دعواتكم لزميلنا المفكر د.الباقر العفيف بالشفاء العاجل
|
|
 الاثـيـوبية ســاحـرة...فـاتن...وأفضـل من الســـودانية !!!!!
|
(اذهبوا الى الحبشة فان بها ملك عادل لايظلم عنده احد)
.........
الفنان كمال ترباس بعمامته المهولة عند فندق (لالى بلا) يحدثنى عن الهجرة الاولى ويضيف من عنده بانهم= الاحباش= يستقبلوننا بالبشر والترحاب وبالصبا الغض...
ثم...
السيد صلاح ادريس يستقل طائرته ليحط عند قبر(المك) الذى ملأ الدنيا وشغل الناس لتضم رفاته ارض الحبشة وتحتويه وتوسده الباردة...تحفظ جزء عزيزا من تاريخنا والجدل مشتجر حول اتجاهاتنا صوب المتوسط وخليج العرب..
السودانيون.. خصوصا الذكور منهم تهفو قلوبهم تلقاء (اديس ابابا) وتحن.. وصديقى الفنان نادر خضر يحدثنى عن استقامة مزاجه واعتدال صحته وهو يغنى فى ارجاءها ومساءاتها و(النسيم الماش) ولاغرو..
فى جمعية الصداقة السودانية الاثيوبية شرفنى المحامى المخضرم عبدالمنعم عثمان بعضوية الجمعية ومسوولية امانة اعلامها والفنان عصام عبد الحفيظ فى الامانة الثقافية ليكون مشروعنا قبل سنوات ان نستنجز فلما وثائقيا (نبتة- آكسوم) نرصد عبر التاريخ والجداريات والفنون التشكيلية تلاقح حضاراتنا وتلامح الفنون بين بلدينا...
عصام عبدالحفيظ يعرف اديس ابابا جيدا وتعرفنا..
وهاانذا ألملم اطرافى ياعصام وطلال عفيفى واقول..
(اه منك يازمن النزوح) لاستكمل مشروع الفلم ...
اعود الى (ام در) والاثيوبية..رقيقة الحاشية ذات اعطاف نديانة وذات جيد بعيد مهوى القرط..ودودة...ساحرة..واشد فتنة واغراء..ناصعة المظهر نقية المخبر..تتلطف بى وبامثالى دون ان ترهقنى من امرنا عنتا ومشقة..قليلة الكلام سوى انها مبذولة فى العطاء..لاتتنكب الطريق ولاتخون..تحفظ مالك ونفسك والمواقيت..تمشى على مهل وتطيعك على عجل..
اما السودانية...حدث ولاحرج..!!
لكنى اعود الى الوطن فى صحبتها....الحبشية..
وتلك رفقة مأمونة..
بورداب الخرطوم...هل مايزال مكانى شاغرأ؟؟
مودتى وتقديرى
|
|
 
|
|
|
|
|
|
|
 Re: الاثـيـوبية ســاحـرة...فـاتن...وأفضـل من الســـودانية !!!!! (Re: Adil Osman)
|
الفنان عادل عثمان
عدت الان من شاطىء ميامى فى الاسكندرية وذاك بوست آخرلدا العودة..الى ام در
واشكر اليك تعليقك بالصورة وهووجه من وجوه قراءة البوست فعلاقتى بالخطوط الاثوبية علاقة قديمة وهى تستحق واكثر وكذا علاقتى بالحبشة,, وانا عبرك اشكر المتداخلين/ات حتى اعود اليهم اذ (لخمنى) الفنانان السيناريست والممثل مصطفى احمد الخليفة والمخرج عبادى محجوب بوصولهم صباح اليوم الى (المحروسة) فى مهمة عمل فنى كبير لاكون برفقتيهما بعض الوقت على ان اعود اليكم جميعا..
غدا صباحا
مودتى وتقديرى
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: نادية عثمان)
|
| Quote: الاثـيـوبية ســاحـرة...فـاتن...وأفضـل من الســـودانية !!!!! |
أرض جو!
سويتا خطوط عالم جبانات بشكل!
واحد اخونا عندهم شغالة ايثوبية تقول للقمر قوم وانا اقعد مكانك صدف ان قدمت ام زوجته للعمرة فوجدت الشغالة تحنن فى بنتها فما زادت ان قالت لى بنتها قومى انتى يالغبيانة حننيها!
وحاتك تانى يوم الايثوبية أقلعت بدون رجعة وهبطت نفسيات اخونا الى الحضيض!
جنى
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: نادية عثمان)
|
| Quote: يعنى خلاص قنعت من خيرا فى مصر ياعكاشة ؟!! |
الاخت نادية
اهبط(مصرا) كل عام من ستة عشر سنة ..وهذه اطول مدة ..عام ونصف..اذكنت اعانى (احتباسا) بحسب دراسة دكتورقور حول(امراة خيدع) ولذا بقيت وامضيت وقتا مثمرا..دورة صحافية متقدمة فى صحيفة الاهرام.. واخرى فى حقوق الانسان وتعافيت بها=مصر= من (العصب السابع) وهااناذا احزم امتعتى للعودة الى الخرطوم وربما الى جهة اخرى بعدها على ان اعود الى ارض الكنانة نهاية العام..
مودتى وتقديرى
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد سنى دفع الله)
|
Quote: واحد اخونا عندهم شغالة ايثوبية تقول للقمر قوم وانا اقعد مكانك
صدف ان قدمت ام زوجته للعمرة فوجدت الشغالة تحنن فى بنتها فما زادت ان قالت
لى بنتها قومى انتى يالغبيانة حننيها!
وحاتك تانى يوم الايثوبية أقلعت بدون رجعة وهبطت نفسيات اخونا الى الحضيض! |
لو ان ام الزوج هي التي قالت ذلك؛
لكانت الزوجة هي التي اقلعت؛
و لكانت نفسيات الزوج – ذلك الزوج تحديدا - هي التي ارتفعت!
_____
الخرطوم ترحب بك يا عكاشة.
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد عكاشة)
|
عكاشة ...
الاحباش حقاً قوم عجيبن وجميلين وصوتهم ودود
يتحدثون همس وينظرون بطيبة ويتعاملون بلطف
لايحبون الغش او الخديعة ابدا تذهب آمن
الي أي سوق وانت لا تعرف الاسعار فياخذ التاجر
منهم سعر بضاعتهِ ويعيد اليك ما تبقي من المبلغ
يكرهون اللصوص جداً وحين يلقون القبض لصوص يقيدونهم
ويتجولون به في يوم السوق والجميع يصيح فيهم (ريبا
ريبا ...ريبا)واخر الامر يحاكمونهم بشدة وقسوة نكايةً
في انهم للصوص وهو شي ضد اخلاقهم وعاداتهم.
العزيز/ دفع الله خطاب ...
