان اشكر كل من قادنى الا انا اسرع بالانضمام الى اسرة (سودانيز اون لاين - بورداب الدوحه) خاصا محمد عبد الرحمن ذلك الجندى المجهول الذى تقدم لى باغلى هديه فى هذه الدوحه الا وهى عضويتى فى هذا المجتمع الراقى وماقلته عنه لايوفيه حقه ومكانته وقدره عندى ..
بدر الدين الامير (الامير) كما لقب وهذا لامتلاكه كل صفات الامراء والملوك ذلك القيادى البارز والمدير الناجح والانسان الرائع الذى يجذب الانتباه وما ان وجد فى اى مكان الا ان وجد الانظار تتجه نحو والايادى تشير اليه (حضر الامير حضر الامير )انا شخصيا اتعلم منه كل يوم ما لم ادرسه فى كتب الفن والاداره والجمال والابداع قد يكون مااكتبه عنه لايوفيه مثقال ذره من قدره فى المجتمع قبل ان يكون عندى ولاكن اعجز عن اصتياد الكلمات التى تلقيق بمقامك ايها الامير واستميحك العزر فى ان انتقل لسواك فهل اذنت لى؟؟؟.
عماد عبدالله ايها الفنان الذى ترسم يداك ولسانك فنا وجمالا وابداعا بمايعرف (شعرا) واقصد بفنان ليس الرسم والتصوير واخراج المشاعر الى شعر فحسب بل الفن الاجتماعى الذى تمتاذ به دون غير وذلك بالحضور والجاذبيه فنان فى معاملاتك ولا انسى نك استاذى فى مجال التصميم والاصرار على تحقيق المستحيل واذا اردت ان اقول فيك ما اعرفه عنك اريد خمس الف سنه ضوئيه لجمع مواهب وانسانيتك والحديث عن شخصيتك.
فيصل عباس الشاعر والناقد الرائع وملتهم صغار الدجاج ياخى مالك مع ديكى ده يعنى عشان ماقلتا ليك زح من ولا شنو داير تاكلو اون لاين كمان قدام الناس , لكن برضو من العظماء الذين عرفتهم والذى حفروا فى ذاكرتى وجودهم ولا اظن ان يمحى هذا الجمال من زاكرتى ومخيلتى .
ضحيه والاخ العزبز جدا صالح كل الجمال وكل الاخوه الصادقه والمحبه الدافئه وكما قال الباشمهندس عبدالكريم الامين (اخلاق سودانى) واظن هذا يكفى فهذا اللقب يجعلنا خير امة اخرجت للناس.
عبد الكريم الامين (كيكى) كمبو الرى , جوبا نار مندكورو فى الجيب , وووو) ليس كاتبا وحسب بل وحدة تصوير وبث لاسلكيه فضائيه فى انسان هذا كيكى الفنان اما الانسان فلايسعنى الا ان اقول عنه مالم يصفه الاسلام عن صفات المسلم الطاهرالنقى البشوش الطيب اللبق الانيق والكثير المثير ولكن لا استطيع احصائها خوف النسيان .
عبدالرحمن (ودرمليه) هذا الرشيق الانيق فى انتقاء التعابير الرائعه التى تاثر القارئ والسامع وتجعله يسبح فى جو من الرومانسيه والشاعريه وبفيض انسانيته التى قل ان نجدها هذه الايام والانسان قد تحول الا اله وتجرد من المشاعر الانسانيه التى وجدتها فيك .
ابو ساندرا اولا اقترح ان تقير اسمك بدلا من ابو ساندرا الا ابو يوسف وهذا طلب اللح فيه واستائنف اذا رفض طلبى وبجيب معاى محامى وكل هذا لما وجده فى بيته الذى لم احس يوما قط باننى غريبا فيه ومنذ ان عرفت هذه الاسره المثاليه التى لاتجمعهم تحت سقف واحد اى قانون غير الحب الذى تلقاهو( مدفق )امام باب منزلهم ويدوك حبهم ليك معا اول كباية عصير تشربها فى رياض منزلهم وبعداك بتجيبك موية السكر وجمال المكان ( طبعا الناس الجوه المكان )انتا واسرتك داير ليك بوست براااكم ايها المناضل ابو ساندرا...(ومناضل ومناضل ومناضل)تانى فى شنو...؟
ابو جقادو هذا على قول الشاعر ( مثلك يؤتى به من البلاد البعيده ليضحك ربات الخدود البواكى ) وهذا قليل من قدرك الكبير ايها الفنان واتمنى ان اراك دائما سفيرا للسودان للنوايا الحسنه....
وابشيبه ده كلام براهو طعم كتاباتهو شى وطعم الوجبات الشهيه الرائعه شى تانى واتحدى ان يجمع شخصا واحد كل هذه المواهب الانادرا ايها النادر جميل المحيا وطيب المعشر وانشاءالله يوم شكرك مايجى....
لكم الشكر جميعا فلولاكم لم احس بطعم الدنيا الرائع هذا , مهما فرقت بيننا الحدود الجغرافيه والمنافى الاختياريه والجبريه فانا منكم بورداب الدوحه....
|
|
 
|
|
|
|
|
|
|
 Re: رســـاله الى عــظماء الدوحــه (فقط) (Re: يوسف سعد)
|
ومرحب والفين مرحب بالشاب العالي التهذيب يوسف سعد يوسف
الذي يحط الرحال الان علي ارض الدوحة ..طالبا للعلم والمعرفة
وباثا فينا القا عالي الجمال من الزمن السمح..
دخل قلوبنا سريعا ونحن نحتفي به وبجمال خاله الاسطوري محمد السني دفع الله
الذي اهداني هذا الصديق الصغير...
مرحب يوسف ايها المسافر في ارضية الابداع الفطري
وحبابك؟؟
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
يوسف ..
يا إبن السعد ..
تحياتي .
بما أنني من ( أقزام ) الدوحة ، وتقصر قامتي حتى تكاد لا ترى أمام من ذكرتهم أعلاه ، إلا أنها تعلو ( حد السماء ) حينما يكون الكلام عن الفن والمبدعين في بلادي .. فانت معجون بطينة ( جن الفن ) ويكفيك أنك إبن الفنانين أبيك وأمك ، وخالك .. وهل هناك فن أكثر من ذلك ..
