|
دعواتكم لزميلنا المفكر د.الباقر العفيف بالشفاء العاجل
|
|
 Re: زوجتي العزيزه ياهو دا فالنتاينك مع النسوان !!! (Re: محمد عكاشة)
|
ده كـرسمسك مـع الرجـال؟
هذين اليومين للشتاء حديث عذب ضحوك وبسام..
مثلى وكثيرين من الاصدقاء حلفاء للسهر والاسفار ورغبة الاختلاط بالاخرين..
الخوف كتاب عجزت الانسانيه عبر السنين والعلاقات وتعاقب الليل والنهار..عجزت دون فك طلسمه
الخوف عبر رائعة باولو كويلو (الشيطان والآنسه بريم) هو حوار يبعث على الخوف وعلى القوة والتجاوز..
الرواية التى برنى بها صديقى الفنان ايمن حسين قضت مضجعى ليلتين رغم صغر حجمها وساهرت بى كما الشوق فى العيون الجميله...
هذا الصباح والخوف يصطرع بداخلى مع القوة واشياء اخرى عبرت الى المسرح لألتقى بعد اسابيع الصديق طارق الامين حيث نلتقى دوما وحوار متصل حول الفنون والحياة والكتابة وعجز القادرين على التمام..
حوارات شقيه..صقيلة وطموحات كبيره يجهد طارق لانجازها فى بلد للنجاح فيه اعداء وحزب..
كان حاضرا فى حديثه معى بوست كتبته فى تحية اصدقائى المسيحيين وعلى راسهم نيافة الانباصرابامون ..
كان ذلك فى العام الماضى وانا اغدو الى كنيسته بغرض تحيته وتحية عيدهم والاحتفال معهم..
ثم اعود الى البيت ولذكريات الكريسماس وراس السنه صور واحاديث وكذاالصديق طارق الامين..
دخلت الى الماسنجر حيث اطلت صلعة تلمع..
عاينت فاذا عبارة ..ده كرسمسك مع الرجال؟ والاخ طارق فى الناحية الاخرى..
هذا البوست لتحيتكم جميعا..وللاخ طارق فكرة من وراءه..نسمع منه
وكل عام وانتم بخير
محبتى
| |
 
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: ismeil abbas)
|
| Quote: واحمد الله رزقنى بواحدة مخلية دنيايا جنة.ربنا يحفظها ويمتعها بالصحة والعافية |
ياعمك ابوالسباع
انت حبوبتى بت فكى ابراهيم داعيه ليك..رحمها الله رحمة واسعه,, وربنا يديم عليك وعلى اسرتك الجميلة سرالمحبه وسحرالجمال..
باقى كلامك عايز تفكيك..نشوف اراء الاخرين وعقب بجيك صاد
عيدسعيد
| |
|
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: najma)
|
نجمه النجه
بجيك راجع بالحيل
بس للضمان اضيف ناس الفالنتاين ديل
والا شنو ياطارق
وعصام عبدالحفيظ لوقريب
الاثـيـوبية ســاحـرة...فـاتن...وأفضـل من الســـودانية !!!!!
(اذهبوا الى الحبشة فان بها ملك عادل لايظلم عنده احد)
.........
الفنان كمال ترباس بعمامته المهولة عند فندق (لالى بلا) يحدثنى عن الهجرة الاولى ويضيف من عنده بانهم= الاحباش= يستقبلوننا بالبشر والترحاب وبالصبا الغض...
ثم...
السيد صلاح ادريس يستقل طائرته ليحط عند قبر(المك) الذى ملأ الدنيا وشغل الناس لتضم رفاته ارض الحبشة وتحتويه وتوسده الباردة...تحفظ جزء عزيزا من تاريخنا والجدل مشتجر حول اتجاهاتنا صوب المتوسط وخليج العرب..
السودانيون.. خصوصا الذكور منهم تهفو قلوبهم تلقاء (اديس ابابا) وتحن.. وصديقى الفنان نادر خضر يحدثنى عن استقامة مزاجه واعتدال صحته وهو يغنى فى ارجاءها ومساءاتها و(النسيم الماش) ولاغرو..