تحية وتقدير ...
| Quote: لكن انا المحيرنى هو شهقة بناتهم اثناء الحديث ؟؟؟ |
بناتهم هي الروح بعينها يا صديق ، لكن الشهقة هذه تخص النوعين منهم
(بنات- رجال) وهي تعني عندنا في العامية (ذاك الصوت الذي ندلل به علي الموافقة
ولايوجد له اي حروف) وايضاً تعني (ايوة) وتعني (أأي) .
لكن حين تصدر من فتياتهم فيا لله يالله لاننا في الاساس اي مقبل علينا من هذا
الجمال جمال (ومحير) كمان.
| |
|
|
|
|
|
|
|
|
 Re: الاثـيـوبية ســاحـرة...فـاتن...وأفضـل من الســـودانية !!!!! (Re: سفيان بشير نابرى)
|
Quote: الحبش يحبون البن حبا جما كما هو حال اهلنا فى شرق السودان ، عبق البن لديهم يشبه السحر والمسيحيون منهم يعتبرون شراب البن مقبول الدعاء كما الروحانيون يسلطنهم أريج القهوة وفوحتها ، يرشون لها الورود والفشار ويأتون بكل ما هو جميل فى حضرة القهوة وعند القلى لا تسمع للحسناء غير شهقتها ردا للجواب حتى لا تقطع عليها المدد فتبتسم لك فتعشقها
وهذا هو سر حب السودانيين للحبش
مش كده يا صلاح؟؟؟؟؟ |
بوست قديم كتبته 2003
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: Yassir Tayfour)
|
| Quote: تسمحون لنفسكم بالتغزل في بنات الناس |
ليس فى هذا البوست .. ولا فى الامر كله شبهة لخدش حياء اى احد ..
نحن والله نحتفل بجمال نساء الاحباش .. والذوق .. ورهافة الحس التلون ضحكة الناس العزاز .. وكلامهم
وشهقتهم كمان .. دع عنك اطايب الطعام الحريفى .. سنعود له مع تلكم المراة التى تعودت ان تمزج
ايدامها بالمودة والالفة .. والحب .. والوفاء
وسواء كانت الحبشيه هى الطائرة كما ذهب الى ذلك بعض الاصدقاء فى تاويلهم لمقال العزيز محمد عكاشة أو
الحبشية انت منتدبه ... أحب كسلا واديس ابابا ... ما فرقت !! كٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍل يغنى على ليلاه !!
ولايهمنا يا اصدقاء ؟؟؟
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: دفع الله خطاب)
|
الاخ دفع الله
قلت الآتي:
Quote: ليس فى هذا البوست .. ولا فى الامر كله شبهة لخدش حياء اى احد ..
|
هذا ليس حقيقي
هنا اخوة ارترين يكتبون معنا واثيوبين يقرأون لنا
اتمنى ان يكتبون بصدق عن احساسهم ببوست مثل هذا
ولكني متأكده بانه لا يعجبهم.
واتمنى ان تقرأ مثله يوما وانت تكتب في موقع غير سوداني وتجرب احساسك
ان شعب اآخر يفتي في نسائكم!!!
تراجي.
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: Tragie Mustafa)
|
غايتو كان على الخطوط (الأثيوبية) ما إتشرفنا بى الصعود إليها بعد !!!
وكان على (الأثيوبيات) فهم آآآىىى سمحات لكن الأجمل هو (الثقة) و التى تفتقدها البنت السودانية و التى كل حياتها (لالالالاءءءااااات) يعنى دة إجمالاً الحاصل
و يا تراجى وييييين إنتى ياخى ، يعنى إلا ألم فيك فى البورد ؟؟ بضرب ليك فى التلفونات من الأسبوع الفات إلا أن (كل متنى) و إنتى لا بتردى لا بتصدى و لا شنو!!!!
و الموبايل موش بيظهر الرقم ؟؟؟ و لا تلفونات البحرين ما بتظهر؟؟؟؟؟؟
(بنت عمتك)
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد عكاشة)
|
نوسه
يا جبانه
Quote: سمحات لكن الأجمل هو (الثقة) و التى تفتقدها البنت السودانية و التى كل حياتها
(لالالالاءءءااااات) يعنى دة إجمالاً الحاصل
|
تحياتي
يا بت عمتي البشوفك في النت بس
تناقضتي يا عزيزتي
عندما قلت سمحات ولكن؟؟؟؟؟
هم سمحات...ما شايفه حاجه فايته الحد
بيشبهوا السودانيات كثيرا.
ولكن دي ما عرفناها.
| Quote: الأجمل هو (الثقة) و التى تفتقدها البنت السودانية |
من قال لك يا صديقتي انه السودانيه تفتقد الثقه بالنفس؟؟؟؟؟
وخذي نفسك مثالا لا اعتقدك فاقده للثقه بنفسك.
اما هذه فاتفق فيها معك:
Quote: التى كل حياتها
(لالالالاءءءااااات) |
حقيقة المجتمع وطريقة التنشئه اجرموا في زرع قيم متناقضه في السودانيه
تلقنها امها وحبوبتها ان تكثر من لا حتى وهي مع زوجها
تجد الكتب و المقالات الحديثه تفزها للمبادره و التعبير عن نفسها
وبين هذا وذاك يتشوه الوعي الجنسي للسودانيه وتضيع بوصلتها في التعبير عن نفسها.
تراجي.
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: خضر الطيب)
|
البوسـتده جميل ياعكـاشة ...لأنـه نجـح في جمع تعليقات عن الحبشيات الجميلات دون خـلاف علي ذلك..... ونقصـد نسبة الجمال العالية quality and quantity ..وبـدون مبالغـة أنا أري الأمهريات الأجمل علي الإطـلاف في كـل العالم...وكـذلك أري الروانـديات ونسبة كـبيرة من الكينيات..
ولي صـديقـة جـارة أثيوبية... سـكنا جـيران لمـدة 6 سنوات ومازلنا نحتفظ بعلاقـات جـميلة بيننا وبين بناتنا...
صـديقتي تحـدث بصـوت خـفيض....تنتظـر عنـد الباب رجـعة زوجـها...تنتظـره "بإناء الماء" ليضـع فيه أرجـله المتعبة...تحضـر له العشـاء ومعه طـبق الأنجـيرا الكبير والبخـور الهـادي الجميل مع الموسيقي الأثيوبية...
أمـا زوجـها...فهـو حـبشي رائـع الجمال والوسـامة...متعلم تعليما عاليا ومازال يـدرس في كـورسـات مختلفة...مهـذب تهـذيبا راقيا...
متحـدث لبـق...يعامل زوجـته بحب واحـترام جميل ووديع...
يتحـدث في هـدوء وبلباقـة وايتسـامته الجميلة علي وجهه الصـبوح...