ويكفيك ضخامة فن حتى لتكاد أن تملأ أفقك اليافع ، وأظنها قد فعلت .. لذا فحري بي الترحيب ، والإحتفاء بك أينما كنت .. في الدوحة أو الخرطوم ، أو أي مكان كان ..
والتحية عبرك لوالديك الذين شابهتهما فما ظلمت ، ولخالك الذي ينضح فناً ، وأدباً وعلماً .. (والولد خال ) ..
فهنيئاً لنا وجودك في هذا السودان الصغير .. ووجودك بيننا هنا في الدوحة ..
تحياتي
صلاح عبدالله
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: Salah Abdulla)
|
العظيم صلاح عبدالله
جله من لا يسهو عدم النسيان صفه يختص به الخالق دون غيره وانا عندما كتبيت عماد عبد الله ظننت اننى ذكرتك ايضا فلك العتب حتى ترضى.....
وشكرا على الزمن الغالى الذى خصصته لى ودخولك لى هنا شرف وتيها فلا تقطع الجيه
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
يوسف يا داقس
لو نشرنا عليك دثار ابوتنا
لضاعت عليك فرصة المهرة العنيدة
دينا
شهادتك الثلاثية كما القسم المعظم
إحتلت مكانها مع الأوسمة والنياشين
وأنت تبؤات مكانك حيث الكتابات الرشيقة
عجبني جدآ قلمك المغموس في مداد الصدق والوضوح والحب
إتوقع لك مستقبل باهر في دنيا الكتابة والفن والإبداع
ومعرفة عميقة بدقائق التكنلوجيا وثورة الإتصالات
بس أنصحك
تنكب خطى خالك
وتمايز وإختلف
و
حبي الأكيد
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
السعد يوسف
إحتفائك بالآخرين دليل على قدرات ذاتية جميلة على العطاء. وفهمك للحب هو قمة الحب وموهبة نادرة. يسعدني بعد تلفونك الطويل الجميل أن أكون ضمن نظومة هذا الحب الألهي.
رغم اني ما من عظماء الدوحة لكن مروري العابر بسماء الدوحة الذي أشكر عليهو ربنا كثير سمح لنا بالتلاقي محسن خالد وانت وأنا.
في أضانك كدة يا يوسف يا ولدي قلمك أنيق
وذوقك وادبك حيخلينا أنا وبركات في شكلة مستمرة ومقالعة إلى أن تفوز أحدا بناتنا بك.
وترويج كدة أنا نسيبة تمام
وبناتي برضو تمام وهذا ليس من باب القرد في عين أمو
ولكن قل أخطب لبنتك
أهالينا كيف؟؟
ولا لسة مصر على ليم
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: شادية عبد المنعم)
|
اولا ازوب من ماليس لى به صله واتلاشى فى الافق من روعة احساسكالحنان فى كلامك والجمال الفى عينيك وهذا يجعلنى فوق السحاب .....
احمد الله على ( نعمه) الكثيره التى انعم على بها هنا وانتى من اجمل هذه النعم, انتم يامن علمتونى نوعا جديدا من الحب ما كنت لاعرفه لولاكم فانتم اهلى وانى معكم احس وبانى منكم وانتو منى, وانا من غيركم كا غساء السيل .
انتم معنى الحب (الخالى من الشوائب )وانا معكم اغتسل كل يوم من الاحقاد والاحساد والضغائن .
واتمنى انو اكون من صائنى العشره (الملح والملاح) ولن اخونكم ولو كنت خائن .
شكرا على كرمكم باعطائى فلذات اكبادكم
دايرهم الاتنين معا ( دينــا _ لـيم )اى واحده احلى من التانيه, ويكفى انهم من هذا الاصل الطيب وفروعه فى السماء
ياناس من عبير الجنه
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: شادية عبد المنعم)
|
والله لو سمح قانون العالم المبنى على اب وام وماسواهم من اقارب لاقتناء كل من نحب لاقتنيت هذا العقد الفريد(انتم) وقد تزينت الدنيا بوجودكم ولااستطيع انا اتخيل الدنيا بدونكم كيف ستصبح.....
ومن ناحية الولد الذى حلمتى به فهاذا شرف كبير لى وانا لك .....
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: Emad Abdulla)
|
حفاظا علي مصالح صديقي الاصغر ..اخي وحبيبي يوسف
قررنا نحن (كيكي) الامين تعيين انفسنا مستشارا
وخبيرا اجنبيا لموضوع..(حرب اليوسف) هذ!
وهجمة الاخوة والاخوات الشرسة من اجل الفوز بصديقي..
لذا نقول..(مادايرين اي عنكبة..وشنكبة)..
وكلام زي ده قولهو لمستشار ما (اندو هديدة)..
وعليه..
الرجاء ارفاق طلب رسمي مستوفي الشروط
ودفع رسوم دمغة(122)ريال قطري لاغير..
ودفع78 ريال..رسوم دون ابداء اي اسباب
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
يا يوسف,
مالك جاي مسخن من برة, عظماء الدوحة (فقط). اتلومت معاي, اها كان ما رسلت لي دعوة خاصة باحرد
ليك بوستاتك كلها. هسي الواحد جاي يرحب بيك ونفسو مفتوحة, تجي تسدها ليهو بالفرز حقك دة,
يعني وبسطاء الدوحة يقبلوا وين؟؟؟؟
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: Rasha Hatim)
|
اللطيفه رشـــا
انتى ورينى مكانك وين بس حسع بقلب ليك من عظماء الدوحه لعظماء الحته بتاعتك ولاتزعلى اصلو اى حته عندها العظماء بتاعنها وبعدين انحنا مش مفروض نعمل دويتو سوا ونفتح لينا بوست مال وعيال كلو حب وريده مافيهو( فلان عمل سوا)
ولا انتى نطيتى؟؟؟؟؟؟؟
خليك معاى دربى البطلعنى السما
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: Rasha Hatim)
|
بعدين يارشا بعد مامشيت جيت تانى !!!!!!!
انتى (بتك) دى مالا بطنها طامه كده,
وديها الدكتور شوفى مالا ماتقوم تستفرق لينا هنا
والله البوست بتاعى ده جديد (بنات عمو ما سمعو بيهو...)
