رجل الاعمال الاثيوبى قيتاجو الذى يزور السودان هذه الايام ربما يقوم بعمل استكشافى كبير لصالح السياحة بين البلدين وهو ضيف علي الاستاذ احمد طه الجنرال بخبرته فى العلاقات الاثيوبية السودانية ومشروعات السياحة...الجنرال تقدم وفد بعض وكالات السفر والسياحة الذين كرمتهم الخطوط الجوية السودانية لتميزهم فى أداء العام الماضى برحلة سياحية جابت مناطق عدة فى اديس ابابا ,,نهضت الى علياء جبل انتيتو وسفحه المطل على مدينة (الزهرة الجديده) بخضرتها المونقه وهواءها العليل ثم مضت الى منتجع كورفتو العجيب وسودرى ...الزيارة نهج بديع لتحفيز الوكالات وتنشيط السياحة من والى اثيوبيا والتى دللت على جدوى ان يتجه السودانيين متى رغبوا تلقاء الهضبة ببردها وجمالها وهواءها العليل بدلا عن بذل الاموال لقضاء الاجازات فيما اعتاده عامة اهل السودان فى بقاع باهظة التكاليف قليلة الحفاوة بنا رغم كوننا أناس كرماء وطيبون ... اثيوبيا بلد تتصل اواصر الجوار بيننا وبينهم عبر تاريخ بعيد منذ اكسوم وحضارتها التليدة الباذخة وأقوامهم تشبه الى حد كبير اهل السودان وتكاد تكون نفس (الملامح والشبه ) لولا اللغة وهذه نفسها لاتنهض عائقا ضد المحبة الخالصة والكرم الفياض الذى يسبق اليك فى حال من السحر كما الاساطير حتى أطلقنا على صديقنا قيتاجو لقب الارباب من فرط كرمه ورحابته وخاطره المسماح..هذا فضلا عن التقارب فى مجال الموسيقى والغناء عبر تعاون مثمر ومستمر حيث يلقى الموسيقار وردى شعبية ضخمة هناك ولقد كان لاحتفالهم به يوم الملينيوم صدى كبيرا حيث رقص الرئيس ملس زناوى وزوجته على أنغام (ماتخجلى..يالسمحه قومى استعجلى ) لتصدر صحف اديس ابابا اليوم التالى والشعب الاثيوبى يشهد لاول مرة رئيسه يرقص نشوانا للحن فنان الذى أود تأكيده أن رحلة وكالات السفر والسياحة الى اثيوبيا ينبغى ان تؤتى ثمارها حركة ناشطة للسياحة بين البلدين توثيقا لعرى علاقة ازلية بين بلدين شقيقين لا يجمعهما الجوار فحسب وانما علائق تاريخية وثقافية ومصيرية ونسب موصول وهذا مجهود يتطلب تتضافر الجهود من كل الجهات بدء من وزارة الثقافة والسياحة وجمعيات الصداقة الشعبية والفنانين والناس العاديين اذ أن قضاء عشرة ايام فى تلك البلاد لايكلف شيئا كثيرا خصوصا الأسر ويعود عليهم بالصحة والعافية والتأمل فى منظر خلاب ...هى دعوة لرحلة سعيدة نيابة عن أهل الزهرة الجديدة وبحر دار
06-04-2010, 06:40 PM
انور التكينة انور التكينة
تاريخ التسجيل: 01-14-2009
مجموع المشاركات: 3374
ازيك يا عكش .. مشتاقين .. بالفعل .. لم تتح لنا زيارة اثيوبيا و لكنى شاركتهم احتفالهم بعيدهم الوطنى الاسبوع الماضى بمنزل السفير .. يا اخى ديل ناس حلوين و فنانين ، و طربنا معهم بالفن و الرقص البديع حتى منتصف الليل ، و لم تبخل الطبيعة علينا ، اذ صادف ذلك اليوم اول مطرة فى الخرطوم .. ما تتخيل يا عكش الجو كيف .... تدى ربك العجب .. الرذاذ و الغناء و الرقص ، كانت فعلا ليلة من الف ليلة و ليلة .. و ان سنحت الفرصة فسأرفد المنبر بصور ذلك الحفل البهيج ..
06-04-2010, 06:53 PM
تبارك شيخ الدين جبريل تبارك شيخ الدين جبريل
تاريخ التسجيل: 12-03-2006
مجموع المشاركات: 13936
الاخ الزميل انور كيفك يارجل وانت ضمن الحزب الجمالى فرع الهضبة حفل العيد الوطنى لم نحضره فى حضرة السفير على عبدو ولكن شاركنا الاثيوبيين عيدهم من هناك الجو بديع وساحر.. هى دعوة لك لحضور العيد الكبير فى 10 سبتمبر خليك جاهز الصور ضرورية ومهمة لهذا البوست تسلم ياجميل
06-05-2010, 10:17 AM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
بدعوة كريمة من الدكتور نورالدين ساتى سعادة السفير والممثل الاقليمى لمنظمة اليونسكو فى اديس ابابا قمت بزيارة ضريح الملك الصالح اصحمة النجاشى فى ارضه... ارض الهجرة الاولى ولقدكانت الزيارة ضمن احتفالية ضخمة تتم راتبة كل عام فى يوم عاشوراء ويؤم المكان خلق كثير يفدون من ارجاء الحبشة ومن تخومها المجاورة من اليمن وجيبوتى والصومال ومن اقوام اثيوبيا المختلفين بين الامهرا والتقراى والارومو والعفر واختلاط اجناسهم بدول الجوار......
منطقة النجاشى التى تقع فى ارض التقراى موطن الرئيس ملس زناوى وهواقليم معظمه من المسلمين...هذه المنطقة شهدت هذا العام حضورا مهيبا وقد كان لمنظمة اليونسكو دور كبير عبر مركز النجاشى الذى تأسس وفقا لاهداف جامعة ترنو نحو افق بعيد وهى تتخذ من (حولية) النجاشى منطلقا لتعبئة مطلوبة نحو التوحد والتسامح واعلاء قيمة التعايش الدينى فى وطن متعدد الاعراق والديانات ويتطلع نحو البناء بخطى متئدة ولقد كان لحضور المسؤلين الاثيوبين معنى كبيرا يدفع فى ذات الاتجاه..
النجاشى الذى وصفه الرسول عليه السلام بالملك العادل الذى لايظلم عنده احد وهويأمر الصحابة بالهجرة اليه ثم وهو يصفه لاحقا بالرجل الصالح ...النجاشى عند ضريحه يرقد عدد من الصحابة ابرزهم عدى بن النضر ويفد اليهم المسلمين من بلاد بعيدة بغرض الزيارة والتبرك والتأمل فى سيرة الرجل العظيم حيث تجد اقواما من تركيا والبلقان ونيجيريا والبلاد العربية...