لم أراه يـدخن او يسـف سـعوط (ياربي هم بيعرفـوا السـعـوط زي في السـودان?)
وزوج نجست يقضـي يوم الأحـد بكامله مـع اسرته...ويخـرج معهم في نـزهة وزيارات اسرية ولا يتوقف عـن هـذا لا في حـالات المرض...
يرتـدي ملابس أنيقة...وفيها ذوق راقي...نظـرت في كثير من المرات له واكثر لأري مايرتـدي في قـدنيه فـوجـدت حـذاءه مازل لامعا علي الرغم مـن اليوم الطـويل...وعنـدما أتي الصـيف راقبت قـدميه..كـان الصـنـدل لامـع والقـدمين يختفي منها التشقق والأظـافـر المخيفة
ياسـلام علي الرجـال الأحـباش والنساء الحبشيات ..ذوق وفـن وجمال..
نرجع اذا ربنـا هـون...
ياتري عينة صـديقتي وزوجـها تصـلح تكـون تعميم?
مـني
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: Muna Khugali)
|
أمـا زوجـها...فهـو حـبشي رائـع الجمال والوسـامة...متعلم تعليما عاليا ومازال يـدرس في كـورسـات مختلفة...مهـذب تهـذيبا راقيا...
متحـدث لبـق...يعامل زوجـته بحب واحـترام جميل ووديع...
يتحـدث في هـدوء وبلباقـة وايتسـامته الجميلة علي وجهه الصـبوح...
لم أراه يـدخن او يسـف سـعوط (ياربي هم بيعرفـوا السـعـوط زي في السـودان?)
وزوج نجست يقضـي يوم الأحـد بكامله مـع اسرته...ويخـرج معهم في نـزهة وزيارات اسرية ولا يتوقف عـن هـذا لا في حـالات المرض...
يرتـدي ملابس أنيقة...وفيها ذوق راقي...نظـرت في كثير من المرات له واكثر لأري مايرتـدي في قـدنيه فـوجـدت حـذاءه مازل لامعا علي الرغم مـن اليوم الطـويل...وعنـدما أتي الصـيف راقبت قـدميه..كـان الصـنـدل لامـع والقـدمين يختفي منها التشقق والأظـافـر المخيفة
ياسـلام علي الرجـال الأحـباش والنساء الحبشيات ..ذوق وفـن وجمال..
نرجع اذا ربنـا هـون...
ياتري عينة صـديقتي وزوجـها تصـلح تكـون تعميم?
والله يا منى صدقتي زي ما قلتي ...من حق السودانية زوجها يكون انيق
ومن غير سفه كمان
يديك العافيه
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: خضر الطيب)
|
الاخ خضر
لقد تجنيت على كثيرون
Quote:
. في المرة الجاية لماتقارن المراة السودانية ممكن تقارنا بالتشادية ولا النيجيرية ولا
الكاميرونية ابعد من شرق افريقيا حيث النساء الرائعات
|
اشهد لله انك لا تفهم في النساء ولا الحياة.
غير تجنيك على السودانيه تجنيت على شعوب كامله بلا معرفه وبجهل فاضح,وما تقول لي دي رأي شخصي
ليس رأي شخصي ان اقول لك كل رجال (...) باردين مثلا او كل نساء (..... )او..او...الخ.
ومعليش ما تزعل من كلامي الحاد لانه اللفاظك جدا جارحه.
اولا حدثنا عن ماذا تبحث في المرأه ودعنا نحدثك عن ما نعرفه عن نساء هذه الشعوب
خليك من( السودانيه) فانت ظلمتها ظلم الحسن و الحسين...الله يسامحك,لكن لو قرضت
على كده حقك راح وقد اعذر من انذر.
وراجعه لكم.
تراجي.
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: Muna Khugali) (Re: Ahmed Daoud)
|
الصديق الغالي عكاشة
(عملتها ) وانزويت وتركت الاواني تنضح وانت تتفرج من تلك العلالي
لنقل بكل الاحتمالات :
فان كان عودتك بالاثيوبية فتأكد تماما ان منتظريك بالمطار لن يملو طويلا
تخيل انك مرتبط بدوام (مقرف ) تستأذن لاستقبال عزيز قادم علي (السودانية)
لن يصدق صاحب العمل ان انتظار عزير بالمطار يستنزف هذا الوقت الطويل
رد الله عافية (السودانية ) هذا ان كانت الصحة قد كتبت لها يوما .
اما (الاثيوبية ) فليس رأي كمن سمع وقد تركنا القوس لباريها من الجنسين .
اخي عكاشة من ردودك في البوست حيرتنا
فانت تواعد احدهم في ابوظبي وتارة بالقاهرة واخري بام در وماخفي اعظم
رسينا علي بر والي ذاك الحين في انتظار ابداعاتك
واتمني الحصول علي وعد باللقاء فى السعودية
وما حدش احسن من حد
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد عكاشة)
|
الأخ محمد عكاشة،
أندمناجو،
بحكم عملي السابق في الخطوط السعودية..
كنت أسافر دائما على متن الخطوط الجوية الأثيوبية ما بين
جده - أديس أبابا- أسمرا - الخرطوم..
الخطوط الأثيوبية كانت تتمتع بخدمات ممتازة وانضباط في مواعيد الأقلاع..
وخلال الفترة ما بين عام 82 الى 90 سافرت الى أثيوبيا عدة مرات
زرت عدد من المدن حيث أتيحت لي الفرصة إستطعت أن أتعرف من خلالها
على الشعب الأثيوبي عن قرب.. وبالأخص طباعهم الفريدة وهو شعب
طيب وحنون جدا.. بيحب ويحترم جدا الشعب السوداني بصفة خاصة.
كونت علاقات مع العديد من الأخوة الأثيوبيين وتوطدت هذه العلاقة
وما زالت مستمرة لغاية الآن.. والكرم الذي وجدته عند الأثيوبيين
لم أجده أبدا من أي شعب آخر.. ولا غرابة في ذلك لأنه نابع من أصلاتهم..
عندما ألتقي بمجموعة من الأخوة الأثيوبيين في كل مرة
بيرددوا أغنية بيقول مطلعها:
سودان إثيوبيا أخوان أخوان
أو يسألوني عن الفنان محمد وردي والراحل سيد خليفة
وأحمد المصطفى والبلابل وعبدالعزيز المبارك وأين هم الآن.
عندما أقول لهم بأن الفنان سيد خليفة إنتقل الى رحمة الله
يخيم الحزن على وجوههم (ويمسكوا رؤوسهم) تأسفا على رحيله.
أليس هذا الشعب جدير بأن يستحق التقدير منا.
وشكرا لك على هذا البوست الرائع.
