دعواتكم لزميلنا المفكر د.الباقر العفيف بالشفاء العاجل
|
منى عـوض خـوجلى ...عندنا ســبق حــمير !!!!
|
تلتقيك والبهجة فى عينيها...ضحاكة وثغرها بسام.. يحس كل واحدمنا انها تحتفى به لوحده..ولاجله هوايضا,, قطعت الفيافى والغفار...مشبوبة بالحياة مملؤة بها... طفلة كبيرة...قلت لصديقنا ملاسى.. احتفت بنا على نحو خاص لدا عودتها فى كرم وحفاوة..وقدكان حريا بنا ان نفعل,,, سوى انها تسبق الى الخير فى جمال وحبور.. كانت ليلة سامرة وغناء عذب ..شجى وحضور مهفهف..وشقيقتها ماجيك... عاجت تلومونى على اعتذارى عن دعوتها فى قمة الجبل لدا عودتها الفائتة... قدمت اعتذارى لافتا...(...كان عندنا سبق حمير) والدهشة ترتسم على وجهها وماجيك معها تبتسم...ومطر قادم ماكث فى الجوار ..وهاشم احمدخلف الله واحمد النعيم(والعود فى ايدى) وشرذمة من بورداب الخرطوم.. _سبق حمير؟ _ايوه..نعم..سبق حميييييييير .... عمر بن الخطاب وهويبسط العدل وينام ملء جفونه..يذكر اصحابا له يطرب المرء بصحبتهم ..يتطهر بمؤانساتهم من اوضار النفس وضغط الحياة ورهقها...هكذا يقول..
كذلك افعل.. يوم الجمعة...يطرب صديقنا محمد محجوب وستة ايام الاسبوع تضغط اعصابنا والعاطفة النبيلة..ثم فى ذات يوم الجمعة نبحث عن موطن للجمال والخلوة على شاطىء النيل الظليل نصطاد السمك ونشوى على الضفاف وناخد(غفوة) عندالاصيل.. ونحكى ونسمع بعض التسجيلات الشجية وعبدالمجيدغاندى فى مواجيده وقفشاته الذكية .. عصام اللخو يتلو شعر (حميد) ويضحك ملء شدقيه ..ثم نتراوح الى اهلينا عند المغيرب... منى خوجلى شاقتها القصة واربعتنا لا يفرط فى ضهرية يوم الجمعة والفنان يغنى...حلاة الجمعة يوما...وحلو شمبات مقيلا.. منى تقبله..اعتذارى بسبق الحمير...وتعود الى اهلها...عودا حميدا مستطاب.. ساعود اليكم مودتى وتقديرى
|
|
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: Muna Khugali)
|
انا شفت سباق الأبل في همشكوريب.. وشوفت سباق الخيول هنا وفي الخارج.. وفي التلفزيون شوفت سباق الكلاب..
بس ماشفت سباق الحمير.. بيجروا براهم ولا بيكلموهم يجروا والحمار بيجري وعليه بردعه ولا لآ؟
طيب عندهم أصحاب بيراهنوا عليهم ولا كيف؟ ولا بس اي واحد عنده حمار ولا هو حمار يجي يجري؟
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: ismeil abbas)
|
Quote: الظريف/محمد عكاشة
إنت فى شنو و............فى شنو.
طبعآ عذرك مقبول.
وأكيد ألأخت منى خوجلى بدبلوماسيتها التى سمعناها عنها قبلت إعتذارك.
لكن عندى أنا إعتذارك ما بفيدك والعملتو كان بأيدك..
ده إسمو كلام ترفض دعوة بالشكل ده..
يوم الجمعة القادم أصطاد ليك سمكة وأرسلها لى مع هاشم أحمد خلف الله.ما شاء الله ألأيام دى النيل زايد ولو رميت سنارتك من البيت بتجيب ليك سمكة.
