دعواتكم لزميلنا المفكر د.الباقر العفيف بالشفاء العاجل
|
|
 ابوالسيد" ولـى المـسـاء " .. اداء نانسي عجاج
|
ولى المساء الواله المحزون في جـوف الضباب
و أنا اهيئ زيـنتـي و اعد مفتخـر الثياب
آمـلا لقياك الحبـيـب و يصـدنـي زهو الشباب
``````````````````
أمسـي مـضـى بين التحسر والأنـين
و وسـادتي بـلـلتـها بالدمـع و الدمـع السخـيـن
مـع تباشير الصبـاح و بسمة الفجر الأميـن
غنـيـت مـثـل الطـيـر
فـرحا فـي ريـاض العـاشـقيـن
~~~~~~~~~~~~~~~~~~
تـسرى النسائم عذبة و أنا اهيم بلا ملال
و تقودني الآمال في دنيا المباهج و الخيال
وهناك أرقد في الرمال ولا أرى غير الرمال
```````````````````
غدا أذوب مهجتـي في حر أنفاس الغرام
ارنو اليك وا لوعتي ظمأا تأجج في ضرام
و أبيت أعشق في الدجى طيفا ينادى في منام
أنا لن أعيش (..) بحبه أنا غـيـر أحبابي حطام
~~~~~~~~~~~~~~~~
غدا نـكون كـما نـود و نـلتـقي عـند الغروب
غـدا تجـف مـدامـعـي و تزول عن نفسي الكـروب
غدا تعود مـبـاهجـي
غـدا حـبـيـبـي حـتـما يعـود!
|
|
 
|
|
|
|
|
|
|
 Re: ابوالسيد" ولـى المـسـاء " .. اداء نانسي عجاج (Re: لؤى)
|
حادينا في الطرب و الاسفير
الحبيب ابواللول
عساك طيب!
تعرف حضورك اول واحد براه شهادة (عديـل) بسلامة الاختيار
نانسي دي ما عادية..التفرد و الاسلوب ده بصراحة عايز شجاعة و تمكن
لا ينقصها و كمان إذا اضافت على كدا دراسة موسيقى ( اذا لم تفعل بعد)
تكون ما خلت في الغناء ده الحبة!
اشواقنا و محباتنا يا سليم الذوق
| |
|
|
|
|
|
|
|
|
|
Re: ابوالسيد" ولـى المـسـاء " .. اداء نانسي عجاج (Re: الفاتح يوسف جبرا)
|
أستاذنا جبرا
الأستاذة نانسي عذبت الغنية عذاب!
طبعا عارف إنو الغنية دي استهلكت من قبل كل الصاعدين
في مراكز الشباب في الثمانينات و إشتهر بأدائها الاستاذ
عمار السنوسي..و لو أن نانسي أدتها بالطريقة التقليدية
ما كان في زول اشتغل بيها و لا كنا اتغالطنا..
..الفن ده يا اخوانا ما كائن مجهري.
| |
|
|
|
|
|
|
|
|
|
Re: ابوالسيد" ولـى المـسـاء " .. اداء نانسي عجاج (Re: الفاتح يوسف جبرا)
|
شكرا أخي الفاضل سعدالدين على هذه الهدية التي تقطر جمالا وروعة.. هذه البنت نانسي وهبها الله صوتا بديعا... وهاأنذا أقول بأنه أقوى صوت غنائي نسائي سوداني سمعته حتى الآن.. صوت يصعب مجاراته على مستوى الطبقات الصوتية والقدرة على التنغيم والعرب الخرافية التي تتحدى عرب أصالة نصري وغادة رجب..
لن أكون مبالغا إذا قلت إن صوت نانسي يعد معجزة صوتية.. خاصة وأنها تؤدي مثل هذا الأداء بارتياح تام.. الله يخلق ما يشاء من الأصوات.. إنه بكل شيء قدير.
