العنوان الجديد للمنبر العام
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-21-2017, 04:01 PM الصفحة الرئيسية

مدخل أرشيف النصف الثاني للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

توقعات هلامية ::::: سنة 2007 :::::: التي لن ولا يمكن ان تحدث

12-08-2006, 03:59 AM

sudania2000

تاريخ التسجيل: 02-04-2002
مجموع المشاركات: 4044

للتواصل معنا

FaceBook
تويتر Twitter
YouTube


توقعات هلامية ::::: سنة 2007 :::::: التي لن ولا يمكن ان تحدث





    أول الحكي : تحية والسلام عليكم اجمعين ولناس داخل السودان تحية ومعزة خاصة

    ديسمبر اقبل : مش أقبل بس أكمل اسبوعه الاول

    حسابات شديدة : ناس القروش طبعا

    نحن حساباتنا وجدانية روحية

    ياربي السنة دي ((2006 طبعا)) فيها فشل ولا نجاح وكم في المية

    القصة هنا ما القروش والماهية

    القصة اكبر

    هل في تصالحات نفسية

    وهل مشينا صح ولا بعنا القضية

    ولكل من قضية :::::

    اذا لم تكن لك قضية :: اتخارج قوووووووووووووووووووووام


    ثاني الحكي وقبل القضايا الاساسية

    نشوف التوقعات البوردابية المستحيلة طبعا

    انا بكتب عن اقلام وما في اغراض او معارف شخصية

    التوقعات البوردابية عن ناس الشحمة والنار الممكن يخشوا الثلاجة في 2007

    يعني الشحمة تتجمد والنار تتهمد ويبقوا اصحاب

    دي الباب فيها مفتوح للترشيحات

    التوقعات الثانية ومستحيلة تكون

    ناس التناقضات الفكرية

    يعني منو ومنو استحالة يبقوا اصحاب ولو انطبقت الارض مع السحاب

    وبرضو ترشيحات مقبولة

    اخر حاجة

    في الترشيحات البوردابية افكار تزاوجية

    يعني شباب وبنات

    منو استحالة يعرس منو من البورداب

    خلو العرس لانو في ازواج وزواجات بورداب مرابطين كمحارم وحراسة امنية

    نخليها احتمال ارتباط سابق ولا لاحق

    او يكونوا في الخيال ساكت احباب

    والقصة دي لاسباب

    او كما قال شيخي احبب حبيبك هونا ...................................ز

    ونتلقي الترشيحات بالماسنجر الهوت ميل او بالباب عديل هنا

    ويقفل باب الترشيحات قبل الساعة 2 من صباح يوم الاثنين بعد اسبوعين من اليوم

    يعني المهم قبال سنة 2007 بيومين

    وكل سنة وانتم حنينين ومحبين وطاعمين

    ولناس الداخل القابضين علي جمر الكوارث والمحل

    دعوات خاصة وتخوفات صادقة من البحصل واللي ح يحصل

    سنة حلوة 2007
                   |Articles |News |مقالات |بيانات

12-08-2006, 04:23 AM

sudania2000

تاريخ التسجيل: 02-04-2002
مجموع المشاركات: 4044

للتواصل معنا

FaceBook
تويتر Twitter
YouTube


Re: توقعات هلامية ::::: سنة 2007 :::::: التي لن ولا يمكن ان تحدث (Re: sudania2000)




    مدخل ثاني :: بدون حساسية

    القضية الاساسية للتوقعات الهلامية في السياسية السودانية

    أكان كوفي عنان الباقيلو 3 أسابيع قال بحلها في الايام الجاية دارفور طبعا والنزف المسكون نزفا

    وأكان ملكال ولعت بدون اعلان واكيد مافي نار ساي والدوشمان حاصل

    نجي للشرق واتفاقية وشكلها فيها تفاصيل ومفاصل منسية و معارضة قبلية واخري دميقراطية

    فضل لينا الشمال بامري وبحلفا وبالسرطان وبهامش الهامش في الفقر المدقع وناس ما شافوا لمبة بتولع من زمن الانجليز