احتفالية النجاشى ينهد اليها من الحبشة كل عام المسيحيين والمسلمين واللا دينين على حد سواء بحسبان الملك النجاشى رمزا روحيا كبيرا ومحلا لاتفاق الجميع .. والاحباش على نحو عام هم اكثر الشعوب اعتدادا بتاريخهم وثقافتهم وتفاصيلهم الخاصة ويتبدى ذلك بصور واضحة فى تاريخهم الخاص وتركيزهم على على لغاتهم ولهجاتهم حتى فى مناهج التعليم وعبر رعايتهم الاثار والرسوم والجداريات الماثلة فى انحاء مختلفة وحرصهم الدائب على تذليل الصعاب لحركة السياح والمختصين لزيارة تلك المعالم والدولة فى ذا تبدى اهتماما كبيرا سواء بسواء مع حرصها على حماية البيضة والذود عن الحدود المتفجرة فى نواح عديدة .. والى نحو هذا اكد وزير الثقافة الاثيوبى على رغبة الدولة المستمرة فى فتح خطوط للتواصل مع الجيران مثل السودان لما بين البلدين من اتصال عميق وترابط حضارى يتبدى عبر الجداريات والرسوم فضلا عن التداخل الثقافى والاثنى فى تاريخ متصل دون فجوات...
اهتمام الاحباش ودولتهم بقيمة الاثار وتراثهم يدفع نحو منضدة وزارة الثقافة واهتمام دولتنا الموقرة بما يستتر فى جوف ارضنا من اثار حضارية لقيت اهتماما كبيرا من المختصين الاجانب فى دراسات وحفريات مشهورة اثارت جدلا كبيرا ...
وزارة الثقافة عندنا يجب الايقتصر دورها على تنظيم ودعم المشاركات الخارجية فحسب وانما يتعداه الى مهمات التخطيط الثقافى الشامل وبحث سبل رشيدة لجذب السياح والتعريف بأثاره وحضارته واثاره التى غدت دارسة من فرط الاهمال اذ ان مصلحة الاثار لاتجد دعما يعزز دورها فى البحث والتنقيب وتموبل الخطط الكفيلة لابراز معالمنا الباذخة ومما يؤلم ان الدولة فى حومة اللهث المستمر نحو التغيير والتعمير قد اتت على جملة مما يمكن اعتباره اثرا حضاريا فى انحاء كثيرة سوى ان وزارة الثقافة فى مستقبل نرجوه ينبغى عليها ان تنهض بقوة وعزم للقيام بواجبات مهمة نحو تراثنا وآثارنا التاريخية وهذا حديث نلفت اليه الشاعر كامل عبدالماجد مستشار الوزارة وهو رجل يعرف عبر قراءاته الواسعة واسفاره واهتمامه الخاص بمثل قضايا الاثار والفلكلور ودورها فى التعريف بالشعوب وتوثيق صلاتها بالاخرين هذا اضافة الى واجب ملح فى ظل تداعيات الاوضاع السياسية بضرورة ابراز التنوع الثقافى والاثنى والدينى بحسبانه لازمة نحو الوحدة الوطنية وهو=كامل= يعرف ايضا الدور الذى كانت تقوم به فرقة الفنون الشعبية فى عهد الرئيس الاسبق نميرى فى عكس وجه السودان الثقافى وهى من ثم دعوة للاهتمام بها وهى تترنح لتغدو اثرا بعد عين...وفى هذا يجب ان اشير الى مشاركة كبيرة فى الايام القادمة من خلال اوبريت النجاشى الذى يحتشد لانجازه عدد من الموسيقيين والفنانين السودانيين وهو يحكى عمق العلائق بين الشعبين واتصال حضارتيهما وهو عمل ملحمى بديع وفيه نظر نحو مستقبل البلدين....
الحديث حول احتفالية النجاشى هو تركيز على المركز الذى يحمل اسمه ليقوم بدور اكبر من مهمته فى داخل الحبشة و يتعداه الى المثقفين والمختصين فى السودان فى التاريخ امثال الدكتور جعفر ميرغنى واخرين لرفد برامجه ودورياته وبحوثه اذ ان المركز ومن وراءها ممثلية اليونسكو يدينون بفضل عظيم الى اهل السودان من العلماء والباحثين فى حلقاته ومناشطه خصوصا وان ثمت مشروعات هامة يمكن انجازها فى المستقبل وللدكتور راشد دياب تصور لرصد العلاقة بين الشعبين عبر الفنون التشكيلية ومن خلال جداريات اكسوم ومقاربتها بحضارة نبتة ومروى ودراسات اخرى مفيدة...
الجارة اثيوبيا التى تمتد الوشائج بينها عبر النيل الخالد ومن خلال روابط اثنية واجتماعية وتلامح الوجوه والفنون يتطلب النظر الى تدعيم علاقتنا بها عبر مؤسسات البحث والاثار ومناهج المؤرخين والفنانين والمثقفين اذ هى اعمق صلة وقربى وأحمى لجوارنا ووحدتنا المرجوة !!!
06-05-2010, 10:32 AM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
الاخ تبارك تحياتى ياصديق بالنسبة لاطفالك درجة الحرارة هناك تتراوح بين 14 و20 صيفا..شوف درجة حرارتنا كم ؟؟ والجو صحو للترويح عنهم وكذا فرص الالعاب فضلا عن الحدائق الغناء..الطعام جميل..صحتهم تزيد وتربو.. بالنسبة للزوجات ..الى جانب ذلك الذى ذكرت لتعرف أن لزيارة الحبشة وجوه عدة للمتعة والسياحة وتأمل سحر الطبيعة لا كما يرد فى خيالاتنا.. بالمناسبة نشطت رحلات العرسان هذه الايام.. كل الود
06-05-2010, 10:51 AM
حامد محمد حامد حامد محمد حامد
تاريخ التسجيل: 11-18-2008
مجموع المشاركات: 3085
الاخ حامد تحياتى اتحاد اصحاب وكالات السفر بصدد عمل رحلات سياحية بتكاليف مختلفة فى الايام الجاية .. لكن كحد ادنى 10 ايام مع صديقين بما يعادل 500 دولار للفرد.. الفيلا فى بين 20 الى 40 دولار لليوم الاماكن كتيرة للزيارة..نازريت..منتجع كورفتو..جبل انتيتو مريام..دبرازيت..شلالات تبسا..ودى قريبه من اديس..ولكن ضرورى زيارة بحر دار مسافة 8 ساعات من اديس بالسيارات.. الصور تجيئك لاحقا.. وبعض تفاصيل التكلفة بس ابقى جاهز للسفر
06-05-2010, 11:58 AM
انور التكينة انور التكينة
تاريخ التسجيل: 01-14-2009
مجموع المشاركات: 3374
رغم مظاهر الفقر المنتشرة في شوارع العاصمة أديس وكذلك سوء وتدني الخدمات والتي يمكن للزائر أن يلتقطها وبسهولة ومنذ الوهلة الأولى .. إلا أنو أثيوبيا تبقى جميلة بشعبها الفرايحي والجميل وطبيعتها الخلابة وجوها البديع ..
يعني بالعربي "وده تقييم ووجهة نظر شخصية ليس إلا" أعتقد انو أثيوبيا لا تملك من مقومات السياحة إلا الأشياء الثلاثة الفوق ديل ..
لكن إذا مشيت ليها وفي البال إنها دولة متقدمة أو كل شيء متوفر فيها .. حا تتعب روحك ساكت
أنا بتكلم عن فترة ما بعيدة وما أعتقد انو خلال تلك الفترة القصيرة ممكن أثيوبيا تكون حققت قفزة في مجال الخدمات تجعل منها بلد أو وجهة سياحية مناسبة لكل الفئات ..
ولا رأيك شنو يا عكاشة ؟؟
06-08-2010, 01:52 PM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
صدفة غريبة .. امس بالليل كنت قاعد مع بعض الاصحاب فى دوار العمدة وواحد من الاصحاب لاول مرة يمشى هناك وقال عن هذة الدولة مالم يقلة مالك فى الخمر .. تقول لى سياحة برضو .!!