| |
|
|
|
|
|
|
|
|
|
Re: ابوالسيد" ولـى المـسـاء " .. اداء نانسي عجاج (Re: محمد الأمين موسى)
|
الأخ العزيز العريس محمد الامين
| Quote: هذه البنت نانسي وهبها الله صوتا بديعا |
طبعا نحن في السودان عندنا "تقليد" أن نبخس المبدعين/ات حقهم
بالذات في بداية مشوارهم الفني و آخره كمان!.. يعني أول حاجة
ما نعترف بيهم أبدا.. عندك مثلا (و لا اقارن هنا) زيدان
ابراهيم..أول ما طلع في ناس كدا سمتوا "كلب المقابر" بسبب
أغنيته ياما بقيت حيران لأنه يبدأها ب "أووووووووه"
و مصطفي عليه رحمة الله نال ما نال..كذلك ابوعركي ما خلوا
ليه جنبة.. بس الجميل إنو في ناس مرهفة بتستشف الابداع فيهم
و تجزيهم حب و اعجاب مقابل مثابرتهم و فنهم..
و الفن دا اصلو ما بحتاج نظارة ساعاتي!
لك التحية و الود
| |
|
|
|
|
|
|
|
|
 Re: ابوالسيد" ولـى المـسـاء " .. اداء نانسي عجاج (Re: saadeldin abdelrahman)
|
Quote: تـسرى النسائم عذبة و أنا اهيم بلا ملال
و تقودني الآمال في دنيا المباهج و الخيال
وهناك أرقد في الرمال ولا أرى غير الرمال
|
يا ســـلام عليــك يا ود يا فنــان ... حقيقي صوت و اداء جميل من نانسي ... الله يجازيك يا سعــد ... هســع عليك الله لو ختيت لينك الحفظ الله بحــاسبــك؟ إنت تتجـــ ــــازى...
| |
|
|
|
|
|
|
|
|
|
Re: ابوالسيد" ولـى المـسـاء " .. اداء نانسي عجاج (Re: saadeldin abdelrahman)
|
الأخ سعد الدين
تحية المودة
شكرا.. ألف رحمة ونور على الشاعر عوض حسن أبو العلا والفنان سيد خليفة.. والتحية للفنانة نانسي عجاج.. والتحية لأسرة ومنبر سودانيات حيث توجد الأغنية..
غدا نـكون كـما نـود ونـلتـقي عـند الغروب
غـدا تجـف مـدامـعـي وتزول عن نفسي الكـروب
غدا تعود مـبـاهجـي
غـدا حـبـيـبـي حـتـما يعـود!
وغدا تشرق الشمس على سوداننا ونعود..
ياسر
| |
|
|
|
|
|
|
|
|
|
Re: ابوالسيد" ولـى المـسـاء " .. اداء نانسي عجاج (Re: saadeldin abdelrahman)
|
غدا أذوب مهجتـي في حر أنفاس الغرام
ارنو اليك وا لوعتي ظمأا تأجج في ضرام
و أبيت أعشق في الدجى طيفا ينادى في منام
أنا لن أعيش (..) بحبه أنا غـيـر أحبابي حطام
شكرا سعد
سعتنا حاجه جميله جدا
وخليتنا ندندن بعد زمن ولوما المسافه بعيده الزول كان قام بشر
تحيه ليك لللاختيار
ولنانسى للاداء الرائع
ونسال الله الرحمه للفنان سيد خليفه
وللشاعر
جلال ناصر
| |
|
|
|
|
|
|
|
|
|
Re: ابوالسيد" ولـى المـسـاء " .. اداء نانسي عجاج (Re: جلال ناصر)
|
نانسي عج..اج
او هكذا كان يدغمها صديقنا ذاك
الذي فاجأنا بها تشدو في تابلوه سيارته تلك السوداء
الصوت صوت العصافير
والحزن حزن الناس
:
:
نانسي مشروع نافذ نحو المستقبل
إن هي توخت التنأي عن مهاوي الضعف في تجارب من سبقوها
ليتها تستفيد من منفاها لتضيف جديداً نضيرا
انما
هل يدلني احدكم كيف أعمل save لاغنية من هنا ؟؟؟
| |
|
|
|
|
|
|
| |
saadeldin abdelrahman
لؤى
الفاتح يوسف جبرا
Hussein Mallasi
raheemsudani
محمد الأمين موسى
Gaafar Ismail
شهاب الفاتح عثمان
فضيلي جماع
Haytham Abdulaziz
Ashraf el-Halabi
Soumeta
ahmed haneen
Yasir Elsharif
جلال ناصر
محمد امين مبروك
فيس بوك
تويتر
انستقرام
يوتيوب
بنتيريست