|
|
 بيت العذابة يا رجالة بس بشروط
|
بعد الاستذان من الزميلة زوله 123 صاحبت الفكرة رايكم شنو يا رجالة نعمل لينا بيت عذابة الدخول للرجال ويمنع منع باتا دخول (وهن رحمة لنا) بس قانون السكن صعب شوية أول حاجة لازم العضو يكون من الشتات والدفع بالدورلات ومن حسه ناس السودان الداير يدخل احصل السوق العربى جوار فندق اراك جن هوتيل الما معروف ده حكايته شنو من ايام النميرى مقفول والمشكلة فى ناس بدتدخل وبتخرج غايتوا انا كل ما اشوف لى زول بقبل على الجامع الكبير وهالك يا بسمله وكمان الشرط التانى ناس الصعود مطلوب منهم احضار رخصة من منظمة ودعمارى ولابد من جلب التنباك من ودعمارى للانترنت حتى نضمن خلوه من عطرون درافور انا خايف يجى ساكن شايل معاه تمباك من بتاع السوق يقومه يقولوا عليه جنجويد . والشرط الثالث ناس السيجاير عليهم تدخين البنسون وبشرط صنع خصيصا للسودان مش أجى واحد شايل معاه بنسون مهرب يقوم ناس المكافحة يجننونا والاهم نحن خايفين على صحتنا حكاية الزول التلقاه ببل السيجارة علشن تلين ده ما معانا وكمان ناس خمس لى اما بتاع الشيشة يشترط عليه استخدام الشيشة شخصيا ويمنع تداولها بين الشلاليف حتى نضمن صحة الفرد وعدم انتقال بعض الامراض عن طريق شيشة ارنب نط .
لسه الشروط يا رجاله مطلوب من الساكن عدم احضار اى صحيفة سودانية الى البيت حتى ولو كانت مستقله لانو انته عارفين الاستقلال فى السودان ده ممنوع من الصرف حتى لما اخدنا استقلانا ما شعرنا بيه والاسباب عارفنه ممنوع كذالك فتح القناة السودانية الا فى حالة وجود (رقصنى يا جدع) اذاعة امدرمان مسموح بها فقط نشرة الساعة الثامنة مساء لزوم الفواتح على كل العذابة التعود على توصيل الكهرباء عن طريق (السنارة) وهى سرقة الكهرباء عن طريق الاسلاك امام حوش البيت نحنا ما قصدنا سرقة لكن المجننا حكاية الجمرة الخبيثة لو عندك عداد قديم شيل شيلتك ولازم تدفع مليون اهيف سودانى (جنيه) وبصراحة بيت العذابة لاحق ام طه حتى مأسورة الموية خرطوش اسود حتى لا نعانى من انقطاع المياه وتراكم الحلل والصحون ولمة الكدايس التى تبحث عن شىء بينهما
نواصل
|
|
 
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
ونرجع تانى يا رجالة لبقية الشروط المطلوبة من الساكن
عدم استخدام الموبايل بتاع الهارمونك اصلو ده بتاع اوضة البنات يعنى لازم الموبايل يكون (تلاتين حشرة) 3310 حتى تضمن عدم تكسيره فى حالة المشاحنات وخاصة عند اهل الكورة وكمان تكون هلال مريخ وما تنسوا انو العذابة يدمنون الموبايل وكمان ما يقوم واحد عنده موبايل اصالة والله الصحاف يزعجنا اخر الليل باذاعة مانجو 96 بس انا المحيرنى 96 ليه ( واحد مسطول قالوا ليه السبب شنو قال اصلو 9+6= 15 وبعدها وقعت اتفاقية السلام ) يعنى معنى كده الاذاعة ده فيها تورية وناس اللغة العربية بيفهموها كويس ما علينا نرجع لبقية الشروط يمنع منعا باتا استخدام الصبغة (انته دايرن ناس اوضة البنات اضحكوا علينا والله شنو .وبرضو استعمال الريحة نيفاشا (الفين جنيه وبس) وهى متوفرة فى شوارع السوق العربى خوفا من تعرض بيت العذابة الى الاصابة بالحساسية اما عن الملابس لابد ان تكون من الاسواق المعترف بها عرفيا بالرغم من قناعتى ان الاسواق االتى نعرفها اصبحت الان عايشه على اسمها وبس مثال السوق الافرنجى والعربى تعرفوا حكايته شنو قالوا ناس شركة السعودية لزيت العربى وصلوا السودان للاستثمار ولمن ما لقوا حاجة قاموا اشتروا اسم السوق العربى وناس الحكومة على طول قبلوا ليك عليه وعلشان مافى زول يهوب ناحيته عملوا ديوان الضرائب وسط السوق الافرنجى اما زنك الخضار واللحمة والفواكه تم تمليكة الى ادارة مكافحة الملاريا حتى يضمن العاملين حوافزهم من المكافحة وما تنسوا فى ناس فى الشتات ( ركبوا التنوسية) والسبب البرج وعن موضوع الملابس بتاعت برندات السوق الافرنجى برغم ان البنطلون والقميص لا يحتوى على اى اوراق واكياس لزوم العرض وده على الاقل بتخلى بيت العذابة يكون نضيف الا انو هذه الملابس قد تخلق مشكلة بين العذابة فربما يأتى يوما بتاع الملابس المستعمله واحد يقوم يبيع قميصة وبعد يومن يقوم اخر يشترى القميص وتعالوا شفوا بعد دالك البيحصل وما تنسوا اوضة البنات انا عارف بيكونى خاطين اضنينهم قصاد بيتكم علشان كده ما دايرن حكاية السوق الافرنجى والله سوق حلايب او سوق ستة او سوق عرب مافى .
نواصل
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
يا بلدي يا حبوب
بيت عزابتك لكن ما عينة
تمباك وسجائر و شيشة و مشاكل
إنت متأكد ده بيت عزابة ولا قهوة
البركة في دخول لنا و راوية
لنا و راوية مرحب بكم
لكن أقعدوا في العنقريب التاني ده فيه مرقوت
ابوامنة
بيت العزابة الجابك ده ما هين 
كل الود
ودالعجب
| |
|
|
|
|
|
|
|
|
 Re: بيت العذابة يا رجالة بس بشروط (Re: بلدى يا حبوب)
|
راوية
ذى ما قال الفنان ابراهيم عوض
بيتنا نور
اصلو بينى وبينك بيتنا بتاع العذابه ده استثمارى يعنى ناسه شوية
ليك دافق السلام
-----
ابو امنية
وانا معاهم بقول والله لو عارفين بيت العذابة بجيبك كنا عملنا حارة عذابة
ليك كثير الشوق
------
لنا مهدى
لا ما موافقين انت ما سمعت الحديث بيقول شنو (وهن رحمة لنا )
ووافر السلام
------
عجب
| Quote: لكن أقعدوا في العنقريب التاني ده فيه مرقوت |
علشان كده قلنا لازم التمباك والشيشة اصلو بطرد المرقوت
مع دفيق سلامى
-----
لكم جميعا تحياتى
| |
|
|
|
|
|
|
|
|
|
Re: بيت العذابة يا رجالة بس بشروط (Re: Elawad Eltayeb)
|
بلدي يا حبوب
قلت في الاول:
الدخول للرجال ويمنع منع باتا دخول (وهن رحمة لنا)
تاني شايفك قلت:
راوية ... بيتنا نور
يعني انا قايل بس راوية الخرقت القانون لكن اظن حامشي استعين ليكم بي مولانا خدر رغم انو عزابي سابقا لكن حانديهو العضوية الفخرية عشان يجي يشوف الحاصل هنا ده ...
| |
|
|
|
|
|
|
|
|
|
Re: بيت العذابة يا رجالة بس بشروط (Re: Abo Amna)
|
راوية :
لكن عملتوها ظاهرة في عيد المرأة .. يعني قلنا تعملو مناقرة او تحرش او عصيان او اي حاجة معقولة لكن احتلال بيت العزابة وكمان بي حجج ... في الاول تجربة وتاني عشان السدة بالردة ...