بالواضح كدا ومن غير لف ودوران .. بلد بتاعت فسااااااد ...!
06-06-2010, 00:04 AM
د.محمد بابكر د.محمد بابكر
تاريخ التسجيل: 07-16-2009
مجموع المشاركات: 6614
وفي الحبش وبلدهم ... شي من بلدنا حاجت بنستبينه وحاجات برضها بتظل خافيا علينا مرات أخوان أعزاء بالمنبر بقولوا كلمة حبش ما برضاها الحبش صاحبي حسين إبراهيم قال لى السودانيين ديل في اى حاجة فهمهم بره ؟؟؟؟؟ كيف الناس ما بترضي الكلمة البتكون عندهم محل إنتماؤهم وفخرهم .....ولو فسرته حاقوليك الحبش هم أهل الحبشة بمختلف إثنياتهم وديناتهم وكل من انتمي للهضبة الإثيوبية معنها الاكتر تحديد عند اهل الهضبة غنها بتوصف اهل الشمال ( التجراى ) وهم البلدهم الحبشة وهم الحبش عند غيرهم من أهل الهضبة إن أردوا بالكلمة ان تكون اكثر تحديدا ....... وكل بلاد التجراى , مغلى , أكسوم , عدوه , شّره .... بتدخل في المفهوم ده
وديل أهل الجّبنة البتطابق جبنتنا السودانية غير الأخرى السوداء ذات العنق الطويل ( الامهرية ) ... في بلادهم الهي بلاد النجاشي وملكة سباء والحضارة اكسوم , التطابق البتكلم عن وده بمشي لادق مظاهر الحياة ... بصورة تحيرك جرد الصورة من صوت الكلام ما حتفرقه من أى حته في السودان ... طلاب الخلوه الصغار متحلقين حول شيخهم الافي العمه البتختلف من عمتنا عمتنا اكبر ويمكن كبره الزمن .......طبعا برضوا لازم تدقق هناك رجال الدين مسلمين ومسيحيين بلبسوا نفس الثياب البيضاء بنفس التفاصيل الهم إلا تركز في يدوا لو لقيت صليب الخشب الصغير معناها مسيحي ما لقيتو معناها مسلم وبرضوا ممكن يكون مسيحي لكين ناسي يشيل صليبوا ........ بتشابهو معاك في البياض للغالب من ملابسهم وعدت الزراعة و توزيع الحيضان ... والمحراث وشكل الطورية البيوت والحيشان ... ودق الباب لو عندنا يبجي الصوت ( منو ) هناك بيجيك ( منّيخا ) والترحيب بالضيف ...و لعب العيال ... نسوان ملمومات ماشات دقه زار ... حتى الأنداية ( مكان تقديم الخمور البلدية ) بنفس ملامح الانداية الكانت عندنا حتى البنابر * زمان عندنا بيقولوا ( يا ولد عمرك ده قضينا قعاد بنابر ) .. بعد كده بتبقي الفروقات في تفاصيل ساهل تلمسه بس في حتات بتبقي من الصعوبة تلمس فيها اختلاف تفاصيل خصوصا في البلاد الغالب أهله مسلمين ...
بلد بنحرص نعرفه عشان تعرفنا نفسنا وبلدنا اكتر ... باستمرار بتلقي فيها فك الشفرات لكتير من الحاجات البتكون عوز تسال أصلها شنو ومن وين جات , وملاحظة تبارك مهمه لانو والله أعلم قاصد يقوليك عمينا نعائن للبلد ديك إلا نسوان وبس ... وفوتنا على نفسنا فرصة نعرف بلد وحضارة تخلى اى أفريقي فخور انو دي الحضارة الميزت انسان المنطقة دي من العالم وعملت لى خصوصية وسمات كان في ملابس كان في اكل كان في موسيقي كان في ............. بلد كل ما تتصوروا فيها حقها خاص بيها حتى التقويم وحساب السنين ... وشي ز ي ده بعجب اى زول بحب تكون للناس خصوصيته وأشياؤها التميزة عن غيره .....
------------------------
*لقي البوست وكالعادة مشي لشي تاني أبو جوان ده ما سألو من حاجة كلاموا على العين والراس , اكيد أتعلمته حاجة من البوست الفات تاني اصلوا ما معترض ...... أى زول بحّد شوفوا
Quote: التعميم فيهو إجحاف بحق بلد بحالو .. فيه الصالح والطالح ..
جميعا صباحكم زين
06-06-2010, 06:59 AM
صالح عبده صالح عبده
تاريخ التسجيل: 11-16-2006
مجموع المشاركات: 3820
اخي محمد عكاشة العام الماضي حاولت ان ازور اديس بسيارتي وبرفقة الاسرة ولم اوفق لانني اتجهت الي دولة اخرى ولكن سوف اكرر المحاولة في ابريل القادم .. ولكن افدني هل الطريق امن؟؟؟ وكم طول المسافة بالبر عن طريق القضار وغيره؟؟ تحياتي
06-06-2010, 07:42 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
Quote: كن إذا مشيت ليها وفي البال إنها دولة متقدمة أو كل شيء متوفر فيها .. حا تتعب روحك ساكت
ممكن الكلام هنا عن إثيوبيا قديمة شوية , أكيد ما حتكون بلد متقدم ولا بلد أى شي متوفر فيها ....نهضته الحصلت في السنين الاخيرة بتعتبر منطقية جدا وفق اجتهاد حكومتهم وتعاون جالياتهم في كل الدنيا عشان التنمية .... ومع فقرهم معالمهم العمرانية مقبولة وبمواصفات مميزة ومن ما تنزل مطار بولى حتبتدي تكتشف الحقيقة دي وعندهم شركة طيران Ethiopian air lines بتحلق في مطارات العالم كلو بإسطول جوي وطواقم بتخليها الشركة الاولى في أفريقيا ........ تحدياتهم كبيرة وعندهم مشاكل زيادة سكانية وعطالة وفقر , لكين مجتهدين وبالمناسبة الحياة والمعيشة عندهم رخيه لحد ما
إثيوبيا بلد فقير بس ما متخلف الناس الفقراء باجتهادهم وأرثهم الحضاري وأجيالهم المشت في العلم بتقدر من الامكانيات الشحيحة تعمل حاجة وتتقدم بعكس ممكن تلقي ناس حتى مع أكبر امكانيات ممكن تتوفر ليهم برضهم ما حيستفيدوا يعملوا منها حاجة ياريت نخت الحقيقة دي في بالنا .......
تحياتي
06-06-2010, 07:58 AM
قلقو قلقو
تاريخ التسجيل: 05-13-2003
مجموع المشاركات: 4742
:Quote بالنسبة لاطفالك درجة الحرارة هناك تتراوح بين 14 و20 صيفا.. عكاشة ياخوى انت عايز تكتل الأولاد من البرد ولاشنو؟ احسن الواحد يضحى بى نفسو ويجى يراهو.
06-06-2010, 08:37 AM
ismeil abbas ismeil abbas
تاريخ التسجيل: 02-17-2007
مجموع المشاركات: 10789
بتعجبنى فيك حاجات كده ولو يوم لقيتنى بستعمل كلماتك الحلوة دى ونحن جالسين مع بعض ما تقول لى حقوق الكتابة محفوظة..
كم منيت نفسى بزيارة اديس الجميلة..سافرت انا والعيال أبعد منها ولم ييسر لى الله ذلك ولعل فى ذلك خير كثير.
