|
|
 هل نحن شعب معولق ولا بنحب العولاق
|
عارف ان العنوان قد يكون للبعض مستفذ وغير لائق, ولكني اخترته من واقع تجربتي الضعيفه واعني به اننا لا نحترم في كثير من الاحيان وظائفنا او مهننا او الاعمال التي نقدمها بالذات للجمهور,مثلا صاحب الدكان تجده لابس عراقي ملطخ بالزيت المخلوط بالفحم وكل اتوسخت يده مسحها في طرف العراقي المغلوب على امره,ثانيا سائق المركبه العامه(بص,حافلة,تاكسي او حتى ركشة) اذا كنت محظوظ يكون ذلك السائق قد غسل العربه وبالمرة اده جسمه رشة موية ويا ويلك لو كان بيسف او بيسجر,واثناء ما العربة في وجهتها ودنما ما مبالاه يمد راسه بالشباك وهاك يا بصاق,,,وممكن برضو يعملها واحد من الركاب هذا بشأن السائق اما العربه فحدث ولا حرج ممكن يكون المقعد ليهو سنين ماتنجد والعربه وسخانه من الداخل وبعض الاسبيرات المستعملة مرمية هنا وهناك,دي نمازج بسيطه.
نجي لموظف الدوله وما ادراك ما موظف ,,من الخفير للوزير.
الخفير:يرتدي جلابية او بنطلون وقميص جار عليهم الزمن ومن فوق ليهم قميص كاكي(قميص جيش) وينتعل مركوب او جزممه بلاستيكيه,والغربيه دائما يكون لئيم ومسيخ وفي بعض الاحيان امي..
موظف الاستقبال بت وولد)البت مكترة من احمر الشلاليف والبدرة(اي بدرة مافرقت) كالعادة اسكيرت اسود(السر في كده شنو يا بنات?)بلوزة او ت-شيرت طرحة لزوم التحجب,واهم حاجه الموبايل,والرد الجاهز دائما[ والله استاذ فلان طلع لما يجي نقول ليهو منو] وللحديث ده بقيه...
ده كلو كوم ووزرائنا كوم تاني بعد توحيد لبس الوزراء(بدله اشتراكيه زرقاء)
ومعها مركوب,,,تصوروا يوم بتفرج في التلفزيون جابو وزير لابس(fullsuit)مع مركوب الجنينه ولا حتى اصله او نمر.
اها اجيكم لمقدمي البرامج في تلفزيونا الوطني وضيوفهم(بالمناسبه وين حمزة وطارق كبلو)تلقى المذيع لابس بنطلون وقميص مهندم لا بأس به بالذات في الفتر الاخيره كتروا ليهم من البدل.
ضيف البرنامج معولق ووشو ملسلس بالدهن والراس منكوش والدقن مشعفه زي اتردد لما جا يحلق(يعني بداها وما تماها,خايف البرنامج يفوتو) والضيف البيكون قاشر داك بيكون في عدم تناسق في اللبس...
حاجه اخيرة,,
ابناءنا بالخارج وهم من يفترض ان يكونوا اكثر اناقة تجد البعض منهم جاي المكتب بنطلون جينز و T-shirt وشبط مع مقارنه بسيطه بينه وبين الجاليات الاخرى كانما الواحد فيهم هذا يومه الاول في العمل لذا كثيرا ماتجدهم يتندرون بنا.
ساعود لمزيد من طرح التجارب خاصة في الخليج والدول العربية.
|
|
 
|
|
|
|
Balla Musa
فيس بوك
تويتر
انستقرام
يوتيوب
بنتيريست