|
|
 ...ياهمنــــــــــــــا...
|
المسيد في يوم 13 ديسمبر 1990
...ياهمنــــــــــــــــــــــــــــــــا...
يا همنا..
المسكوب عشانك ..دمنا..
العاشقين ترابك.. كلنا..
يا خالنا.. أخونا.. وعمنا..
ويا أمنا...
يا الفي صلاتنا.. تإمنا..
ويا الفي ضلالنا ..تذمنا..
عاشقين ترابك.. كلنا..
نيلك ..سكن ..
وجدان عميق.. بيعمنا..
هيلك كرم..
ومحنة عامرة ..تلمنا..
قلبك كبير..
ضامي الحنان يا أمنا..
عاشقين ترابك.. كلنا..
هينك شبع منو..
الغريب والمننا..
قلبك كبير ..
ضامي الحنان.. يا أمنا..
عاشقين ترابك .. كلنا..
شرقك جمال..
وخضار ينور ..خدنا..
فيك الجنوب للموية..
دايما عدنا..
غربك فنون..
صمغك شهابك..
منو عمّر جدنا..
فيك الشمال..
بركاوي نيلو.. واصل سدنا..
خيرك كتير ..
كفاية إنك.. إنت حاضن.. ودنا..
|
|
 
|
|
|
|
|
| |
Ismaeil H. Mohamed
المسافر
الزنجي
فيس بوك
تويتر
انستقرام
يوتيوب
بنتيريست