كل بلاد الدنيا التى فيها سياحة يكون هناك فساد. ولايجوز لنا ان نقارن بألأماكن المقدسة لتعظيمها ووجود بيت الله فيها...
ذهبت تايلاند مع العائلة وكنت أظن انى سأواجه مشاكل كثيرة من المناظر التى تخدش الحياء العام.
تغيرت فكرتى وإستمتعنا كثيرآ بتلك الرحلة التى مازالت فى الخاطر...
سوف استعين بك إذا قررنا السفر لبلاد الحبشة التى ساندت الرسول صلى الله علية وسلم أيام شدته وامر بهجرة بعض من أصحابه إلى ملكهم النجاشى الذى لايظلم عنده احد..
السياحة فى بلادى...يجب علينا أن ندرب كوادر من الشباب لتغيير النظرة الغاتمة حول السياحة فى السودان..وبلادنا فيها أماكن جميلة..فقط نفتقد المقومات والتدريب.
تقديرى وأحترامى..
06-06-2010, 09:06 AM
عزام حسن فرح عزام حسن فرح
تاريخ التسجيل: 03-19-2008
مجموع المشاركات: 8891
جزء من بولى رود وفي الأفق ظاهر شيرتون أديس المميز ( شمال الصورة الاصفر ذو القرميد الأحمر ) البلد ديك بقت كل يوم معالمه متغيرة , الناس مجتهدة في البناء والتعمير الشائفهم اجتهدوا في شديد الطريق الدائري البخليك تلف اغلب مقاطعات مدينة أديس , وتطلع لكل حته من مخرج ده بالجد معجزتهم الهندسية ما زي زمان كل الناس لازم تمر على سنتر المدينة ولا تتسوق في مركاتو المكتضة ... والشي البتحسهم إجتهدوا في اكتر من العمران القائم ده .... في مدينة صعب تقدر تصل كل معالمه وتحصر امتداداته مهما لفيت لازم تسمع عن حته اصلك ما شفتها , وبتتخيل انو الحبش ديل كلهم قاعدين فيها ......
------------------------
يأخي ابو جوان عبر عن إنطباعو ...... لانو البلد ديك حسب الفي رأسك ما بتقصّر معاك والعوزوا بتلقي ...وزي ماتكون حتلقي حاجاتك البتتوافق معاك
*فكرة الناس المركزية ممكن تعبر اكتر عنهم ........... قبل الناس المقصودين بيها بغض النظر عن صحته من عدمه
مع الاعتذار يا أبو السيد لتأخير الرد شغلى كان بره المكتب
ولك اطيب تحية
06-07-2010, 10:39 AM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
الحضور الكريم القراء الافاضل المتداخلين جميعا طولوا لى بالكم سوف اجيب على اسئلة الراغبين فى السفر مع الاسرة بعد توكيد بعض الارقام من مجموعة النيل السياحية التى ترتب لرحلات عائلية وفق تكاليف ميسورة جدا وفى اوقات مختلفة.. طولوا لى بالكم قبل الرد التفصيلى على مداخلات الزملاء ريثما افرغ من توضيب سهرة (رحلة سعيدة ) على قناة النيل الازرق بهذا الخصوص.. مسلمى ..انور والخطيب خليكم على الخط حتى اعود كل الود
06-07-2010, 11:36 AM
انور التكينة انور التكينة
تاريخ التسجيل: 01-14-2009
مجموع المشاركات: 3374
Quote: ولو فسرته حاقوليك الحبش هم أهل الحبشة بمختلف إثنياتهم وديناتهم وكل من انتمي للهضبة الإثيوبية معنها الاكتر تحديد عند اهل الهضبة غنها بتوصف اهل الشمال ( التجراى ) وهم البلدهم الحبشة وهم الحبش عند غيرهم من أهل الهضبة إن أردوا بالكلمة ان تكون اكثر تحديدا ....... وكل بلاد التجراى , مغلى , أكسوم , عدوه , شّره .... بتدخل في المفهوم ده
القال الكلام ده منو ؟!!!
06-08-2010, 02:10 PM
Dr.Elsadig Abdalla Dr.Elsadig Abdalla
تاريخ التسجيل: 12-10-2005
مجموع المشاركات: 2198
ده شنو ده يا أنور التكينه؟؟..أنت قصدك تقول أن الحبشيات جميلات وخجلان تعلنها صراحه؟؟وبعدين شنو الصوره الأولى دي؟؟؟..بصراحه شكلها خادش للذوق العام..دي ماشافوها ناس النظام العام ولا شنو
06-08-2010, 02:25 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
قالو اهلوا يا ود القاضي ولو عندك غيروا برضوا بنسمع
*بلاد التجراى شمال اثيوبيا هي الحبشة التاريخية ( بمفهوم ) اللفظ لفظ حبش الهم التجراى ذو الاصول الحميرية والسبائية النزحوا من اليمن القديم في عصور بعيدة وأسسوا حضارة اكسوم في شمال اثيوبيا وحاليا بتمثل مركز ثقافي للتجراى زي قندر البتمثل مركز ثقافي للأمهر ....... وهم الثقافتين الغالبات في الهضبة
Quote: بتعجبنى فيك حاجات كده ولو يوم لقيتنى بستعمل كلماتك الحلوة دى ونحن جالسين مع بعض ما تقول لى حقوق الكتابة محفوظة..
كم منيت نفسى بزيارة اديس الجميلة..سافرت انا والعيال أبعد منها ولم ييسر لى الله ذلك ولعل فى ذلك خير كثير.
كل بلاد الدنيا التى فيها سياحة يكون هناك فساد. ولايجوز لنا ان نقارن بألأماكن المقدسة لتعظيمها ووجود بيت الله فيها...
ذهبت تايلاند مع العائلة وكنت أظن انى سأواجه مشاكل كثيرة من المناظر التى تخدش الحياء العام.
تغيرت فكرتى وإستمتعنا كثيرآ بتلك الرحلة التى مازالت فى الخاطر...
سوف استعين بك إذا قررنا السفر لبلاد الحبشة التى ساندت الرسول صلى الله علية وسلم أيام شدته وامر بهجرة بعض من أصحابه إلى ملكهم النجاشى الذى لايظلم عنده احد..
السياحة فى بلادى...يجب علينا أن ندرب كوادر من الشباب لتغيير النظرة الغاتمة حول السياحة فى السودان..وبلادنا فيها أماكن جميلة..فقط نفتقد المقومات والتدريب.
تقديرى وأحترامى..
عمى اسماعيل ود الحواد تسلم يارااايق كل الحب
06-09-2010, 08:54 PM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
اثيوبيا بلد تتصل اواصر الجوار بيننا وبينهم عبر تاريخ بعيد منذ اكسوم وحضارتها التليدة الباذخة وأقوامهم تشبه الى حد كبير اهل السودان وتكاد تكون نفس (الملامح والشبه )
تحية للأخ محمد عكاشــة..
مشكلة الإنسـان السوداني تتمثل في وجـود تصورات مسبقة
وانطباعات متوارثـة عن الآخـر المجاور له في الجغرافيا والتاريـخ..
وهذه التصورات سلبيـة في غالبها عندما يتعلق الأمر بالجـار الإفريقـي،
وتحديداً، إثيوبيـا، اريتريا، كينيا، تشـاد،،الخ.