أمسجقنالو
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد عكاشة)
|
محمد عكاشة كتب: Quote:
اعود الى (ام در) والاثيوبية..رقيقة الحاشية ذات اعطاف نديانة وذات جيد بعيد مهوى القرط..ودودة...ساحرة..واشد فتنة واغراء..ناصعة المظهر نقية المخبر..تتلطف بى وبامثالى دون ان ترهقنى من امرنا عنتا ومشقة..قليلة الكلام سوى انها مبذولة فى العطاء..لاتتنكب الطريق ولاتخون..تحفظ مالك ونفسك والمواقيت..تمشى على مهل وتطيعك على عجل..
|
انت متأكد يا محمد انك قاصد الطيران الأثيوبي وليست الفتاة الأثيوبية ؟؟؟
سؤال بريء :
هل سر حب الرجل السوداني الكبير للحبشيات بيطلع من دائرة انفتاحهم الكبير وتحررهم في اللبس والسلوك وغيره ؟؟؟
خضر الطيب كتب:Quote:
لا ارى ان هنالك اي وجه شبه بين المراة السودانية والمراة الاثيوبية . حيث ان الاخيرة
غير انها تتمتع بقدر من الاحترام فهي متجددة في نفسها وبيتها , لدي صديق متزوج من
اثيوبية لما تدخل بيتهم تحس انك فعلا في بيت من حيث النظافة والترتيب ورائحة العطور
التي تفوح منه تجبرك على عدم التفكير في مغادرة المنزل , والاثيوبية كلما تراها تحس
بانها على وشك الخروج وهي في كامل زينتها , اما المراة السودانية فحدث ولاحرج ,
اديها بس السنة الاولى من الزواج ,وبعدها تعال شوف والعجب لوجابت اطفال يبقى انت رحمة
الله عليك والله الاكل في تلتله
. في المرة الجاية لماتقارن المراة السودانية ممكن تقارنا بالتشادية ولا النيجيرية ولا
الكاميرونية ابعد من شرق افريقيا حيث النساء الرائعات
كت اوت :
بالمناسبة النسوان السودانيات وانا مابقول كلهم لكن بقول اغلبهم ..مترزقين ساي بس
يعني رزق الهبل على المجانين ... لكن والله ماعندهم اي حاجة ممكن ترغب رجل عاقل فيهم
تطلع لي هسي واحدة من من اياهم تقول ليك دا كلام شنو دا ؟؟؟..دا راي الشخصي |
أنا مافهمت واحدة من أياهم دي غايتو!!
لكن شكلك مغيوظ منهم جد جد
على العموم انا ما بخالف في رأيك بصراحة عن المرأة السودانية،
( مع الاحترام لكل الامهات والاخوات والخالات)
لكن بالذات الاجيال السابقة بعد ان تتزوج وتخلف
بتفقد كثير من بريقها واهتمامها بشكلها بقل خصوصا داخل البيت
يمكن دلوقت الزمن اتغير شوية والجيل الجديد من المتزوجات بيهتموا اكتر بنفسهم وباوزانهم ووو..
وغيره من النواحي الجمالية
لكن للأسف الرجل السوداني المتزوج لسه ما وصل المرحلة دي في اهتماماته
يعني اهتمامه بمظهره وأناقته وعطره بيكون مع صديقته الحبشية فايت الحد
ولما في النهاية ( طبعا ده الغالب ) بيتزوج سودانية بيرجع يتصرف نفس جيل ( جده )
ودائما تدخل اي بيت لاسرة سودانية او حتى تلاقي في الشارع طالع مشوار خفيف
تلاقي حالته عيييينة
وللأسف الكثير الكثير منهم لا يتعطر ويهتم حتى بنظافته من ال زوجته
رغم انه المرأة السودانية هي اكثر نساء العالم اجمعين تهتم وتبذل جهدها حتى امهات امهاتنا من حمامات الدخان
والريحة الخاصة والاشياء المعروفة للجميع.
( عذرا للإطالة  أكون ما صدقت لقيت الموضوع ده )
احترامي وودي للجميع
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد عكاشة)
|
الاخت هوزي
لك التحية والتقدير
شكرا جزيلا على المداخلة الرائعة والحيادية في نفس الوقت وهذا دليل على وعيك وتفهمك لما يعانيه
الرجل السوداني من تقليدية المراة السودانية , ولا انكر ان المراة السودانية تعاني من بعض هذه
الاشياء في الرجل السوداني كذلك , وبدليل زواج البعض منهم من اجانب للهروب من هذه الاشياء ,انا
لا اتحدث الا عن تجارب ماثلة امامي , في النهاية تكون العبرة في النتائج , والمحصلة النهائية
طلاق وتشتت وما الاحصاءات الاخيرة الا دليل على ماذكرت , وعلى اقل التقدير هجر الرجل لهذه الحياه
التقليدية والهروب للبحث عن الاثيوبية او غيرها من نساء الارض , ربما ليس لاشباع رغباته المشروعة
فقط وانما للبحث عن حياة متجددة ومتماسكة من ناحية الشكل والمضمون .
ماذكرتيه عن الجيل السابق من امهاتنا وخالاتنا وعماتنا في تجاربهم الزوجية كان المجتمع بتسامحه
وتكافله يضمن لهذه العلاقات الاستمرارية لان الطلاق عندهم يعتبر عيبا وتستمر الحياة , ولكن هذا
ليس دليل عافية على ان هذه الزيجات كانت زيجات مثالية
اما الجيل الحالي من نسائنا برغم تعليمه وثقافته ووعيه وتفهمه ودخانه ودلكته , لم تشفع له كل
تلك الاشياء , لانه لم ينعتق من تلك الافكار البالية , وتري الواحدة منهن بان دورها ينحصر في
انجاب الاطفال وتاخذها دوامة الحياة التقليدية التي اختارتها بمحض ارادتها وعندما تلتفت بعد
سنة او سنتين من الزواج تكون قد ترهلت وترهلت العلاقة الزوجية حتى تصل مرحلة اللاعودة
انا هنا لا العب دور الواعظ ولا اري ان كامل حديثي هذا يجانبه الصواب ولكنني اعلم انه ليس
للاساءة الى احد من اخواتنا وزوجاتنا وهو راي شخصي يحتمل الصواب والخطأ
كت اوت :-
الاخت هوزي
انا ما مغيوظ شديد , لكن خلال الفترة السابقة كنت في الامارات وشفت كثير من اخوانا السودانيين
هجروا بيوتهم وسكنوا فيما يعرف بالمقاهي الاثيوبية ,,وما ادراك مالمقاهي الاثيوبية , حيث الشيشة
والزقني ..والاثيوبية ,,فهل كل هؤلاء مخطئون ومنحرفون ,, ماهو الدافع ,, وماهي الحلول ..لعودة
هؤلاء الى زوجاتهم السودانيات
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: jini)
|
Quote: الاخت هوزي
انا ما مغيوظ شديد , لكن خلال الفترة السابقة كنت في الامارات وشفت كثير من اخوانا السودانيين
هجروا بيوتهم وسكنوا فيما يعرف بالمقاهي الاثيوبية ,,وما ادراك مالمقاهي الاثيوبية , حيث الشيشة
والزقني ..والاثيوبية ,,فهل كل هؤلاء مخطئون ومنحرفون ,, ماهو الدافع ,, وماهي الحلول ..لعودة
هؤلاء الى زوجاتهم السودانيات |
[B]الحل يكمن فى أن يتوقف الرجل السودانى عن التفكير بأزدواجية فى علاقته مع المرأة. يشترط فى السودانية الرزانة و الصرامة لكى يتزوجها ,,و تملؤه الشكوك و الوساوس اذا ما هى أطلقت عنان انسانيتها ... ثم يأتى أخيرا و يهفو قلبه خارج السور الذى صنعه لمن تتقصع و تتبسط و تعطى بلا حساب.