بيني وبينك ( مشتاقين ما دام اصلها جاطت مرة واحدة لحد ما يجي خدر ) .. لكن اوضتكم العاملنها حجة دي الا امشي اشوفها.
| |
|
|
|
|
|
|
|
|
|
Re: بيت العذابة يا رجالة بس بشروط (Re: Abo Amna)
|
وليد العجب .... ازيك يا حبيب
الحمدلله البنات ديل ما كانوا دفعتنا ...
نحنا زاتو اتخرجنا بي بت واحدة هدية ورضية كان شاكلتها بتضحك هسي كان شافت غرف البركس تاني نكتب بي ياتو وش  .
بعدين يا حبيب بيت العزابة ده اظنيتك مرقت منو زمان ...
(ما تشوف ابو امنة دي .. للتمويه بس )
| |
|
|
|
|
|
|
|
|
|
Re: بيت العذابة يا رجالة بس بشروط (Re: Abo Amna)
|
يا حليلك يا دكتورة هالة الاحمدي (بعد متاوقات من شباك البنات)
كل العملتيهو طلع شمال في يمين ... البنات يغسلو في العدة و ينضفوا في الاوضة في (يوم المرأة) .. اها ابشر بطول سلامة يا مربع.. والاوضة ذاتها شينة وكلها تمباك تقول موقف الحاج يوسف ..
ده كلو كوم وخدر كوم تاني ..
يادوب عرفت ما عندكم وش علي البنات ديل
انا براي بشيل وش العزابة..
الواحد الا يستعين بي قوات اجنبية
لحد ما القي لي متلقين حجج زي الناتو برجع ليكم
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
جعفر يا غالي
كيف يا سيدي إنشالله طيب والله إيام
أراك لا تزال تصادم و تتصادم في البورد بين الحين والأخروذكرتني أيام الجامعة وإلقاءك أنت ودينار لقصيدة تجييك البنوك في الشرقــــــي
إن تكن لا تزال تحفظها فأفتح بوست بيها
أخوك زي ما عارف لسع عندو حساسية مع الناس النضمها كتر و ديل في البورد ماشاءلله راقــــــــــــــــــــــــــــــــــديين
والسواي ما حداث
بخصوص بيت العزابة أخوك إتاهل جزيئاً :
عقدت و العرس قريب إنشاءلله
اها إنت كيــــــــــــــــــــــــــــــــــــــف
كل الود
وليد العجب
| |
|
|
|
|
|
|
|
|
|
Re: بيت العذابة يا رجالة بس بشروط (Re: Agab)
|
رجاء ازيك
كان علي وليد و الحبوب اظنكم حاتقلعوها مننا وتلعبوا براكم وست انجليزي ولا الماني ...
طبعا بعد دخولهم في اوضة البنات الشينة مع خدر المتنكر في زي بارعة ما بقدروا يقولوا حاجة.
الف رحمة ونور تنزل عليك يا دكين ... ده انت اللي فيهم
| |
|
|
|
|
|
|
|
|
|
Re: بيت العذابة يا رجالة بس بشروط (Re: Abo Amna)
|
الحبيب عجب
والله العنوان في تلتلة يعني كان حافظ لي منها بيت واحد اكون ما قصرت .. وتحياتي لطارق دينار اينما كان .. غايتو كان لميت في السماني بجيبو ليك .. ما عارفو طش وين ..
بالمناسبة عقد الزواج في السعودية اسمو ( صك الملكة ) اها تاني شنو ليك ... قصرو مع البنات ديل في يوم المرأة العالمي .
وبالتوفيق
اخوك لسه صامد
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
العوض
بس انا خايف نقوم نجيبها الجماعه يطعموها
اوافقك يا جنى البابا
لك ودى
------
ابوامنية
| Quote: يعني انا قايل بس راوية الخرقت القانون لكن اظن حامشي استعين ليكم بي مولانا خدر رغم انو عزابي سابقا لكن حانديهو العضوية الفخرية عشان يجي يشوف الحاصل هنا ده |
وانا اوافقك اصلو بيت العذابة داير ليه مولانا خضر بعد العوض داير اجيب الكوشتينة ويشوف لينا فتوة فى دخول البنات الى بيت العذابة
----
رجاء
| Quote: جيت في حال واحد فيكم ابى يربًع الويست |
رايك شنو نعمل تيم للوست بيت العذابة واوضة البنات والحكم ابوامنية
----
عجب
Quote: بخصوص بيت العزابة أخوك إتاهل جزيئاً :
عقدت و العرس قريب إنشاءلله |
اجمل خبر يكون مصدره بيت العذابة الف مبروك وحرم نعمل ليك فى البيت قعده وكمان نكلم سيجمان يكلم الجكس بتاعته ندى القلعة
لكم جميعا تحياتى
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
يا بلدي يا حبوب
صباحاتك بيض ،،،،،
يازول النهار قيل ومافي زول جاب خبر الحلة ،،، عاوزين واحد يقطع البصل وواحد يمشي الدكان يجيب صلصة وتوم ويغشى الفرن ( الفرم ) معاهو العيش ، بعدين خلي واحد يفتش الصحن الكبير عشان الفتت وكدا ، وواحد لازم يجهز السلطات والدكوة والشطة المولعة نار
واحد يظبط الشاي المندكل ،،، انتو ما عاوزين تاكلو وللا شنو الجوع قرضنا قرض يا شباب
| |
|
|
|
|
|
|
|
|
 Re: بيت العذابة يا رجالة بس بشروط (Re: بلدى يا حبوب)
|
فتاح ياعليم رزاق ياكريييييييييييييييييم صابونة الحمام الشالها منو?بعدين ال...........العامل فيها نايم دا الف مرة قلنا ليه املا الزير فى يومك من بدرى وافتح الماسورة دى خلى الطشت دا يتملى ..هسه الزول يقوم يكب ليه مواية البلاعة دى فى راسه
اووووووووووووووووووف عيشة اخير منها العرس
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
يااخت نادية معليش دقيقة نناديهو ليك ياهوداك قاعد فى الكشتينة جوه ..بالمناسبة بيتنا دا تلاتة يوم ماولعنا فيه نار عليك الله لو الوالدة عايسة كسرة ارفعو لينا ريقة وبنرجع ليك الصينية اصلو اخوك شايل حسنا بى صحنكم الليه شهر حايم هنا
| |
|
|
|
|
|
|
|
|
|
Re: بيت العذابة يا رجالة بس بشروط (Re: wadaldeem)
|
ود الديم
هووووووووووووووووى
بستلة وحايمة فى الحلة !!
