جيبو حى يا كوفى عنان !

مرحبا Guest
اخر زيارك لك: 03-29-2024, 11:42 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2005م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-02-2005, 01:07 AM

محمد حامد جمعه
<aمحمد حامد جمعه
تاريخ التسجيل: 11-26-2004
مجموع المشاركات: 6807

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
جيبو حى يا كوفى عنان !

    .... اها ... مجلس الامن طلع قرارو وقال الناس العملت عمايل فى دارفور بتاعين اللستة (ام خمسين ) يمشو محكمة الجنايات الدولية يمشو لاهاى عشان الناس تشوف الحاصل شنو وتصدر الاحكام .. مجلس الامن دا طبعا يا جماعة جهة عادلة وعادلة (اوى ) والاعضاء الفيهو العندهم حق النقض وفرتكة اى قرار وشعب وحكومة ناس عادلة .. وهم اكيد ما قاصدين السودان ولا الشعب ولا الحكومة وما عندهم قشة مرة من سودانى ولا مع سودانى لكن السودانيين وحكومة البشير كمان عملوها شينة وبالغو حبتين لمو فى الناس جزر وكسير رقاب وقطع من طرف اى زول اضانو زرقا فى دارفور لحسوه ومشو الشرق اى زول اضانو حمراء لحسوه لمن البلد مسكها فقر سكانى والناس بقت شوية . اى الخرطوم بتبالغ ليه تعمل كدا الكلام دا عيب وحرام ليه ترتكب مجازر بشعة كدا ويجو ناسها يغتصبو الحريم ويغتصبو الشفع .. هى قايلة العالم دا هملة لكن ما دقسو الجماعة ما كانو عارفين انو امريكا قاعدة ودى ما ابو العدل زاتو يعنى هناك فى بلاد العم سام العدل راقد هبطرش تكون ازرق ولا ابيض ولا اخدر (لون زينب ) حقك بيجيك فى محلك ومن حقك تبقى اى حاجة مش انت مواطن امريكى خلاص يا زول اعمل واشتغل اى حاجة على كيفك حتى الشفتنة دى جضمها وقطعها كان فى امريكا ولا بره كلو واحد مافى زول بيسعلك يسعلوك ليه انت انت بتنهبش .. كو .. يهبشوك ليه ما انت من خير الناس المرفوع من قلم السؤال وعشان كدا المارينز يمشو العراق يكشو الحكومة ويلمو فى الناس تاهيل .. اقيف لينا هنا .. نزل بنطلونك .. املص قميصك الكاروهات دا .. فك تكتك .. كلو ماشى ... يقتلو مية عشرة الف .. مليون .. يرمو قنبلة ذرية ينسفو بلد يدكو قرية يبيدو اى بشر دى ما مشكلة ودى ما جرائم دا اسمو تطوير ودمقرطة العالم ما دى امريكا دى ام عادل والاجر على الله .. ما هسة مشو العراق قالو الزول الكارثة الاسمو صدام كان عندو اسلحة ومديدة بتاعة دمار شامل وبلاوى وعشان كدا يلازم يتلحس ويتخارج من بغداد دى والناس يا عمى صدقت والجماعة خشو بغداد وعليك امان الله لى هسة فتيل بتاع فللير دمور المسخ الارياح ما مرقو لينا وبعد العالم كلو وناس واشنطن زاتهم قالو انو معلوماتهم كلها كانت مضروبة وانهم دقسو واشترو من المعارضة العراقية الترماى ولا فى زول اعتذر ولا فى راجل من باريس ولا العالم المتحضر - ناس قريعتى راحت ديل خلهم قادى - قال بغم ولا بوش اعتذر ولا كوفى عنان فتح خشمو بحاجة وعليك امان الله العراقيين راحو ساى شمار فى مرقة المع صدام والضدو كلهم اكلو نيم ويمكن اكلوهم ، دى كلها ما جرائم لكن لمن تجى على السودان ويب بيو .. امسك .. اضرب .. جيبو حى يا كوفى عنان العالم دا كلو يتذكر ليك الانسانية والديمقراطية وحقوق الانسان ليه يا جماعة قال لانو السودانيين ديل ناس ما تجى الا بالشدة .. خلاص يا عم كوفى طلع ليهم بقجة قرارت واول تبادى يسلمونا حكومتهم دى صرة فى خيط خاصة على عثمان لانو بتاع كواديك كان قاعد مع جون قرنق فى نيفاشا ويدقس المسكين القاعد قصادو يقول ليهو ماشى اصلى يقوم يركب مركبة فضاء يمشى ينزل فى دارفور يقزز ليهو بكم حرق قرية كدا ويجى الصباح صادى يخش برنامج المفاوضات .. اى يا عم كوفى جيب لينا حكومة الجن دى وكشهم بالله وديهم محكمة العدل الدولية ولو قالو رافضين وما جايين ما عندك مشكلة نرسل ليهم جيش وقوات تحالف دولى تلحقهم امات طه .. هم قايلنو لعب .. يجو ورجلهم فوق رقبتهم بلاش كلام فارغ .. والمسكين كوفى عنان ما عندو الا (طيب يا جماعة لكن ما قبل كدا فى ناس قالو يحاكموها باوامر دولية ما عملنا حاجة يعنى شارون دا بعد صبرا وشاتيلا كان مفروض يربطو فى بلجيكا والزول قال عديل ما جاى وما بخش المحكمة دى وبقى كمان كسار قلم ماكميل وكسر قرارت تانية واممية يعنى نقول ليهو امرق من الاراضى العربية يقول ابيت طيب ما تبنى مستوطنات يقول ببنى ويلم فى الفلسطينيين كتل بالاباتشى وعديل ويصور اى حاجة ويطلع بيان يقول احمد يسن دا كتلتلو عديل .. اها شن قولكم .. ويا جماعة عملنا لجنة تحقيق دولية بعد احداث جنين وشارون دا حلف مندوب دولى يجى هناك ويخش ويشمر الا يموت ويرجع لاهلو فى صندوق ويا جماعة ما تحرجونا فى العالم خلونا كدا نهوش ونعمل وهمات ساكت لانو بالجد شكلى ما حلو ).. تجى ناطة ليك فرنسا شوف يا عم كوفى الكلام دا واضح جيب الناس ديل ونحن هسة جهزنا القرار وبعدين انت مالك ومال باقى العالم وما نحن الكل فى الكل وديل كلهم مستعمرات سابقة ما تشتغل بى زول وجيب الناس دى هنا قلنا ليك مكتفين وبالله جهز ليهم زنازين جنب زول ليبيا داك والشلة بتاعة رواندا وختهم قصاد حجرة الشفوت الجبناهم من الصومال وقدام زنزنات الناس النيقرو الزيهم اصلو كلهم دول وشعوب ما تستحق الا الربط .. هسة من دربك دا تلم ورقك ووثائقك ولو نقص ليك حاجة انت بس كلمنا كلو جاهز نجيب صور اغتصاب ونجيب ليك بنوت مغتصبات (فرش ) وقطع اخضر .. الكلام دا واضح ما تشيل هم عندنا مليون شاهد عاوز زول ببكى بنجيبو ليك عاوز زول مكشكش بنجيبو ليك عاوز زول كيف ما فى راسك تلقاه قاعد .. عاوزة اى شى جاهز
    ولا يزال العرض مستمرا
                  

