|
دعواتكم لزميلنا المفكر د.الباقر العفيف بالشفاء العاجل
|
|
 Re: طلب من المهتمين بفن الغناء الشعبى -- مع شكرى وتقديرى (Re: Mamoun Zain)
|
كيف لاتتوقع اجابة للطلب اوعدك وعد صادق انزل ليك كل اغانى بادى مكتوبة
وكان بعرف انزلن تسجيل حرم ما اقصر معاك يا ود القبائل وهاك دى البداية
قائد الاسطول...سيد عبد العزيز
-----------------------
يا قائد الاسطول تخضــع لك الفرسـان
ياذا الفخار والطول ارحم بنى الانسان
----------------
مين لى سماك يطول ما بطولك اللمسان
معناك شرحه يطول على كل جيل فى لسان
اصدق كفانا مطول يا ذو الحسن احسان
انا عقلى بيك مخلول والناس عقول ولسان
-----------
مابنكر المعقول امنت بالايمان
يا الطلسم المصقول بدلى خوفى امان
بالنور سحرت عقول كانت صــمـيمة زمان
يا من تحق القول قتل النفوس حرمان
----------
ما الجندى والمقتول وطالب الغفران
من ايدو راح منتول واتوهد النيران
فاقد الصواب مبتول من ما راى حيران
واصبح زهر مشتول وفاح ملاء الجيران
---------------
حبيبى كون ممهول وليكن ما كان
الفى غدا مجهول والماضى اسمه الكان
نفداك شباب وكهول ونبقى ليك اركان
لى حيك المأهول ونخدم السكان
------------
ياعلة المعلول كم اوما ليك بنان
كم من اسير مغلول ما لاقى لحظة حنان
يرعى وعدك المحلول زى حجة الوسنان
والكان سكونو تلول ما ببدلن بى جنان
---------------------
يا الفى سماك مفصول تنشاف عيان وبيان
ماعرفنا ليك وصول وما دنيت احيان
انت الخطاك اصول يعلم الديان
مثلت فينا فصول ما بدرسا النسيان
| |
 
|
|
|
|
|
|
|
|
Re: طلب من المهتمين بفن الغناء الشعبى -- مع شكرى وتقديرى (Re: صديق الموج)
|
الاخ مامون منطقة الحلاويين منطقة عريقة ولها لآثر كبير فى تاريخ السودان والكثير يجهل ذلك ومن الاشياء المنسية هو ميدان ابو جنزير القابع فى وسط الخرطوم والذى يحوى ضريح الثائر الوطني رابح ابوجنزير وهو من منطقة الحلاويين كما تزكر الكتابة المكتوبة على الضريح اتمنى ان تسلطو الضؤ على هذا المعلم التاريخى الهام وهو على ما اعتقد اعدم فى هذه الساحة لمساندته ثورة البطل الثائر عبدالقادر ودحبوبة.
| |
|
|
|
|
|
|
|
|
|
Re: طلب من المهتمين بفن الغناء الشعبى -- مع شكرى وتقديرى (Re: Mamoun Zain)
|
من حور الجنان
من حور الجنان أم أنت إنسان الكمال
هل أنت الملاك جيت تورى الناس الجمال
سبحان من نشاك حسنه وفى غاية الكمال
يهواك الجنوب وليك ينقاد الشمال
وما أظن يحصوا حسنك لو يحصوا عدد الرمال
بى إيه يقدروك يا ملك ملوك عصر الجمال
سلطان بهجتك محروس بجيوش الجلال
ويغار من صفا حسنك صفا ماء الزلال
فى مراية خدودك أشوف تأكيد سحر الحلال
وأشوف فى سما حسنك كل يوم يسطع هلال
صفا ماء الجمال فى مجال جمالك راق وجال
زى ماء الحياء فى عيون ربات الحجال
ما فعل السلاح تفعل عيناك النجال
مكسور الطريف كسر قلوب الرجال
يا خلاصة المعانى الصار معناك موضع مثال
فوق المحسنات حايز لطف وكرم خصال
آلهة الجمال اعترفوا ليك ما ليك مثال
وتتمنى البدور تقبيل يداك بى امتثال
يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال
يا الغصن الرطيب عاجبنى فيك الإنهدال
اللادن قوامك من ملبن وذو اعتدال
جوهر حسنك الصافى وسيرك طاهرات عدال
آيات بينات ما فيهن للكافر جدال
شاركت الغمام والموج مناظر وارتحال
شاركت الظباء فى نفرتن والإكتحال
شاركت القلوب فى موضعن وعلى كل حال
نفداك بالنفوس وفداء النفوس كان المحال
سيد عبد العزيز
| |
|
|
|
|
|
|
|
|
|
Re: طلب من المهتمين بفن الغناء الشعبى -- مع شكرى وتقديرى (Re: Ehab Eltayeb)
|
الاخ العزيز ايهاب
لك منى التحية والشكر والتقدير
شكرا على كلمات التشجيع وحتما لن تكتمل الصورة التى نريدها للموقع بدون مساهمات كثيرة منتظرة ومعلومات كثيرة غائبة.
اذا لم يكن فى استطاعتنا مساعدة المنطقة ماديا وبناء مدرسة أو مسجد أو غير ذلك فمسئوليتنا الاجتماعية تحتم علينا تشجيع هذه الجهود بالقدر الذى نستطيعه وبالامكانيات المتاحة لنا و أعتقد انه يمكننا من خلال هذا الموقع ابراز صورة المنطقة التاريخية والمساهمة فى النهضة الاجتماعية و الاقتصادية فى عالم سيصبح فيه عما قريب الانترنت وسيلة الاتصال الاكثر انتشارا فى السودان. يمكنناأن نفعل الكثير وانتم معنا.
