دعواتكم لزميلنا المفكر د.الباقر العفيف بالشفاء العاجل
|
|
 قصة غريبة.. 226جنيه استهلاك انترنت لنصف يوم فى زين !!!
|
حاجة غريبة..
برغم توضيحات الاخوة فى زين حول الكيلوبايت وتعرفة زين كونكت الا ان الحكاية غير منطقية فى كل الاحوال ..
ويبدو انى مع حكاية التقانة والاتصالات دى ماعندى حظ..
بالامس قلت أغير من سودانى وقمت لاول مرة باستعارة واستخدام زين كونكت حيث خدمة اليوم بجنيه من شريحة ايزى ..
الرصيد قطع منتصف الليل..قلت ياعمك أدخل شريحة موبايلى وهو خط ودخلت النت بحمدالله ..
فتشت الايميل وقرأت كم بوست ومقال قفلت اللاب توب ثم نمت ..
أصبح الصبح ..
دخلت مرة اخرى عندالسابعة صباحا لبرهة قليلة ثم نزلت الشغل..
جئت لاتصل من الموبايل لقت الرقم محظور ..
راجعت الفاتورة لقيت مبلغ كبير فجأة ..
اتصلت ببعض الاصدقاء فى زين ورغم الحوار الطويل مع المشرفين وطول البال و مشكورين على الاتصال والتوضيح غير أننى لم أفهم شيئا سوى أن استهلاكى لانترنت زين وبافتراض أننى أشتغلت من بعد منتصف ليلة امس الاحد 4 اكتوبر2010حتى منتصف نهار اليوم الاثنين 5 اكتوبر لايمكن أن يكون بمبلغ 226 جنيه..
معقولا بس ..
ده رغم ان استهلاكى الشهرى للموبايل لا يتجاوز 300 جنيه فى الغالب
اللهم لا نسألك رد القضاء ولكن نسألك اللطف فيه ...
|
|
 
|
|
|
|
|
|
|
 Re: قصة غريبة.. 226جنيه استهلاك انترنت لنصف يوم فى زين !!! (Re: محمد عكاشة)
|
محمد عكاشة
تحية وتقدير
في الانتظار معاك أخر مرة كنت بستخدم كونكت زين ( زين بروباندي ) ببطاقات شحن مسبقة الدفع
لقيت نفسي لمدة أستخدام عادية خارج اوقات العمل قاعد أدفع كلفة شحن خيالية عن طريق بطاقات زين
بعده أستخدمته ألفا ( مقوي شبكات ) وبقيت ما قاعد ادفع اى تكلفة على أستخدام النت
صاحب لى قام جاب لى فتوي بتحرم أستخدام النت عن طريق التلصص على شبكات الغير 
فبقيت مكتفي باستخدام النت في وقت العمل فقط
_ زين عالم يّحير _
| |
|
|
|
|
|
|
|
|
 Re: قصة غريبة.. 226جنيه استهلاك انترنت لنصف يوم فى زين !!! (Re: عبد الناصر الخطيب)
|
..
.
| Quote: _ زين عالم يّحير _ |
قرقر قرقر قرقر
هذه اجمل من المشلكة نفسها
Quote: حاجة غريبة..
برغم توضيحات الاخوة فى زين حول الكيلوبايت وتعرفة زين كونكت الا ان الحكاية غير منطقية فى كل الاحوال ..
ويبدو انى مع حكاية التقانة والاتصالات دى ماعندى حظ..
بالامس قلت أغير من سودانى وقمت لاول مرة باستعارة واستخدام زين كونكت حيث خدمة اليوم بجنيه من شريحة ايزى ..
الرصيد قطع منتصف الليل..قلت ياعمك أدخل شريحة موبايلى وهو خط ودخلت النت بحمدالله ..
فتشت الايميل وقرأت كم بوست ومقال قفلت اللاب توب ثم نمت ..
أصبح الصبح ..
دخلت مرة اخرى عندالسابعة صباحا لبرهة قليلة ثم نزلت الشغل..
جئت لاتصل من الموبايل لقت الرقم محظور ..
راجعت الفاتورة لقيت مبلغ كبير فجأة ..
