وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 02:52 AM الصفحة الرئيسية

مدخل أرشيف النصف الثاني للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

(مريخنا يا مطر الرشاش.. الزعل كده يا بلاش،

12-17-2006, 08:00 AM

keiga2000
<akeiga2000
تاريخ التسجيل: 05-11-2002
مجموع المشاركات: 4100

للتواصل معنا

FaceBook
تويتر Twitter
YouTube

كيف احذف مداخلة من بوستى
(مريخنا يا مطر الرشاش.. الزعل كده يا بلاش،

    كتت الرائع مزمل أبو القاسم.
    فاز المريخاب بالدوري 3 مرات.. واقتفى الهلال أثرهم وفاز به 4 مرات.. ولأن الهلال فاتهم ببطولة واحدة المريخاب زعلانين!



    * وفازوا بكأس الوطن مرتين متتالية.. بعد أن أحرزوه من قبل ثلاث مرات متتالية.. وزعلانيييين!



    * رفعوا البطولات إلى الرقم سبعة.. وزعلانيييييين!



    * 17 سنة والشباك الحمراء نظيفة لم يمسها لاعب من الهلال.. وزعلانييييين!



    * 17 سنة لم يخسر المريخ أمام الهلال في كأس السودان إلا بركلات الترجيح.. وزعلانيييين!



    * رفع المريخاب درع الإنقاذ ثلاث مرات متتالية.. واحدة منها بنطة قصمت ظهر البطة.. وقدام بلاتر.. وزعلانيين!



    * بنوا أجمل إستاد وأحسن نادي.. وزعلانييييين!



    * قدموا للكرة السودانية أروع ملعب.. وزعلانيييين!



    * ساهموا في ترقية الذوق العام ونظفوا شاشة التلفزيون من المناظر المؤذية للعيون.. وزعلانيييين!



    * ساهموا بفعالية في مشروع تجميل العاصمة القومية.. وزعلانيين!



    * أحضروا أحسن محترفين.. ومعهم مدرب عالمي.. وزعلانييين!



    * زعلانين.. وسيستمر زعلهم حتى يستعيدوا تاج إفريقيا.. ويقدموا للوطن لقب جديد وشديد.. مثل قلق!



    *(مريخنا يا مطر الرشاش.. الزعل كده يا بلاش)!



    عجبكو يساوي الترجي!



    * من حق المريخاب أن يفرحوا ويطمبلوا في الأفراح بعد أن ضحكوا أخيراً وطمبلوا كثيراً وتركوا لغيرهم الشكاوى المطمبلة وثورة الحجارة في معركة (ذات الطنابل).. أقصد (ذات القنابل)!



    * (عجبوهو من عيني.. إلا من قلبي لا.. ما قدروا.. طمبلوهو)!



    * من حقنا أن نكتب بمداد الفرح الهادر بعد أن فر كتاب الهلال من الصحيفة وتركوا آثارهم تحكي خلفهم عن هول الفاجعة وشدة الضربة بعد أن كتب عائس (بي طمبلكو برضو حتبكو) ثم طمبل دون رجعة حتى سمعنا أنه شوهد مطمبل العينين بالدموع بالقرب من عامرية الفلوجة بود الماجدي شمال الرمادي!



    * أما قسم خامس فيكفي أن نذكره بأن عجبكو رفع عدد أهدافه في مرمى الهلال إلى الرقم خمسة.. يعني يا قسم عجبكو بقى زي الترجي!



    * مذكورين من الخير.. (قسم) فيها كم إيداهو.. أقصد كم نقطة؟



    نفض الشباك إيداهو



    * نواصل الطمبلة مع عاشق المريخ سر الختم تاج السر (زوربا).. بقصيدته الرائعة التي حملت عنوان (نفض الشباك إيداهو) ويقول فيها: رغم الخشونة معاهو.. بي قونو ما أحلاهو.. نفض الشباك إيداهو.. والعجب العجيب تناهو.. بي لوحة بي يسراهو.. هرد القليب شقاهو.. وجمهور الهلال بكاهو.. غادر كئيب خلاهو.. كادوكو ما حلاهو.. ما عرفوا اليسوو وتاهو.. خجلان رفع شكواهو!