    جنوب النيل الازرق حدث ولا حرج ولا انحراج

    السنار وقراها ومشاكل لا تعد ولا تحصي

    تصل المشروع الشيخ المهيب الذي قتل واقفا

    وحواشات لو اديناها لناس تايون كان القمح ولا الخضار وصل جزر الفوكلاند

    الخرطوم المسلحة وكرش الفيل المصارينها متشاكلة حظها وين من التوقعات الهلامية

    الجزيرة المكوية بالملاريا والبلهارسيا وقريبا ايدز وسرطان

    والسودان فيهو كل حتة بتنزف

    واخر شئ كمان ناس CBM شمال يمين البرنامج الغريب

    بقول للوطن العربي المريض (( انت حاسي دارفورك بتوجعك)))

    منو القال نحنا زاتنا دايرين ندخل الجسم المريض العربي

    توقعات هلامية في السياسة السودانية

    الانتخابات خيار

    الحرب واقع

    الانفصال : الله يستر

    البهدلة الحاصلة في كل مجال

    ولا حد يغالط

    القصة اكبر من انها تتقفل بمخدر موضعي او غيار

    والنزف الداخلي وجع لا يحسه الا من عاشه

    وان كان بعض الداخل في بروج مذهبة من الكامري والهمر والفصيل E

    هل نتوع المرتبات للعامل تصل حد خضار الاسبوع

    وهل البترول فيهو حق للمواطن المبيوع

    هل ح تجي لحظة نلقي الدولار بريال

    ولا هو الريال من عيال الجنيه ونحن شغالين دينار (((ما عندو عيال))

    القصة هيصة

    والمواطن الذي فضل

    يقول في اكثر الاوقات :: يا شباب ما تخافوا وتبقوا جبانات

    ويا بنات الشيلة شيلتكم اصلو الرجال باعوا القضية زمااااااااان

    وبين كدة وكدة برضو في توقعات

    سلام مشاتر

    زي التوقعات
                   |Articles |News |مقالات |بيانات

12-19-2006, 08:22 PM

sudania2000

تاريخ التسجيل: 02-04-2002
مجموع المشاركات: 4044

للتواصل معنا

FaceBook
تويتر Twitter
YouTube


Re: توقعات هلامية ::::: سنة 2007 :::::: التي لن ولا يمكن ان تحدث (Re: sudania2000)


    السلام عليكم

    لا اتوقع للسنة الجديدة اي شئ جديد في السودان (((نظارة سوداء شديد)))

    دخول القزات غاب قوسين او ادني

    ودخول الغابة اقرب

    والمرتبات عائمة

    والعائمة الشومية تغلي غليان بلا انفجار

    وكثير من الاحباط علي الشار ع العام

    لا اتوقع ان يكون السودان قد حقق اي من شعاراته السبعة و ثوابته الثلاثة

    سعار للحفلات للسنة الجديدة وسعر للتقليعات

    ولا جديد سوي المذيد من تفتت الاخلاق وفتات الموائد

    وكل سنة والسودان بخير
                   |Articles |News |مقالات |بيانات

12-20-2006, 12:41 PM

د.محمد حسن
<aد.محمد حسن
تاريخ التسجيل: 09-05-2006
مجموع المشاركات: 14975

للتواصل معنا

FaceBook
تويتر Twitter
YouTube


Re: توقعات هلامية ::::: سنة 2007 :::::: التي لن ولا يمكن ان تحدث (Re: sudania2000)

    ودايما بهية زي لون الدميرة

    دافرة فايرة

    وتحمل الطمية الوفيرة

    شايلة خيرها

    للغلابة

    لبلاد كاسيها فقرا

    اصلوا ما مفروض يكون

    الا قرشها زي ضريرة

    عند كروش ملموم مكوم

    وبرضو تنبح : ( ما كتيرة)

    مودتي
    وامنياتي لك بموفور الصحة ومزيد النجاحات
                   |Articles |News |مقالات |بيانات

12-20-2006, 03:03 PM

sudania2000

تاريخ التسجيل: 02-04-2002
مجموع المشاركات: 4044

للتواصل معنا

FaceBook
تويتر Twitter
YouTube


Re: توقعات هلامية ::::: سنة 2007 :::::: التي لن ولا يمكن ان تحدث (Re: د.محمد حسن)