يقوم يتبله نجيب ليهو هندى من وين ينضفو........
وخليك معاى دربى البطلعنى السما
وايدى البترسم ضحكتك على صفحت العشق النما
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
مرحبا
ايها اليوسف
((شايف المنبر فرحان بيك قدر شنو،وكرشو كبرت كيف))
هذا المكان (كرش المنبر) لك وانت اهل له
بك كثيرا من ما نشتهتي (ابقى عليهو 10000000000000000000000)
وباقي لي كده حركت في اعمامك الفوق ديل حاجات كتييييييييييييره (زهرتين من شبابهم)
يا حليلهم فيها,,,,
بقى يشحدو لي بنوتهم لمن ذكروني بي حقتي (ايمي) عليك الله دخلها معاك
ودي طبعا ممكن اقايطك بيها بسفه او اديها ليك زياده فوق بنية عماد (وهي طبعا حاجه كده وبت كلب خالص
وطالعه لخالها (وطالعة الشجره ومابتجيب البقره)
بتجيب الصدمه ولمن تلاقي النهره تجيك بالبسمه المليانه بالبوس التقول (ياسر عرفات الله يرحمه من اهلها)
و تخمك بالضحكه وتسييك
الفكره (بتنفع معاك ولا لا)قول وما تختشي (داير مني فيهن)
ولا اقول ليك ممكن ترضي كل الخلق
وترجع زمن رجال الاربعات (الله يطراهم بالخير)
ويطراك بالجمال
وتحياتي
شكرا لما كتبته عني بالرغم من انه مجافي للحقيقه
نعمل شنو لكن اصلو الجميل بيوسم الناس بالجمال
شكرا جدا ياود يا جميل
| |
|
|
|
|
|
|
|
|
 ( القطراب ) طاعمين (Re: فيصل عباس)
|
..
فيصل عباس .. وعماد عبد الله .. ومنو ومنو ومنو .. وكل ( القطراب )
ديل ناس طاعمين جدا ..
و
اصحاب
..
مرحب بيك يا يوسف . اهلا ..شديد
انا مركز معاك على المستطيل الاحمر دا
فاهمني ؟؟
| |
|
|
|
|
|
|
|
|
|
Re: ( القطراب ) طاعمين (Re: tmbis)
|
Quote: انا مركز معاك على المستطيل الاحمر دا
فاهمني ؟؟ |
تمبس يا فردة, انت شلاقتك دي هي البتوقعك. ما تبت من الكاميرات وشيل الحال يا سيد الريد
| Quote: انتي بس وريني مكانك وين |
يا ود سعد ما قلنا " بسطاء الدوحة " يللا انكرب وافتح البوست الوعدت بيهو " الله يكفينا شر
كاميرتك الشايلة دى"
| |
|
|
|
|
|
|
|
|
 الكلاكلة (Re: Rasha Hatim)
|
والله يارشـــا لا بتوقعك ولا حاجة..
لكن
شكلك كدا لما كترتي لي في ست الريد .. عايزه تنطي من السيك .. سيك .. معلق فيك
انا قلبي ماكلني
يا سعد .. ما تستغرب .. الحركة دي عادي .. والبوست دا ممكن ردين انا ورشا دي نوديهو ليك الكلاكلة
| |
|
|
|
|
|
|
|
|
|
Re: الكلاكلة (Re: يوسف سعد)
|
يا رشا
انا قلبي باليمين .. من يومو..
عشان كدا يايوسف بقترح انكم .. تدوني الكاميرا دي وتدبرو حالكم انتو الاتنين .. بي طريقتكم
| |
|
|
|
|
|
|
|
|
|
Re: الكلاكلة (Re: يوسف سعد)
|
| Quote: حنانه النسى اهلو مانسانا ووووب (ايادى مرتفعه الى السماء فى حفله قربت تنتهى)....... |
لالالالالالالا طلعت ماااا هين, النبق النبق النبق النبق.
اها قصرت معاك في حفلتك القربت تنتهي دي
تخريمة:
تمبس شوف ليك كاميرا تانية, شكلها دي تصوير حفلات فقط, والنسائي علي 
| |
|
|
|
|
|
|
|
|
|
Re: الكلاكلة (Re: Rasha Hatim)
|
والله شكر الله سعيكم و(مانقيلكمش فى حاقه وحشه) بالمصرى
والله بى زيارتك بيتنا نور
وبيك اذدانت ديارنا
واوعه تبعدى من عيونا
كانو تايهين وانتى مرسا
رايك شنو انفع اكون شاعر......؟؟؟
بى حمى.......
| |
|
|
|
|
|
|
|
|
|
Re: الكلاكلة (Re: يوسف سعد)
|
سلامات
وعوافي
من الفنان الكبير والمبدع القدير ودرملية الي يوسف مايا ..
لعلك امسيت طيب يازول .. والليلة وريتنا سنون المنبر (كناية عن الابتسامات العريضة) ..
واهو ياسيدي بوجودك طل علينا (الجزء الثاني من المسالة)..
تقبل تحياتي ..(شفتا اخوك متواضع كيف)..
قدرك يايوسف ود سعد ما تجي وتتكبكب لي في الرد عشان اوريك المايا عز الفوتوشوب..
بعدين ياشادية شنو يعني من الندوة ولبدتي ...
البروفات بتاعت شتات دي ماعلي مرمي حجر منكم ...
فيصل عباس بي جاي والله يايوسف ماك هين قلعتا بي (خالنا) فيصل ..
يوسف انت امبارح ما قلت بتجي تحضر البروفات غايتو اخوك وقع ليهم في المسرح وشتت ..
اصلو التمثيل دا نحن بنجضمو كما الفتة تماما ... يعني هسي خالك السني وعمك ابجقادوا ح اصنع ليك منهم فنانين كبار ماهم اصلوا لو بارونا كدا بيصلوا ...
اها انا ماشي لانو بعد ساعتين عندي تصوير في فيلم (ختفوها مني) وهو بيعتمد علي قصة واقعية لشاب غاب عن مسرح الحي لبعض الوقت فغابت معه احلامه وكدا ...
عماد عبدالله ياخي مشتاقين انعن زيتك زاتو ...