مودتى
إسماعيل محمد احمد عباس........ |
شوفت يا اسماعيل.. انا عزمته سمك وهو ابي علشان الحمير وياريت هو كان عنده حمار فيهم! اسه تاني أنا كررت الدعوه..عزمته سمك وهو عزمني حمير.. فأينا أحق بالرحمه..احنا ولا السمك ولا الحمير؟؟
وفي الخرطوم في ناس أتاريهم جبانين خلاص.. نقول ليهم نمشي جبل أولياء والمكان أمن.. المويه مافيه علشان عالي شويه..يقولوا ليك لأ..بنغرق! يعني أسه ناجي الملك بكرعينه الطوال ووزنه الخفيف ده يغرق كيف؟؟ ومحمد عكاشه تسأله سبق الحمير ده كيف..يعوج رقبته ويعاين ليك جوه عيونك ويقول ليك ماسبق بس! بس انا عرفت انه سبق غير شرعي..وكمان ساذج.. عارف ليه؟ لأنه الحمار المسكين بيطلع مع صاحبه..وعليك وحدك يا اسماعيل أن تقرر من هو الحمار ومن هو الصاحب" في مشوار..يعني شنو..زي هو ماشي الشغل عادي.. لكن بيكون في نية صاحبه..شغل وحمام وترفيه ليه مش الحمار! اليوم داك الحمار لازم يستحمي..يوم الجمعه بس بيستحمي..أخييييي! وحمامهم زي حمام الملاطيلي من ناحية تجمع وليس نوع..يستحموا في البحر.. وبعد ما يحموهم ..يجروهم في السبق.. الحمار المسكين لا أخد تدريب..ولا في باله فهم لمعني الموضوع..بس هو اتعلم يعمل زي ما بيقولوا ليه.. ولو فاز ما اظنه عنده جائزه..بس امكن صاحبه يفرح ..وبالكتير يجيب ليه في العيد بردعه لونهاأحمر بالأصفر..وما تزعلوا مرات بالأزرق..علشان لو تاه منه لا سمح الله.. يعرفه بالألوان دي.. الحمار مسكين يا اسماعيل..علي فكره عندكم سبق حمير ولا غنمايات هناك؟
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: حيدر حسن ميرغني)
|
محمد عكاشة سلامات
سباقكم كان زي ده
عارف يا حيدر لو السبق زي ده..يبقي عكاشه متهم.. فهو منتهك لحقوق الحيوان قطعا! شايف العصايات في ايد الناس الفوق الحمير؟ كل ما الحمار يتأخر يضربه! طيب مش امكن رجلينه واجعاه ولا حتي فتران؟ مش امكن ماعنده مزاج؟ مش وارد برضو يكون مابيعرف يجري كويس؟؟ يعني الحمار كل ما يضربوبه كل ما يجري أكتر.. يعني بيسمع الكلام وبيخاف من الضرب.. يبقي كده محمد عكاشه بيفرح لما الحمار يتضرب! عمرك شوفت حصان بيتعامل معامله قاسيه قبل السبق ولا بعده؟ مش طوالي بيسرحوا ليه ديله بعد الحمام وامكن يربطوه بفيونكه ويتونسوا معاه.. ويدوه حلاوه وسكر علشان ما يزعل؟ وعلي فكره...الأتنين حيوانات..ليه بقي التفرقه؟؟
ربنا هايوديك النار يا محمد عكاشه..بكره تشوف!
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: Muna Khugali)
|
محمد عكاشه والصحا مشوا سبق الحمير.. اتصل بي وانا في طريقي لحمد النيل.. حد يلقي مهرجان الصوفيه يوم الجمعه ويمشي حته تانيه؟ قلت ليهم تعالوا هناك..نتقابل بتصوف..قالوا كويس.. وبعد مسافات زمنيه ما هينه.. قالوا فيصل يصطاد من الضفه التانيه.. حتي السمك قرر يكون في شمال وجنوب وفصل نفسه في ضفتين.. واحده في الشمال والتانيه في الجنوب!
بس ماعرفت الحمير جرت ولا أخدت عين.. فيصل رجع بالسمك ولا قالوا ليه لآ..امشي الشمال!
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: Muna Khugali)
|
Quote: وأشماتة ابله ظاظا يا منى شفتى ناس الحزب الجمالى فى السودان فضلوا علي لقياك سباق حمير ، ونحنا جينا جرى وعايزين نطير !! ما لينا حق فى نقل المقر من .. الى ... ؟؟؟؟ |
خلاص يا تاج.. خلي أبله ظاظا تشمت زي ماهي عايزه..يعني هي وراها ايه غير الشماته؟ انقل مقر الجمال زي ماعايز وانا موافقه..بس كلمني في أضاني عنه بدل ما تكتب نقط.. ولمعلويتكم كلكم.. أنا عأعمل سبق حمير ماحصلش.. أولا من ناحية منظر هأهتم بيهم البؤساء ديل.. بحميهم كل يوم قبل ما ينوموا.. وعلي فكره هاينوموا بدري علشان يصحوا بدري.. وبعمل ليهم فيونكات ..كل اضان فيها فيونكه.. يعني يكون عندهم زي تسريحة ديل الحصان بس مرتين وفي وشهم.. شكلهم بيكون حلو موش؟ وبأكلهم كويس..واي زول يضربهم بالسوط ما يلوم الا نفسه! اصلكو ماتعرفونيش لما أزعل!