    * الأغنية مهداة للملحن علي أحمد.. بشرط أن يلحنها على إيقاع (المردوم)!



    * ويا زوربا (أوعى الطوبة.. لا تعيقك)!





    مطمبلين ومقدرين!



    * من الرياض أرسل الفضلي: غنى أبو داؤود رحمة الله عليه: (يا عذارى الحي هل رأيتن حبيباً قد توارى؟ ليلنا طهر بلا كأس سكارى).. فلم هجروا حبيبهم؟ ولم أمطروه بالحجارة قبل أن يحين أوان رمي الجمرات؟



    *( مطمبلين ومقدرين) يا فضلي..أكيد.. طمبل عامل قلق.. وسلم معاك على المأمون.. وقول ليهو: أظهر وبان.. الدار أمان.. ثورة الحجارة تلاشى ليلها ليسفر عن شكوى ذليلة.. مفادها (إيداهو كراعو تقيلة)!



    آخر الحقائق



    * فرحتنا بانتصار المريخ كدرها خبر رحيل شيخ النقاد الرياضيين بمدينة مدني الراحل المقيم بكري نور الدائم رحمة الله عليه.



    * اللهم ارحم بكري بقدر ما قدم للرياضة ولمهنته ومدينته وأنزله منزل صدقٍ عند مليك مقتدر.



    * اتحاد شداد سبق له حرمان المريخ من كأس السودان مرتين.. فهل يكررها للمرة الثالثة؟



    * آخر خبر: المعز وقع إقرار.. أمام إيداهو!



    * إذا لم يوافق الهلال على تلبية رغبة المعز فليس أمام المريخ إلا أن ينتدب مدرب حراسه الطيب سند ليعمل مع الهلال حتى نهاية الموسم المقبل!



    * من مطاعم الرد كاسل الفاخرة.. فاحت رائحة بط مشوي.. وكان السحور بالعجب!



    * الوالي أعلن منذ فترة أن الهلال يستطيع تسجيل علاء الدين إذا دفع له أكثر مما دفعه له المريخ.



    * موقف واضح.. ونطالب الوالي بأن يثبت عليه حتى النهاية.



    * المريخ قيم علاء الدين بطريقة منصفة وسلمه مائتين وخمسين مليوناً (كاش).. وإذا دفع الهلال أكثر فعلى اللاعب أن لا يتردد في قبول عرض الهلال!



    * على أنديتنا أن تتقبل التعامل مع قواعد لعبة الاحتراف بحلوها ومرها!



    * ولائحة اللاعبين غير المتعاقدين تعطي المريخ الحق ضم ريتشارد وجوليت بشروط.. بالإضافة للمعز!



    * (يا مولاي آه من غلبي.. ضربة إيداهو هردت قلبي)!



    * كلتشي ما عندو شي.. ولسان حال قودوين: (سجنوني.. في سجن كوني)!



    * الأخبار الواردة من عامرية الفلوجة أكدت حدوث تفجيرات انتحارية تبنتها كتائب ثورة سوق العيش!



    * قلق شديد.. والشكوى ما بتفيد!



    * طمبلت واستعدلت.. الشكوى ما هامانا.. ما دام المريخ أبدع.. والهلال (طقع)!



    * ربع الساعة الأخيرة كانت عبارة عن (بارتي أوفر نايت).. منقول حصرياً على قناة إبداع الزعيم!



    * نقترح على اللجنة المنظمة إعادة المباراة مع تعهد مريخي بعدم إشراك إيداهو والعجب!



    * لكنه سيشرك طمبلكو.. وعلاء الدين (شطارة)!



    * اشتكيتوا عاوزين (الكاس) ما مشكلة.. عاوزين دامر معاهو.. ما مشكلة!



    * خايفين نرسل ليكم الكاس مع طمبل ولا شطارة يجينا معاهم المعز.. بحرارة!



    * لو عاوزنو مع إيداهو عندنا (أربعة إيداهو).. واحد هداف الدوري.. والتاني هداف الكاس.. والتالت أبو شكوى.. والرابع (أبو من غير شكوى)!



    * شخصياً أفضل هداف الكاس.. لأن زاركم مرتين.. المرة الأولى لأخذ الأقراص.. والثانية لضربة الكاس!