مستشارك كيكي والله غرقتا غرق ... اسحن ليك انا منو
| |
|
|
|
|
|
|
|
|
|
Re: (Re: ودرملية)
|
ايها العملاق
انا لا استطيع ان الملم الحروف لكى اكون كلمه والكلمه تكون جمله والجمله توصل الاحساس الى الاخر لكى يسعد بمقامه عند الاخرين......
( فى حضرت جلالك يطيب الجلوس مهذب امامك.....)
خليك معاى دربى البطلعنى السما.....
| |
|
|
|
|
|
|
|
|
|
Re: (Re: يوسف سعد)
|
مرحب...وحباب يوسف
حبابكم كلكم ..وخاصة رشا الزولة الطاعمة الجاي ترش لينا يوسف
بالعطر والمحلب والصندل...لكن شكلها كده دايرة تجازف الكاميرا
التقيلة العاملا ليوسف (فلايت دي)..
نورتي رشا ومرحب بيك بين (بسطاء الدوحة) الاولهم اخوكي المسكين
كيكي..
تمبس ياخي ..احبك واحب غناك البتجيبوا ..واحب سفنجتك الجابوها
في النت ذاتتتتتتتتو...
نورت البوست واضفت ليهو ازدواجية قراية..ودوزنت عصب زمن
بسطاء الدوحة الاشتر...
وعليك الله(كب لينا)..اي مزيكا لعثمان حسين هنا..وياريت تكون (اوعديني)...
لا زلت انا المستشار المعتمد من الفيفا..في هذا الامر..امر (زهرة اليوسف)
التي يتقاطر عليها (البلوم) زي المطر..
يوسف هدي اللعب .وادي بت (رشا ) فرصة..وممكن نفاوض فيصل عباس
يدينا (ايما) زيادة قبل ما تقوم (حرب ايما)...ويقوم ابوها
لدرابه العجيب...
قف
كمستشار احتاج الي روية صور..ونماذج..فانني في (الفوتو شوب) لخبير
تسلموا..شادية وعماد...لا زعل ولاحنبكة فانت لا زلتم داخل المنافسة
بس يا عماد ادفع الرسوم ...ويا شادية بيني وبينك اللقيمات..
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
عبد الكريم يا كيكي المستشار الأعظم والقائد مدى الحياة.
خليك من عماد عبدالله الفيهو اتعرفت عايز يروج لي بناتو خاصة المزاجها من تسنيم
لكن قول ليهو أنا زااااتي ما برد أليك أنا بس برسل ليك أتنين وهم يطلأوا ليك الفكرة من هنانك.
بعدين يا خوي السغافة براها وعرس البنوت براهو أنت جنيت؟؟
أم النسب تجر واتي وتجر التوب زاتو
لزوم أهترام الأريس
لكن يا اماد أنا برسل ليك البيخليك تفهم هاجة
والله لو ما أشان خاتر أخوك السغير والمدام زاتها كنت أديتك بالكيماوي.
لكن أشان أين تكرم...ألف ... لسان طالق
دي من عندي
يا مستسار الزلابية في النار ما تلاوز.
يا فيصل عباس والله ايما حلوة لكن سغيرة ما بتنافس دينا وليم
أنت يا معتصم الطاهر قاعد تهدد بي شنو؟؟
يا خ نحنا ما فرد
ود رملية
يا زول شنو عامل معاي
الكديسة والفار
امس ما جيتكم في مرمى الحجر وقالوا غايب في ركايب
بعدين يا عظماء الدوحة الختيتوها رقدت
كنتو عبرتوني ولا عبرتوني
كثر خير محمد الربيع ومعاوية والسني وأحلام وصلاح عبدالله ووجدان ولما وفيصل عباس والمدام والعيال
وأبو النسب يوسف أن شاء الله يوم شكرهم ما يجي
والله الناس الما عبروني ديل الا يدخلوا السودان ثاني عبر مطار دنقلا
وينادوا أهلهم الفي الخرتوم على الحدود المصرية
معليش يا يوسف
قلبنا ليك البوست مصفى حسابات
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
Quote: لكن أشان أين تكرم...ألف ... لسان طالق
دي من عندي
|
هسع يابت انا سألتك واللا جبت سيرتك
واللا قلت نقناقة
وبتحرق الحلة كل يوم
وماسوت اللقيمات لشتات بقيادة النجم الساطع كيكي
جايبة سيرتي ليه ؟
مالك ومال لساني المتبري مني
ياريت يطلقوك بالتلاتة
وتقعدي تصاقري سودانيز والراكوبة
ما خاتي عليك إماد أبدالله
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
أنت يا أبو ساندرا
في بتنو هرقس؟؟
أسة أنا جبت سيرتك؟؟
ولا ساكت جاري شكلي؟؟
ما قلنا ليكم وصفة الزلابية عند خالتو ناهد الله؟؟
يعني هي تبصصنا ونحنا نأكلكم
بعدبن ما تغلت
نهنا ناس تهالفات مسيرية
قبل كدة أختك جمعت الثمانية بنات في قفة واحة
عشان نوسع دائرة الترويج
ونضيق دايرة الخيارات على الديامي النص مكنة أماد ود ابد الله ده
بعدين يا فردة
اي زول لسانو طلق ما انت
روق المنقة
ده كدة اسمو
النحل جاري واتي
خايف من قصة
جامي الشيئة وكدة
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: شادية عبد المنعم)
|
سلامات
وعوافي
عاد ياشادية ما اتلومتا فيك ...
خجلتيني والله من روحي يازولة ...
بعدين والله انا في سؤال شديد عنك انتي وماهي ...
المهم بنتلاقا اكان ربنا هون ...
تحياتي
بعدين تخريمة سغيرونة :-
يوسف حدد مستشاريك والا ستفقد المعي واحوزي صلنقح من كتيبة مكتبك الخاص (شخصنا الضعيف).. كيكي مستشارك والله هانت .. وانا موجود.. الغريب في الامر اني موجود ..
علي كل مازعلان شديد زعلان شوية كدا ...
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: ودرملية)
|
يايوسف
حبابك والف مرحب مرة تانية ..والدارت نورت بمقدمك ..
وتشكر على كلماتك الانيقة ..
