دعواتكم لزميلنا المفكر د.الباقر العفيف بالشفاء العاجل
|
|
 rummana رجعت ...الف الف مرحب
|
مع الصباح كده لقيت اسم اختنا الغالية ... حكيمة البورد ... المرأة ذات الاسلوب الراقي في النقاش ... والرأي الرشيد ... القوية في الحق دائما ... من اوائل من أسسوا هذا البورد ...
رمانة ....
طبعا لقيتها في بوست تعزية الاخت سودانية 2000 ... ونتمني انها ترجع تواصل في البورد ... مع انه ما نفس البورد اللي كانت فيه زمان ... بس فعلا محتاجينها ومحتاجين اراءها ومشاركاتها
الف الف مرح بيكي يا رمانه ... وعقبال ما يرجعوا باقي الاعضاء القدامي
|
|
 
|
|
|
|
|
|
|
|
Re: rummana رجعت ...الف الف مرحب (Re: rummana)
|
العزيزة رمانه..
قبل ايام كنت بفتش في ارشيف الاوراق المهمة والمستندات في البيت .. من بين الاوراق حصلت قصاصة صغيرة لاخر مداخله تمت بيناتنا ضحكت وحزنت وفي نفس الوقت اتمنيت انو الزمن يحاول يرجع لي وراء لانو قدام اصبح غير واضح المعالم ..
فكرة الاغاني لسه مسيطرة يا رمانة .. لكن ( ماسك يدي ) لكن بهدي ليك اغنية نور بيتنا بصوت البلابل تسجيل قديم جدا . حاولي تتخيليهو بيكون عامل كيف ..
دافي الله يطراهو بالخير لي منو فترة طويلة آخر أخبار بتقول انو منهوك في دوامة عمل ودراسة..
شكرا يا رمانة لشوفتك اون لاين..
| |
|
|
|
|
|
|
|
|
|
Re: rummana رجعت ...الف الف مرحب (Re: tmbis)
|
يا سلااام شكرا ياخ على الاغنية الحلوة.. تعرف البلابل ديل بذكروني ايام الثانوي العام وامدرمان الثانوية الحلوة.. أنا كلما (أكوي) بسمع نور بيتنا..لول .. بس بصوت سامي المغربي.. أصلي بستعين على الرمضاء بالاغاني.. الزمن الحلو ما بعود لكن بجي ان شاء الله زمن احلى منه
تحياتي
| |
|
|
|
|
|
|
|
|
|
Re: rummana رجعت ...الف الف مرحب (Re: 3bdo)
|
lol! هو أنا فاضية من الغسيل وشر الهدوم عشان ألقى وقت كمان أكتب في البورد وأشارك بالرأي الرشيد.. كل كم شهر كدة بتجيني حالة زهج وبجي أفتش على الناس وأشوف أخبار بكري شنو
عبدو الأشري لك التحية والمودة وان شاء الله انت والاسرة بس تكونوا مبسوطوين وسعيدين أما باقي الناس الما اشري .. خليهم يشربو من موية النيل في الخريف.. من غير فلترة
سلام وشكرا كتير على التحية الحلوة
| |
|
|
|
|
|
|
|
|
|
Re: rummana رجعت ...الف الف مرحب (Re: rummana)
|
الله أكبر...يأ أرجل النساء..يارمانة..يامحقة.
غالبني الكلام..لكن ياأخت الرجال ما غبتي من البال..وأخر سؤال كان عنك قبل ايام موجه لفرانكلي..كان رده "غريبا"..ربنا يحفظك يارمانة.
| |
|
|
|
|
|
|
|
|
|
Re: rummana رجعت ...الف الف مرحب (Re: Frankly)
|
بناديها الكريم
والله بورد بقيت تظهر فيه يبقى بورد سكنته البركة وبستاهل الزيارة اليومية ومال الواد تمبس ده حزين ماله؟
طبعا مشتاقين كتير ولا زلت احج الى ما حفظته من بوست المعذرة واذكر الأيام الخضراء..أما بخصوص غرابة رد فرانكي... هممم.. حأضطر اقلب صفحات البورد دي كلها عشان أشوف الحاصل شنو
لك خالص المودة وتحياتي للاسرة
أخي جدا فرانكلي
سلام كتير وربنا يديم السعادة عليك ..أول ما قرأت اليوم في البورد كان بوستك عن استمرار استنكار تدنيس القرآن.. تصور اني جيت اليوم مخصوص بسبب هذا الموضوع.. كنت بتساءل امبارح بالليل وانا بسمع الاخبار.. يعني هو القرآن بهم الأفغان بس ولا هم بس استغلوا الموضوع للتعبير عن غضبهم على الوجود الاميريكي في بلدهم؟ تحياتي لك اخي ولك شكري
| |
|
|
|
|
|
|
|
|
|
Re: rummana رجعت ...الف الف مرحب (Re: 3bdo)
|
الاخت العزيزة رمــــانة
الف الف الف مرحب
الواحد تقول فكي
سبحان الله والله امبارح اتذكرتك
وبدون اي مناسبة محددة
لمن لقيتك اليوم فى المنبر الصباح
قلت يا ريت لو الواحد افتكر ليهو مليون ريال
لكن ما مشكلة عودتك دي براها مليون دولار 
مشتاااااقين يا رمانة كتير
احتراماتي
| |
|
|
|
|
|
|
|
|
|
Re: rummana رجعت ...الف الف مرحب (Re: alsngaq)
|
الأخ الكريم alsngaq
لك التحية والمودة
لول.. بالله شوف الحظ دا..هسه لو كنت اتذكرت مليون ريال كان الواحد شحدك كم الف كدة اشترى بيهم عربية .. بالله خليك حريص المرة الجاية اتذكرنا سوا
شكرا كتير على التحية
| |
|
|
|
|
|
|
|
|
|
Re: rummana رجعت ...الف الف مرحب (Re: waleed500)
|
سلامات لكل الحلوين الموجودين في البوست ده
نورتي يا ست الكل ... واذا ما فاضيه لينا عشان الغسيل حنتبرع ليكي بغسالة فل اتوماتيك من المليون ريال بتاعت السنجك
بناديها
سلامات
ما عارف ليه ... لكن حسيت بانك حتكون من اول من يرحبوا بي رمانه ... وما خزلتني
| |
|
|
|
|
|
|
|
|
|
Re: rummana رجعت ...الف الف مرحب (Re: 3bdo)
|
رمانة
صباحاتك زي القشطة
ان شاء الله تاني نشوفك في البورد طوااااالي
اها اخبارك شنو ؟ ما تقولي لي بس غايبة سنة ونص من البورد بتغسلي وتشري
في الهدوم ... كدة ناس بناديها حيقولوا ( أرجل النساء ) بقت من ( رجال
الأعمال ) واشترت ليها لاوندري وتلم في الدولارات اليوم كله
طمنينا عنك وعن اخبارك ...
| |
|
|
|
|
|
|
| |
tmbis
rummana
Yasir Elsharif
banadieha
Frankly
alsngaq
waleed500
فيس بوك
تويتر
انستقرام
يوتيوب
بنتيريست