اسمع انت امى دى بتدفعوا ليها مليمة عشان كل يوم تسوى ليكم حلل الكمونية دى ؟
اسمع قول لى اخوى اختك قالت ليك لو ماجيت راجع البيت هسة بجى اعوقك..!!!
وبعوقك انت زاتك ياديامى !!
اها وكان ماعاجبك لاقينى فى ميدان عقرب!!
| |
|
|
|
|
|
|
|
|
|
Re: بيت العذابة يا رجالة بس بشروط (Re: wadaldeem)
|
اسمع ياود الديم
انت بعد ماسمنتا وربيت ليك جضيمات من اكل امى جاى تعمل فيها شبعان هسة ؟
هوووووووووووووووووووى
نحنا اولاد عوائل وعندنا فايل
امشى نادى لى اخوى وحاول ماتعتر للقشة الفى سكتى
بجى اعوقك
وبعلى حسى ولو ماعاجبك بكلم ليك اخوى يكسرك زاتو
واوعك تانى تجئ حايم بجنب اوضتنا بهناك سامع؟!!
| |
|
|
|
|
|
|
|
|
|
Re: بيت العذابة يا رجالة بس بشروط (Re: Agab)
|
تمبس
كمان جابت ليها تهم؟
اجى ياود أمى !!!
هوووووووووووى
سمعتنا ومصاريف جامعتنا !!
انا جيت انادى اخوى امى دايراهو يمشى السوق يجيب لينا دقيق الخبيز بتاع عرس سلوى اختى !!
اسمع انت لو داير شريط هاجر كباشى قول عديل وماتعمل لينا فيها حركاتك دى سمح؟!!
عجب
قول للولد ده لو ماطلع هسة بخش ليهو جوة ..اها وبيت عزابة ولاماعزابة بعدين الشكلة والعجاجة والدم للركب رايك شنو؟
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
اللهم طولك ياروح ياخوانا البت البتلعلع زى ال999 لموها مننا ...قلتى لى سمنتا...بى حقى حيطتكم دى ماباننها نحن...انتى مفتكرة الصحانة دى بتجى مائدة رحمن ولا شنو ..اها اختك خلاص ساجورة اتفكا..الحمدلله عشان تانى ماتنط لينا كل يوم والتانى هى وامك وتشبكنا ضوقو دا ضوقو دى دا طبيخ سلوى بتى..اها كلننننننننا دايرين نقرا.....
اخوكى دا ياهو مترمتل جوه ياخشى ليه ياتلبى من راسنا
نلقاها منك ولا من سيد البيت
جيرة تسد النفس
| |
|
|
|
|
|
|
|
|
|
Re: بيت العذابة يا رجالة بس بشروط (Re: wadaldeem)
|
ود الديم هووووووووى
لو انت ود الديم الشرقية نحنا جيران ديوم بحرى الام زااااتها !!
ويلا بلا لمة !!
انت عارف علوية كلمتنى انك مجكس غادة اخت الفاضل صحبك والله ماتلم شتات روحك دى افك الشمارات فى جبرة والصحافى زلط وتعال شوف البحصل ليك!
Quote: اخوكى دا ياهو مترمتل جوه ياخشى ليه ياتلبى من راسنا
نلقاها منك ولا من سيد البيت
جيرة تسد النفس |
اخوى خليهو بمشى براى اجيب الدقيق..
وممكن تلاقينى جنب سوق الخضار تعتذر لى عن كلمة جيرة تسد النفس دى ..وانا مستعدة مااذيع شمارك اها قولك شنو؟
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
سلام يا ناس
تمبس
ودالديم
ونادددددددددددددددددددددددية
وعجب
والناس الماديرن يجوا بيت العذابة المشكلة انو قالوا هم حنكيش وبعدين بخافوا من الشخير وسفة الليل البتلصق عديل لكن يا حناكيش نحنا وراكم وراكم
وبعديت يا شباب الحكاية شنو انا من اول امبارح قادى السكلك عدييل والسبب صاحب البيت قال داير الايجار عليك الله يا نادية لو امك عندها قروش ما تدينا .
ودالديم
انته اخوى نادية كل يوم قاعد معانا رايك شنو ندفعه حقه فى الايجار
تمبس
بوجودك بعد جه ليلنا طرب بس انشاء الله جبيته مع العود وشوف من حسه الخميس الجاى انا عامل بارطى يعنى انت محجوز وما بطال لو جبيت ليتا معاك هاجر كباشى
عجب
انا ما وصيتك قلت ليك امشى لسيجمان خليه يعزم لينا جكسيه ندى القلعة
شوفوا يا شباب باكر زولنا داك اهله اهل العوض قالوا نازلين معاه فى البيت غايتوا بطريقتكم انا من حسه شتات
تحياتى للجميع
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
إنتوا يا شباب أنا ما قلتم لكم أخو نادية ده بيجيب لينا الهوا
لكن نعمل شنو مع طفاسة ودالديم عارفك مرنق للصواني
ويانادية بركة الإنفكت بورة سلوي لأنها كانت لاعبة ضاغطة مع واحد أخونا
ونحن بنهنئه ونغني ليهو
الله مرقك بس الله مرقك
لا لا لا
الله مرقك بس الله مرقك
يا بلدي يا حبوب
إنت داير بالحناكيش شنـــــــــــــــــو
المشتهي الحنيطير يطير
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
بلدي يا حبوب
وين العراقي بتاعي ياخي كنت معلقو في وراء الباب ،،
تمبس كان هنا ،، اكيد بكون لفح العراقي هو ، يا تمبس ياخي مليووووووووووون مرة قلت ليك ما تلبس هدومي ياخي
اووووووووووووف حلة الزفت السخينة دي ما طلعت ياخي روحنا طلعت بالجوع
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
نادية
| Quote: اسمع لم عليك عزاباتك ديل بجو يتحاموا جنب اوضتنا بهناك |
وانت تعالى البخيلك تطاوفى من حيطة الشارع شنو
عجب
Quote: ويانادية بركة الإنفكت بورة سلوي لأنها كانت لاعبة ضاغطة مع واحد أخونا
ونحن بنهنئه ونغني ليهو
|
الظاهر رأس السوط وصل الكلام ده ما نسناه زمان
الحناكيش المشكلة الحناكيش شافوا شنطة ودناس العوض المعانى مرفوعة فى رأس البيت قالوا ده دش وكان (هوت ببيرد)
شرووم
| Quote: وين العراقي بتاعي ياخي كنت معلقو في وراء الباب ،، |
انته ماعرفت جات غنماية ناس نادية واكلته
محمد الامين
شوف يا زول القيم ده قالوا مطعم وانا عارفك مفلس وكمان عامل ليط بطاقة جامعة لوزم دفع النص مع انك الجامعة ده لمن كنت فيها حرم خلطها فى الميدان الشرقى وكمان بالنهار
ايهاب الطيب
انته قصدك المركوب بتاع البقر القطعته سفنجه يا زول ده شرووم عمل بيه شتات يا فرده وكما قال ماشى اوضة البنات
احمد بابكر
| Quote: المعانا منو وكده.. |
ما ده اخو نادية اللزفه ده والله التفول حكاية (ادروب وولوف) فصلوها عليه
-----
انت كد اسألكم البرد الجانا فى شهر مارس ده يقول عليه شنو البطاطين الشهر الفات بعنها لبتاع الكرور لوزم الايجار .