فى جمعية الصداقة السودانية الاثيوبية شرفنى المحامى المخضرم عبدالمنعم عثمان بعضوية الجمعية ومسوولية امانة اعلامها والفنان عصام عبد الحفيظ فى الامانة الثقافية ليكون مشروعنا قبل سنوات ان نستنجز فلما وثائقيا (نبتة- آكسوم) نرصد عبر التاريخ والجداريات والفنون التشكيلية تلاقح حضاراتنا وتلامح الفنون بين بلدينا...
عصام عبدالحفيظ يعرف اديس ابابا جيدا وتعرفنا..
وهاانذا ألملم اطرافى ياعصام وطلال عفيفى واقول..
(اه منك يازمن النزوح) لاستكمل مشروع الفلم ...
اعود الى (ام در) والاثيوبية..رقيقة الحاشية ذات اعطاف نديانة وذات جيد بعيد مهوى القرط..ودودة...ساحرة..واشد فتنة واغراء..ناصعة المظهر نقية المخبر..تتلطف بى وبامثالى دون ان ترهقنى من امرنا عنتا ومشقة..قليلة الكلام سوى انها مبذولة فى العطاء..لاتتنكب الطريق ولاتخون..تحفظ مالك ونفسك والمواقيت..تمشى على مهل وتطيعك على عجل..
اما السودانية...حدث ولاحرج..!!
لكنى اعود الى الوطن فى صحبتها....الحبشية..
وتلك رفقة مأمونة..
بورداب الخرطوم...هل مايزال مكانى شاغرأ؟؟
مودتى وتقديرى
| |
|
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: محمد عكاشة)
|
Quote: العيب ليس فينا .فى تربيتنا..والمجتمع والخوف من البوح المشروع لمعنى الحب....المرأة حياءآ لاتذكر إسم زوجها..وسنة ما يشوفها بعد زواجها إلا بالليل..كيف يعبروا عن حبهم لبعض..ومن الحضارة والسفر إكتسبنا الكثير وتداخل الشعوب ولكن برؤية نتحكم فيها نحن بلا تشدد أو تعصب..
مودتى...إسماعيل محمد احمد عباس... |
كلام موضوعى
مزيد من النقاش
| |
|
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: najma)
|
تقول لى فالنتاينك ياطارق
شوف الحب والخوف ده
القائمه طويله
ناس تخاف ماتختتيش
نجوم وشخصيات بارزة فى الجمعية السودانية للرجال الذين يخافون من زوجاتهم
صديقى جمال حسن سعيد جسد دورا كهذا فى احدى (متاعبه)الكوميدية..
التجانى..زولا فحل..ارباب ود ارباب..سكينو حمرا..ايدو تسبق تفكيرو..لايخاف احداسوى ابنة عمه..زوجته..يخاف دون سبب وجيه..يخاف والسلام..
صديقى رجل الاعمال المشهور..يغامر فى الاسواق بأمواله ..وبكل شىء..سوى طلبات زوجه..ثم وهو لاعوام يرواح مكانه فى رغبة الزواج مرة اخرى ولو سرا ولكنه يخاف بعبعا ان ينكشف امره ويبلغ ام العيال..
فنان عظيم..فى مشاركاته الخارجية يصحب زوجه..ولا تتخلف الا عندالضرورة الملجئة..
لاعب كرة..تخضع شروط تسجيله لرغباتها..وهى لاتعرف الاوف سايد من ضربة الجزاء..
القائمة طويلة..
هو موضوع تحقيق صحافى اعده لجريدة السودانى..حول المراة وحالات الطلاق بسبب طفشان الازواج مما تضيق به احصائيات المحاكم..التحقيق فى جانبه فتح الباب الى حالات بعض الازواج من الاصدقاء..ثم يعترفون لى سرا..طلبت ان افتح بابا للحوار..معظمهم طلب التلميح الى حاله..
عدا الدكتور ابوالقاسم قور..يخاف فى العلن,,وسوف يرعى الجمعية..
وفى البورد اخرين..
