|
دعواتكم لزميلنا المفكر د.الباقر العفيف بالشفاء العاجل
|
|
 Re: نداء الوطن لمطر وقاسم المهداوي ننتظركم (Re: قاسم المهداوى)
|
صبرى الشريف
التحايا النواضر ..انشاء الله كلو تمام
مطر قادم
يازول ماجيت ندوة حقوق الانسان ليه ؟
اوعى تكون انت برضو عيان ؟!!!
قاسم المهداوى ..ود الشعبية ..ود الحلة الرائع
سعدت جدا بمعرفتك ولقائك اليوم فى الندوة ..ماتنسى تتصل عشان نكمل كلامنا ..سمح
يازول بوست البيبسى والجكسى فتشتو للصفحة الخرتومية مالقياهو ..!!!
اختفى فى ظروف غاااااااااااامضة !!!
| |
 
|
|
|
|
|
|
|
|
Re: نداء الوطن لمطر وقاسم المهداوي ننتظركم (Re: Sabri Elshareef)
|
يا مطر وقاسم وللحبايب بارض مصر كمال قسم الله يحب مصر محبه الشيخ
العبيد ود بدر قال العندو محبه ما خلا الحبه , والعندو حبه ما خلا
الحبه , والما عندو محبه ما عندو الحبه .
شيخنا كمال عندو محبتين واظن كمان عندو عرق محبه
سلام يا معتز تروتسكي وعندنا صديقنا اسمو الفاتح غروباتشوف ماركسي /قادري معانا في مدني فانت تروتسكي عطبرة ام مدن وقري اخري
في كلا الحال لك سلام
ازيك يا نادية لاقيتك في الزمن الملامحو معكرة وشمسو الحنون اعدا تطل
تقابلنا في تكريم فاروق ابو عيسي في فندق فلامنكو بالزمالك انا وانت
والنيل والقمر والنيل والقمر ديل بت فاروق ابو عيسي و زوجها كنا في
صف واحد ليك ولهم السلام
مطر الكتب وين رسلتها ول لا جاييكم زول قريب سوف اديهو التلفون
عايز جريدة القاهرة الاسبوعية مع كتابها وهي متوفرة
| |
|
|
|
|
|
|
|
|
 Re: نداء الوطن لمطر وقاسم المهداوي ننتظركم (Re: Sabri Elshareef)
|
خالص التحايا..
صبرى العزيز
يااااااااااه
كم فتقت جروح بذكرى هذا التروتسكى الكبير ورفاقه..ومدينة مدنى..وعطبره
يااااااااااااه
ياعزيزى..
تروتسكى معاويه وشخصى (اخوان الانسانيه)..
ابناء(مريم الاخرى)..
هو اخى الكبير وانا اؤمن بذلك ...
وكم اشتقت له ..
ياااااااااااااااااه..
شكرا لهذه الذكره العابره ..
كيف انت والصحاب لعلكم قيلتو بعافيه..
تحياتى كتير ليك والمعاك..
وتحياتى لكل الجمال الذى فى هذا البوست من هؤلاء الاشخاص الاصدقاء..
مطر-مهدواى-ناديه-وانت ياصبرى
تروتسكى الصغير..
| |
|
|
|
|
|
|
|
|
|
Re: نداء الوطن لمطر وقاسم المهداوي ننتظركم (Re: Sabri Elshareef)
|
شكرا تروتسكي ولي معاوية السلام
شكرا قابلت تروتسكي معاوية مرتين الاولي بعطبرة في بيت
ناس محمد عبد الخالق واسرته لهم التحية وتاني مرة مع
عصمت الدسيس بجامعة ام درمان الاهلية .
مطر حكاي وموسوعة نريد منه الفضفضة من غير زعل الاخرين
ان شاء الله تستعير صدق وصراحة محمد شكري بس احكي بعدين
قاسم سياسي فنان عازف جيتار ومعاهم تحلي السياسة والسمر
يا قاسم وين محمد صالح له ولكم السلام
| |
|
|
|
|
|
|
|
|
|
Re: نداء الوطن لمطر وقاسم المهداوي ننتظركم (Re: Sabri Elshareef)
|
صبرى الشريف
كيفنك ياخى مشكور على البوست واليك شويه حكاوى عن ال....