وهذه التصورات السلبية تتحول إلى إيجابية فقط عندما تتاح الفرصـة
لزيارة تلك الدول والاحتكاك بشعوبهـا واكتشاف طبيعتها الخلابـة
ومناخها الجميـل، وهذا، للأسف، لا يتـاح إلا لعدد قليل من الناس..
نحن في أمس الجاحة إلى عمل إعلامي كبيـر في التلفزيون والصحافـة،،الخ لتعريف
المواطن السوداني بحقائق الأمـور في هذه الدول، بل أعتقـد جازماً أن هذه الصورة
السلبيـة تنطبق حتـى على جنوب السـودان الذي أوشك على الانفصـال..
فأغلبنـا لا يعرف عن الجنوب الحبيب غير الحرب المزمنـة والبؤس وتجارة تهريب العـاج
والأبنوس والخشب المهوقنـي..
هذه البوست التوثيقـي الرائع يجب أن يتحـول إلى برنامج توثيقـي
شامل لجميـع دول الجوار الإفريـقي..
سبق لي أن زرت دولة الكمرون، حيث أتيحت لي الفرصـة لقطـع مسافة
600 كيلومتر بالحافلات والقطارات، فلم أرَ في حياتي جمالاً طبيعياً وخضرة
متواصلة بهذا المستوى.. على طـول هذه المسافـة لم تقـع عيني على بقعة ترابية،
حتى قمم الجبال تكسوها الخضرة. والأمطـار لا تتوقف من سحب داكنة تكاد تلمسها بيدك..
والمفاجـأة أن جهـاز التسجيل بالحافلة كان يصدح بأغاني محمد وردي،
نعم وردي في غرب إفريقيـا كما في شرقها له شعبيـة هائلة وسط أناس لا يتحدثون
العربيـة إطلاقاً..
السودان في أمس الحاجة للالتفات إلى مكانه الأصيل والعـودة إلى مقعده الوثير
الذي لا يزال شاغراً وسط أهله من دول الجوار الإفريقي،، ليصبح بحق، قائداً للأسطول
وحادياً للركـب..
06-17-2010, 08:42 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
يا تبارك ياخوي القصد وأضح , أي سيرة رابطانا بالبلد ديك بقت في السندوتشات والمطاعم والأكل فالواحد بقي متحّير ياخي ناسنا ديل بقضوا حياتهم دي قاعدين في صينية بياكلوا ولا شنو ؟؟؟؟؟؟؟ ولا بس دي فكرتهم المركزية عن الدنيا (((((( أكل × أكل )))))) فما عارف الحته جوّعة ولا عين طائرة ولا مالهم بالضبط مع انو مشاء الله عندهم من المأكولات أصناف مميزة وتشبع فعوزين بالعين الشبعانه دي نعائن للتاني ونعرف حاجاتوا ونفهمه ...... قول نحاول نفهمه ما حب فيهوا وبس لكين نحنه برضوا في حاجاتنا كتير ما عارفين عنها ....... أو بننسبة لمصدر لما نرجع لي ما بتكون موجودة فيها ... حنعرف من وين جاتنا ولو الجهات دي كانت بلد وأحد ( تاريخيا ) ومدي تاثر وتاثير الناس ببعض في عاداتهم وفي أشياؤهم .. نحاول نعرف دنيا جديدة وشعوب تانية كمية القبول بينا وبينهم كبير والتقدير ممكن يحصل والناس تكون مطمئنة ...... ياخي اعرف الناس القراب ليك والبتتقبل عندهم بجد قبل البتعتقد في قربهم وبتكتشف أنو ما بينك وبينهم أى صله وقبولهم ليك مجاملة ......... الأكل ملحوق مافي زول كتلتوا جوعه ....
----------- ده القصد يا تبارك يعني الحته ما سندوتشات ومطاعم وبس , صعوبة إنها تكون كده بختنا في حته ضيقة مع مع الناس ديك وبس مع نفسنا كمان هل خلقنا لنأكل فقط ولا كمان الدنيا دي غير الاكل .... بتستحق نضيف فيها معارف تانية
*مع كامل إعتراضي على كلامك عن سندوتش الفول الأكيد بكون من أشهي الوجبات _ وحقوا الناس تعرف قيمتو_ أى أكل تخت الرحمن في قلبك حتاكلوا بشهية واستمتاع المهم يشبعك ويخلى عينك ملانه عشان تقدر كمان تعائن لحاجات تانية في الدنيا .... لو العين ما شبعت يا تبارك حتشوف الدنيا دي مطاعم وبس وهنا حتكون المشكلة
العزيز عبدالناصر ...سلامات ومعذرة لم انتبه لمداخلتك الا برفع البوست ...
Quote: قالو اهلوا يا ود القاضي ولو عندك غيروا برضوا بنسمع
*بلاد التجراى شمال اثيوبيا هي الحبشة التاريخية ( بمفهوم ) اللفظ لفظ حبش الهم التجراى ذو الاصول الحميرية والسبائية النزحوا من اليمن القديم في عصور بعيدة وأسسوا حضارة اكسوم في شمال اثيوبيا وحاليا بتمثل مركز ثقافي للتجراى زي قندر البتمثل مركز ثقافي للأمهر ....... وهم الثقافتين الغالبات في الهضبة
حقيقة لم افهم الحبشة التاريخية المقصودة بيها شنو ..وهل الحبشة مدلول جغرافي ام هو عرقي ؟!!.. وهل لتلك المدلولات فترات تاريخية محددة ؟!!ولم اختزال مسمى الحبشة على التجراى ذو الاصول الحميريه مع العلم ان هذه الاصول تتشارك فيها اقوام اخرى داخل اثيوبيا وكذلك ارتريا وشرق السودان ؟!!
بجيك راجع ،،
06-17-2010, 10:05 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
Quote: حقيقة لم افهم الحبشة التاريخية المقصودة بيها شنو ..وهل الحبشة مدلول جغرافي ام هو عرقي ؟!!.. وهل لتلك المدلولات فترات تاريخية محددة ؟!!ولم اختزال مسمى الحبشة على التجراى ذو الاصول الحميريه مع العلم ان هذه الاصول تتشارك فيها اقوام اخرى داخل اثيوبيا وكذلك ارتريا وشرق السودان ؟!!