لكم جميعا تحياتى
| |
|
|
|
|
|
|
|
|
|
Re: بيت العذابة يا رجالة بس بشروط (Re: Agab)
|
عجب
انت سلوى اختى دى موش ادتك شاكوش صاموتى وابت تتخطب ليك يامفلس يامعدم؟؟
بلدى ياحبوب اخوى الولوف ده بقروش امى بدفع ليكم حق الايجار
وماتخلينا ندق الصفائح ونطلع الفضائح!!
ياجماعة ود الديم مشى يجيب التلج ولامشى وين الولد اللديح الفصيح ده ؟
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
اوفففففففففففففففففففففففففففف
ده منو الإستحم وما كشح الموية بتاعت البلاعة ده ؟؟؟؟
والله تلقاهو ده ود الديم ده ..ياخ أكشح الموية دي بالله عليك كرهتنا الحمام ..
أها يا شباب شايف الليلة رحلوا في الحلة جيران جداااااااااد لنج وعندهم جكس نضيف إيه رايكم نقوم نمشي عليهم ننزل معاهم العفش ونساعدهم الجار للجار ولا شنو يا بلدي يا حبوب ؟؟
نادية يا بت عثمان :
ترا ترا واللساتك ورا ..
وجرجيييييييير وبقا يطير ..
وأقيفي بعيييييد وجري شخيييييييييييت ..
وسيبي الخفة الكتلت أم تفة ..ما تعملي فيها عايزة تنادي أخوك وتقومي تجدعي الجواب الأدتك ليهو علوية عذاب عشان توصليهو لي تمبس انا شااااااااااااااايفك ...
| |
|
|
|
|
|
|
|
|
|
Re: بيت العذابة يا رجالة بس بشروط (Re: عمر الفاروق شيخ الدين)
|
عمر الفاروق شيخ الدين
| Quote: وسيبي الخفة الكتلت أم تفة ..ما تعملي فيها عايزة تنادي أخوك وتقومي تجدعي الجواب الأدتك ليهو علوية عذاب عشان توصليهو لي تمبس انا شااااااااااااااايفك ... |
وووووووووووووب عليا من الفتن حقت الرجال !!!
انت هسة داخل غلط كده مالك؟
اول حاجة ده جواب ريهام وقالت لى اديهو لعجب وانا ابيت !
وبعدين الفتنة انك كشفتا حكاية تمبس الماشى يخطف علوية جكسوية ود الديم ..
واللييييييييييييييييييييييلة وانا مالى !!
خلاص ماشة وفوق الحلة ديك
انا تانى
مابجى
الشمار
خطير
انا
تانى مابجى !!
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
| Quote: انت سلوى اختى دى موش ادتك شاكوش صاموتى وابت تتخطب ليك يامفلس يامعدم؟؟ |
سجمنا الكلب هجمنا
سلوي دي لو كانت بتي كان تكلتا بيها الباب
| Quote: اول حاجة ده جواب ريهام وقالت لى اديهو لعجب وانا ابيت ! |
لكن بعد ما عقدت
عمر الفاروق
كدي النشوف صرفة مع ناس الأوضة التانية لانو كركبتهم بقت تجيب الرايح
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
فاطنة جلكسات:
(ود الديم هووووووووى)
قلت ليك ماتعلى صوتك تانتى معاى
(لو انت ود الديم الشرقية نحنا جيران ديوم بحرى الام زااااتها !!)
ليس من شاف كمن جابو ليه الهوا
(ويلا بلا لمة)
ورق وانفرق
(انت عارف علوية كلمتنى انك .....الخ الخ من الكلام الهردبيس)
لا تعليق مجرد شمار جبنة بى شيشة
(اخوى خليهو بمشى براى اجيب الدقيق)
لازم تمشى براك البيت فيه ثيردباك زيك لحام ستلين هيثم مصطفى مابمشى منو وعتالى زى الفى سوق العيش الفى القضارف ومسمنها سلوى وعايزة بعدا اخوك يمشى يشيل شوال دقيق
(وممكن تلاقينى جنب سوق الخضار....الخ الخ)
حلم الجعان عيش
سويتيها ظاااااااااااااااااااااهرة كان تقولى كدا من الاول
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
بلدى ياحبوب
والله قعدة الشافع دى هنا ماعاجبانى والله تقول ندفعو عجب بكرة تجيه الحالة ويوقوم يهضرب ويتزكر ايام الاستادات ويفلقنا....سيبو ياحبوووووب عجب ملعب الود ريزر مافى داعى للفضايح
عجب
خلى الثعلبة بكرة بعد المغرب بنعمل تصويت يقعد ولا يمشى وانت اول واحد حاتنط
شروووووم
العراقى حقك دا شالتو ام نادية مسحت بيه الصاج
محمد الامين
الليلة مالك جاى سريع كدا صارف ولا شيكات?
العوض
سفنجتك دى بكون خش فيها واحد من اهلك ديل
احمدبابكر
البشر ديل دفعو الشيرنق?
عمر الفاروق
ياعمر نحن ولادة الراهبات وحابين فى البلاط ,التلفزيون دش والاكل فش ,بلاعة شنو البنغرفها ماكفاية مجاملنكم فى عيشة الهم دى
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
بلدى ياحبوب
والله قعدة الشافع دى هنا ماعاجبانى والله تقول ندفعو عجب بكرة تجيه الحالة ويوقوم يهضرب ويتزكر ايام الاستادات ويفلقنا....سيبو ياحبوووووب عجب ملعب الود ريزر مافى داعى للفضايح
عجب
خلى الثعلبة بكرة بعد المغرب بنعمل تصويت يقعد ولا يمشى وانت اول واحد حاتنط
شروووووم
العراقى حقك دا شالتو ام نادية مسحت بيه الصاج
محمد الامين
الليلة مالك جاى سريع كدا صارف ولا شيكات?
العوض
سفنجتك دى بكون خش فيها واحد من اهلك ديل
احمدبابكر
البشر ديل دفعو الشيرنق?
عمر الفاروق
ياعمر نحن ولادة الراهبات وحابين فى البلاط ,التلفزيون دش والاكل فش ,بلاعة شنو البنغرفها ماكفاية مجاملنكم فى عيشة الهم دى
| |
|
|
|
|
|
|
|
|
|
Re: بيت العذابة يا رجالة بس بشروط (Re: wadaldeem)
|
ده شنو العملتو يا عجب ده ؟؟؟؟؟؟؟؟؟؟؟؟؟
انا مشيت دكان عمك دفع الله لقيتك شايل حاجات بي 24 الف جنيه وكاتبا في الكراس بي إسمي !!!!!!
إنت وقت ما عندك قروش بتسجر مالك ؟؟؟ وكمان تعزم جكسايتك بيبسي معلب علي حسابي؟؟؟؟؟
بعدين ياخوي والله دخلتنا في إحراج مع هيثم جارنا ده ... الراجل قال إنت متفق مع الغسال وبتأجر منو ملابس الحناكيش وهيثم شافك أمبارح بي قميصو البمبي وبنطلونو الأسود !!!!