ّانا أراهنك ,, لو أن أى أمرأة سودانية تصرفت بأخلاق أثيوبية.. لما وجدت سوى العبوس و الاساءة و الاحتقار من الرجل السودانى.
مكبلين بناتكم و اخواتكم و زوجاتكم بتقاليد تجعل من المرأة كائنا متبلدا .. بالطبع يجب ان تتبلد عشان تقدر تتعايش مع قدرها كأمراة ومن اول هذه الاقدار الختان الفرعونى.
الحل فى رأى يكمن فى أن يطلق الرجل سراح المرأة من التقاليد السودانيةالتى تكبل مشاعرها و احاسيسها الفطرية و ح تشوف براك المرأة السودانية تستعيد رقتها و جمالها و حيويتها ..
بس أن شاء الله الرجل يبقى يقدر على ال New look
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: Outcast)
|
Quote: الحل يكمن فى أن يتوقف الرجل السودانى عن التفكير بأزدواجية فى علاقته مع المرأة. يشترط فى السودانية الرزانة و الصرامة لكى يتزوجها ,,و تملؤه الشكوك و الوساوس اذا ما هى أطلقت عنان انسانيتها ... ثم يأتى أخيرا و يهفو قلبه خارج السور الذى صنعه لمن تتقصع و تتبسط و تعطى بلا حساب.
ّانا أراهنك ,, لو أن أى أمرأة سودانية تصرفت بأخلاق أثيوبية.. لما وجدت سوى العبوس و الاساءة و الاحتقار من الرجل السودانى.
مكبلين بناتكم و اخواتكم و زوجاتكم بتقاليد تجعل من المرأة كائنا متبلدا .. بالطبع يجب ان تتبلد عشان تقدر تتعايش مع قدرها كأمراة ومن اول هذه الاقدار الختان الفرعونى.
الحل فى رأى يكمن فى أن يطلق الرجل سراح المرأة من التقاليد السودانيةالتى تكبل مشاعرها و احاسيسها الفطرية و ح تشوف براك المرأة السودانية تستعيد رقتها و جمالها و حيويتها ..
بس أن شاء الله الرجل يبقى يقدر على ال New look |
WELL SAID
Jini
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: Outcast)
|
Quote: ّانا أراهنك ,, لو أن أى أمرأة سودانية تصرفت بأخلاق أثيوبية.. لما وجدت سوى العبوس و الاساءة و الاحتقار من الرجل السودانى.
مكبلين بناتكم و اخواتكم و زوجاتكم بتقاليد تجعل من المرأة كائنا متبلدا .. بالطبع يجب ان تتبلد عشان تقدر تتعايش مع قدرها كأمراة ومن اول هذه الاقدار الختان الفرعونى.
الحل فى رأى يكمن فى أن يطلق الرجل سراح المرأة من التقاليد السودانيةالتى تكبل مشاعرها و احاسيسها الفطرية و ح تشوف براك المرأة السودانية تستعيد رقتها و جمالها و حيويتها |
الاخت اوت كاست
شكرا على تعليقك
لا اوفقك فيما يتصل بالفقرة الاولى اعلاه...
واوافقك بعض الشىء فى ان التقاليد وطوطم المجتمع تكبل حركة المرأة
واوافقك مائة بالمائة بان الختان الفرعونى ..قدر بئيس..سوى ان حركة توعوية تنتظم البلاد تصد مخاطره واضراره التى تؤثر على حيوية وحضور وتطور الفتاة السودانية وزهو صورتها امام الرجل
مودتى وتقديرى
| |
|
|
|
|
|
|
|
|
 Re: الاثـيـوبية ســاحـرة...فـاتن...وأفضـل من الســـودانية !!!!! (Re: خضر الطيب)
|
الأخ خضر..
مبسوطة لأننا نناقش موضوع دقيق وحساس ذي كده
ومبسوطة أكثر للغة الحوار الجميلة
تسلم
ذكرت
Quote:
ولا انكر ان المراة السودانية تعاني من بعض هذه
الاشياء في الرجل السوداني كذلك ,
|
ايييييييييييك كتيييييييييييير
بالتأكيد هما يمثلان المجتمع السوداني فلا يمكن فصلهما
فثقافتهما واحدة، بمعنى اذا أهمل احدهما فهذا دليل على عدم اكتراث الاخر والعكس صحيح
والزوجة بصفة عامة وخصوصاً المسلمة او العربية لا تهتم بشي في حياتها الزوجية اكثر من تظل جميلة ومحبوبة من زوجها
فإذا كان الزوج مقتنع بما آلت إليه ( بعد التغييرات طبعاً مع السنين ) زوجته او راضي حتى لو رضا غير تام
فهذا يحفزه على الكسل
وبعدين احنا كمجتمع سوداني بالذات الاجيال السابقة ناس تقليدين جدا
يعني خلاص الواحد بعد ان يصبح أباً أو أماً يحس أن هموم الدنيا على كاهله وان زمانه ولى
ولا يطلب شيئا غير القدرة على اسعاد أولاده وينسى نفسه وبالتالي متطلباته ورغباته الزوج والزوجة على السواء.