لقد تحدثت مع الاخ متوكل وهو من أعز اصدقائى بأننى احتاج جهودك يا أخ ايهاب واننى متأكد من تعاونك الايجابى لأن قرية الولى هى ام الحلاوين وانتم مثقفوها وعندكم الوسائل فهيا نعمل سويا من أجل المنطقة ككل .
ولك حبى
| |
|
|
|
|
|
|
|
|
|
Re: طلب من المهتمين بفن الغناء الشعبى -- مع شكرى وتقديرى (Re: Mamoun Zain)
|
بتريد اللطام......الشاعرة بت مسيمس
وذلك فى محاكمة عبد القادر امام ود حبوبـــــــــــة
_____________________________________________
بتريد اللطام اسد الكداد الزام
هزي البلد من اليمن للشام
سيفك للفقر قلام
___________________________
ديم فى الدقر قال العمير مسيوم
القوى والضعيف من عينو طار النوم
الكفر النجوس ما بختوا من اللوم
حجرت الدرب خليت طيورو تحوم
______________
الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صغار
_________________-
الاعلان صدر واتلمت المخلوق
بى عينى بشوف اب رسوة طامح فوق
ان جات بالمراد واليمين مطلوق
ما كان بنشنق ود اب كريق فى السوق
________________________________-
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجال
________________________
| |
|
|
|
|
|
|
|
|
|
Re: طلب من المهتمين بفن الغناء الشعبى -- مع شكرى وتقديرى (Re: صديق الموج)
|
الاخ مامون
تحياتى
ياريت لو لميت فى صديقى وزميل دراستى
بدر الدين محمد دفع الله الحلاوى (بدر الدين شنه)
وهو عضو بالبورد
وهو من افضل من يغنى للفنان عبد الله محمد
كثير ماكان يطربنا باغانيه
فسيفيدك كثيرا فى هذا الطلب
وهناك ويب سايد لمنطقة طابت
اعتقد انه موجود ب
omduena.com
به اغانى كثيرة لفنانين من هذه المنطقة
كالفنان احمد الطيب
اتمنى لك التوفيق
محبتى
| |
|
|
|
|
|
|
|
|
|
Re: طلب من المهتمين بفن الغناء الشعبى -- مع شكرى وتقديرى (Re: عبد المنعم سيد احمد)
|
الاخ عبد المنعم
لك الشكر على المرور من هنا ومرحبا بك فى الحلاوين
حقيقة اننى أبحث عن الرجل الرائع بدر الدين شنا فلم أعد اراه فى البورد منذ فترة
هو فعلا موسوعة وأنا اعرفه كممثل بارع كان يمثل فى كل منطقة الحلاوين منذ ان كنا فى الابتدائى لكننى لم اراه منذ ما يقارب العشرين عاما.
اذا كنت تملك اى وسيلة لتصال به فأرجو ان تمدنى بها
ولك منى اسمى ايات الشكر والتقدير
| |
|
|
|
|
|
|
|
|
|
Re: طلب من المهتمين بفن الغناء الشعبى -- مع شكرى وتقديرى (Re: صديق الموج)
|
الأخ صديق الموج ..
لك منى اسمى ايات الشكر والتقدير على مساهماتك الجليلة فى هذا البوست فكل القصائد جميلة ولكن دعنى أقول لك ان قصيدة بت مسيمس التى أنزلتها "فظيعة" كنت أبحث عنها منذ زمن واليوم اتصل بى أكثر من شخص كانوا يبحثون عنها. أتمنى أن أجدها مسجلة حتى أقوم بوضعها فى خلفية الصفحة الاولى.
لن ننسى لك هذا الجميل وحتما سيكون اسمك ضمن المساهمين فى تطوير الموقع.
ارجو منك أن تبحث لى عن قصيدة بت مسيمس مغناة بصوت بادى محمد الطيب
ولك حبى
| |
|
|
|
|
|
|
|
|
|
Re: طلب من المهتمين بفن الغناء الشعبى -- مع شكرى وتقديرى (Re: Mamoun Zain)
|
بلحيل ياود القبائل موجودة بى صوت بادى بالرق وبالموسيقى
وفيديو كمان...بس مشكلة اخوك سواق خلاء ساكت وسوف اسلمها
للاخ معتصم دفع الله وسوف ينزلها ليك بى كم طريقة واختر ما
تشاء وعلى فكرة معتصم من القلقالة يعنى ما بعيد منكم
وله معكم واشجة وصلة..انتظرنى،،،،
وسوف انزل لك باقى اغانى بادى وعوض الكريم مكتوبة،
ان شاء الله يومى تلقى قصيدة قصيدتين الله يعينك على موقعكم،،،،
| |
|
|
|
|
|
|
|
|
|
Re: طلب من المهتمين بفن الغناء الشعبى -- مع شكرى وتقديرى (Re: صديق الموج)
|
الاخ مامون حتمآ لنا عودة والشكر للاخ الباشمهندس ايهاب الطيب وحتمآ منطقة انجبت شاعر المهدية احمد ودسعد والشيخ الامين القرشى واشيخ القرشى ودالذين لهى منطقة جديرة بالاهتمام والتوثيق واتمنى ان تتتحقق يا اخ مامون عن معلومة ان الاستاذ الشيخ بابكر بدري يرجع اصله او مولده فى منطقة الحلاويينوبا التحديد فى منطقة الهلالية والله اعلم اتمنى ان تتحقق من هذه المعلومة.
| |
|
|
|
|
|
|
| |
Mamoun Zain
صديق الموج
Saifeldin Gibreel
Khaalaleyaal
Ehab Eltayeb
عبد المنعم سيد احمد
فيس بوك
تويتر
انستقرام
يوتيوب
بنتيريست