04-02-2005, 01:57 AM

A.Razek Althalib
<aA.Razek Althalib
تاريخ التسجيل: 12-12-2004
مجموع المشاركات: 11818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: محمد حامد جمعه)

    الحمد لـي الله على السلامة...
    Quote: ولا كوفى عنان فتح خشمو بحاجة
    أنا المحيرني في الزول ده..
    إنو ما بستحي..
    جابوها ليهو بالثابتة...
    إنو أكلوا حق العراقيين هو وولدو...
    قام عمل مؤتمر تبريري...
    ورط نفسو...

    الحاجة التانية المحيراني...
    إنو لو زولكم سعادة رئيس جمهورية السودان...
    فرضاً يعني لو أدين...
    ودخلوها قوان لاهاي...
    حيدير البلد دي...
    من خلف القضبان...
    خمسة نجوم...
    ولا الدكتور جون قرنق...
    بيلقاها غنيمة باردة...
    ويقعد يقول ...
    في نومك جاك كومك...
    ولا عندكم حكومة ظل ممكن تقوم بالشغلانة دي بالنيابة عنهم..
    لغاية ما يرجعوا ..
    الجماعة الصرة الفي الخيط ديل...
    وخاصة عمر البشير...
    والناس تهدأ من الهتاف...
    بعد ما تعتب حناجرها
    [رئيسكم مين..]
    والعامة يهتفون...
    [عمر البشير...]