لكن الصراحة لله سويتوها ظاهرة يا(اسياد العدة ) ..
يعنى نحن قاعدين لينا ززمن فى الدوحة دى ..يوم
واحد مااتقدم لينا عرض زواج ..يجى يوسف الليهو
شهور ..تقوموا كلكم ترموا اوراقكم بالطريقة دى ..
ودرملية دا اعمى ماقلنا حاجة ...بكرى الامين (اروش )
والقطر قرررب يفوتوا ..عذرناكم ...طيب انا مالى؟
ولا اقول ليكم انا ذاتى هين ليكم ..زوجة مابتقبض
اخر الشهر مرتب اكتر من 5000 ريال مابتلزمنى ..
دا شرطى الاساسى ...والمستوفى الشروط يقدم العرض
بتاعو ..
سلاااام ..
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: محمد عبدالرحمن)
|
الاخوة..المتنافسون
لقد جعل تنافسكم هذا..مجلس الاستشاريين بقيادتنا الواعية والمهمومة بقضايا
المبدعين الجدد مثل يوسف واخريين..جعلنا في اجتماعات ومشاورات لايجاد
الية لفض هذا النزاع المسخن..فعليه..نوصي بالاتي مكرر بالاتي..
شادية عبدالرحيم قفزت الي اعلي التصنيف..استنادا علي هجمتها الشرسة
ودفاعها المستميت من اجل الحقوق...وعينها الحمراء التي اخافت سادة البورداب
(ابو ساندرا_ عماد عبدالله),,
ايما فيصل عباس ايضا طرحت للنقاش..ولكن اللجنة تتخوف من(لسان) ابوها..
وتوصي بوضعه تحت الرقابة لمدة 3 ليالي,,و 5 مداخلات..
ظهور محمد عبدالرحمن بهذا الصورة وتلك الشروط العجيبة,,تجعلنا نرفع سقف
المساومة علي (عرش يوسف)..علي ان يوفر ابو العروس (شقة) مفروشة
في اي حي في الدوحة مافي اي مانع..بس تكون ايجار..
وشكرا...
يوسف لاتعطي ود الرملية فرصة للدخول بين البصلة وقشرتها..
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: عبدالكريم الامين احمد)
|
اولا
اشكر الجميع على اهتمامهم بشخصنا الضعيف ......
ثانيا محمد عبد الرحمن لااستطيع ان اقول ليك (تلت التلاته كم....) وذلك لانك صاحب الفضل فى وصولى الى هنا , لكين خلينى اقدم شويه بس وانتهى من الانتخابات دى وممكن (البت) البتفضل اشوف مستشارى ( د. كيكى) اذا مافى اى مانع قانونى اديك واحده مقاسك .....
ود رمليه والله (د. كيكى ) المستشاريه دى ما جابه بالساهل ( الـc.v) بتاعتو مليانه انتا حاول قدم بتاعتك وبرضو يصير خير........
شاديه انتى مامحتاجه تدافعى حسب تصريحات المستشار (د.كيكى) المختصه بالجوله الاوله تبين انو Quote: شادية عبدالرحيم قفزت الي اعلي تصنيف..استنادا علي هجمتها الشرسة
ودفاعها المستميت من اجل الحقوق...وعينها الحمراء التي اخافت سادة البورداب
(ابو ساندرا_ عماد عبدالله),,
|
نقلا عن راديو bbc
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: ودرملية)
|
عزيزي : سعد يوسف
أولا : ألف مرحب بيك ومليون حبابك ..
ثانيا : حينما قرأت كلمة ( عظماء).. منيت النفس التواقة لرؤية
( عظماء ) حقيقيين ..فهذه الكلمة لا تنطبق على أحد من هؤلاء مع كامل
احترامي الاخوي لهم واني اعرف بعضا منهم منذ سنين الصبا الباكر ..
والتقيت بعضهم في شهر نوفمبر الماضي هناك في الدوحة .. ولكني أقولها
دون مواراة أو خجل وانني بالفعل أعني ما أقول أن ( أعظمهم) جميعا
حاضر/ غائب .. وهو زميلي الحبيب المغيب قسرا خلف القضبان في غوانتامو سيئ
السمعة .. أنهم لا يعرفون غير اسمه رغم أنه قابع هناك منذ نحو خمس سنوات
وزوجته وطفله الصغير محمد يعيشان بينهم وفي نفس المنطقة التي يقطنها بعض
من أسميتهم أنت ( عظماء) .. ويمكنك أن تسأل أحد أعضاء المنبر ( صاحب جلابية
تحت الركبة !!!!) لا أذكر أسمه تماما الآن ولكنه كان حضورا في ندوتي التي شاركتني
فيها قناة الحزيرة هناك وزوجته الكريمة الشاكية حد البكاء من تجاهل السودانيين
لزوجها السوداني الأصيل وكان موضوعها سامي الحاج .. أنهم (عظماء ) فعلا !!!!!!!
ولكن زميلي سامي أعظمهم كلهم وهم يعرفون ذلك ولكن صدقني أنا موقن من أن واحدا منهم
لن يقر لك بذلك ولن يعترف اذ ان ( العظمة ) لديهم لهامفهوم لا يعرفون غيره !!!!!!!..
انهم لا يهابون شيئا مثل خشيتهم سامي الحاج رغم أنه الآن خلف قضبان السجون !!!!!..
وهنا تكمن (عظمة !!!)هؤلاء الذين عنيتهم يا سيدي الحبيب سعد ..
ولتعذرني فتلك تفصيلات عشتها حية وبنفسي وليس حكاية على لسان راو ..
ولي في مقبل الأيام حديث طويل في الموضوع خاصة وأن الحبيس سيصبح طليقا
قريبا ان شاء الله كما يقول محاميه الجسور صديقي مستر كلايف سميث الذي سيلتقي
زميلنا سامي يوم 3 / 6 / 2006 في داخل سجنه التعيس في غوانتامو ..
وعفوا للاطالة .. وأكرر الترحيب بك مجددا ..
خضرعطا المنان
[email protected]
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: خضر عطا المنان)
|
سلامات
وعوافي
استاذ خضر ..
اولا :-
عظماء هذه من باب السربعة فالعظمة لله جميعا...