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: محمد عكاشة)
|
Quote: قبل اى تعليق... يامنى فى ذمتك ..مش اتكلمتى مع مدير السبق..المندس سيداحمدمحجوب.. واصدر قرار ان يتحول سبق الحمير الجمعة الجاية الى حيث تذهب منى خوجلى..وكان غرقتكم فى البحر..ده حصل.. مودتى وتقديرى |
أيوه حصل وحاة ذمتي حصل.. ولمعلوميتك جميعا..برنامجنا القادم سيكون جميلا وقويا باذن الله..وعلي فكره سيداحمدمحجوب مهندس وليس "مندس" وهذا لدواعي الأطمئنان.. لكن في حاجه مهمه جدا جدا...
.......
بوريكم بعدين..بس اصبروا
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: ismeil abbas)
|
Quote: يوم الجمعة القادم أصطاد ليك سمكة وأرسلها لى مع هاشم أحمد خلف الله.ما شاء الله ألأيام دى النيل زايد ولو رميت سنارتك من البيت بتجيب ليك سمكة. |
بس هو مايقدر يعمل كده..علشان هاشم راجع يوم الأتنين بعد بكره خساره ما بيحر الجمعه معانا! عارف اي سمكه يصطادوها بيكون في بطنها واحده ولا اتنين..في أوكازيون..
فيش وان آند قت وان فري! fish one and get one free
ده من ربنا ولا من ناس عايزه تسويق ولا حاجه!
طيب تفتكر هم يوم الجمعه هايجوا معاهم الحمير؟ صعبه شويه..موش؟ وبعدين غير انتهاكات السبق وضرب الحمير..طريقة حمام مافي..الفيضان ممكن في بطنه ياخد الحمار المسكين المالاقيها من السيق وضربه والنيل وغرقه! عارف بقي لو النيل أخد الحمار هايحصل شنو؟ هاتطلع اسطوره زي بتاعة عروسة النيل الفدا عند الفراعنه.. الناس تبقي تقول.. حمار النيل الفدا للنيل عند السوادنه.. وانا مالي دعوه!
تحيات كثيره لك أخي اسماعيل وخليك معانا..
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: رأفت ميلاد)
|
Quote: بحتكم والله لكن لغتك العربية ضعيفة . ما سبق صبق ياخى بالصااااد إنت كنت بدل تعتزر كان تعزما أنا شفتها راكبة كارو مرة
كانت طلعت الأولى
بختك يا منى مريحة بجى الخريف واللوارى بتقيف الزومة ما تصليها
سلامكم |
ايوه والله يا رأفت انا عادي جدا بركب الكارو وكمان اقعد اتفرج في الناس.. اشمعني هم يتفرجوا فيني وانا علي الكارو؟؟
ياريت بس كنت اقدر أمدد اقامتي هنا في الخرطوم!
وأحسن حاجه تركب الكارو ويكون في مسجل فيه زوله بتغني اسمها ايه كده غرزه..وواحده تانيه اسمها ساميه طعنه! وقررنا نحن أصحاب الأوزان الثقيله..لما نفكر نطلع نركب كارو..نشيل بمبر عالي معانا.. علشان نقدر نطلع فوق الكارو من عليه!
اما الزومه دي فبرنامجها في العيد الكبير.. علشان الجو شت اوبارد أولا.. ومنظر الخضار جميل.. وثانيا علشان بيكون في شيات كتيره ومعاها شربوت
مشتاقين يا رأفت..
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: مطر قادم)
|
الله يا مطر .. دي حماره صح؟ ولا ياتري "الحمار" عندهم بيستعمل برضه المكياج؟؟ أنا بقول دي حماره.. مش علشان المكياج بس.. لكن كمان علشان تسريحة شعرها..أفتكر هي الكسبتهااللقب..
وبعدين ليه تفوز الحماره المغربيه دون الأجناس الأخري؟ يا تري كان في كم جنسيه تانيه؟ كان في سودانيه؟ ولا مصريه؟
ولا هي الشغلانه جهويه ومجرد استلاب ثقافي؟؟
علي كل حال مبروك للمغرب جمال حميرها وروعتهم..عقبال فوز المخاليق التانيه بالجمال..
وعلي فكره يا مطر..معلومات جميله ولطيفه جدا..وشكرا علي ترحيبك اللطيف..
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: محمد عكاشة)
|
ألأخت/منى
أنا معاكم على طول..
بس خليكم إنتوا ومحمد عكاشة و سبق الحمير لحدى ما نشوف البفوز منو؟
أما عن هاشم كاتلاه الحسرة لعدم تمكنه من حضور تجمع الجمعه الذى سوف يكون بكل المقاييس كل الجمال.وإنصل بى اليوم وعايز يعمل حركات ....ويتلكك عشان يحضر رحلتكم الجميلة..