عارف ياصبرى مطر مصاب بحاله بين الزهج والملل وفقد كتير من حالات المرح ديك
طبعا اصبح بعيد عن ليالى السمر بامر من الدكتور بعد الوعكه الصحيه .
صديقنا الجديد محمد ود عكاشه الله الله زول جد سمح واجمل من كل الجمال انسان
دوما فى غايه الابتسام رقم انه اليومين ديل بيعانى من اشكاليه فى العصب
السابع لكنه بداء يتماثل للشفاء ( زى هو زعيم منتدى زهره البستان بوسط البلد
وكمان الزول التانى ( امين عام الحزب الجمالى اخينا ايمن حسين فراج )بمركز القاهره
لدراسات حقوق الانسان ) ده شخصيه جد مريحه وكمان دوما مهتم جدا بمن حوله بفخر ثمل .
وايضا زوله اسمها امل فاروق الهدوء باكمله
ورقم ان معتز تروتسكى بعيد عننا الا انه قصر لينا المسافه مع زوله اسمها مها واصبحت
جزء من الكل وجد هى فى حوجه لعضويه المنبر وياريت تتوسط لينا عند بكرى ابو بكر
اما شخصى فبعيد برضو عن ليالى السمر بامر الدكتور ( الله ينعل ابو الالتهاب الكلوى )
لكن الحاجات الخفيفه ممكن .( الجيتار والموسيقى فى اجازه اليومين ديل )
عثمان البشرى لو قابلته فى زهره البستان يحلفك تحكى ليه نكته ولو حكيت ليه ألا تجرى
لانه ممكن يموت ليك من الضحك .
بقيه الناس غدا انشاء الله
قاسم المهداوى
| |
|
|
|
|
|
|
|
|
|
Re: نداء الوطن لمطر وقاسم المهداوي ننتظركم (Re: قاسم المهداوى)
|
الاكرم صبرى الشريف
التحايا الطيبة
Quote: ازيك يا نادية لاقيتك في الزمن الملامحو معكرة وشمسو الحنون اعدا تطل
تقابلنا في تكريم فاروق ابو عيسي في فندق فلامنكو بالزمالك انا وانت
والنيل والقمر والنيل والقمر ديل بت فاروق ابو عيسي و زوجها كنا في
صف واحد ليك ولهم السلام |
سبحان الله ..ايوة اتزكرتك ..الولد الوجيه الاللابس فاخرة داك !!!
سبحان الله ..سمح ياصبرى ياولدى متغابى فينى العرفة الزمن ده كلو مالك يعنى ؟!!!
والله سعيدة بأن اجتمعنا رغم شتات المنافى مرة اخرى !!
كيفك وكيف الغربة معاك ؟
احكى لينا عنك كتير بالله
وفى امان الرب
عثمان البشرى الحلو
تلفونى عند عكاشة الرسول كان تتصل دايراك ضرورى ..تلفون الحضارة ماحضارى !!
مشغول طواااااااااالى!!
| |
|
|
|
|
|
|
|
|
|
Re: نداء الوطن لمطر وقاسم المهداوي ننتظركم (Re: Sabri Elshareef)
|
يا عثمان
يا مسكون بجرثومة ال...............
سلام نحن في مهجعنا الاختياري نتفسح واحاول تعلم اللغة لكن الاشارة
بشارة وين ناس عين الشمش وذاكرة النسيان شرح والجميل ان شاء الله
اتصالحوا والهجين اللبناني /تركي ذو الجسد المتنازع لدولتين والبودي
المصري وين .