ثانيا :- سامي محي الدين لو كان (انا اتحدث عن نفسي) هناك طريقة لمساعدته لفعلتها ولكن كيف ؟اضعف الايمان وقعنا في المذكرة التي تشجب اعتقاله وتنادي باطلاق سراحه ... ولم يصل الي مسامعنا ان هناك مواعين اخري فتحت لمجابهة معتقل غوانتانامو عبرها .. ثم اتمني من كل قلبي ان يطلق سراحه ويعود الي اهله سالما.. ثم الاستاذة الصحفية ليلي صلاح (وهي من بورداب الدوحة) وصلت لزوجة الاستاذ سامي في دارها واجرت معها حوارا صحفيا قراته الدوحة والوطن العربي كله .. هذا كل مانعرفه عن هذه القضية اما كيفية مواجهتها والسعي لاطلاق سراحه لم نعرف غير البيتشن سبيلا ..
ثالثا:- هل تري ان مداخلتك هذه تناسب هذا البوست ؟
وان كنت بهذه الجرأة لماذا لا تفتح قضيتك في بوست كبيـــر بدلا من دفقها في محرابنا المتواضع فهي قضية اكبر من ان تكون ضمن بوست الحس الكوميدي فيه طافر في وشو.. بل يجب ان تكون في بوست منفصل ..
ثم مرحب بيك بكل حالاتك في بوست عظماء الدوحة
ولك المودة
عبدالرحيم عبدالله عبدالرحيم ودرملية
......
هذا الرد لاعلاقة له اطلاقا بموقفي تجاه قضية سامي الحاج فساظل اتمني (اتمني) ان يطلق سراحه في اقرب وقت.. وهل املك غير التمني وسيلة ؟!!!
تخريمة:-
يوسف قلتي لي الـc.v بتاعت كيكي نجيضة وعاوز ليك زول في عظمتي كدا يجي يقدم برضو سي في يازول شوفتنا زاتا سي في والكيكي دا اكان ما غتس حجرك مابترتاح
اوووووووووووك الانصاري دا قلع من وين الليلة
محمد عبدالرحمن يازول الحاصل عليك شنو انت غااااااتس في محرابك الجميل
اطلع لينا برة كدا شوية خلينا نسمعك ونتوضا بي شوفتك
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: خضر عطا المنان)
|
سعد
انا قلت حليفتك دي اصلي ما بوقعها ليك واطة, اها جيتك كدااااااري
لكن اسمع, بيت البكا حقك بوين ؟؟؟ شكلي غلطت في العنوان!!!
ويا كافي البلا مالكم ناشفين كدة, لا هزة كانون لا موية ليمون, غايتو المهم الزيارة وصلت.
النبي ما تلومني تاني القدم ليهو رافع يا بلدياتنا.
تخريمة,,
ما جيت تعوم معانا بهناك مالك, شايفاها مصيفة الايام دي
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
خضر عطا المنان
يازول كان انت عايز تزبط السي في بتاعتك عشان تشتغل في الجزيرة
فقد إخترت الوسيلة الناجعة البتوصلك لهدفك ومبتغاك
ونتمنى ليك الوصول
مع إنك ممكن تصل بغير هذه الوسيلة
بتصل بإمكانياتك العالية التي أعرفها جيدآ
أما نحن هنا فبنتونس ونسولف مع ولدنا يوسف خطيب بناتنا
{ انا وعماد وشدوية وفيصل عباس وقد يلتحق بنا معتصم الطاهر
وصلاح عبدالله ببتو البتشبهو الخالق الناظر لو ركبو ليها شنب
ومسكت عود وغمضت عيونها }
وماعايزين نشتغل في الجزيرة
عشان كده بتوع القاعدة ما بيلزمونا
ومابنخسر فيهم حرف
ويا خدر وخوتك جيت مع المدام لإصطحابك انت والوسيمة
التي تعمر دارك بالجمال والحب
وصلنا تحت العمارة وإتصلنا تلفونيآ وما حد رد علينا
وفهمنا انو الحالة { بالخارج }
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: أبو ساندرا)
|
غريب .. !!!!
من يريد الهتاف فليهتف حيث يجب .. كما قال ودرملية ز
لا استجداء هنا لمشاعر هي موجودة - دون بهرج و ضجيج -
و سامي الحاج منا شاء صاحبك يا أبو ساندرا أو ..
ولا تستعرض الناس ( عظمتها ) هنا .. يوسف يعظم الناس حبا .. ليس إلا .
ماذا فهم ( صديق سامي الحاج و الأوحد على وجه البسيطة و فارس الحوبة ) ؟؟؟
فهمها يوسف الجميل فأسبغ على من يحب عظمة .
صاحبك يا صاحبي يحب سامي الحاج .. و ( يعظمه ) .. أترى ؟؟
ويوسف يحب من يحب و أيضا يعظمه ..
لا محل لمزايدات ( سخيفه ) هنا و إتجار في غير فلاح لتجارة .
و نعم لإطلاق سراح كافة سجناء الرأي و السجناء السياسيين ..
ونعم لإطلاق سراح خضر عطا المنان من ربقة سؤ الظن و ..
غريبه !!! مش ؟؟
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: Emad Abdulla)
|
| Quote: ونعم لإطلاق سراح خضر عطا المنان من ربقة سؤ الظن و |
قوووووووووون قووووووون
وكوره جميله ملعوبه من شاديه بينيه لـ ابوساندر المحاور بطريقه حلوه خالص ويلعبا باص طويل ل المحترف الكنقولى عماد عبدالله الذى يسكنها شباك المرمه وباخلاق رياضيه يدى الحارس كف فى وشو .....
هدف جميل
والله انا كنتا داير اللعب لكين لقيت الميدان مليان نجوم وفعلا ماخزلونى العبو بس انا قاعد اتفرج بس الدايرنى يقول يوسف بس.... ايها العظماءءءءءءءء جدا جدا فى نظرى وفى نظر المجتمع ......
