|
Re: يــا متخبيـة (Re: أبووجيدة)
|
ابو وجيده وانت كنت متخبى مننا وين ؟ اكسر حاجز الصمت وكورك فينا بى الصاراهو دواخلك انفض غبار السمح الجوه .. وشتت فرحك فينا وما تتضارا.. اسرع وشتت لونك فى لوحات الزمن الاغبر .. لون بيه الفاضل منو.. يمكن يكبر ويمكن يظهر .. وتانى نجيبو نلون صورته وامكن يبهر .. لانه طيفك اجمل وانضر.. شال الحزن الساكن جوه .. وزرع الفرح الاخدر.. لحن نغم الشجن الباكى .. ودندن غناك الفيك متحكر ابو وجيده حقيقى ابداع وعذرا لو غلبنى ارد عليك .. شكرا مساحات منك وليك شكرا دعاش .. ولون الصباح..
| |
|
|
|
|
|
|
Re: يــا متخبيـة (Re: soma)
|
خالص التحايا00 ابو وجيده... يبقى حرفك كبير مساحة معانى نسرح ونغوص الى حد اللاشتهاء ونغرق ....... نبادلك من هترشات ليس تطاولا ولكن نتعلم من الاخرين والجايين...
الشي ألفيك وقف عمر البذره00 الشي ألفيك وأنتي البسمة00 الشي ألفيك طول الغيبة00 وأنتي النبض وفيك الرؤية 00 جوه مشارق 00وبره مغارب الشي ألفيك جانا وصلنا وقالوا بقيتى النجمة00 شايله الريد وتضوى00 راحلة في قلب البذره00 واقفه وايديك عليها الاستفهام نقش الحنه00 ومشيتي تعدى00 وكملتي مدارك لاخر اللفة00 وفى الكلمات لاخر حتى00 وبقيتى الشي من الحتى0 وانتى منتخبيه00
| |
|
|
|
|
|
|
Re: يــا متخبيـة (Re: أبووجيدة)
|
مشنوقة الكلمةفي ذاتك ممدوة وراجية بشاراتك عطشانة بتحلم بالغنوة وتتصاعد ديمة هتافاتك تتشابة متارسك لي هسه تتفتح فينا صباحاتك وتشرق كلمتنا في ذاتك ضواية ورافعة شعاراتك أولادك تفرح بي فرحك تتجارة وترسم لوحاتك وتناشد حرفك لي باكر إتماسك وضمها أبياتك ما الكلمة سلاح ومعاني غنيها ودوزن ألحانك جوايا بتحفظ أسرارك غنيها وفرح أولادك دي الكلمة سلاح ومعانى.
الأستاذة أسماء الجنيد تحية وتقدير... شكراً لهذه المداخلة الرائعة وأملي أن يمتد تواصل الحرف بيننا فهنالك الكثير الكثير.
| |
|
|
|
|
|
|
Re: يــا متخبيـة (Re: أبووجيدة)
|
انا البشكرك .. يا سمح القول .. يا اجمل زول.. محكر فيك شارب منك ولاقى عنايتك .. حقيقى ادهشنى تعبيرك فى الكتابه .. ويسعدنى التواصل معك واعذرنى لو اتأخرت عليك اصلو بينى وبينك ..انا بجى وبتاوق فى نضميك وهرجك المن الجوف وبرجع لا ورا .. اقول يا بنات امى وولاد امى . دحن ارد عليه كيفن الفنجرى ده .. الله يطلق لسانى وبنانى .. ويقدرنى اجاريك كان بقدر .. وما بقدر اتم قولى اشيلو واقوم واتبختر .. اعاين ليك تتربع وتتحكر ..وما بقدر اشيل فى غناى ..ومره حجاى .. والملم منو ليك رجاى ما تبعد و تتاخر.. وما تتاضرا وتتعضر .. خليك هناك فى مغناك نجمه تلالى تملا سماك زى جوهر.. ونحن رجاك بى اشواقنا نتحكر . شكرا ليك غناك السمح اخى ابو وجيده والود نيلين
| |
|
|
|
|
|
|
Re: يــا متخبيـة (Re: soma)
|
يا سلام لما الكلام يكون في حضرة الناس الحلوين ..
أبووجيدة صديقي الشاعر الرقيق .. سوما صدقيتي الشاعرة الرقيقة ..
يلا زيدو القول حكي .. وأنظموا الكلم الجميل .. وأنثروا الفرح شعراً .. خلونا نبتهج .. وتبتهج الدنيا .. ويبتهج الطريق ..
لكما خالص ودي ..
| |
|
|
|
|
|
|
Re: يــا متخبيـة (Re: معتصم دفع الله)
|
الزول الرزين .. معتصم دفع الله ود الفريق والحله يعلم الله اسعدتنا الطله شرفتنا وشرفت خلق الله يعظم شانك وديمه تتعلا بهديك المحنه العند اهلنا وبهديك كل الكلام السمح الجاى منك شكرا ضفاف.. **** التحيه بلا حدود لسيد الكرم والجود 1خونا ابو وجيده دايرنو ديمه موجود والود جروف
| |
|
|
|
|
|
|
Re: يــا متخبيـة (Re: soma)
|
الصديق العزيز / يوسف ابو وجيدة
تسلم يا رائع على هذه الكلمات الجميلة شعرك في غاية السماحة يا سيد السماحة كلماتك تدخل الفرح والبهجه في قلوبنا الحزينة وبختم كلامي وبقول ابو وجيدة يا رائع
السمؤل
| |
|
|
|
|
|
|
Re: يــا متخبيـة (Re: أبووجيدة)
|
الغالي : معتز مليون سلام لا زلت أتلعثم وأنا أجاري محاولة الردود في حضرة الحرف النادر لك وأنت تكبرني في مساحة الحرف الرائع فلك مني كل الرؤى وأحلام الزمن القادم .
| |
|
|
|
|
|
|
Re: يــا متخبيـة (Re: أبووجيدة)
|
ابو وجيدة العلاقة بين يا مدهشة ويا مفرحة ويا متخبية زي علاقتي باللغة الهروغلوفية .. يا متخبية اسمعي كلام حبيبنا ابو ووجيدة وابقي مارقة ... اطلعي تطلع ...
| |
|
|
|
|
|
|
Re: يــا متخبيـة (Re: أبووجيدة)
|
Quote: متخبية .. زيلي سحابة الصيف العابرة وأطلعي بره من مخباكِ وشيلي الفرح الخبا صورتك وناشدي الناس الراجية غناكِ
|
ابو وجيدة
القومة لغناكو
قلنا نسجل نظرة
في حضرة النغم المالي الفجة
محبتي
| |
|
|
|
|
|
|
|