    ربي السجن أحب إليَّ....
                  

04-02-2005, 02:07 AM

sharnobi
<asharnobi
تاريخ التسجيل: 02-05-2002
مجموع المشاركات: 4414

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: محمد حامد جمعه)

    الله يجيبو ليك
    كوفى انان

    انشاء الله يبسطك

                  

04-02-2005, 02:46 AM

المسافر
<aالمسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: sharnobi)

    ابوحميد
    الحمد لله على السلامة
    ياخي انت مفروض تاخد راحة مدفوعة الأجر لمدة شهر بعد الوعكة دي

    على العموم موضوع المحاكم دي بتطول وتاخد مدة

    ما شفتوا في ليبيا استمر قداش

    وفي امكانك تكتب فيه بعد أن تكمل الراحة

                  

04-02-2005, 02:58 AM

haleem

تاريخ التسجيل: 09-10-2002
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: محمد حامد جمعه)

    هي.....
    ناس الأمم المتحدة طلعوا (ما) كيزان.................
                  

04-02-2005, 04:15 AM

mohmmed said ahmed
<amohmmed said ahmed
تاريخ التسجيل: 10-25-2002
مجموع المشاركات: 8758

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
جمعة (Re: محمد حامد جمعه)

    جمعة يا ذكي
    علي عثمان ما بيطير من نيروبي يمشي دارفور ويقود الانتونوف
    هو قاعد هناك بيصدر الاوامر وبتنطلق الطائرات وتقصف وتحرق
    وهو في نيروبي ب يتم تسليح الجنجويد وبيرتكبوا جرائم الاغتصاب لاهلك وانت
    تدافع عن القتلة
    علي عثمان هو الذي حرك الفتنة بين قبائل دارفور ليس بالتواجد الشخصي ولكن بالمسؤولية السياسية هو نائب الرئيس ولا حاجة تانية
    شاطرتك وفهلوتك ما بتخفي الحقيقة
    ويازول اخير ليك الزم جانبك اهلك انت ذاتك في يوم بيحصل ليك الحصل ليهم
                  

04-02-2005, 05:18 AM

زول ساكت
<aزول ساكت
تاريخ التسجيل: 11-26-2004
مجموع المشاركات: 2907

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جمعة (Re: mohmmed said ahmed)

    هي كوفي عنان خليهو

    وين اصحابكم الصينيين

    فيتوهم راح شمار في مرقه
                  

04-02-2005, 05:45 AM

Abdelrahman Elegeil
<aAbdelrahman Elegeil
تاريخ التسجيل: 01-28-2005
مجموع المشاركات: 2031

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جمعة (Re: زول ساكت)

    الحبيب ود جمعة....أولا حمدا لله بسلامة العودة والصحة وإن سلم العود اللحم

    بيعود

    الـصقر إن وقع كترت البتابت عـيب

    وعلى قول المصاريه...إن الذي أكلـتوه بط بط سوف تخرجونه وز وز .
                  

04-02-2005, 05:50 AM

jini
<ajini
تاريخ التسجيل: 02-05-2002
مجموع المشاركات: 30716

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: محمد حامد جمعه)

    Quote: جيبو حى يا كوفى عنان !

    يا لله جيبو قوى!
    دا حين الأمر خرج من يدنا وبقى في يد المجتمع الدولى شوفوا شغلكم معاهم يا توربقر الجواميس الرقادن روووب ووووب
    جني
                  

04-02-2005, 06:21 AM

محمد حامد جمعه
<aمحمد حامد جمعه
تاريخ التسجيل: 11-26-2004
مجموع المشاركات: 6807

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: jini)