اعود
| |
|
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: محمد عكاشة)
|
خلاســـــــــيه !!!!!!
تسع سنوات مضين..
تسع سنوات وثلاثة اشهر وبضعة ايام وكوكب(فينوس) يتعامد عندى فوق مطلع رائعة ودالمكى ...
الله ياخلاســـيه
ياحانة مفروشة بالرمل
يامكحــولة العينيــن
يامجدولة من شعر اغنية
ياوردة باللون مســــقية
بعض الرحيق انا
والبرتقالة انت
يامملؤة الساقين اطفالا خلاسـيين
يابعض زنجية
يابعض عربية
وبعض اقوالى امام الله
,,,,,,
تسع حجج مضين ومحمد المكى ابراهيم هاجر....
والكثيرون...
هاجر الى وطن للشعر... جديد...وللاغنيات
وهى فى ركابه..
رمزا للحب والجمال..والاستاذ محمود محمد طه... نتحاور حول الهامه وبصره الحديد انا وصديقى قصى مجدى سليم عند مقام السيدة زينب وقنديل ام هاشم يضىء المكان...
كان ذلك قبل اعوام...
والمرأة فى فكر وحياة (الاستاذ) اعز وانضر..
و(ان ثمت امراة تظل روحك معلقة بها أبد الآبدين)
ومضى كل الى غايته...
ومضيت للدعاء بمثل دعاء صديقناعبدالحميد البرنس...
(ولك مثل مالأمى لي من دعاء)
سيداتى
آنساتى
انا هنا..
وفاء لها ولتلك الايام..
ولكن ايضا
فى عيد الحب !!!
| |
|
|
|
|
|
|
|
|
 Re: زوجتي العزيزه ياهو دا فالنتاينك مع النسوان !!! (Re: محمد عكاشة)
|
العزيز محمد عكاشة,,,
بعض الرحيق أنا والبرتقالة أنت بعد ان تغنى بها أبوعركى صارت أشبه بالأسطورة,,,,
حاولت إنزال اللحن المصاحب لكن يبدو أن الأرض مازالت ملّغمة!!!!
طارق الأمين يا بتاع السايكولوجى إنت يااااااااااا,,,
كل عام وأنتم بخير ,,
تحياتى,,
| |
|
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: محمد عكاشة)
|
ناس الفالنتاين كيف مع ديل
للجندريات فقط....راجل المره حلو حلاه !!!!!
هاقد عدت الى بلدى...بلد المصيبات العجيبة..
جدى حدثنى انه وقبل أربعين عاما من الان قد هب مع بعض اقاربه فى طلب احدى حسناوات حى ابوروف...
والد الفتاة رجل صالح ومن افاضل المدينة..جدى قدم العريس بانه ولد مستقيم لم ترتاد قدمه منتديات الخمر ولايعرف طريقا للنساء ولا يلعب الميسر وهو فى طريقين لا ثالث لهما... من بيته الى العمل ومنه الى المسجد..والد الفتاة نظر اليه طويلا واطرق الى الارض ثم قال...
( والله ياجماعة كتر خيركم وبارك الله فيكم...وانا داحين ماعندى راى فيكم..ناس افاضل ومعروفين..لكن ياحاج ولدكم ده لاجرب الخمر ولاساسق فى درب النسوان جايبنو لى لى بتى اسوى بى شنو..انا عايز لى زولا مقرم وشفت يحميها...)
والايام ماضية... والغناء حامل ثقافة المجتمع والناس... يسمو بسموهم ويهبط بهم عندما يهبطون..
بعد سنوات من طلب قريبنا المودب...كانت الفتيات يتطلعن باعجاب الى(الماشى لى باريس ..جيب لى معاك عريس...شرطا يكون لبيس من هيئة التدريس) حتى اصبح يوم على المدرسين (معلمين)فيه الله من كل شىء بعد زحف المغتربين المقدس وقضائهم على الاخضر واليابس وليتهم ينتقرون خطيباتهم فى لقاء مباشر فى اجازتهم,,, بل يختارونهن عبر اشرطة الفيديو فى الاعراس وهم قابعون فى اغترابهم يسمرون..