    Quote: ودايما بهية زي لون الدميرة

    دافرة فايرة

    وتحمل الطمية الوفيرة

    شايلة خيرها

    للغلابة

    لبلاد كاسيها فقرا



    سلامات يا دوك

    اشواق ومساحات ربيع وازهار ودعاش وامطار وكل النيل بركة و خير

    الاماني والاحلام في القلب

    والحسرة والواقع يدمي ذات القلب

    الوجع والمرض يستشري ويرسم غولا من الخوف

    الواقع المرير والمستقبل العصي

    تقاطع سنوات تجمع بين الجوع والفقر المذيد

    2005-2006-2007 والقطر ماشي ولا جديد

    ابوجا ونيفاشا و اديس اببا والقاهرة والبنتاجون

    محطات بائسة وبنت محمد احمد ترملت تيتمت وخرجت ولم تعد

    اغتصبت و تدهورت وثارت وخرجت ولم تعد

    محمد احمد تضور جوعا ومانقو صديقا قتل احترابا

    وادروب قتل جهلا ومرضا و.....ووووووووواشوقا ع بلدي

    شوق زووول ولووووف بكاي

    تسلم
                   |Articles |News |مقالات |بيانات

12-19-2006, 10:42 PM

عادل محمد الصافي

تاريخ التسجيل: 09-01-2004
مجموع المشاركات: 237

للتواصل معنا

FaceBook
تويتر Twitter
YouTube


Re: توقعات هلامية ::::: سنة 2007 :::::: التي لن ولا يمكن ان تحدث (Re: sudania2000)

    الرائعة السودانية .... والكيشة.. كما يحلو لك
    ليه التشاؤم دا...تفاءلوا بالخير تجدوه أختى ففى غمضة عين يغير الله الحال
    انشاء الله للأفضل.
    أتوقع حل مشكلة دارفور ولم الشمل ورجوع المغتربين كلهم للوطن ،، والرخاء والازدهارحتى لا يجد الخوازيق الذين لايعجبهم حتى السمح فى البلد بل ينتقدون كل شىء!ما يكتبونه أو ينتقدون نقد بناء.كأنهم سودانيون لوحدهم.ومناضلون شرفاء كما يدعون.
    خالد البدرى
                   |Articles |News |مقالات |بيانات

12-20-2006, 02:54 PM

sudania2000

تاريخ التسجيل: 02-04-2002
مجموع المشاركات: 4044

للتواصل معنا

FaceBook
تويتر Twitter
YouTube


Re: توقعات هلامية ::::: سنة 2007 :::::: التي لن ولا يمكن ان تحدث (Re: عادل محمد الصافي)

    Quote: أتوقع حل مشكلة دارفور ولم الشمل ورجوع المغتربين كلهم للوطن ،، والرخاء والازدهارحتى لا يجد الخوازيق الذين لايعجبهم حتى السمح فى البلد بل ينتقدون كل شىء!ما يكتبونه أو ينتقدون نقد بناء.كأنهم سودانيون لوحدهم.ومناضلون شرفاء كما يدعون



    سلامات

    والله دي الاماني السندسية في زمن الخوازيق واللامعقول

    اتفاءل من وين والضلمة في كل مكان

    تجي نحلم بحلم واحد

    ترجع العافية للخدمة المدنية السودانية

    تسلم يا ذوق
                   |Articles |News |مقالات |بيانات

12-20-2006, 07:50 PM

عصام علي أحمد
<aعصام علي أحمد
تاريخ التسجيل: 07-16-2006
مجموع المشاركات: 2417

للتواصل معنا

FaceBook
تويتر Twitter
YouTube


Re: توقعات هلامية ::::: سنة 2007 :::::: التي لن ولا يمكن ان تحدث (Re: sudania2000)

    أتوقع الاتى :-
    حرب أهلية تشمل جميع ولابات غرب السودان
    أنفصال الجنوب وحرب قبلية بين الدينكا والنوير للسيطرة
    تواجد القوات الدولية بكثرة فى المليون ميل مربع
    انفلات أمنى فى الخرطوم
    هروب مجموعة كبيرة من قادة المؤتمر الوطنى خارج البلاد
    أعلان السودان منطقة كوارث
    نزوح سكان الوسط والعاصمة الى الشمال
    أنزال المواد الغذائية بطائرات الامم المتحدة فى منطقة شندى والدامر وعطبرة
    وعلى السودان السلام
    كل من عليها فان ويبقى وجه ربك ذو الجلال والاكرام
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de