    الحبيب عبد الرازق
    قلت ولا عندكم حكومة ظل ممكن تقوم بالشغلانة دي بالنيابة عنهم
    ابورزقة ...هس ... يقومو يسمعوك يطلعو لستة (دبل كابينة ) بدل فاقد وفروقات لكن بالمناسبة ملاحظتك واستفسارك دا جدير بالبحث ...يمكن ...
    العزيز شرنوبى :
    المشكلة انو كوفى عنان لهط هو وولدو لمن بقو فزر وبعد دا الظاهر الراجل قافل على ماكلة جديدة من ورا السودان
    المسافر
    (على العموم موضوع المحاكم دي بتطول وتاخد مدة)
    اسمع ما يسمعوك ناس فلان يلمو فيك معط فى البورد عشان انت زول تقيل وتحب المهلة وعربى جنجويد
    حليم :
    هي.....
    ناس الأمم المتحدة طلعوا (ما) كيزان

    يا حليم يا حليلك كيزان شنو ديل ما طلعو محافظين جدد !
    محمد سيد احمد
    قلت لى الزم جانب اهلى ؟ والله سؤال غريب لان اهلى البعرفهم لغاية امس القريب دا لاقيت ناس منهم جايين من دار الهبانية موحدين الله وقاعدين فى الارض وحامدين لا مشو بكو لخواجة ولا استعانو باجنبى عشان يفكك ليهم الحكومة اهلى بيشغتلو بضراعهم مش بتاعين ميتات ينتظرو ما تاكل السباع
    زول ساكت
    والله الصين حيرتنا لكن نقول بس سيف البالة ما بيقطع قدر ما تسنو
    عزيزى عبد الرحمن
    الغريب البتبتة شايفها عند الناس الفراجة خاصة ناس الاحزاب ومش بتبتة شفقة على البلد بالعكس بتبتة عشان لعبة الكراسى وحقنا وحقكم واهل البلاء واهل النوم ساكت
    جنى :
    انشاء الله حنشوف النور .. ولا رايك شنو ؟ انت عاوزنا نشوف شنو
                  

04-02-2005, 06:28 AM

عبد الحميد عوض
<aعبد الحميد عوض
تاريخ التسجيل: 01-13-2005
مجموع المشاركات: 214

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: محمد حامد جمعه)

    اخ محمد جمعه

    حتي الان لم نقرأ الموضوع ودائرين نقول حمد الله علي السلامة وكنا دايرين نزورك بس ... سنعود اليك وانشاء الله الكلام الكاتبو دا مافيهو هضربة ملاريا وكدي عليك بشراب الشاي الفرنسي
                  

04-02-2005, 06:36 AM

محمد حامد جمعه
<aمحمد حامد جمعه
تاريخ التسجيل: 11-26-2004
مجموع المشاركات: 6807

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: عبد الحميد عوض)

    عبد الحميد الكاتب ... الله يجازيك - ما فى لاهاى طبعا - بالخير والعافية .. يا زول شرطتنى بالضحك قلت لى شاى فرنسى ... والله بالغتا
                  

04-02-2005, 06:43 AM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: عبد الحميد عوض)

    أها يا يا توربقر الجواميس الرقادن شنو كده مش عارف. حمد الله على السلامة (ما تقول بقيت صاحبك. بس عشان انت زول عيان وكده، ربنا يديك السلامة)

    أها جاكم ال بوفالو سولجر

    شيلو شيلتكم
                  

04-02-2005, 07:00 AM

محمد حامد جمعه
<aمحمد حامد جمعه
تاريخ التسجيل: 11-26-2004
مجموع المشاركات: 6807

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيبو حى يا كوفى عنان ! (Re: Elawad Eltayeb)

    ما تقول بقيت صاحبك
    والله يا العوض بالغتا وفيها شنو يعنى لو بقيت صحبى ما عادى نحنا لاقينك ياخ .. عموما البركة فى انك حمدت لينا السلامة دى زاتها ما هينة ورفعت معنوياتنا
    قلت لى نشيل شيلتنا ... ما اكيد ولا باقى ليك فى زول بيدق سدرو ويخش معانا السجن وانا غايتو من هسة نسخت اغنية (يا ضابط السجن ) وبفتش فى زول من القائمة يكون صوتو حلو عشان يغنيها يفرق بيها على ناسنا ديل وانشاء الله بس يكون فى طريقة اتمتع بنظرة وارجع انسجن ..
    طبعا انا بقول كدا وفق افادات الدكتور سى جى القال السجن هناك ترطيبة وحاجة عجيبة
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de