Quote:
وبدليل زواج البعض منهم من اجانب للهروب من هذه الاشياء ,انا
لا اتحدث الا عن تجارب ماثلة امامي , في النهاية تكون العبرة في النتائج , والمحصلة النهائية
طلاق وتشتت وما الاحصاءات الاخيرة الا دليل على ماذكرت , وعلى اقل التقدير هجر الرجل لهذه الحياه
التقليدية والهروب للبحث عن الاثيوبية او غيرها من نساء الارض , ربما ليس لاشباع رغباته المشروعة
فقط وانما للبحث عن حياة متجددة ومتماسكة من ناحية الشكل والمضمون . |
زواج الاجانب ده موضوع تاني عاوز بوست خاص فيه
وعندي رأي كبير على ما تحته خط من زواج الاجانب وما أدراك ما زواج الاجانب
Quote:
ماذكرتيه عن الجيل السابق من امهاتنا وخالاتنا وعماتنا في تجاربهم الزوجية كان المجتمع بتسامحه
وتكافله يضمن لهذه العلاقات الاستمرارية لان الطلاق عندهم يعتبر عيبا وتستمر الحياة , ولكن هذا
ليس دليل عافية على ان هذه الزيجات كانت زيجات مثالية |
ده كلام سليم 100 × 100
Quote:
اما الجيل الحالي من نسائنا برغم تعليمه وثقافته ووعيه وتفهمه ودخانه ودلكته , لم تشفع له كل
تلك الاشياء , لانه لم ينعتق من تلك الافكار البالية , وتري الواحدة منهن بان دورها ينحصر في
انجاب الاطفال وتاخذها دوامة الحياة التقليدية التي اختارتها بمحض ارادتها وعندما تلتفت بعد
سنة او سنتين من الزواج تكون قد ترهلت وترهلت العلاقة الزوجية حتى تصل مرحلة اللاعودة
|
لا أوافقك الرأي عن الجيل الحالي لأنهن والغالبية العظمى منهن خريجات متعلمات عاملات
شوف 3 عوامل تحفز على زيادة الثقافة والوعي لديهن
حتى الاهتمام بالموضة الخارجية او القادمة من خارج السودان
عم البلد
حتى الشباب ( الرجال) بالمناسبة اكتسبوا عادة كتيرة في الإهتمام بمظهرهم Which is good
أما بالنسبة للترهل والترهلات
فأنا من رأي اذا كان ترهل من الجانبين فما في مشكلة ( لا تعايرني ولا أعايرك )
لكن إذا كان ترهل من طرف واحد فدي مصيييييييييبة وحيفضل هذا الطرف دوماً بيعاني وبيتعذب Which is sooo bad
Quote:
انا هنا لا العب دور الواعظ ولا اري ان كامل حديثي هذا يجانبه الصواب ولكنني اعلم انه ليس
للاساءة الى احد من اخواتنا وزوجاتنا وهو راي شخصي يحتمل الصواب والخطأ
|
بالتأكيد أخي العزيز
Quote:
انا ما مغيوظ شديد , لكن خلال الفترة السابقة كنت في الامارات وشفت كثير من اخوانا السودانيين
هجروا بيوتهم وسكنوا فيما يعرف بالمقاهي الاثيوبية ,,وما ادراك مالمقاهي الاثيوبية , حيث الشيشة
والزقني ..والاثيوبية ,,فهل كل هؤلاء مخطئون ومنحرفون ,, ماهو الدافع ,, وماهي الحلول ..لعودة
هؤلاء الى زوجاتهم السودانيات |
أحيييك على الإضافة دي
لأنه انا تحديداً بتكلم من منطلق ممارسات بعض الشباب السودانيين في الإمارات تحديداً
شي يفوق الوصف
يعني يمكن اكتر من نص الشباب العزاب لهم صديقات أثيوبيات
أو حتى لو علاقة عابرة
او حتى صحبة مقهى من المقاهي الأثيوبية
أما الحل
اللـــه في
(عدل بواسطة Hozy on 06-16-2006, 05:39 PM)
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: Hozy)
|
جني كتب:
Quote: :
Outcast كتبت:
Quote: الحل يكمن فى أن يتوقف الرجل السودانى عن التفكير بأزدواجية فى علاقته مع المرأة. يشترط فى السودانية الرزانة و الصرامة لكى يتزوجها ,,و تملؤه الشكوك و الوساوس اذا ما هى أطلقت عنان انسانيتها ... ثم يأتى أخيرا و يهفو قلبه خارج السور الذى صنعه لمن تتقصع و تتبسط و تعطى بلا حساب.
ّانا أراهنك ,, لو أن أى أمرأة سودانية تصرفت بأخلاق أثيوبية.. لما وجدت سوى العبوس و الاساءة و الاحتقار من الرجل السودانى.
مكبلين بناتكم و اخواتكم و زوجاتكم بتقاليد تجعل من المرأة كائنا متبلدا .. بالطبع يجب ان تتبلد عشان تقدر تتعايش مع قدرها كأمراة ومن اول هذه الاقدار الختان الفرعونى.
الحل فى رأى يكمن فى أن يطلق الرجل سراح المرأة من التقاليد السودانيةالتى تكبل مشاعرها و احاسيسها الفطرية و ح تشوف براك المرأة السودانية تستعيد رقتها و جمالها و حيويتها ..
بس أن شاء الله الرجل يبقى يقدر على ال New look |
WELL SAID
Jini |
بصراحة فعلاً كلامك في الصميم عزيزتي
وعبرتي عن اشياء كثيرة وددت ان اكتب فيها
وخصوصاً أنه الرجل السوداني بطبعه غيور حتى على بنات بلده
يعني لا يستحمل ويستهجن ويغضب إذا رأى أحدهن ( عاملة نفسهاأثيوبية)
أنا بتكلم عن المظهر بس، ولا أقصد الإساءة للأثيوبيات لأنه أكيد فيهم من هن صالحات وحافظات لأنفسهن
كمان بضيف على باقي كلامك أنه كمان الرجل السوداني حتى اللي سنحت ليه الفرصة بالخروج من السودان لسه جديد على العولمة
يعني لسه حتى في السودان ينبهر لأقصى حد على من تسدل شعرها ( بدون طرحة) ( يعني كاسرة التقليد )
أو لابسة بنطلون مع شيرت قصير تحديداً وكثير من الأشياء الخارجة عن المألوف
عشان كده ده عنصر إبهار كبيير ليه
إذا صادفه مع سودانية أو نديدتها ( الأثيوبية ) لأنهم اكثر دولة جارة تتقبل السودان وتفخر به وتقلده
غير الكرم الزائد خصوصاً من الحبشيات 
ونواصل
تسلموا كلكم
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد عكاشة)
|
الاخت اوت كاست
كلامك جميل يستحق المتابعة والنقاش , فلنا عودة
الاخت هوزي
لكن مانجضتي الكلام نجاض .. ممكونين وصابرين . بس مالازم ندفن راسنا في الرمال , مزيد
من الحوار ,,وعندي اقتراح لوطلعنا من البوست الصاحبو تقول كمساري كل يوم في بلد دا
يكون احسن لانو اكيد ماحيلقى وكت يرد علينا ونخشي اننا ننحو بالبوست منحى اخر بغير ما
اراد له صاحبه الاخ محمد عكاشة ,,فاريت تطبخي لينا بوست كده جديد يكون احس
لي عودة
| |
|
|
|
|
|
|
|
|
الاخت هوزى
والاخ خضر
والمتداخلين/ات
انا سعيد بالحوار ..وارجو ان يستمر ,,سوف اعلق على مجمل المداخلات لاحقا.. واعتذر ام تاخرت وذلك لترتيبات العودة
مودتى وتقديرى
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد عكاشة)
|
Quote: الحل فى رأى يكمن فى أن يطلق الرجل سراح المرأة من التقاليد السودانيةالتى تكبل مشاعرها و احاسيسها الفطرية و ح تشوف براك المرأة السودانية تستعيد رقتها و جمالها و حيويتها ..