بدلاله جغرافية في التاريخ القديم للحبشة والاحباش هي البلد البمتد من بونت القديمة ( الصومال ) لحدي بلاد النوبه جنوب مصر , كلمة حبش , حبشة , بتعني الشعب اليمني القديم ( حبشت ) و لغويا دلالته القبائل المختلفة في اصوله العرقية لما تسكن في محل واحد , ولو ملاحظ اى فيديو كليب برفعوا هنا بكون لسحنات وثقافات مختلفة من أهل الهضبة عشان الناس تعرف أنو البلد ديك خليط واعراق بتكوين مطابق للسودان البرضوا بالفهم اللغوى ممكن يكون حبشة ..... كلامي عن الحبشة كدلاله خاصة عند الحبش نفسهم بلاحظ انهم بطلقوها كتعريف لبلاد الشمال ( التجراى ) أكتر يعني بتلقي التجراوي يقوليك ماشي الإجازة إثيوبيا ولو لقي طريقة بصل الحبشة هنا بكون اتكلم عن حبشة خاصة في فهمهم بتعني بلاد التجراى الهم الحبش في فهم عرقيات تانية في الهضبة الاثيوبيه , وكلمة الحبشة التاريخية يعني لما نجي نتكلم عن حكاية النجاشي ولا قصة ملكة سباء ولا ........ الخ الحاجات التاريخية المربوطة بإثيوبيا على مر العصور حتلقي إنها كانت في النطاق بتاع أكسوم وجواره يعني في شمال إثيوبيا البتعني عند كتار أنو دي الحبشة التاريخية .... اكسوم كحضارة مركزه في بلاد التجراى الهم أهل الشمال فرتبطت الحته بيهم اكتر ... وحتى عند اهل الهضبة الفهم ده موجود الحبش وحاجات الحبش وبلاد الحبش بعنوا بيها اهل الشمال وبالتاكيد راجع ليك وحأفصل في الكلام أكتر مع العلم انو لفظ حبش محبب عند اهلوا رغم فهم في المنبر لناس بقولوا مفروض نقول إثيوبيا وما نقول الحبشة لانها تقليل أو فهم ز ي ده ...... مره علق لى صاحب أسمو حسين إبراهيم مندهش للحته دي وقال انو السودانيين في أى حاجة فهمهم بره ........ لانو البتبادر لذهنو لما يسمع كلمه حبشي حاجات متعلقه بالفخر والانتماء فكيف حترفضه ؟؟؟؟؟؟ لفظ حبش او أحباش مقبول في كل الهضبة مرفوض لدي بعض القبائل في الجارة ارتريا لأسباب تتعلق بيهم ما بفهمنا انو تقليل لكين لانهم بشوفوا انو شي خاص بالتجراى أو الناطقين بالتجرنجية وما بعبر عنهم .
ليك التحية واكيد الود
06-17-2010, 08:02 PM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
الاخ الحبيب السيد المسلمى ود اشياخنا كيفك يارجل على سيرة الحبشة وهى تمنح المرء عافيته طمنى على الاخ وهبه..اناكنت بره الشبكة.. برجاء فى الماسنجر او على موبايلى عند حاج العوض ورينى كيف الوصول اليه.. راجع لكل المتداخلين وصور الصديق ابو النورالتكينة كل ا لود
06-19-2010, 08:29 AM
فايزودالقاضي فايزودالقاضي
تاريخ التسجيل: 11-27-2007
مجموع المشاركات: 10091
الاخ العزيز محمدعكاشة ...سلامات ..والمعذرة دخلت حوشك دون تحيتك ...
عبدالناصر ..سلام..المداخلات معاك مممتعة ومفيدة ..
Quote: بدلاله جغرافية في التاريخ القديم للحبشة والاحباش هي البلد البمتد من بونت القديمة ( الصومال ) لحدي بلاد النوبه جنوب مصر , كلمة حبش , حبشة , بتعني الشعب اليمني القديم ( حبشت ) و لغويا دلالته القبائل المختلفة في اصوله العرقية لما تسكن في محل واحد
ده كلام سليم ...وده يؤكد أن الدلالة الجغرافية اتت من المسمى العرقي لاولي القبائل العربية التى وفدت قبل الميلاد من جنوب الجزيرة العربية الى الشرق الافريقي وكونت حضارة عظيمة عرفت بحضارة اكسوم في المنطقة الممتدة مابين السواحل الارترية حتى الهضبة الاثيوبية وامتد سلطانها حتى وصل مروي مروراً بارض البجا في عهد الملك عيزانا في القرن الرابع الميلادي ويؤرخ ذلك في نقشه : ( انا عيزانا بن ألا أميدا من عائلة هالن ملك أكسوم وحمير وريدان وسبأ وصالحين وصامو وبيجا وهاسا ابن محرم الذي لا يقهر بأي عدو غزا}. إلى آخر الوثيقة )....هذا النقش يؤكد ان ارض البجا كانت جزءاً من مملكة اكسوم الحبشية من قبل تدمير مروى وحتى عهد قريب.. ومحاولة البروفيسور عبدالله الطيب لاثبات أن هجرة الصحابة كانت عبر ا لسواحل السودانية وليس الارترية هي تأكيد أن ارض البجا كانت جزءاًَ من مملكة اكسوم الحبشية حتى عهد مابعد الاسلام ..هذا هو الوصف الجغرافي للحبشة تاريخياً .. واما ان كان مدلول الحبشة على اساس عرقي فذلك يشمل - بالاضافة الى تجراى والامهرة - قبائل موجودة الآن في شرق السودان هي جزء من قبائل البجا(جغرافياً) ولكنهاتحمل ثقافة التجرى المتفرعة من الجئزية ذات الاصل الحميري والسبئي ومازالت تتحدث بلغة التقري الجئزية الحميرية السبئية حتى تأريخ كتابة هذه المداخلة وهي قبائل الحباب والبني عامر وكذلك قبيلة الحلنقة ذات الاصل الجئزي والذي اكتسب ثقافة التبداويت ...
ودي ،،
(عدل بواسطة فايزودالقاضي on 06-19-2010, 08:46 AM) (عدل بواسطة فايزودالقاضي on 06-19-2010, 08:56 AM)
06-22-2010, 07:14 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
صباحك زين واعتزاري للتاخير في التداخل لظرف أسرى قاهر
Quote: هذا النقش يؤكد ان ارض البجا كانت جزءاً من مملكة اكسوم الحبشية من قبل تدمير مروى وحتى عهد قريب.. ومحاولة البروفيسور عبدالله الطيب لاثبات أن هجرة الصحابة كانت عبر ا لسواحل السودانية وليس الارترية هي تأكيد أن ارض البجا كانت جزءاًَ من مملكة اكسوم الحبشية حتى عهد مابعد الاسلام ..هذا هو الوصف الجغرافي للحبشة تاريخياً .. واما ان كان مدلول الحبشة على اساس عرقي فذلك يشمل - بالاضافة الى تجراى والامهرة - قبائل موجودة الآن في شرق السودان هي جزء من قبائل البجا(جغرافياً) ولكنهاتحمل ثقافة التجرى المتفرعة من الجئزية ذات الاصل الحميري والسبئي ومازالت تتحدث بلغة التقري الجئزية الحميرية السبئية حتى تأريخ كتابة هذه المداخلة وهي قبائل الحباب والبني عامر وكذلك قبيلة الحلنقة ذات الاصل الجئزي والذي اكتسب ثقافة التبداويت ...
في الكلام ده جانب من الصحة فيما يتصل بالصلات بين القبائل في المنطقة وأصوله الاولى مع ملاحظة انو البجا أقدم وتاريخيا كانو قبل هجرة التجراى بقرون لانهم فيما بعد كانو القبائل القضت على مملكة أكسوم في عز زهوها... أكسوم كانت المملكة القضت على مروي ووصلت حتى جنوب مصر في عهد عيزان لكن تظل صلة التجرى بالتجراى تشوبها حساسية تاريخية وظلت مملك التجرى على مدي تاريخها تحاول الناى عن الذوبان في مملك التجراى وإن تقاربت في المكان الجغرافي لكن ظلت كل منها تحافظ على طابع ثقافي مختلف ...........
عن البجا يقول المؤرخين أنهم قبائل عاشت في مناطقها منذ عصور الفراعنه مع ملاحظت ندرة وجودهم بالهضبة لكنهم موجودون ولهم إمتدادات كبيرة في أرتريا ويشكلون ثفافة توازي ثقافة التجراى الاقل عدد منهم ويتحدثون لغه التجرى المختلفة عن التجرنجية أغلب تلك القبائل جاءت عبر المالح لذلك تلتقي في أصولها الاولى وتفرعات لغاتهم من الجيزية القديمةحتى مع اختلافاتها الثقافية واللغوية .