ود الديم :
نسيت اليوم الجيتنا فيهو شايل شنطتك بتاعت الحديد البي طبلة وكاتب فيها ( انا أحب الهلال !!!) وقلت لينا يا جماعة انا من أمبرمبيطة وما لاقي لي حتة أسكن فيها ؟؟؟
تجي أسة تعمل فيها عندكم دش وما بتغرف البلاعة ؟؟؟؟
أمشي أغرف البلاعة دي سريييييييع وكمان تخرتا خرت من الطحالب واضح !!!
نادية يا بت عم عثمان :
عليييييييييييييييييك الله كلمي لينا الخالة تعمل لينا ملاح نعيمية بي كسرة وأعملي ليك حاجة فيها فايدة خلينا من مرسال الشوق الكلك زوق ..
اليوم داك يا نادية لقيت تمبس بيغني في الأغنية دي :
وديت ليهو زول مرسال والمرسال مشي ومااااااااااااا جا ...
قلت ليهو مالك يا ود أخوي قال لي والله قلت لي نادية دي تكلم لي عوضية عذاب إني معجب بيها ومكسر ومدشدش ومن اليوم داك كل ما الاقي عوضية تعاين لي من فوق لي تحت وتأشر بي طرف أصابعينا وتقول لي " يااااااااااااااااااااي مستوي وعايز دوي "..
إنتي قلتي لي بت الناس دي شنو ؟؟؟؟
هوي يا ناس انا ماشي الجامعة عندي لكشر ...
| |
|
|
|
|
|
|
|
|
|
Re: بيت العذابة يا رجالة بس بشروط (Re: عمر الفاروق شيخ الدين)
|
Quote: ده شنو العملتو يا عجب ده ؟؟؟؟؟؟؟؟؟؟؟؟؟
انا مشيت دكان عمك دفع الله لقيتك شايل حاجات بي 24 الف جنيه وكاتبا في الكراس بي إسمي !!!!!! |
دي ما قروشي الإتدينتها عامن أول و ما رجعتها
| Quote: وكمان تعزم جكسايتك بيبسي معلب علي حسابي؟؟؟؟؟ |
دي بت الجيران الرحلوا جداد وعزمتها نيابةً عنكم
| Quote: إنت وقت ما عندك قروش بتسجر مالك ؟؟؟ |
إنت يا ود الفاروق بايتة معاك ولا شنو ما قلنا مليون مرة ما باسجر
| Quote: بعدين ياخوي والله دخلتنا في إحراج مع هيثم جارنا ده ... الراجل قال إنت متفق مع الغسال وبتأجر منو ملابس الحناكيش وهيثم شافك أمبارح بي قميصو البمبي وبنطلونو الأسود !!!! |
قالوا الصيد ورد في حلة حمد
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
يا نادية
قالو اختك شالت العراقي بتاعي ادتو امك مستحت بيهو الصاج والعراقي دا ياهو عوينة ام صالح
أنا ما عارف وما عاوز أي كلام معاكم بس تجيبو لي العراقي بتاعي انا مشتريه بخمسة الف جنيه في عيد الضحية ده العراقي والوحيد
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
هلا هلا ياعمر الفاروق
نحن اولاد الديوم معروفين زى النجوم
نحن اولاد الخرطوم محل الرئيس بينوم والطيارة بتقوم والجكس ب......
انا اجى شايل شنطة انا الشنط مابشيلها الا للمطار والسوق الشعبى دا بنمشيه سياحة وونحن محمد نجيب ونحن باشدار نار ونحن الغالى ونحن جامعة السودان ونحن فورتى ون ماتتحسس عارفك ماسمعت بيه نحن كلومبيا وديم سلك نحن ارض الحيوان وسينما النيلين نحن الساحة الشعبية ونحن طارق احمد ادم
افووو لو ماكنت من الديم والديامة مااهلى وآآآآآسفاى الضحك كان شرطنى
عليك الله فى زمتك بعدا كلو تقول لى اغرف البلاعة انت المفروض تضرب تعمل دلفرى لى بيتزا عشان بى شارع بيتكم جيت
شوتة ضفارى:انت ياودالفاروق كان عندك محل نت فى بحرى?
| |
|
|
|
|
|
|
|
|
|
Re: بيت العذابة يا رجالة بس بشروط (Re: wadaldeem)
|
ود الديم
انا محارباك ومابجيكم الا تصالحنى بى حفلة راااابة وتكون الفنانة عوضية عذاب !!
ود شيخ الدين الفاروق هووووى
شايفاك حاقر بى ومطلعنى مرسال غرام !!
هوووووووووووووى
احترام زاتنا ..بخلينى ماارد عليك وافتنك انت زاتك موش كنت داير من امى قروش وسلفتك ليها انا ؟!!
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
يا اللـــــــــــــــــــــــــــه !!!!!!
يا جماعة إنتو بقيتوا جايطين الديوتي والواحد بقا ما عارف يوم النضافة علي منو والطبيخ علي منو ..
يا عجب :
الصيد ورد في حلة حمد ؟؟؟؟
طيب يا جبان الصيد ده عايز تصطادو براك ؟؟؟؟ ياخ ما تسوقني معاك !!! إنت عارف الصيد ما بيطلع براهو وبيكون معاهو صيد تاني ...وما تخاف أخوك حنكو سنين وأي زول بي جازو يعني إنت حنك براك وانا بحنك براي ..
قرض الناس قرض ..قرض الناس قرض ..
ود الديم :
ونحن ناس أمدرمان الشفاتة والهمباتة شربانين موية النيل نحن الشافو خلو ..نحن ونحن الشرف البازخ ..اها كيف ليك الكلام ده ؟؟؟
بعدين مش طوااااااااااااااالي في الدافوري نحن غالبنكم ؟؟؟ مش تقول لي طارق ولا منقستو !!! نحن معانا الرشيد المهدية والعوني وبلاتيني والدحيش ...
قلت لي شنو ؟؟؟؟ بيتزا ؟؟؟؟؟؟؟؟؟؟؟؟؟؟؟؟؟؟؟؟ عليك الله أسة إنت خشمك ده خشم بيتزا ؟؟؟ يا ولد بطل حنكشة وأمشي جيب ملاح أمتكشو ولا ملاح ويكاب ودوسو ساي ...
والله إنت تاكل بيتزا يجيك تسمم
عموما أخوك ما عندو محل نت في بحري لكن قريت جامعة السودان زييك كده ..
نادية بت عتمان :
اهاااااااااااااا قمنا للحركات دي ؟؟؟ إنتي القروش الأديتني ليها دي مش انا زمااااااااان كنت دايرا منك لمن كان عندي دكان بتاع (قدر ظروفك؟؟) لمن كنتي بتجي تشيلي مني الكريمات بالدين ..
بي المناسبة قروش المنكير البنفسجي داك ما رجعتيها لي !!!!!!
إقتراح يا شبا العزابة :
البت نادية عثمان دي والله بي ألف راجل وواقفا معانا وقفة يمين بالله زي وقفة العيد ..