بس أن شاء الله الرجل يبقى يقدر على ال New look
. |
ياتو تقاليد البتسرق الرقة والجمال والحيوية...
الرقة يا سيدتي من الدواخل
والجمال بعناية المراءة يظهر
والدليل انو السودانيات بنات الجيل الهسي فينا دا بقن يهتمن بي المظهر والنظافة والجمال
فظهر هذا الجيل الطفرة( لو ما سمحة نظيفة)
بالرغم من وجود الرجل السوداني زاااااااااااااااااااطو زي مابقول هباني
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: عفاف ابوكشوه)
|
الاخ محمد عكاشة
بوست رائع
آراء خضر وهوزي جريئة وصريحة
نحن عندنا النظافة والملابس الجميلة للخروج , والاهتمام بالبيت واظهار جماله قبل حضور ضيوف مرات كتيرة ...كأن اهل البيت لا يستحقون أن يتمتعوا بجمال البيت وصاحبة البيت...
هذه رؤية حقيقية ...
الطقس في اثيوبيا يجعل من الإنسان إنسان هادي ولطيف ومحب للجمال ...
العادات والتقاليد المرتبطة بتراث وثقافة لا يتخلى عنها أهلها تجعلهم من الأصالة بمكان.
اتذكر أنني قد كنت في زيارة لأديس لتقديم محاضرة في الجامعة, والبيت الذي استقبلت فيه كان رائعاً ولكني كنت أتمتع أكثر بأن أشرب القهوة مع الخفير وزوجته في قرب بوابة الدار...بين دخان البخور والزهور المنثور على الصينة والتربيزة الخاصة... بذلك هي مشاهد لا أنساها أبداً..
وشعب حنون
ومضياف لكل من هاجر اليهم منذ عهد الرسول صلى الله عليه وسلم.
تحياتي
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: القلب النابض)
|
الاخ محمد عكاشة
شوف يا اخوي الرجل السوداني هو اول من قتل المراة السودانية, لانو الرجال السودانيين اغلبهم وهم
يعني الواحدة تتلبس وتقشر في البيت بفهم النظافة من الايمان , يكون تعليقو "انتي طالعة"
او "جايننا ضيوف" شوف جنس الاحباط دة.
وما تقول لي يمكن هي ما عودتو, ياخوي اهلو الما عودو يعني احباط من قولة تيييت.
ناهيك عن الاشياء التانية اللي بتدخلك في مشاكل لا تحلها بايدك لا بكراعك. دة شفتي وين؟؟؟
دة عرفتي كيف؟؟؟ دة اتعلمتي متين؟؟؟ وهلم جرا لمن المراة المهزومة تفر.
وتقول امشي جنب الحيط وقول يا ربي توصلني البيت. وتبقى هي كمان وهم اكتر منو.
فشفت يا اخوي الله بخلق من كل شي زوجين. يعني ليس سعد بخير من سعيدة والله يهنيهم ببعض.
تحياتي
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: عفاف ابوكشوه)
|
Quote: ولذلك الرجل السوداني يفضل المراة الاثيوبية علي المراة
السودانية في العلاقة الجنسية وهذه ايضا حقيقة موضوعية وواضحة كالشمس وتظهر هنا
وهناك ومازال المتداخلين يلفون ويدورون حولها دون ان يشيروا اليه مباشرة < عالم جبانات بشكل >
وهذا الجبن في رأي ايضا مرتبط بالعادلت والتقاليد والثقافة الجنسية عندتا |
الاخت عفاف
اثمن مداخلتك الجريئة سوى ان هذه الجزئية مقرؤه مع مجمل حديثك تحتاج الى نظر
اعود
مودتى وتقديرى
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: Ahmed Mohammed Osman)
|
Quote: ياتو تقاليد البتسرق الرقة والجمال والحيوية...
الرقة يا سيدتي من الدواخل
والجمال بعناية المراءة يظهر
والدليل انو السودانيات بنات الجيل الهسي فينا دا بقن يهتمن بي المظهر والنظافة والجمال
فظهر هذا الجيل الطفرة( لو ما سمحة نظيفة) |
الاخ احمدمحمد عثمان
لاحظت بعودتى الى الخرطوم ان (السماحة)زادت فى مناسيبها..
ودى حاجة تفرح طبعا
والرجل السودانى يظلمنه.. كثيرا..
تعليقك يكفى
نواصل
مودتى وتقديرى
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد عكاشة)
|
الأخ محمد عكاشة تحياتي..
بوست جميل و إن كان مستفز..!! (إلا لو كنت قاصد الطيارة)!!
برأيي أن المقارنة فيها إجحاف في حق المرأة السودانية..
و ربما كان يجب التمييز بين الأماكن التي تتفوق فيها إحداهما على الأخرى...
أو بشكل أدق..التي يفضل الرجل السوداني فيها إحداهما على الأخرى..
ففيما يبدو لي أن بعض الرجال السودانيين..و الذين خبروا الأثيوبيات و السودانيات..
يفضلون الأثيوبية في المقهى , و الملهى..
و يختارون السودانية..امرأة للخبز و الطحين!
أو..حارسة للمنزل..و أماً للأولاد!
إذا تحدثنا عن الجمال في الملامح و الخلقة... فهذا شأن رباني ..و قسمة الخالق في خلقه..
و في هذا الأمر..يتساوى الرجل السوداني مع المرأة السودانية ..
و الأثيوبي مع الأثيوبية.. بحكم عامل الوراثة!
أما إن كان الحديث عن القدرة على إبراز هذا الجمال.. و التفنن في عرضه..
فإن الأثيوبيات اللآئي يمتلكن المقاهي التي تحدث عنها الأخ خضر..
أو الآئي تحدث عنهن بقية الأخوة في افتتان..
إنما يمتلكن بضاعة يعلمن أن عليهن الإهتمام بها و بطريقة عرضها.. حتى تجد من يرغب بها!
أما الأثيوبيات من السيدات المحترمات في بيوتهن .. و خارجها..
فهؤلاء أحسب أن نصيبهن من التوفيق في الإهتمام بالنفس و الزوج..هو نصيب أخواتهن السودانيات المحترمات..