صراحة غالبية الشعب الأثيوبي رائعون حد الدهشة كنث مع بعضهم اتحدث عن تبادل الزيارات بين البلدين وجدتهم أكثر اندفاعاً وحرصاً على أن يتعرف الشعب السوداني عليهم أكثر
الاحظ أن ستات الشاي الأثيوبيات لديهم زبائن كثيرون جدا من السودانيين
أحدهم قال لي أن الأثيوبية لاتتزوج ابن خالها او ابن عمها والعكس حيث أن الدم واحد واللحم واحد كما يقولون 00 هل هذا الحديث يخص شريعتهم ام يخص شريحة معينة منهم
Quote: العشرة يوم البيقضّوها الأولاد فى العمرة ... انا اكون جيتكم شفت حكاية الوجوه والطبيعة السياحية دى ...
اول مرة اعرف تبارك من قبيلة الكيزان الجماعة في السودان دخلونا الجامع وقالوا لازم تحفظوا آيات وأحاديث وسنن وهم ماشاء الله عليهم دخلوا السووووووووووووووووووق
لكن نحمد الله انا واحد من الناس هسي حفظت ثلاثة اجزاء لكن ماعندي قطعة ارض
08-01-2010, 00:54 AM
تبارك شيخ الدين جبريل تبارك شيخ الدين جبريل
تاريخ التسجيل: 12-03-2006
مجموع المشاركات: 13936
هسى يا ابو حراز ... لو جاك حبشى حافظ تلاتة اجزاء وعندو قطعة ارض؛ بتعرس ليهو اختك؟ _____________________________________________________
عبدالناصر الخطيب ... والله المعيار عندك ... شكلك كدا بتتعشى فول حبشى ولاّ انجيرا من الخرطوم 2 ...
طبعاً انا كل ما اتعمّق فى حواراتى مع عموم الأحباش ... بلقى الجماعة ديل اهلنا عديييل ...
التكرنجا بيفتكروا انو سوبا دى حقتم وكانت عاصمة مملكتم لغاية ما جاها الخراب الشهير فاضطروا للتقهقر لأكسوم!
القطاطى - وانا بالمناسبة مولود فى قطية - مرتبطة بى طبيعة حياة محددة ما بيقدر عليها إلاّ أهل القطاطى ... يعنى انت لو ما كنت زول قطاطى فى ثقافتك وطريقة تعاملك حا تحس بى انك مشرّد لو سكنت فى قطية!
الناس ديل بيشبهونا (الشرق والغرب والجنوب والجبال) فى سكنة القطاطى ...
غايتو تحسبا شمال تحسبا يمين ... الجماعة ديل اهلنا ... بس انا ما حافظ تسلسل الجدود وملفات ود عمة بت خال حبوبتى وهلم جرا ... بعد داك النسب حصل طبعاً .. (هم بعرسوا لينا لاكين نحن ما بنعرس ليهم!) ...
... المهم ....
08-01-2010, 06:05 AM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
تبارك شيخ الدين لك التحية ومتاسف لو ما شفته مداخلتك
تشفيري للكلام لضرورة لكين ما ظن فائت عليك المعني والسبب عمنا الفوق ده كمثال لعقلية موجوده وملاحظة لبعضنا في انطباعاتهم عن الجيران ما عندي عليها اى إنتقاد او لوم باعتباروا شان خاص , بخص اصحابوا في المقام الاول ... الاقدر أتكلم في من مداخلتك لضيق الوقت عندي بسبب الشغل
أني ما قاعد اتعشي من الخرتوم 2 لسبب بسيط أني ما من المحظوظين المتواجدين في السودان نحنه ناس غلابة لازم نمرق نكوس رزقنا بره البلد
النقطه التانية نفس كلام سوبا ده سمعتوا من أخت عزيزة ما عندي بي معرفة دقيقة ممكن ملاحظة وجود مملكتين مسيحيات في وقت وأحد في دنقلا وسوبا - بخلى فرضية إنو سوبا كانت للاكسوميين ممكنه كحلقة تاريخية في موجة إنحسارهم بعد تمددهم الكبير , بعد كده الكلام في التاثيرات بينا وبينهم ببقي ملاحظ بالعين المجردة .
ثقافة القطاطي ما وقعت بس حنرجع ليها كمساكن في إثيوبيا ملاحظة بتتعلق بالاروموا اكتر شي وشعوب الجنوب الكواسا والكديبو والقومي , القطية القش رمز للثقافة الافريقية وفي السودان في غير موطنه الطبيعي ( الجنوب والغرب ) برضها موجودة في الوسط ومناطق الزراعة المطرية أشهر قطاطي قطاطي القضارف بس ديل لقطاطي ممكن تلاقيهم في اثيوبيا والناس ساكنهم في امان الله بعتبروا قطاطي 5 نجوم
---------------
أستاذنا / محمد عكشة (صاحب البوست )
Quote: سوف يتم تنظيم رحلات سياحية بالبر الى قندر وبحر دار
لك التحية قندر فرصة لمشاهدة عاصمة الثقافة الامهرية بكل زخمة وماضيها التليد , وبحر دار جنة الله في الارض ( بحيره تانا ومنابع النيل الازرق )
Quote: حضك الناس لزيارة بلد اكسوم وشيبا والحضارة التالدة
معظم أهل السوداني امهرى الهوى عشان كدة موفقين في اختيار ( قندر ) اكسوم ونواحيها حضارة تانية موازية لحضارة الأمهره يمكنكم المرور عليها في أكسوم ومغلى وعدوه
واحدة من الحاجات الحيرت علماء الآثار وما قدروا يفكّوا سرها إلاّ قريبات دى ... انو آثار الكوشيين كانت بتنمحى تماماً لأنو بيبنوا القصور والمعابد والبيوت على طريقة القطاطى (بأسقف القش) ...
يعنى القطية اقدم بى كتير مما كنا نتصوّر .. مما يدل على اختلاف المناخ فى الشمالية عن المناخ الحالى ....
... المهم ....
08-07-2010, 05:47 PM
mekki mekki
تاريخ التسجيل: 06-15-2003
مجموع المشاركات: 3433
(اذهبوا الى الحبشة فان بها ملك عادل لايظلم عنده احد) .........