وفى عهد تالى كان عز الطلب (وليد دارفور بمشى معاك الليلة..محل ماتدور بمشى معاك الليلة) ولا انسى بينهما من(بتغنيلو بت عباس..ألفى القهوة مو جلاس) ...زمن..
ثم كان لبنات الخرطوم فى عهد زاهر مونق فى السبعينات معاير راقية فى الاختيار خصوصا بنات نمرة اتنين..كن يتطلعن فى شموخ الى (الزول القيافة ..الفايت الناس مسافة) وده مستوفى بالضرورة شرط التعليم والتنشئة المميزة والحضور الجميل..من اعلن النعى على زاك الزمان..
حتى وجدنا انفسنا مطلع التسعينات فى( جلجلة وشيتن يحير) والفتيات يتقافزن فى طلب عريس(جبهة) حيث يمضى بالدثور والاجور ليبقى الشباب الكادح فى ليل من الاسى ومر الزكريات...
عدت سادتى والدكتور حسن الترابى يفك فى فتاواه اسر المرأة وزعيم حركة حق الاستازة هالة عبد الحليم تتصدى له وتحمله مسوليات جسيمة..ومسولياته فى تراجع دور المرأة وتقهقر مكانتهاوضمور فعاليتها فى المجالات كافة ...
ثم,,,
والغناء حامل ثقافاتنا..
لاحضر مناسبة لاحد الاصدقاء والفنانة تقدم اجمل الاغنيات وتختتم بى (راجل المره حلو حلاه) والصالة تموج وتطرب برقصات محمومة...بنات فى عمر الزهور..سمحآآآت بالحيل,,,
مارأيكم... والجندريات؟؟؟!!!
| |
|
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: أيمن الطيب)
|
مداخله مهمه جدا من الاخت حليمه محمدعبدالرحمن فى بوست
نجوم وشخصيات بارزة فى الجمعية السودانية للرجال الذين يخافون من زوجاتهم
الخواف ربي عيالو
معاي؟؟؟
جيتكم استجابة لاستفزازكم لي بغياب الجنس (المدعو) لطيف..
وشايلة معاي قفة مساهمة.. اسميتها كارثة مارس..لكم مطلق الحرية في الحاقي بعنوان البوست: نجوم وشخصيات بارزة في الجمعية السودانية للرجال الذين يخافون من ازواجهم..
طبعا ما بقبل بفقرة صغيرة في داخل الدستور..
بل اطالب بتغيير العنوان وذلك الغاءا للجندرية الانا ظاااااااااااتي بشتكي منها..
المشاركة الجاية ليست رهينة بقبول العضوية وانما بالغاء كل المظاهر الجندرية، ولا انا بعمل بوست بفضح فيهو كل المتزوجين المسنقلين روحهم في المنتدى، واشرح واحكي واشَرِّح في حكاية خوف الرجال من النسوان وبالادلة والبراهين القاطعة كمان.. المشاركة دي عشان اعترف ..ولا بلاش..!
هاكم مشاركتي، عربون صداقتي
كــــارثة مــارس..!!
حليمة محمد عبد الرحمن
ما المانع أن تقدم لنا في ذكري يوم المرأة العالمي خدمات فندقية خمسة نجوم، طالما نحن جرسونات 363 يوماً؟
لماذا لا نتبادل الأدوار، فاستأسد يوماً واحداً..ويخلص حقو قديم وجديد في باقي السنة؟؟
مارس شهر الكوارث عاد..فعادت اليَّ احلي الليالي..!!
: تيتي.. تيتي
متل ما رحتي جيتي..
حاشية: تيتي طيبة الذكر هي الذكر السنوية للثامن من مارس والتي تعرف بيوم المرأة العالمي..
مارس ليس من الشهور المحمودة الذكر.. يكاد يكون التؤأم للرقم 13 لدي الغربيين..
هل تذكر كل النساء الثامن من مارس من كل عام ؟
قلة فقط هي التي تمتلك المعرفة بحكم الوراثة أو الممارسة..