أها نحن سمعنا تحت تحت كده نادية خلاص داخلا القفص الذهبي ودي أبسط حاجة ممكن نقدما ليها ..رايكم شنو من أسة نمشي نقيف ليهم في البيت الجير والبنا والترتيب يكون علينا ؟؟؟وحالفين يمين الحفلات دي كلللللللللللها فوق رسانا ...
اها يا جماعة طلعوا الشيرنق عشان الليلة أول حفلة عايزين نعملا لي ندي بت عثمان وورونا إقتراحاتكم للبرنامج يكون كيف !!!!
مبدئياً كده انا بعرف فنانة إسمها حليمة بمبر ممكن تجاملنا ...
| |
|
|
|
|
|
|
|
|
|
Re: بيت العذابة يا رجالة بس بشروط (Re: عمر الفاروق شيخ الدين)
|
عمر الفاروق شيخ الدين
قروش المانكير البنفسجى انا اديتها للبت الحنكوشة الموقفة فى محل الاتصالات بتاعك ده !!
وبعدين تعال اقول ليك بالجد جد كده انت اسمك اسم راجل عندو 37 سنة لكن كلامك كلام شاب فى عنفوان الصبا !!
شفت عنفوان دى كيفنها !!!
اها انت عمرك كم سنة جد جد كده؟
وساكن وين فى بحرى ؟
بالجد جد عندى ليك مشوار لى ناس بيتنا فى الشعبية ممكن؟
انت بتعرف مكتبة دار عزة للنشر الفى شارع الجامعة ؟
ايوة الجنب الجامعة قريب دى ..اها تمشى هناك بتلقى ديوانى بتباع هناك تشتريهو وتورينى رأيك شنو ..سمح
| Quote: مبدئياً كده انا بعرف فنانة إسمها حليمة بمبر ممكن تجاملنا ... |
وبالجد كده لو ود الديم ماجاب لى عوضية عذاب مابصالحو كلو كلو ..!!
| |
|
|
|
|
|
|
|
|
|
Re: بيت العذابة يا رجالة بس بشروط (Re: نادية عثمان)
|
نادية بت عثمان :
أولاً بي التبادي وينو ملاح النعيمية القلتو ليك ؟؟؟؟
أرجعي من دربك ده أمشي جيبيهو انا بقيف ليك جمب خالتي التاية ست الكسرة الفارشا جمب جزارة عبد الغفار ..
واعملي حسابك وانتي شاقة الميدان الشفع ما يضربوك بي الكورة ...
تاني حاجة :
والله لخبطتي لي حساباتي كلللللها ..
تعرفي كنت قاعد أكتب في بوست خاص وسميتو ( نادية عثمان ...ملاك في شكل إنسان ) كنت عايز أحكي فيهو وقفتك معانا في بيت العزابة ده غير حاجات تانية حامياني لكن بعد لقيت كلامك في بيت العزابة هنا قمت خليتو لكن بجيهو راجع تااااني ..
عارفة انا كنت عايز أعمل البوست ليي ؟؟؟
والله بي الغلط ساي وطووول فترة تسجيلي دي ما حصل سمعت منك كلمة انا زعلانة وانا حردانة وانا تاني ما جاية بتكتبي لي كل الناس وكل الوان الطيف بت ولد راجل مرا عاقل مجنتر (ده انا طبعا) مثقف وكورنجي وسياسي وفنان وكلللللللللللللللللللو
أسة غايتو دخلتك لينا في بيت العزابة ده ضيعت علي فرصة بوست كان حا يكون القراء فيهو والمشاركين حا يفوتو الألف ...
حاجة تالتة :
عارفة إسمي ده عندو قصة طوييييييييييييلة خليها لي وقتها لكن هو كالأتي
عمر الفاروق (ده حقي انا برااااااااااااااااااااااي)
شيخ الدين (ده إسم الوالد الله يديهو العافية )
محمد احمد (ده إسم جدي الله يديهو العافية كمان )
شفتي الأسم ده طويل كيف ؟؟؟؟ يعني ما حصل قدرت أكتب إسمي الثلاثي في ورقة إمتحان
يازولة قولي وصيتك وما عندك مشكلة بنمشي ليك الشعبية ونبقا ليك اولاد بحري بالرغم من اننا اولاد ام در بس إنتي قولي ..
ديوانك ده ماف طريقة يقطع البحر الأحمر ؟؟؟؟؟ ويجي الرياض السعودية ؟؟؟ إنشاء الله DHL
حاجة رابعة :
خلينا يابت هوووووووووووووووووووووووي من الكلام الفاضي ده وجيبي لي قروش المنكير لأنو أنا سألت (روعة) الماسكا لي محل الأتصالات وقالت لي نادية جات هنا وإتصلت علي ود خالا الموصلي في أمريكا وما دفعت وقالت لي قولي لي عمر خليها مع قروش المنكير !!!!!!
اها حاجة أخيرة :
خلاص حانجيب ليك مريم سالمين لأنو قسمة دي والله لقيناها غاااااااااااااالية نار ونحن ناس عزابة مقطعين وإحتمال كده نعمل ليك Over Night بي حليمة بمبر !!!!
أها يا شباب هوي الشيرنق عشان الحفلة بتاعت نادية !!!!!!!!!!!!!!!!!!!
| |
|
|
|
|
|
|
|
|
|
Re: بيت العذابة يا رجالة بس بشروط (Re: عمر الفاروق شيخ الدين)
|
عمر الفاروق شيخ الدين ..المن اسمو ولدا جميل وحنين
انشاء الله مااعدمك قول أأأأأأأااامين ..
اها اولا بالتبادى امى سوت الملاح عشان خلطرك انت بس لا ود اليم ولاشرووم ولابلدى ياحبوب مايختو ايدهم فى العصيدة دى سمح..
وتانى حاجة بخصوص الكلام ده :
Quote: يازولة قولي وصيتك وما عندك مشكلة بنمشي ليك الشعبية ونبقا ليك اولاد بحري بالرغم من اننا اولاد ام در بس إنتي قولي ..
ديوانك ده ماف طريقة يقطع البحر الأحمر ؟؟؟؟؟ ويجي الرياض السعودية ؟؟؟ إنشاء الله DHL |
فخليك جادى شوية وماتحيرنى انت هسة فى السودان ولافى السعودية عشان انا جادة فى الموضوع بتاع مشوار بيتنا ده والله ..واقول ليك انت وكل الشباب الزى الورد الهناحاجة والله انا حاسة انو انتو اولاد خالاتى وعماتى وحبوباتى واخوانى اشقائى اولاد امى وابوى ويافرد مادايرين المعرفة تبقى عرفة منابر ساى وانما نبقى لى بعض اهل وعزوة اها رايكم شنو ؟
عمر ..مجرد تفكيرك فى انك تفرد لى بوست بالمعانى الزكرتها فوق دى والله سر بالى واثلج صدرى وحسسنى بكم الود والتقدير البينا نحنا كلنا الناس الهنا ديل ..وتاااانى انشاء الله مااعدمك ياود امى ولااعدمكم كلكم يااولاد الاصول .!!
| |
|
|
|
|
|
|
|
|
|
Re: بيت العذابة يا رجالة بس بشروط (Re: نادية عثمان)
|
نادية يا بت عثمان الشهيرة بي نادية جلكسات :
| Quote: انشاء الله مااعدمك قول أأأأأأأااامين .. |
اميييييييييييييييييييييييييين وتااااااااااااااااااني اميييييييييييين
يعني امينين ..
| Quote: فخليك جادى شوية وماتحيرنى انت هسة فى السودان ولافى السعودية |
انا حالياً في السعودية ..