الفنان كمال ترباس بعمامته المهولة عند فندق (لالى بلا) يحدثنى عن الهجرة الاولى ويضيف من عنده بانهم= الاحباش= يستقبلوننا بالبشر والترحاب وبالصبا الغض... ثم... السيد صلاح ادريس يستقل طائرته ليحط عند قبر(المك) الذى ملأ الدنيا وشغل الناس لتضم رفاته ارض الحبشة وتحتويه وتوسده الباردة...تحفظ جزء عزيزا من تاريخنا والجدل مشتجر حول اتجاهاتنا صوب المتوسط وخليج العرب.. السودانيون.. خصوصا الذكور منهم تهفو قلوبهم تلقاء (اديس ابابا) وتحن.. وصديقى الفنان نادر خضر يحدثنى عن استقامة مزاجه واعتدال صحته وهو يغنى فى ارجاءها ومساءاتها و(النسيم الماش) ولاغرو.. فى جمعية الصداقة السودانية الاثيوبية شرفنى المحامى المخضرم عبدالمنعم عثمان بعضوية الجمعية ومسوولية امانة اعلامها والفنان عصام عبد الحفيظ فى الامانة الثقافية ليكون مشروعنا قبل سنوات ان نستنجز فلما وثائقيا (نبتة- آكسوم) نرصد عبر التاريخ والجداريات والفنون التشكيلية تلاقح حضاراتنا وتلامح الفنون بين بلدينا... عصام عبدالحفيظ يعرف اديس ابابا جيدا وتعرفنا.. وهاانذا ألملم اطرافى ياعصام وطلال عفيفى واقول.. (اه منك يازمن النزوح) لاستكمل مشروع الفلم ... اعود الى (ام در) والاثيوبية..رقيقة الحاشية ذات اعطاف نديانة وذات جيد بعيد مهوى القرط..ودودة...ساحرة..واشد فتنة واغراء..ناصعة المظهر نقية المخبر..تتلطف بى وبامثالى دون ان ترهقنى من امرنا عنتا ومشقة..قليلة الكلام سوى انها مبذولة فى العطاء..لاتتنكب الطريق ولاتخون..تحفظ مالك ونفسك والمواقيت..تمشى على مهل وتطيعك على عجل.. اما السودانية...حدث ولاحرج..!! لكنى اعود الى الوطن فى صحبتها....الحبشية.. وتلك رفقة مأمونة.. بورداب الخرطوم...هل مايزال مكانى شاغرأ؟؟
08-21-2010, 06:17 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
Quote: (عدل بواسطة عبد الناصر الخطيب on 07-08-2010, 04:43 ص) (عدل بواسطة عبد الناصر الخطيب on 07-08-2010, 06:03 ص) (عدل بواسطة عبد الناصر الخطيب on 07-08-2010, 06:05 ص) (عدل بواسطة عبد الناصر الخطيب on 07-08-2010, 06:09 ص)
تبارك لك العتبي كلامي الموجهوا ليك راح في تعديلات المداخلة النقصت الكلام وغيرت الكليب الكنت خاتيهوا
وإن شاء الله يتواصل ...
لحدي الوقت داك نهديك قهوه وشيلة فاتحة ونّمه وأغنية ( التجراى ) ثقافة التجراى الرعاه الاكثر قربا من ثقافة رعاتنا تأكيد للتطابق الواحد كتير بتكلم عنو
مع اكيد التحية والتقدير لصاحب البوست
ليك التحية
08-21-2010, 06:21 PM
osama fadlalla osama fadlalla
تاريخ التسجيل: 04-26-2010
مجموع المشاركات: 857
اتاحت لي الظروف زيارة هذا البلد اواخر التسعينيات ورغم اني كنت في عمل الا اني استرقت بعض الوقت للتعرف علي بعض جوانبه واكثر مايعلق بذهني الان هي الحفاوة التي يحيطك بها الناس بمجرد معرفتهم انك سوداني... ايضا حب الحياة الذي تشعر به من حولك رغم مظاهر الفقر الواضحة . الليل عندهم واللهو الجميل لاينتهيان ..في كل المراقص والحفلات تسمع غناء سوداني وكانه تقليد لدي الاثيوبيين. واهم شئ تكتشف ان ماعرفناه بالذقني ليس الا طبق جانبي بين انواعة المتعددة ولا اذكر ان كانت لها اسماء اخري ولكنها تؤكل جميعا بالانجيرا. الطبيعة غاية في الجمال وقد زرت احدى المحميات علي بعد عدة ساعات من اديس اببا وكان يوما للاستجمام واكتشاف عالم السلاحف. الحقيقة الشئ الوحيد الذي يمكن ان يزعجك وبالذات لو الاولاد رفضوا فكرة العمرة هم اهل تبارك ديل ..يجوك في اي ملف..وغايتو الا تكون زول قوي ساكت. الفكرة جميلة وافريقيا اجمالا اصبحت قبلة السياحة للاوربيين لطبيعتها البكر بل هنالك رحلات تنظم للصحاري في مالي وموريتانيا وخلافة.
افيدونا يمكن نكررها مع الوليدات المره دي......
09-14-2010, 04:46 AM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
اثيوبيا بلد جميل وذو ثقافات رائعة وشعب ودود مع كل البشر وليس معانا نحن بس . ونصيحة مني احسن الزول يتفرج في صور انور التكينة دي من بعيد بس . لكن ممنوع الاقتراب لا حلال ولا حرام لانه حا يغرق وتاني البوارج الامريكية ما حا تنقذوا .
09-14-2010, 11:07 AM
خالد العطا خالد العطا
تاريخ التسجيل: 12-12-2005
مجموع المشاركات: 2293
يا جماعة انا بتغاظ جدا لما واحد مصري يقول لي نحنا بلد واحدة في حين انا شايف انو نحنا والاحباش بلد واحدة وتشابه في كل شئ العادات السحنات وهم شعب محترم جدا وحضاري في تعامله مع الاخرين كدي زول فيكم يقول لي شاف ليه حبشي عامل شكله ولا جوطة في الشارع
09-15-2010, 03:10 PM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
Quote: انا شايف انو نحنا والاحباش بلد واحدة وتشابه في كل شئ العادات السحنات وهم شعب محترم جدا وحضاري في تعامله مع الاخرين كدي زول فيكم يقول لي شاف ليه حبشي عامل شكله ولا جوطة في الشارع
وبيني وبين النهر عشانك عشرة بتبدأ وبين عيني وخد الورده بتبقى موده .. على حسب علمي كتبت هذه الأغنية في وصف أثيوبيا لذلك واضح ان أثيوبيا من أجمل المناطق الأفريقية وهذا باين من وصف الجميع هنا ومن الصور الخلابة المصاحبة للبوست وكم سمعنا عن جمال طقس أثيوبيا وعن جمال الطبيعة هناك وعن جمال الأثيوبيات وعن نفسي أرى أن الشعب الأثيوبي شعب راقي وجميل وتعاملوا راقي وشعب يحب الجمال والفنون بصورة عامة .. لك الشكر أستاذي محمد عكاشة على هذا البوست الرائع ودعوتك مقبولة وإن شاء الله أقرب إجازة الواحد يكون معاكم ..بس خليك مستعد ،،
تحياتي : ياسر العيلفون
09-17-2010, 06:20 AM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
الحبيب عكش تحياتى .. انا لابد ساكت و المفاجأة انى سأتوجه الى اديس يوم الجمعة 24 سبتمبر ضمن رحلة سيأتى الكلام عنها باستفاضة فى الوقت المناسب ... عكش .. اجدع لى تلفونك فى الخاص .. او اتصل تلفونى فى البروفايل .
09-19-2010, 04:40 AM
محمد عكاشة محمد عكاشة
تاريخ التسجيل: 01-27-2005
مجموع المشاركات: 8273
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عكاشة
انور التكينة
تبارك شيخ الدين جبريل
حامد محمد حامد
Abuelgassim Gor
ناذر محمد الخليفة
Elhadi
عكود عبد القادر عكود
مزمل خيرى
د.محمد بابكر
فايزودالقاضي
صالح عبده
قلقو
ismeil abbas
عزام حسن فرح
Dr.Elsadig Abdalla
شول اشوانق دينق
طارق جبريل
معتصم مصطفي الجبلابي
طه داوود
ابوحراز
mekki
osama fadlalla
قمر الانبياء عبد الحي
ياسر السر
فيس بوك
تويتر
انستقرام
يوتيوب
بنتيريست