أما الغالبية وأنا منهن- تمر ذكري هذا اليوم من كل عام ناهيك عن أن تمر بخاطري, علي الرغم من أنها أحد مظاهر الثقافة في هذا الزمن والأبهة الاجتماعية . ما أحوجن إلي ذلك..!! كيف لا والكم قد فغر فاه متجاوزاً الكُم..
كـًل ياكـُمي..!!
رغم كل الهرطقات اللفظية والمعرفية والوجاهية-هذه من عندي- السابقة لا اذكرها ..مثلها مثل رفيقتها المرحومة ذكر الزواج..!! ليس نكران جميل مني..ببساطة شديدة لم تحتل هذه الذكري حيزاً كبيراً لا في عقلي الباطن ولا الظاهر.. حينما كنت في المهنة، كانت بعض المنظمات النسائية تتطوع وتخسر من جيبها لتذكيرنا بها.. فنجتمع ونسولف ونتقهوج ونأكل الكيك حلو الطعم في إحدى القاعات المكندشة ونعود نعتلي الدفارات عائدات مساء نفس اليوم إلى مساكننا..!!
لعل المفارقة بين الضل البارد وقهوته الحلوة وبين الدفار نقل مواشي، متون وحواشي، هي التي تجعلنا نستطعم الكيك لفترة طويل..ونلوك كذلك ذكري مارس..!!
ولكن ماذا لو تم تفعيل ذكري مارس بحيث تصير اكثر جدوي وفاعلية؟
يا حرام..
ماذا لو تبنت القوانين الوضعية إعطاء المرأة حق يوم كامل..أربعة وعشرين ساعة بالتمام والكمال.. إجازة كاملة عن الأمومة والزواج مع الإعفاء التام عن ضريبة مشتقات الأمومة التي تشمل إعداد الطعام ومصاقرة المطبخ من بداية الدوام.. آنذاك، سيكون لمارس صدي واسع ..
يوم واحد يا أخوانا..
**************
ما الذي يمنع أن تكون كل الأيام أعيادا لهما الاثنين، وليس أن تكون القسمة ضيزي. يوم واحد لها وكل الأيام له، رغماً عن عدم التصريح بان كل باقي السنة رجالية. لماذا لا تكون كل الأيام 8 مارس للاثنين. وليس سنة كاملة كل أربعة أعوام، لواحد منهما وللآخر يوم واحد..
ماذا لو قبل الزوج في ذلك اليوم بالاضطلاع بالأعباء المنزلية من نظافة وطبخ ورعاية الأبناء وتلبية مطالبهم ؟
ما الضير في أن تقديم خدمات فندقية خمسة نجوم، لنا في ذلك اليوم ، طالما نحن جرسونات 363 يوماً؟
ما المانع أن نتبادل الأدوار، فاستأسد في ذلك اليوم و "يستنعم" هو؟
**************
أضغاث أحلام..
يا فتاح يا عليم.. يا رزاق يا كريم.. اليوم هو اليوم الموعود..عنكبة عكننة .. مغبونة أنا..!! يا حليلو مشوار السنين..!!
اليوم أمر.. وغداً الله كريم..
" أصحو متأخرة من النوم وابدأ اطَـِرق في حسي: ما جهزت ليّ هدومي ليه؟-علي فرضية أنني موظفة أو مثقفة- ما كلو زي بعض- وين الفطور ؟ الشاي بارد ليه؟ غيرت للولد البامبرز، رضعتو البزازة الكبيرة بتاعت الحليب ؟ جهزت للأولاد الفطور والعصير بنفس الطريقة بتاعتي ؟ وضعت دفاتر اليوم في الشنطة ؟ إنشاء الله ما نسيت الأقلام والاساتيك؟
الثورة انطلقت..!!
فش غل تمام.!! محاسبة صرا طية. وهو يرتجف، أمامي.. !!
يا سلام!! إحساس جميل بالهيمنة!!
قد تمتد يدي بحثاً عن شنبي لأبرمه!!!.
فجأة يخطر علي بالي سفر "المثقفاتية" والجماعة بتاعين "الشِبَك"..
