|
|
 هولنديه ميه الميه
|
ما خواجيه... بس هولنديه
تشوفها... تقول وحاتك انت جنيه
خشيمها الاحمر قعر بتيخه صيفيه
عويناتها زرق يوجا بق حبر مكي
وجيها الابيض الرويان... لا ديانا لا امبي
جضيماتها... سيبن ساكت ... احي... واااخ... ويا ربي
اقول ليها هاي...ولا اتز باد... ايام ماد
دحين يا اخواني...اسوي شنو!! عيشتي بقت عيشت السواد
عمري دا كلو قاعد انقر... الف احمر... لا وداد لا سعاد
اعاين لي زولتي ساكت... تعاين لي وتتبسم
حلات البسمه في خشيمها...اتقول بلسم
اتروجل...اقرب ليها وهاك ياهاي
واجفل لي غادي
يجيني الرد... هاي هاي
اقرب اقع اتكسر واقول للدنيا باي باي
اتاريني خفيف... اخف من الريشه
وقليبي رهيف... تقول جمرة الشيشه
افتش للكلام ما عارف اقول وط
نقرب مني كتير الاقي نفيستي تزحف زحيف البط
تجيني شجاعه من وين ما بعرف
رويحتي جات تطلع وكلي قاعد ارجف
قايتو ما بعرف الكاتل الله والحي الله
اتبسملتا واستقفرتا اتشهدتا ليك يا الله
اتنحنحتا وسالتها... وط يور نيم؟
استنيت الاجابه... ظنيت الاسم ريم
وكحلتا لي داون... اتزكرتا شدر النيم
قلو الشدر القلاد فوقو السمغ
السمغ المسيخ داك حاشاها
دا خشيمها فيه استيم
دو يو سبيك انقلش؟
ناي.
وط؟ سالتها بي اخر نفس فضل
هي ال نو عندكم ناي؟
تعالي يا يمه شوفي العجن... وشوفي ال ناي
زمان سويتها في روحي براي
وشوفي يا يمه ال واي البقت اي
تعالي با يمه الغزال بقول لي ياي
طيب يا فلة روحي... براحه علي
اسم الكريمه منو؟
اك؟
ماي نام؟
ماي نام از نارمينا.
نارمينا؟
ااه من نارك ومن مينا
حليلك يا ابوي الكتا لامينا
يا المتا وما شفتا الحصل لينا
طيب يانار قلبي اديني دقيقه اتنفس
واشوف روحي واتحسس
دقيقه اتنفس
|
|
 
|
|
|
|
|
|
|
|
Re: هولنديه ميه الميه (Re: Fadel Alhillo)
|
Quote: دو يو سبيك انقلش؟
ناي.
وط؟ سالتها بي اخر نفس فضل
هي ال نو عندكم ناي؟
 تعالي يا يمه شوفي العجن... وشوفي ال ناي
زمان سويتها في روحي براي
|
الحلو ياجميل ...شكرا على الحلمنتيشية الجميلة
وداير الجد
انت براك سويته في روحك وقلبك الحب ما واعي .....
| |
|
|
|
|
|
|
|
|
|
Re: هولنديه ميه الميه (Re: luai)
|
| Quote: انت براك سويته في روحك وقلبك الحب ما واعي ..... |
اخي الحبيب المحترم
السويتو ما كتير يا اخوي لؤي
والقليب دا يا اخوي التلج جمدو
| |
|
|
|
|
|
|
|
|
|
Re: هولنديه ميه الميه (Re: Fadel Alhillo)
|
فاضل
hoe gaat het ?
يا سلاااام عليك يا رائع
والله الضحك شرطنى وقربت اقع على وشى
ونارمينا دى تبقى نار ومينا .. المينا دى مش بتاعة البيت ؟
ودى بتاعة القلب ... الله يخليها ليك الفى خيالك زاتا ...
تسلم وحاول جيب لينا من زى دا كتير عشان الجفاف بتاع التلج
| |
|
|
|
|
|
|
|
|
|
Re: هولنديه ميه الميه (Re: alfatih)
|
Beste,Fatih
Het gaat goed
.Hartelijk dank voor uw bezoek
| Quote: ونارمينا دى تبقى نار ومينا |
الله يحفظك بس خليها في سرك
وشكرا ليك تاني يا رايع
| |
|
|
|
|
|
|
|
|
|
Re: هولنديه ميه الميه (Re: Fadel Alhillo)
|
اتنفستا واتحسستا وجيتك صادي يا ناري
واتحكحكت زين... فوق وتحت...بالجنبه والجنبات
وفركت ايدي فركا شديد... ما اصلهم باردات
اها يا نار قليبي
ما بدور احلف عليك... بدور اخلي كلامي وجيز
وحاتك انت يا زيز... ووحات جنيفر وحات لوبيز
وحات وقفتنا دي... ووحات كلو عزيز ولزيز
وحاتي انا البريدك... تخلي لبس الجينز
عليك الله الخلق بله... ما تقولي لي فارووم
انا من زمان... وزمان زمان كبدي مفرووم
وكمان يا النار...بدور اسافر يكره للمزموم
عرفتك تب... دقش بركب...بسافر الخرتوم
وحاتك انت يا النار فارووم ودارووم
وبجيك صادي
وعقب لي قدام ... بجيب المال
وبكلم عشه والعازه وود تربال
وبجيك صادي
| |
|
|
|
|
|
|
|
|
|
Re: هولنديه ميه الميه (Re: Fadel Alhillo)
|
بدور يا النار اسوي الجرتك
و بدور ياالنار للرحض افرتك
بحدث عشه والعازه يدقو الريحه والصندل
بحدث ام الحسن ديك تسوي الخمره بالجردل
بدور الفركه
وبدور الدلكه
بدور اسوي ديك ياالحفله
بدور ياالنار تغني ليك شكيره
نارمينا يانارمينا با عقد الدهب
نارمينا يا نارمينا يا عز الطلب
ونغني ليك سيلينا
يا نارمينا يا بيضا الليل سيري معا
والليل العديل والزين تقدمو وتبرا
| |
|
|
|
|
|
|
|
|
|
Re: هولنديه ميه الميه (Re: Fadel Alhillo)
|
بدور اقول فيكي الشعر
تاريني شاعر ماني عارف
للماهيه يا دوبي صارف
داك يالخروش راقد طشت
ود بله هوي ما تنقشت
انا كاسي بي المي يابس
ما نزل جوفي في حلقي حابس
نارمينا يا عقد السرور
نارمينا يا الريحتك بخور
نارمينا يا ست الشعر
نارمينا داك يا القعر
يا القمرا يا ام زمام
السدير سدير الحمام
الكراع ديك يا الخيزرانه
والضراع يا حليل فلانه
يا ناسي هوي بدور اجن
تاريني مرات قاعد احن
عندي ليكي كلام كتير
عقب اشوف الدكاتير
| |
|
|
|
|
|
|
|
|
|
Re: هولنديه ميه الميه (Re: Fadel Alhillo)
|
الاخ الفاضل الحلو...
تعابيرك جميلة للغاية، كلمات قوية لحد بعيد...
جعلتني احس الكلمات كانني اشاهدكما واسمعكما امامي علي ارض الواقع...
وربنا يرحم الوالد والوالدة انشالله...
واصل وربنا يهنيك انشالله ويسعدك...
| |
|
|
|
|
|
|
| |
Fadel Alhillo
Raja
luai
alfatih
Mayada
فيس بوك
تويتر
انستقرام
يوتيوب
بنتيريست