لكن عشان الكلام ده :
Quote: والله انا حاسة انو انتو اولاد خالاتى وعماتى وحبوباتى واخوانى اشقائى اولاد امى وابوى ويافرد مادايرين المعرفة تبقى عرفة منابر ساى وانما نبقى لى بعض اهل وعزوة اها رايكم شنو ؟
|
انا قلت ليك قولي وصيتك ..
يعني انا كنت عايزك بعد تقولي الوصية أخلي واحد من أفراد أسرتنا الكريمة يمشي ويقضي ليك وصيتك لأني لو قلت ليك انا في السعودية كنتي ما حتقولي الوصية وتقومي وتفتشي ليك ناس تانين ونحن أولي بي خدمتك يا جلكسات ...
مازال العرض قائم (الزاوية) وجسر التواصل ده إنشاء الله بنمدو بنمدو وكبري شمبات ماااااا كفاية عشان يربط أمدرمان بي بحري عشان كده إيه رايك نعمل كبري نسميهو :
" كبري جلكسات الفاروق وبالعودة "
جهزي وصاياك لي أهلك بس أوووووووعك تقولي لي خلي أهلك يودوا ليهم حوالة (قروش) وانا بحاسبك بي جاي ... كفي قروش المنكير والأتصالات ...
بي المناسبة :
الملاح طااااااااااعم شديد الله يديكم العافية بس الأولاد الشرفانين ديل والله كرهوني ليهو عديييييييييييل كده ..الواحد لقمتو قدر الضربة وأكبر من الهجمة والله يا نادية بياكلوا أكل بس التقول بكرة صيام ...
نحن طالعين الليلة كلنا يا نادية فعليك الله إذا مافيها تعب وتكلفة ليك تقومي تنضفي لينا الحوش وحاولي جيبي معاك ملايات نضيفة ومكوية وسمممممحة كده عشان انا عازم لي شباب من الجامعة ..
المفتاح ختيتو ليك تحت الباب ..
كويس؟؟؟
| |
|
|
|
|
|
|
|
|
 Re: بيت العذابة يا رجالة بس بشروط (Re: بلدى يا حبوب)
|
ود الديم
الحق يا زول انا شايف نادية عملت ليك شتات يا فرده ولاصقة فى ود بحرى الشعبية
Quote: تعرفي كنت قاعد أكتب في بوست خاص وسميتو ( نادية عثمان ...ملاك في شكل إنسان ) كنت عايز أحكي فيهو وقفتك معانا في بيت العزابة ده غير حاجات تانية حامياني لكن بعد لقيت كلامك في بيت العزابة هنا قمت خليتو لكن بجيهو راجع تااااني ..
|
وكمان جاى تقول
| Quote: وين سجم الرماد نادية جلكسات الليلة كاتلة طرب بى حنان باكمبا ولا شنو? |
هو مافى حاجة غير ناس حنان باكمبا وعشوشة طرب وعصفورة سوق 6 طيرت منك نادية
------
عمر الفاروق
حسه عليك الله يا عمر الفاروق الكلام ده تانى ليك وش تجى تسكن معانا لكن نحن نستاهل ما سكناك اكلناك الفراخ بروست وكمان من عنقريب الهباب الفى البلد لسرير الحديد ومرتبة الاسنفج لكن والله فى شمار قاتلنى وداير اقوله ليك
ودالديم حالف ينزلك من البولو ويركب اللورى والسبب انته عارفه .
لكن شمارك ما مضره
---
عجب
قلته قالوا (الصيد ورد فى الشعبية وسط)
كده بالمناسبة ده ادينى شدة فى قميصك هانى شاكر اصلو الليلة ماشى (بارتى )
-----
شرووم
| Quote: بس تجيبو لي العراقي بتاعي انا مشتريه بخمسة الف جنيه في عيد الضحية ده العراقي والوحيد |
انت ما تقول النصيحة العراقى اشتريته من جلد الضحية قلت ماشىتبيعه وتجيب لينا خضار وبينى وبينك اخت نادية تستاهل طاقة قماش علشان ما مقصر معنا عالم عجيبة
كده قوم اعم ليك همه ولحقنا بالعدس لوزم العلفه
--
سيجمان
| Quote: انت دايرنا نجي بيت العزابة...... نسوي شنو؟ |
انت بابا وماما وان انت وكما ما تنسى جكسيك (ندى القلعة) اصلو دايرنك نجبا لينا لعرس اخت نادية
-----
نادية
انت عارفه سيجمان ده من يوم شافك اديدتينا كفترية الشاى وصحن اللقيمات مجننا الا اسكن معانا
تحياتى للجييع
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
| Quote: طيب يا جبان الصيد ده عايز تصطادو براك ؟؟؟؟ ياخ ما تسوقني معاك |
عمر الفاروق يا اخوي إنت لسانك خفيف
فلانة ديك لسع ساكاني بسببك
لكن لو بتلعب فردة باك بدون نضمي كتير بسوقك
وبعدين خليك من ودالديم ده
لاقي الحيشان هنا ومتجدع بيها
ما حكيت لك هو قايل حوشنا ده قطعة ما اتبنت
| Quote: فخليك جادى شوية وماتحيرنى انت هسة فى السودان ولافى السعودية عشان انا جادة فى الموضوع بتاع مشوار بيتنا ده والله |
والله نادية تستاهل كل خير
لكن أنا بامسك الشيير
كفاية المرة الفاتت اديتنا ماسورة
بعدين إنت لسع قاعد في السعودية لو قالت لي الكلام ده كنت بأكون امس في زيارة ناس بيتهم
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
يا بلدي يا حبوب:
سراير شنو وإسفنج شنو ؟؟؟
ياخوي ما تغش ناس البورد ديل ساي والله العناقريب تطاقش ومهرودة من النص والمراتب حدها الأرض...
دجاج بروست ؟؟؟؟؟ نعلك قاصد جدادة خالتي التاية الجاتنا بي الحيطة وانت ضبحتها وعملتها لينا دمعة !!!!!!!!!
ود الديم ده سيبوهو لي بكرة بيجيني شايل المقص ويقول لي عمر الفاروق عليك الله أحلق لي أنا عندي مواعيد في الحدايق لكن أصبر ليهو أظعمتوا ليك ظعمتة !!!
عجبنا :
يازول إنت لسة قاعد ؟؟؟؟ مفروض كلللللللللللنا كده نمشي أسة السودان نغشي السوق نشيل لينا كيس فواكه و2 كيلو لحمة ومعاهم خضار ونمشي علي بيت ناس نادية ديل ..واصلو ما نكلمهم نقول ليهم جايين ..توووووووووووشك كده نخش وطوالي علي المطبخ ما نوريهم نحن منو زاتو نظبط غدانا بعد داك نقوم نناديهم عشان يتغدو هم معانا ..مش البيت بيتنا ؟؟؟ ونادية دي أختنا ؟؟؟
الشيرنق يا اخوي تمسكوا انت واييي حاجة ناقصة تتصرف إنشاء الله تمشي لي جكسايتك المرطبة ديك والأنت غاشيها بي العرس ديك !!!!!!