أمنياتى ليك بأفامة طيبة وسعيدة وجميلة بين أهلك وأصدقائك...وإن شاء الله نلتقى...
خالص مودتى لكى ولسيد سبق الحمير.
مودتى..
إسماعيل محمد أحمد عباس........
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: محمد عكاشة)
|
محمد عكاشه وضيوفه سلام وخصوصا حبيبتنا (منى) مؤسسه اساسيه فى جزب الجمال
Quote: ملك جمال الحمير من المغرب
القائمون على مهرجان قرية بني عمار الطريف بالمغرب يريدون جعله وسيلة للتنمية الاقتصادية في منطقة تعيش على مداخيل الزراعة. |
طبعا يا ابو الامطار دى جدعه ما بتجى الا منك وبالمناسبه دى اهدى ليك انت والحضور مقطع من اغنية جكه من جكاتك يا دحشى الباقى نسيتوا
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: محمد عكاشة)
|
شكرا يا حيدر "صبق" علشان خاطر رأفت.. جميل انا عايزه الحمار الأبيض.. اسألني لي.. لأسباب متعدده.. يعني مثلا لونه ابيض..واللون الأبيض عقدتي..وما تسألوني ليه.. وماتقعدوا تحللوا فيها وتقولوا أنا رافضه للوني الحقيقي..وبطلع عقدي في شكل ماعارفه ايه..
تانيا الحمار ده عنيد وكان عنده شخصيه! شايفين كم مره كان يكمل اللفه وهو بيحاول يقنعه؟ والحمار يهذ راسه وديله ولسان حاله بيقول.. أبدا..لا ممكن! تصدقوا الجوكي بتاعه كان بيجري بدله؟! يبقي أنا آخد الأبيض.. والا.. موش لاعبه!
Quote: شكرا ياميرغنى خلى منى تختار الحمار الذى يناسبها..ليوم الجمعة مودتى وتقديرى |
بعد كده بقي خلي الحمير تختار مايناسبها..من باب التغيير وخوفا من عنادهم
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: محمد عكاشة)
|
أنا موجوده يا محمد..بس انشغلت الليله شويه.. راح علي يا جماعه.. اسماء الحمير شنو؟ ولو في زول عايز ينادي حمار معين..يناديه كيف؟ مثلا غي حصان بيصفروا ليه علشان يجي.. والكديسه بيقولوا ليها بسبس.. يبقي هو كيف ينادوه؟
اوعوا تقولوا لي بيقولوا ليه.. تعال ياحمار!
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: Ahmed musa)
|
Quote: منى خوجلى عضو بالحزب الجمالى..وسوف تتولى شئون الحزب فى المهجر.. |
Quote: والله بمنتهي البراءة , إمكن عشان نهاية يوم وتعبان لكن بالجد قريتها وسوف تتولى شئون الحمير بالمهجر !!! اعفي لي ياعكاشة أعفي لي يا مُني (إمكن أجيكم هناك ما معروف!!!) |
أحمد ما تعتذر..
مش امكن قرايتك صح؟
وياريت تجينا وتاكل معانا سمك مقتول..في انتظارك
| |
|
|
|
|
|
|
Re: منى عـوض خـوجلى ...عندنا ســبق حــمير !!!! (Re: مطر قادم)
|
وغابت "الحمير" عن رحلة الجمعه! وظهر "صبق" من نوع اخر.. صبف الأيادي علي السمك.. ثم صبقها علي الشاس والجبنه.. وصبق ليه طعم تاني..صبق اللوس علي تلك الخجاره الأسمنتيه في داخل النيل.. الصبق علي الضحكه الحلوه..
ويبدو لي أن صبق الحمير ليست له قواعد ملزمه دون دلال.. فحتي منظميه لم يلتزموا بالوعود.. فكيف تلتزم حمير بأي شكل من الألتزام.. ومن يدربها علي السباق غير ملتزم بما يقول؟؟ ولا أعتقد ان الحمير كان يمكن لها أن تكسب.. لنفس الأسباب السابقه وأخري بنيت عليها.. لم يحضر الساده اصحاب الحمير بحميرهم الي جبل أولياء.. ولم نتلق منهم اعتذارا حتي اتصالنا بهم لمعرفة سبب التأخر.. وبالتالي لا نعرف شيئا عن الحمير ولا عن شكل سباقها.. واكتفينا في يومنا الجميل ذلك بصبف الفلوب علي الفرح وصناعته.. وليحدثنا آخرون اذا عن تربتهم في صبق الحمير.. وسلام كبير لأخي عباس.. وكان بودي أن آتيك بالخبر اليقين وبوصف تفصيلي.. لكن الله غالب..
تحياتي لعكاشه صاحب البوست و للجميع..
| |
|
|
|
|
|
|
|