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: عبدالكريم الامين احمد)
|
شاديه عبد المنعم
مش حرام عليك تشبهيني بمعتصم الطاهر الشين ده
انا قدرو ولا لحم سدرو,,,,,
وبعدين لو معتصم اسمو بيشبه اسمي ولا حاجه قريبة منو
بتغلطى فى الاسلوب؟
أها كان اتحليتى منو
البحلّلك من ...... شنو ؟
بعدين الحاجه السمعتها انو معتصم ده دفعة الاستاذ فضيلى جماع وفضيلي ده لعلمك اكبر من الكسره
واضخم من حنين امي,,,,
وطبعا مافى زول غير ود بركات دة الاكبر من الكسرة غير زولك المخرف والطالق والعاوز يلمع بيت الجالوص دة بعد عمايلو ديك كلها ،،،،
الشكر لكل من ساهم في كتابة هذا الرد
معتصم الطاهر
معاوية الطيب
ضحيه ابراهيم
(عدل بواسطة فيصل عباس on 05-16-2006, 04:34 PM)
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
اوفو يايوسف يا ولدي
وابو (النصب) كمان
| Quote: ولا (لكى يتفرق دمه بين القبائل)... |
انا ابوك يا موج (بنمسك مرخي)
انا ازرق كحل الشيطان
انا الابنوس المطعم بالزان
وانا المدهون بالصندل كمان
وانا البدسو مني اولاد الجيران
وانا الطارح بتي ايمي في منبر السودان
شايف كده ولا ازيد ليك كمان
وعنك احسن تحدد موقفك عشان تتفرز الكيمان
وقبل ده نصيبك انت غصبا عنك كان (راضي ولا زعلان)
وانا اسع نعسان,,,,,,
ممكن انوم شويه
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: Siddig A. Omer)
|
Quote: يوسف سعد يوسف أبن أخت محمد السنى الذى شرفــنى و أسرتى بزيارة ود وحب...
مرحب بك وسط أهلك..... |
والله لا يسعنى الا الحمد لله بهذه الصحبه واذا قلت فيكم احلى الكلام ( للصباح) لن اوفيكم جزء من حقكم ايها الكرماء العظماء ....
( انا لقاية الليله ما عارف بيتكم بابو بيتقفل و لا....)
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: معتصم الطاهر)
|
حبابك يا فيصل عباس حبابك عشرة بلا كشرة وجيداً مرقتني من شكلة تنظيم القاعدة.
أول عشان أنا فنجرية وزايدة في الحريم مية
أعتذر بشدة على الخطأ لكن والله أقول ليك الجد مكنتك بتشبه معتصم في جتة فيصل والعكس
حتى أسأل معتصم أمس جانا وأنا شابكاهو ليك فيصل فيصل
لما أفتكرني كاسرة ركبة في ( فيصل قطامة ) بتعرفوا؟؟
على أي حال ليك الاعتذار أو رفقاً بالجلاكين (على وزن القوارير) أتبادلوا الأسامس (بس الأسامي)
بعدين أنا ردك ابو الرابع مشترك ده ما بشتغل بيهو الشغلة
حرم أنا ما برد على الرجال لمان يتلموا إلا لما يبقوا نص دستة
يعني لازمكم نفرين (أتنين يا آسيا) ودي عندها حكاية
وقول لي معاوية وضحية يدكم فيها الحنة؟؟ ما تكتبوا براكم
أما أنت يا كيكي ذنبك على جنبك ورزقك في كرعيك
أمس ظبت ليكم الدونات الما خمج ( دي لقيمات بالانجليزي)
وجات من نصيب السني ويوسف والعرش ومعتصم النمر
السني قال حلوة لكن عايزين لقيمات (كضم شافع)
ودي قابلة للترجمة والتبسيط
وقول لي ود رملية البروفة الجاية كان ما جيت حتى كضم الشافع ما حتلم فيهو
بعدين اي زول بحب القاعدة يمشي بي غادي أي زول بحب الدوحة يجي بي جاي
غايتو أنا بحب قناة الجزيرة
غايتو قلت لي يوسف كمرتك ولساني ووش ماهي وتعال نعمل قناة جزيرة تقليد
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: شادية عبد المنعم)
|
شاديه عبد المنعم والله عال..
ده يوسف سعد ولا اميتاب باتشان ...
المسأله بقت فيها لقيمات بالانجليزى ..ونحنا ما لينا فى الطيب نصيب
بعدين ياشاديه انا لا قدر فيصل ولا معتصم ولا معاويه ولا اسمى بشبه اساميهم دى اسماء حناكيش و
نحن اسماء الجلابه الحناكيش دى عندنا معاها عدواه الجابنى فى نصهم شنو انا ماعارف؟
ابو ساندرا خروف تخرج البنت ويينوو ولا لحق سمايتنا ( الدلفرى)؟
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: ضحيه ابراهيم)
|
شادية...العظيمة
والاخوة التانيين المطعون في عظمتهم...سلامي..
وانا كل حسرة وندم علي تلكم الدونات التي التي ضاعت
وعموما انها فرصة اختبار حقيقية يا شادية
لي زول خبير عشان كان طوالي ..لو عجبتني ممكن نعمل (عرس الزين) للود يوسف
ونقفل الموضوع..
ولكن عندك فرصة يوم الاحد المقبل,,وارجو تقليل الزيت لانو السني قال لي اللقيمات
لذيذ لكن (زيتو كثير)!!!!!!!!!!
عماد اين انت ايها العظيم...لا ادري لماذا انت الان علي راس القائمة
ثم شاديةثم فيصل وبنته(ايما)...
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: ضحيه ابراهيم)
|
| Quote: ده يوسف سعد ولا اميتاب باتشان ... |
وانتا قايل الحكايه حلا.....
الحكايه اعمق من كده كان عرفتها بتكره روحك وترجع السودان
فى اول كارو قصدى (كروه) ماشى السودان ده كان ما انتحرته وهذا اضعف الايمان....
ماتزعل كنتا معانا فى الكامير الخفيه......
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: ضحيه ابراهيم)
|
والله يا ضحية أنا قدمت أسبابي
وهي أخطب لبنتك ولا تخطب لإبنك
وأنا ضارية في فرص بناتي وكدة
يعني الحركة كلها من باب الضراوة ساكت.