اخترع لي سفراً مفاجئاً لمواساة المرأة الفلسطينية أو الكشميرية أو حتى الأفغانية-اللائى لم يترك لهن الإعلام أوراق توت يسترن بها غبنهن الاجتماعي- ، في أوضاعهن المأساوية.
أقدامكن لابو ابراهيم وإنشاء الله ما يكابروكن في الشينة..
في حضرة الكاميرات، ساكون آخر أبهة ، ابتسامات محسوسة ومصافحات مدروسة...
سأتكلم – إن طلب مني ذلك أو لم يطلب-عن حقوق الإنسان والمساواة بين الجنسين، أصرح بأنه لا يوجد ما يسمي " بالجندرة" في حياتي.
ومروراً بالجندرة أتطرق إلي "قريباتها القـُندُرة والفندرة والصندرة والشَرَاية والنَقَدَة.. وكيف ان الحضارة أنثى والذي يقوم علي تفعليها رجل.. كما لا انسي الوقوف عن أطلال صراع الحضارات الطارف والتليد..
واحلل بذلك ثمن التذكرة والفندق والنثريات اليومية لأعود واضمن ذلك في التقرير الذي أكون قد أعددته مسبقاً..
كل ذلك في يوم واحد اسمه الثامن من مارس..!
لن انسي السوق.. لب الموضوع أساس السفر. والصور الفوتوغرافية.. لزوم التوثيق.. سأبتسم للكاميرا.. اكثر مما ابتسم لزوجي وأبنائي.. اجتهاد تام في استيفاء كل شروط القدوم والاستقدام..!!
ولا انسي أن المرور علي عناوين الأخبار حتى لا تفوتني المواكبة.." طبعاً.. موش مثقفة؟".. سأردد كالببغاء المقولة المحفوظة : "نحن أمة سياسية. نتنفس السياسية ونلوكها ونمضغها ولا نلفظ القضية.. لا نفرق بين الصاروخ ولا الطيارة ولا الغارة الجوية..!! نحن "قواعد" سياسية ، مسيسة ضليعة وضالعة ورؤوس فارغة.. نحن أمة موغلة في الضياع المعرفي.. والمعرفة الضياعية.. ضياع القاعدة "المكربة" ناتج عن ضيعة الرؤوس الضائعة..التي اجتهدت في الأعمال التوثيقية، فجعلت لكل حادثة حديث موثق، ودفنت كل المواثيق والوثائق القديمة أقامت علي أكوامها وثائقها الجديدة..
كاميرا فلان الفلان.. إعلام علان العلاني.. وصور جانبية وصور بابتسامة وصور ذات ابتسامة رمادية، كل حسب الأوضاع والوضعية..
وصور عادية لزوم الأرشفة والاختيار المعلب..لفلان الفلاني.. ألبومات صور..
ما بين "القاش" والقاشات ..ضاعت الحواشات"..
سأتحدث عن هجرة الريف إلي المركز وهرب المركز إلي الخارج.. عن الريف الداخل والحضر الخارج. و"سأسولف" وأُسوِف عن ترييف الحضر وإفراغ الريف .. عن ضياع الاثنين .. سأتحدث عن إدبار الريف عن الدَبَر والمايو والزريزيرة والفترينة وتعلقه الغريب بالرغيف !!
"آ القمح أمانة ماك سمح".
سأتطرق أيضا إلي الخارطة المتمددة ..والداخل المتقلص.. وحسن المعيشة المتفلت..وعن الانفلات الاجتماعي.. وائتلاف الانفلات..
وتضج الحروف والمفردات.. لسان أعجمي يرطن وآخر عربي مبين..
ألفاظ تتلاعب.. كلمات ملعوبة ومحسوبة ومحفوظة مثل أحاجى الحبوبة..
لعبة في لعبة هي الحياة..
وما أعجب إلا من راغب في ازدياد..
عجبي..!!
كما أن "الموجب" واجب.. ستشكرني الأخريات.. ويدعين لي بان " لا يكابرنني في الشين." مكابرة مدعومة..
"الموجب واجب".