اها يا جماعة أبقو طالعين عشان نادية دي تجي ترتب لينا البيت ضيوفي ديل قربو يجو ..
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
يا بلدي يا حبوب
| Quote: كده بالمناسبة ده ادينى شدة فى قميصك هانى شاكر اصلو الليلة ماشى (بارتى ) |
من متين الاستئذان ما طوالي شاديهو من الحبل
عمر الفاروق
ابقي مارق نادية دي ما جات تساعدنا بالترتيب ولا عندك شمار ما بيصبر
| |
|
|
|
|
|
|
|
|
|
Re: بيت العذابة يا رجالة بس بشروط (Re: Agab)
|
وليد العجب ازيك
شايفك مستلم بيت العذابة ,
يا جماعة انا بقترح عليكم تمسكوا ود العجب دا الميس او (الميز) ,, علي اليمين يمهلا عليكم مهلا شديدة ,, انا قبل كدا سكنت معاهو , وكان بعشينا كل يوم في المـطعم الصيني ,, وكان خلاص قرضا علينا بيقول لينا هنديك البيتزا والما عاجبو ينوم جيعان ,,
(عدل بواسطة Marouf Sanad on 03-14-2005, 12:41 PM)
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
أداني تحية دموعو سالت والمنام أبي ليهو العجب حبيييييييييييييييبي :
انا برضو بتاع البوش ؟؟؟ اخر 7 مرات عشيتكم في ماكدونالز وكنتاكي وبيتزا هوت صاح ولا ما صاح ؟؟؟
بعدين انت يا عجب شابكني قروشي لسة ما حولوها لي من السعودية واخر مرة تتذكر لمن قلت لي ( الشيكا ما جات )
معقولة يا عجب لسة بتقول الشيكا ؟؟؟؟؟؟؟؟؟؟ عمرة بس
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
عمر الفاروق
| Quote: سراير شنو وإسفنج شنو ؟؟؟ |
والله ذكرتنى بكلامك ده الاغنية البتقول وانت كنت حضور يا فرده
سراير سنو واسفنج شنو
وعذابة نحنا نومنا موكيت
لا بنعرف خشب ولا حديد فى البيت
لكن عليك الله ما تخلينى نتفسح شوية والله جنس حساده
تادية
تعرف ابكر ابو زينونة ده الفات ليه عمر الفاروق يعنى اعملى حسابك
| Quote: حيث يقيم الرجل الخارق ( أبكر أبو زيتونة ) !! و ما أن دلفنا ـ حلوة دي ـ إلى داخل الحوش حتى شاهدنا ثعبانين من الحجم العائلي جداً ( كوبرا ) يقبعان أسفل شجرة نيم دون حراك |
---
عجب
انته معروف ده مش عنده محل مديدة العريس اليوم داك جكسنا عنده
-----
معروف
| Quote: انا قبل كدا سكنت معاهو , وكان بعشينا كل يوم في المـطعم الصيني ,, وكان خلاص قرضا علينا بيقول لينا هنديك البيتزا والما عاجبو ينوم جيعان |
انت يا زول الظاهر نسيتنى ده انا مش عجب بصراحة انت الليلة جاى بياتوا شارع
تحياتى
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
بلدنا الحبوب :
ياخ إنت اليوم داك في الحفلة بتاعت ناس نفيسة لومبك الما عزموك ليها ديك تتزكرا ؟؟؟
ياخ إنت أتعشيت وباركت للعرسان والله التقول معزوم ...
وهججت ليك هجيج في الدنيا دي والله الناس قايلنك شارب كرستال بلح ...
أها أسة ناس علوية مجروس ديل عندهم عرس بت خالتهم وعزموني ..أها تمشي ؟؟؟
عجب :
| Quote: وبعدين مالك بقيت زي عمرالفاروق ما تتبلاش في بؤك فولة |
فول!!!!!!!!!!!!!!1 سبب واحد يخلي خشمي ده تدخلو فولة ماف !!!! نحن يا مان قول ما تتبلاش في بؤنا بيرقرا ..مرتديلا ..جلكسي ..
والله يا عجب لكن إتلومت !!! بالله إنت النوع البيمشي مديدة العريس ؟؟؟ معناها يا مان بتمشي الفاتح الكوتش بتاع الفاخر في الموردة وبتمشي لي كوارع الصحافة والأمتداد ..
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
| Quote: معناها يا مان بتمشي الفاتح الكوتش بتاع الفاخر في الموردة |
واضرب التلاتة في واحد زي الورد
ناس امدرمان الما بمشي الكوتش ده عليه مراجعة خدمات المشتركين
| Quote: وبتمشي لي كوارع الصحافة والأمتداد .. |
المرة بنت ليها طابقين منهم يا عمرالفاروق اخوي إنت قايل ده من وين
وتراكا بتجي تقول ما داير عشا وانت بتمشي هناك يا جاسوس
| |
|
|
|
|
|
|
|
|
|
Re: بيت العذابة يا رجالة بس بشروط (Re: بلدى يا حبوب)
|
عمر الفاروق
| Quote: قايلنك شارب كرستال بلح ... |
لمن تعال اقول ليك الشمار الفايح فى امدرمان اليومين ده حكاية الجماعة الشربوا (الاسبرت ) البحلوا بيه الريحة وبينى وبينك الشمار مؤلم لانو الناس الاتلحسوا كتار والرقم ماشى فى زيادة رهيبة طبعا كل الحصل انو الجماعة المتعودين على شراب الاسبرت صادفوا برميل مسموم وكانت النتائج خطيرة للغاية وفاة اكثر من 50 فرد بعد تناول هذه السموم وحتى الطلعوا منها فقدوا النظر اما الشماسة كان لهم نصيب الاسد من المصيبة وامبارح فى حى السوق كانت هنالك اكثر من وفاة لاربعة شباب من ابناء الحى ومن ضمنهم فقيد من اسرة التبيداب بامدرمان وحتى الان مازالت متابعات الشرطة والمستشفيات ترصد وصحيفة (الدار) تنشر .ومن حسه بحظرك ما تمشى سوق الخرطوم وتشترى الريحة ابو الفين الاسمها نيفاشا وتدخل بيها البيت
وبرضو تقول لى شارب كرستال بلح
----
عجب
شنويا زول قالوا ليك تعال شيل البسبوسة من اوضةالبتات تقوم ترسل ليها زول
تعرف يا فرده انت الظاهر كنت مع ناس الاسبرت والله شنو طيب وقت ما داير تمش كان تكلمنى
-----
زولة
والله العظيم وكتابه الكريم التوب السودانى لو خطاك اسهمه بتنزل
---
نادية
انانت مسئلة من الخير ناس قناة النيل الازرق الظاهر ما عملوا اعلان ولا معاينات والله شنو
تحياتى لجميع
| |
|
|
|
|
|
|
| |
بلدى يا حبوب
Rawia
Abo Amna
lana mahdi
Agab
Elawad Eltayeb
Raja
شرووم
tmbis
محمد الامين احمد
سجيمان
Marouf Sanad
فيس بوك
تويتر
انستقرام
يوتيوب
بنتيريست