شوق مسافر لحلتنا في حلال شندي التغطت بالرمال وتقف جنب شجرة سيال وتعرف
القرية بصهريج قرية مجاورة مطلي بلون ابيض واسود زي طاولة شطرنج اصلو
حلتنا لا فيها موية لا كهرباء ولا زراعة لا رعي وهل تصدق ابان حروب الخليج
كانوا مع صدام قلبا وايضا قلبا شوق اهاليها لم يهجر هذه القريوة
التي تسمى قد الهبوب وتدلع بسنغافورة لك حبي وما عايز دواوينك
لاني عارف مشاكل طباعتها وتوزيعا تسلم
| |
|
|
|
|
|
|
|
|
|
Re: نداء الوطن لمطر وقاسم المهداوي ننتظركم (Re: Sabri Elshareef)
|
مطر
و
مهدواى
و
ناديه
و
عثمان
و
صبرى..
انا بين كل هذا الجمال لم اعلم باننى محظوظ سوى اليوم...
اهدى عبرك هذا الجمال الذى فى البوست
الى الصديقه الجميله
مها...
دائما ماتفصلنا الامكنه باختلاف المناخات دون ارتكاب اي جريمه اخلاقيه ضد المستنقعات
!!
ترى هل اتفقنا ام سكون حسبنا من وجراح وبسمك اللهم
سيكون**
فرح النقاقير ماخدو خطو الرقيص .. لاوجودكم فره خاصر .. لامناخكم منقلب
الوعد بان تظلوا فيني ابداااااااااااااااااا
الباب البجيب الريح ... حبو واستريح
وبين قوسين نوع من انواع الغزل الصريح
انا اصل امنت وسجدته وفي التشهد بقرا ريد ادويني برشكم شان اقيم الدهشه في جواي خشوع
انا بين حواجبكم وبين والعيون
.............................
| |
|
|
|
|
|
|
|
|
|
Re: نداء الوطن لمطر وقاسم المهداوي ننتظركم (Re: معتز تروتسكى)
|
اها ياصبرى جيتك تانى ومعاك دوما .
اخينا وصديقنا محمد صالح على ما زال بالاسكندريه ... مكتبه الاسكندريه
... مركز الجزويت الثقافى ... كبرى استانلى ... البحر ...
محمد صالح اليويمن ديل زهجان لان نوسه سافرت او بمعنى اصح رجعت امريكا
وطبعا كميه الزهج حلها فى خيارين اما اتصالات تيلفونيه بكثافه .. او الولوج
الى المنبروالكتابه بقترح على الاخ والصديق محمد صالح التصالح مع الذات والكتابه
فى المنبر ( لان والله من الجماعه البيحلفو صلاق ديل نطوا فى الدبابه حتى اللقيمات
الزلابيه انتهت من البلد ) ..
الاضافه الجديده وممكن نقول عليها لنج (غير لواء السودان الجديد ) هى الزوله الراشه
المنبر الحر بكميات من الزهور الهولنديه ..... عارف بدون زكر اسماء الزوله اسمها منو
اسمها ناديه عثمان والصوره الفى البوست اكيد تعبر عمن هى ناديه عثمان .
صديقنا الشاعر بابكر الدقونى اخيرا اعتنق الافكار التاهيليه وقام قلب هوبا واتزوج
وسكن فى مدينه السادس من اكتوبر .... وبيكابس لكى ما يصبج عضو بالمنبر الحر
الزول الاخر هو جمال ادريس انا مسميه (المكسر فى احلام مستغانمى ).........
غدا اواصل
قاسم المهداوى
| |
|
|
|
|
|
|
|
|
|
Re: نداء الوطن لمطر وقاسم المهداوي ننتظركم (Re: قاسم المهداوى)
|
اها ياصبرى الشريف
عارف يا صبرى القاهره كان فيها ثلاثه امكنه للسمر والفن الركن الاول
كان فيه عمنا وحبيبنا الفاتح المرضى وهذا الركن يضم مطر قادم وابو بكر الدقونى
والمرحوم عبد العظيم ادريس وايضا زولا رابع
الركن التانى كان فيه ناس معروف سند وابو الجلاجل واخرين او اخرون
الثالث كا يضم صابر عبد الهادى وعمك جمعه وحسن ود النور وعمك احمد ادم وشخصى
وزكى ( عازف الاكورديون ) وعندما اتى الينا حمدى جبر ( مدرسه احمد ربشه) من السودان
انجذب الينا ود الدقونى من الركن الاولانى لانه صاحب وشاعر حمدى جبر
عارف اذا هل او حط على تروس على اى من هذه الاركان ينقلب المكان الى مثلث برمودا.