سنتعازم.. يعزمنني مرة .. واعزمهن مرات كثيرة.. "يا مقدم السبت ، تلقي الأحد." والكراع الغبشة بتجيب الممسحة.. ويصير البيرديوم من الثوابت في حياتي.. سأنتعش وتخرج من غرفة الإنعاش نثرياتي..!! ستصير الأمور تمام.. حدث يا سلام.. وينطلق قطاري..
"الأبيض قام يا سلام خلي الحلة تمام.."
صباح الخير أيها العالم..
لا مساك الله بالشر أيها الثامن من مارس..
ليت شمس التاسع منك لا تشرق أبدا.. لن تسقط الراية.. الأربع والعشرين ستتمدد..
يا لمقلب الفيمينزم..!!
اليوم أمر.. وغداً إحساس آخر.. قد يكون امَرّ؟؟
اللهم اجعل أبو الوليدات ضمن الفئة، التي جعلت من بين أيديها سداً ومن خلفها سداً و أغشيتها فهي عمياء عن القراءة والسمع في هذا اليوم..
ابتسم.. حسنة ليست مضروبة(من ضرائب).
شمس مارس توشك علي الغروب. سأقضي أمسية بيضاء.. لن يغمض لي فيها جفن..
لن أتنازل عن عرش اعتليته بعرق جبيني.. وسيل عرق أخريات وآخرين.. أخوان بنية.. الله يجازي محن الفيمينزم..
ليت شمس التاسع لا تشرق.. يخيب الرجاء يؤاد الأمل الوليد..
هه .. ابتسم .. "التتفاولو تتناولو" كانت جدتي تردد..
"الغبطة فكرة." صرخ مفكر فذ..
جدتي كانت كذلك..!!
صباح الخير أيها العالم..!!
مساء الخير أيها الإحساس الجميل..!!
ابتسم..!! لن تقف في صف لترد ثمنها..!!
تقدير وعرفان..
يا للحلم الجميل الذي رفع رايته رجال ونساء أعزاء آلو علي أنفسهم الوقوف في وجه عادات وتقاليد المجتمع دون الخروج عليه، فوجد التغيير تربة خصبة، فانبت ثماره. من كل لون بهيج..
في مثل هذه الذكري نزجي التحية لذكري الشيخ بابكر بدري الذي اخذ علي عاتقه تعليم المرأة قبل قرن من الزمان في مدينة رفاعة في ذلك المنزل "الطيني" ، لتضطلع أسرته بإنشاء أول جامعة نسائية في أفريقيا قاطبة، تعمل علي النهوض بمقدرات المرأة في الريف.
والتحية أيضا لروح الشاعر الفذ خليل بن فرح الذي أراد للمرأة السودانية اللحاق بركاب الأخريات والانعتاق من قبضة العادات والتقاليد التي كانت تضع متطلبات خروجها في أربع او ثلاث حالات: من بطن أمها للدنيا ومن بيت أبوها لبيت راجلها ومن هذا الأخير للمقابر..
"انتي يا الكبرتوك، البنات فاتوك في القطار الطار".
وللكثيرات تتقدمهن خالدة زاهر سرور سادات رائدة الطب وعزيزة رمضان رائدة التمريض، والسسترات بتول محمد عيسي وجنيدابية صلاح الدين اللائي ناهضن خفاض المرأة وحواء البصير والأستاذات مدينة وفاطمة طالب وثريا امبابي و حاجة كاشف بدري و وفاطمة شوقي وغيرهن من رائدات التعليم.. وكذلك د. امال نور الدائم في مجال الصيدلة وزينب شبيكة في مجال الهندسة سنية الرشيد في مجال القضاء..الخ . كما لا ننسي الوقوف عند ذكري الصحافيات الأوائل اللائى اصدرن مجلة صوت المرأة منذ الخمسينات: فاطمة احمد إبراهيم، والمرحومة د. زينب الفاتح البدوي.. وغيرهن وغيرهم من الكوكبة السودانية التي أضاءت شمعة في دياجير ظلام تلك الأيام..
لابد من وإسدال الستار علي النفخات العنترية..
اللهم اجعله خير..!!