بعدين دايرني أعمل ليك لقيمات بالعربي كدة؟؟
شايفني سمينة ولا مشلخة وكاسرة مسيرتي؟؟ ده ما برضو جزء من البروباقندا
أمال نقنع أبو النسب الفنانين ديل بي شنو؟؟
أما قصة الحناكيش دي
القصد منها تفرق الدم بين القبائل ما عارفني القبايل دي أنا ممكن أسكها لغاية المضارب
أنت بتلعب ولا شنو
ولا حرم كان مش كان بقو جلابة حناكيش متخفين وراء أسود والله لو كانوا شنو داك
وراهم لحدي المضارب
لكن بارك الله فيك الكشفت لي العدد الحقيقي للمقاتلين
يعني اسة أنا لا بحتاج كيماوي
ولا سلاح فرسان
أما بخصوص اللقيمات
يا زول تجيك لحدي عندك
ولك المودة والعظمة
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
| Quote: أول عشان أنا فنجرية وزايدة في الحريم مية |
قولوا واحد ..
والعندو نعلات يختهن تحت أباطو .. الليله الدق .
| Quote: حرم أنا ما برد على الرجال لمان يتلموا إلا لما يبقوا نص دستة |
في زول هنا حافظ موسيقة THE GOOD , THE BAD AND THE UGLY ؟ بتاعت الكابويات ديك ؟ ..
| Quote: أمس ظبت ليكم الدونات الما خمج ( دي لقيمات بالانجليزي) |
الله يرحمك يا بوي عثمان دقنه .. بتك بتعمل لقيمات بالإنجليزي ..
متأكده دونات .. ما دانات ؟؟؟
و أنا أقول ياربي أبو ساندرا مالو طواااااالي عندو نُفاخ ؟؟ أتاري ممكون و مقطعه في حشاهو ..
يستاهل .. قلنا ليهو شادية دي بتجيب ليك ( الهوا ) ..
( يلتفت الراوي , فإذا .. الطاره كلها فرتقت جاري كوبر , و النعلات مجدعه و .. يسقط في يده و يقوم يجر واطي )
: بعدين يوسف ده زاتو هو كلامو كتير ياخ .. و كمان ُفلسكاب ..
وزاتو ده طرفنا منو .. أها .
( يرجع الراوي خطوات إلى الوراء .. يترتر زي الماقاصد و عينو على الطبنجة أم لسان ) ..
: حرم إنتي المرفعين أب قدله .
و الفنجري أبو بدله
و الحيطه بجاي .. تكله
( يقفز الراوي .. تُللُبُت , و يطلق ساقيه للريح ) .
ويكورك بعدما يضمن سلامتو ..
: تسقط تسقط العين الحمره ..
بس .
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: Emad Abdulla)
|
Quote: بعدين يوسف ده زاتو هو كلامو كتير ياخ .. و كمان ُفلسكاب ..
وزاتو ده طرفنا منو .. أها .
|
عماد...هوووووي انقرعي ..
معقول يوسف الظريف ده يطلع فلسكاب..
الله يسترك من السني..
شادبة
الدونات البتنفخ ابوساندرا دي ده طرفي منها...!!!!
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
يوسف يا ود اختى
شابكنا خالاتى ... خالاتى
طيب ما تضرب تسلم على خالاتك ديل وكت وصلت الدوحة
المهم ..... كلام جد ما هزار
يوم السبت تعال اتعشى مع خالاتك ... طبعا ح اتصل عليكم بالتلفون
السنى والسر وعصام وسيف حامد.. ح اتصل عليكم وااكد العزومة
لكن انت عنوانك بقى سودانيزاونلاين .... هلا.. هلا كلام زى العجب
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: Emad Abdulla)
|
اسمعو يا شباب
كلكم معزومين ......!!!!!!!!!!!!!!!!1
لكن عشان تكونوعارفين .... فى كشف !!!
ما كشف حساب ... عشان ما تتذاكو على
ونظرا لانو الكشف بتاعنا بالقطرى ... فالدفع ح يكون من فئة 500 ريال كحد ادنى!!!! لا نقبل الفكه
وبعدين يا عماد .. شويه شويه على الوليد ده
والقال ليك منو فول وبيض وطعمية .... دقست
صحى ديل اطباق لا غنى عنهم ... نظام توسعه وكده
لكن كمان والله فيها جنس عضه.. وسماحة لمه ..... تبكى بس ....كتر المناديل
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: فيصل عباس)
|
بس يايوسف حفلة امس كانت ليلة عمر
وعماد عبدالله كان ريحانة السهرة
وبينى وبينك رأيك شنو جدو فيصل مش كان رقاص
وودرملية كان حافظ الدور كويس ويايوسف انت كيكى كان خجيلان مالو
المهم تلك تفاصيل تحكيها الصور فى بوست اخر
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: يوسف سعد)
|
اسمع يا ولد
شنو مبدئيه ومباحثات ونهائيه
انت مفروض تقول لى يا خالتىتحبى اجيك من الساعة كم عشان اقيف معاك
ولا تقول كدى تجى من يوم السبت الصباح عشان تقيف على المعازيم
انت ما وروك ود البيت بيعمل شنو
عجايب ... اولاد الا يوروهم يسوو شنو
| |
|
|
|
|
|
|
|
|
|
Re: رســـاله الى عــظماء الدوحــه (فقط) (Re: Randa Hatim)
|
Quote: انت مفروض تقول لى يا خالتىتحبى اجيك من الساعة كم عشان اقيف معاك
|
اولا
انا بحب انو اكون انسان محبوب
وخاصة لمن عرفته انو عندى اهل هنا
مع انو كونته كميه من الاهل احمد الله عليها
واقربهم الى قلبى(عظماء الدوحه) وانتو منهم
وانا صادقتكم من خلال كتابات رشا
قبل ان اعرف انها خالتى
فماذا بعد ما عرفت انها من لحمى ودمى
انتو تامروا وانا لكم
| |
|
|
|
|
|
|
| |
يوسف سعد
عبدالكريم الامين احمد
ودرملية
أبو ساندرا
معتصم الطاهر
wadalzain
Emad Abdulla
Rasha Hatim
فيصل عباس
tmbis
محمد عبدالرحمن
خضر عطا المنان
ALMURADABI
بدر الدين الأمير
Siddig A. Omer
ضحيه ابراهيم
saif massad ali
-1.jpg)
معاوية الطيب
فيس بوك
تويتر
انستقرام
يوتيوب
بنتيريست