    * خيارات عديدة.. بس إنتوا (قشروا) أقصد أشروا.. وعجبكو ينفذ!



    * ولو أرسلناه مع طمبل.. إلا يحرسوا عنتر.. ولو تأخر.. حا نرسل أوتو فستر!



    * ولو رسلنا ليكم (الكاس) مع (العجب).. حا يجيكم (قلق)!



    * المراقبون أكدوا أن ثورة الحجارة اندلعت من خارج الرد كاسل لعدم وجود حجارة داخل الإستاد.. يعني (حجاركم محمولة جواً)!



    * مسعولين من العجب.. ما هي آخر نتائج اجتماع الكوبرا السري مع إيداهو وإيفوسا؟



    * آخبر خبر: عجبكو رفع مقاسات دايرو شات!



    * الطول أقل من مترين (اتنين).. والعرض 2 في 2 .. والوزن زايد (حبتين)!



    * شكوى الهلال ادعت أن إيداقول استخدم أسلحة دمار شامل.. ضد المعز!



    * أما عجبكو فقد اتهمته الشكوى بجريمتي (الخطف.. وإطلاق النار)!



    * عجبي.. ويا للعجب!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-17-2006, 08:34 AM

abas
<aabas
تاريخ التسجيل: 07-26-2002
مجموع المشاركات: 6119

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (مريخنا يا مطر الرشاش.. الزعل كده يا بلاش، (Re: keiga2000)

    هاهاهاهاهاهاهاهاهاهاها

    ربنا يديم عليكم البسطه

    بلعب زول مطرود تاني

    هاهاهاهاهاهاهاهاهاهاها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-17-2006, 08:38 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (مريخنا يا مطر الرشاش.. الزعل كده يا بلاش، (Re: abas)

    غايتوا تاني نتكلم مع اي رشاشة نعمل حسابنا من (الرجم) بس أي قون تبدوا (تفلقوا) بالأمس الرجاء واليوم المريخ وما أشبه اليوم بالبارحة.
    لو شارك طمبلنا كان عملتوا شنو؟!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-17-2006, 09:33 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (مريخنا يا مطر الرشاش.. الزعل كده يا بلاش، (Re: Rakoba)

    يا جماعة الناس ديل أعذروهم أديتوهم ضربة قوية بطمبلونا و هدفين من ايداهو و عجبونا و بكوا و اشتكوا قبل بداية المباراة

    عشت يا مريخ يا عظيم

    راكوبة نزل لينا لقطة من الليلة ديك

    الحاج حمد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2006, 07:36 AM

keiga2000
<akeiga2000
تاريخ التسجيل: 05-11-2002
مجموع المشاركات: 4100

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (مريخنا يا مطر الرشاش.. الزعل كده يا بلاش، (Re: hajhamad)

    عباس ربنا يديم ليك الانبساطة
    مغلوب وتضحك والله اتعودت عشان كدا ماغريبة عليكم الضحك اصلوا لاعبيتكم دائما خارجيا بتغلبوا وبجوا ا لمطار يضحكوا مابالك المشجعين

    ربنا يردك يامريخابي يازعلان

    ابومصطفى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2006, 07:43 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (مريخنا يا مطر الرشاش.. الزعل كده يا بلاش، (Re: keiga2000)

    انتو إيداهو ده لو لبس (2) ولا (12) ما كان ممكن يشارك! :D:D:D:D:D
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2006, 08:08 AM

ابو عثمان
<aابو عثمان
تاريخ التسجيل: 12-14-2002
مجموع المشاركات: 1310

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (مريخنا يا مطر الرشاش.. الزعل كده يا بلاش، (Re: keiga2000)

    مبروك يا راكوبه

    ماهي قصة الرجم بالحجاره التي ظلت عادة حبيسة بالرشاشات- عادة وعندما يلج مرماهم الهدف التاني تنفلت اعصابهم وهذا بلطبع ناتج من شحن الاعلام الهلالي الزائد للمشجعين والايحاء لهم بان الهلال فريقا" لا يهزم

    مبروك للمريخ النصر المستحق عن جدارة واستحقاق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de