الثامن من مارس أدبر والتاسع من مارس اقبل..
صابحنا الواقع النكرة وطارت الفكرة الـ"..."
ليت اليوم لم تشرق شمسه..!!
تيتي ..تيتي..
غيرتي شكلك ولا نسيتي..؟؟
ودمتم
حليمة
| |
|
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: محمد عكاشة)
|
| Quote: ما الذي يمنع أن تكون كل الأيام أعيادا لهما الاثنين، وليس أن تكون القسمة ضيزي. يوم واحد لها وكل الأيام له، رغماً عن عدم التصريح بان كل باقي السنة رجالية. لماذا لا تكون كل الأيام 8 مارس للاثنين. وليس سنة كاملة كل أربعة أعوام، لواحد منهما وللآخر يوم واحد.. |
| |
|
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: محمد عكاشة)
|
عكاشه الحميم
بتفتش الضل في جناحات الطيور الجارحه؟
علي قول صاحبنا عثمان بشري
غايتو احتياطا كده احكي ليك قصه
ابو ساندرا داك لمن جانا في الخرطوم وزع نمره رشيده مرتو الفي قطر
ادي النمره هنا لي اي زول ووصاهم
قال ليهم شاغلوها
حبوها
جكسوها
اي حاجه
بس خلوها تطلعني من راسا اليومين ديل
اها
اسع زي دا وينو فالانتاينو مع الرجال
ملحوظه ( توجد فتنه)
بجيك صادي
مع الرجال
او مع النسوان
اها فلانتاين الخير والسرور
يعود علينا وعليكم بالرحمه والبركات
قال الشاعر
بلانتاين بلا لمه
وقال البحتري
فلانتاين اخو انشتاين
اولاد عمك الحاج تاين
عليه الرحمه
اها
تاين اذ اوفر
مالك تاين لي بالرقراق
فلا نتاين ولا غير تاين يستطيع
لانو بصراحه في الفلم دا
يبدو انو البطل
كتل التاين
و هاو ار يو
ثانكيو
ايام تاين
بجيك صادي تاين
نولع الرتاين
والغرام في وشو تاين
الكلام دا ذكرني
ادروب سايق امجاد وقف قدام جامعه الخرطوم
مرو قدامو طالبات سميحات وانيقات وجدااااد لنج
لدهشتي عاين فيهم وشاغلن بي صوت عالي قائلا
( ديني انايا
اهفاد سايكولوجي يا)
| |
|
|
|
|
|
|
|
|
|
Re: زوجتي العزيزه ياهو دا فالنتاينك مع النسوان !!! (Re: محمد عكاشة)
|
يا محمد يا
ازيك انت وطارق خايفة منكم؟
فتحت المسنجر
ترتررب يجينى ليك عكاشة
ياربى عكاشة دا منو ؟
اها بعد شوية كدى جانى ليك لنك طاير
دى زى جانى بريدو طاير
ياحليل زمن الجوابات الغرامية
وساعى البريد
ولمن تجيك رسالة وفيها ريحة
تقرا وتبكى
وفى الداخلية لمن يجيك جواب من الاهل او الحبيب
المهم القى ليك عنوان "زوجتى العزيزة ياهو دا فالنتاينك مع النسوان"
اجمل حاجة اننا نحب
مش؟
اجمل حاجة فى الدنيا اتنين
الحب
لمن تحب عملك وامك وابوك وزوجتك واولادك وبلدك دا اعظم حب
لكن تقول لمين ياعمنا؟
هسى حاولت اعمل ليك"add
فى المسنجر
add دا كلام دا؟
و"اد " الحبيب
فعادت الى احلى الليالى "
"واد الله "زول عندو نزلة
وادى ربنا وادى حكمتو
"واد اتنين تلاته"
"اد" يا اولاد امى دى ما طريقة دى
| |
|
|
|
|
|
|
| |
محمد عكاشة
ismeil abbas
أيمن الطيب
سلمى الشيخ سلامة
ابراهيم سائحون
بكري الخير
فيس بوك
تويتر
انستقرام
يوتيوب
بنتيريست