و الأمثلة التي أوردتها الأخوات القديرات منى خوجلي و الأستاذة عفاف أبو كشوة..
هي نماذج إيجابية..
لن نفشل أن نرى الكثير مما يعادلها إيجابياً في المرأة السودانية إن نظرنا إليها بعين منصفة..!
و في الآخر يتوقف حكمنا على الأمثلة التي قابلناها و نعرفها..
بالنسبة للأمثلة التي رأيتها..فهي على محدوديتها..لم تكن نماذج مثالية..
فالأثيوبية المتزوجة من السوداني..و التي كنت أحب جداً الذهاب إلى بيتها..كان بيتها جميلاً ..نظيفاً..و طبخها لذيذ جداً..!
غير أنها كانت تفتقر إلى جمال الهيئة..و لا أدري أين حدث الخلل..
عندما قرر زوجها بعد عشرة سنوات طويلة..
أن يتزوج عليها...........سودانية!!
النموذج الثاني رأيته هنا..
فتاة جميلة جداً..جمعتني بها الجيرة و الغربة في بلد تحن فيه إلى كل العطور الأفريقية..
زوجها ياباني..
لن أحكي عن بيتها..أو طهوها..أو شكلها داخل البيت..أو تعاملها مع زوجها..
فقط سأحكي عن خلاصة ما قامت به..
عندما تركت طفلتيها..لوالدهم.. و جدتهم لأبيهم..
و رحلت تبحث عن الشهرة و المال.. في عروض الأزياء و الجمال!!
على الجانب الآخر..
عايشت شعوباً مختلفة..عربية و غير عربية..
و لم أجد من تتعب و تجتهد في تجميل نفسها لزوجها مثل السودانية..
و لم أجد من تحترم زوجها..(و إن لم تدلّله دلالاً صريحاً) كما تحترم السودانية زوجها..
أتكلم عن الغالب الأعم..و لا يغيب عن ذهني وجود الأقلية التي لا ينطبق عليها حديثي..!
ربما يفضل السوداني الأثيوبية في المقهى..
لكنه حتماً..
يفضل السودانية ..في البيت!
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: wedzayneb)
|
Quote: و لعلك في هذا البوست، قد ظلمت المرأة السودانيّة و المرأة الاثيوبيّة علي السواء، بعقد
مقارنة مخلّة في عموميتها بينهما. وفي ذات الوقت فانّك كرجل و ضعت نفسك كوصيّ علي المرأة
السودانيّة، و ما نحن، أعني الرجل السوداني، بخالين من العيوب. كان بامكانك، علي سبيل المثال، |
الاخ طارق
اعود اليك وابدأ من الفقرة اعلاه من تعليقك..واقول ...انك حسمت مسالة البوست فى كونه حول (الاثيوبية) المرأة وليس الخطوط ,,والبوست حمال اوجه يدل على الاثنتين سوى ان عقد المقارنة بين المرأة السودانية والاثيوبية من جهتى لايمكن اختزاله فى بوست واحد ..وده لا يعنى توجسا من الحديث حول عيوب المرأة عندنا ..او فى اثيوبيا,, وأحمد الى بعض الزميلات تاكيدهن على بعض صفات الاثيوبية الحميدة خصوصا تقديرها الرجل وقدرتها على استيعاب حيواته والصبر عليه..وده يقابله فى الشاطىء الاخر( نقة) وجلبة وازورار عن الحياة وتعلق بتفاصيل لاقيمة لها....
حدثنى احد اصدقائى المرموقين فى الحياة..المشهورين..
انه لولا زوجته..سودانية طبعا..لولاها لصار الان فى مقام كريم فى العالم لا السودان وحده..
دى وجهة نظره..وهو مسئوول عنها..ورغم كل ماتسرد من حوارسعدت به يمكننى الاعتراف معك ان الرجل السودانى..انا وانت والكثيرين لسنا بخالين من العيوب وتقديرى وحبى للمرأة السودانية كبير,,,
اعود اليك..
مودتى وتقديرى
| |
|
|
|
|
|
|
|
|
|
Re: الاثـيـوبية ســاحـرة...فـاتن...وأفضـل من الســـودانية !!!!! (Re: محمد عكاشة)
|
الأخ الكريم طارق الفزاري..
Quote: و أري بعض أخواتي الفضيلات، أمثال السيّدة المؤمنة، التي أقدّرها
كثيرا، ناء خالد، قد وقعت في الفخ الذي نصبته لها، فوصمت المرأة الأثيوبيّة، علي وجه العموم،
بصفات ما كان ينبغي أن ترد منها، أعزّها الله |
يبدو أنك قرأت مداخلتي على عجل..
فأنا لم أصف المرأة الأثيوبية على العموم بأي صفة..
بل حددت فئة معينة و هي الفئة التي يتحدث عنها الأخوة بكل افتتان..
و هذه الفئة هي التي يسعى إليها الشباب السوداني في زياراته لأديس و أسمرة..
كما يبحث أبناء الخليج عنها في زياراتهم لبانكوك!
و عدت و تحدثت عن النساء الأثيوبيات المحترمات..
و قلت أن نصيبهن من التوفيق في العناية بأنفسهن..و أزواجهن..
هو نصيب أخواتهن من السودانيات المحترمات..
و قصدت أن منهن من تكون موفقة ..و منهن غير الموفقة.. سواء!
و الفئة من النساء الأثيوبيات التي يتحدث عنها الأخ خضر الطيب في المقاهي الأثيوبية..
هو من قال ان الرجال يسعون إليها..
و لم يقل بأن الرجال يذهبون لشرب القهوة..
إذن لكانت في هذه الحالة المقارنة بين القهوة الأثيوبية ..و الجبنة السودانية..
و لا شنو؟!
تحياتي..و دعواتي بأن يوفقك الله لبنت الحلال التي تسر قلبك و نظرك..
| |
|
|
|
|
|
|
|
محمد عكاشة
Adil Osman
jini
ابوالقاسم ابراهيم الحاج
Mohamed E. Seliaman
محمد حامد جمعه
omar alhag
محمدين ايدام
يازولyazoalيازول
محمد سنى دفع الله
Hussein Mallasi
دفع الله خطاب
برهان تاج الدين
سفيان بشير نابرى
Yassir Tayfour
Tragie Mustafa
نوسة
قاسم المهداوى
خضر الطيب
Muna Khugali
bashir adam abdalla
عشة بت فاطنة
Ahmed Daoud
معاذ منصور
عزيز عيسى
Outcast
Ahmed Mohammed Osman
عفاف ابوكشوه
القلب النابض
Rasha Hatim
AMNA MUKHTAR
عصام عبد الحفيظ
akram saeed
بدرالدين شنا
ترهاقا
فيس بوك
تويتر
انستقرام
يوتيوب
بنتيريست