الناس ديل كان شغلهم الشاغل عايزنى ارتبط باى شكل (فى الحقيقه هم عايزنى اتربط وطبعا
المساله جد معقده ) المهم حسن النور فى احدى الامسيات قال يا جماعه هوى اى زول خالى
الطرف من اى ارتباط ما عايزنه يكون معانا تانى ( الليله اخر يوم )والما عاجبه يشيل
جيتاره ويمشى من هنا .
غدا اواصل
| |
|
|
|
|
|
|
|
|
|
Re: نداء الوطن لمطر وقاسم المهداوي ننتظركم (Re: Sabri Elshareef)
|
قاسم يازول يارائع
تحلي القاهرة بلياليها العامرة فمزار الحسين والسيدة وبعدها
لاكبر شيخة السيدة نفسية ويكتر عندها الجكس بل ياتي اليها للشكر
والمؤانساة ايضا فول الجحش اجمل فول في قسم عابدين لكن نسينا
ركن رابع اسسه كمال قسم الله حفظه الله وهو سيد الرابطة الزول هو
عادل بوش وليله السري للعدادات لكن شيخ كمال ايدو لاحقه فيعرف وين
كان بوش ليلا ,
ايضا يوجد بسماء القاهرة استاذنا شداد وهو يتنقل بين ضيوفه كالفراشه
ويغدق من كرمه الحاتمي علي الجميع فسلام علي ركن الهرم الابي
فقدنا لعبد العظيم جلل اصبح الصبح فله الرحمة سيرتو احلي من سكر كنانة , القاهرة مركز ابن خلدون القاهرة خالد عبد النور القاهرة مركز
الثقافات يملا ويفضي والقاهرة معرض الكتاب وليالي نجم والابنودي
وكاتب وكتاب القاهرة فول وفلافل ورجل يتطهد المراة فطريا بل كثيرا ما نري
ضرب مبرح من رجل لزوجته القاهرة عاشر رمسيس و سلمي العسل وسيد عازف
الايقاع ومرة دهش الحاج وراق وسعد الدين ابراهيم بان حلف علي افطارهم
وهم علي موعد في وزارة الثقافة وكان منبطح عبد الهادي وردي القاهرة
مع اهلنا من الجنوب ودهشة المواطن المصري بهذه العلاقة بيننا ندخل نتعلم
في الكنائس ونوحد هلالنا مع صليبنا اذكر قدورة وهو اسمو جوزيف وعشان
يبيع مساويك جنب مسجد مترو عين شمس قال اسمو عبد القادر
الحديث طويل مع سماسرة الشقق ومنتدي شموس وناس مجدي النعيم في مركز
القاهرة وندوات بالصدفة في دار الاتحاديين وزمن صابر عبد الهادي واهلنا
ناس الشرق وكسكتة ازهري طه وناس ياسر اولاد الطيب كانت لمة
لا انسي حبيبنا واحق الناس بحسن الرفقة بكري جابر والهمة وعبقرية
مع دكتور حيدر ومركزه وناس حسن النور وعلي محجوب النضيف وحقوق الانسان
اوه حبيبنا الحبيب صلاح حسن جوكوني وشقق جسر السويس
يا قاسم المزيد شقة السابع بعين شمس احمد عصمت ناس مني وعبد الخالق
دي تحتاج وقفة ووقفة
الحفلات في النيل مع حسين بنغلاديش وخلاف يدوم بين وردي التايواني وحسين
عازف الطرمبيت ويطفيها العمدة بوش وعابدين وناس عابدين
الخ........................................................................................................................................................................................................................................................................................................................املا ما لم اكتبه
| |
|
|
|
|
|
|
| |
معتز تروتسكى
مطر قادم
قاسم المهداوى
عثمان البشرى
فيس بوك
تويتر
انستقرام
يوتيوب
بنتيريست