اتصلت ببعض الاصدقاء فى زين ورغم الحوار الطويل مع المشرفين وطول البال و مشكورين على الاتصال والتوضيح غير أننى لم أفهم شيئا
سوى أن استهلاكى لانترنت زين وبافتراض أننى أشتغلت من بعد منتصف ليلة امس الاحد 4 اكتوبر2010حتى منتصف نهار اليوم الاثنين 5 اكتوبر لايمكن أن يكون بمبلغ 226 جنيه..
معقولا بس ..
ده رغم ان استهلاكى الشهرى للموبايل لا يتجاوز 300 جنيه فى الغالب
اللهم لا نسألك رد القضاء ولكن نسألك اللطف فيه ... |
طيب ووين العرض بتاع
5 قيقابايت بــ 40 فى الشهر
و10 قيقا بايت بـ 80 فى الشهر
واللامحدودة بــ 100 فى الشهر
بالاضافة للدعاية الخامين بيها المواطن
تقطع من النت تشتغل بــ 5 جنية طوال اليوم للدفع الاجل
ولا الواحد جنية طوال اليوم للدفع المقدم ..
عموما يا صديقى لا اقول تستاهل ولكن لمزيد من المعلومات اتصل بـ 123
قرقر قرقر قرقر
بقت فيك عملية ناذر الما بسمع كلام الخبراء
--------------
ما إلكـ الا كنار ..
| |
|
|
|
|
|
|
|
|
 Re: قصة غريبة.. 226جنيه استهلاك انترنت لنصف يوم فى زين !!! (Re: Tabaldina)
|
تقرقر ياتبلدينا..
شماتة الخبراء قوية جد..
بجيك راجع ونشوف حكاية ناذر دى ..
الاخ عبدالناصر تشكراتى ياصديق
تعرف كنت من أوائل المشتركين فى سودانى وحدث أن حكيت قصتى معهم قى سودانيزاون لاين لحوجتى الماسة الى خدمة الانترنت فى اوقات مختلفة..
عندى عمود اسبوعى فى الملف الثقافى فى صحيفة السودانى وبرسله بالايميل فى بعض الاحيان ..
مرات مع السفر والزحمة بنسى اكتبو فى موعد معقول ..
بجى راجع اكتب بالليل كماهى عادتى وبدخل من سودانى ..
ذات زنقة رجعت متأخر ومسافر تانى يوم وضرورى ارسل العمود..لقيت الخدمة مقطوعه وانا دافع اشتراك شهر بالتمام والكمال مما اضطرنى للاتصال بصديق بالموبايل انصاص الليالى لاملي عليه المقال ليرسله من ايميلى ..خدمته على زين..
هسى خدمة سودانى فى تلتله..تجى المكتب تشتكى ينصحونك بالاتصال على 120من موبايل سودانى او120120120 من اى هاتف آخر..وهؤلاء لن يجيبونك ياناصر وتبلدينا الا يوم الموقف العظيم..
ورطتى أمس لذات الغرض ..استلفت زين من صديق بى شريحتو والرصيد قطع لأقع فى المحنة دى ,,
تانى غايتو مافى حل غير وايرس المكتب بس..
| |
|
|
|
|
|
|
|
|
|
Re: قصة غريبة.. 226جنيه استهلاك انترنت لنصف يوم فى زين !!! (Re: محمد عكاشة)
|
Quote: طيب ووين العرض بتاع
5 قيقابايت بــ 40 فى الشهر
و10 قيقا بايت بـ 80 فى الشهر
واللامحدودة بــ 100 فى الشهر
بالاضافة للدعاية الخامين بيها المواطن
تقطع من النت تشتغل بــ 5 جنية طوال اليوم للدفع الاجل
ولا الواحد جنية طوال اليوم للدفع المقدم .. |
طيب ياتبلدينا كخبير كده..
العبدلله ده نص يومو ده مايضايرو لينا فى اللامحدوده أم 100جنيه فى الشهر..
ستة وعشرين جنيه يارجل ؟؟؟
و فى ظروف الغلاء دى ..
المحيرنى غلبنى أفهم الحاصل جملة وتفصيلا من المشرفين..
حول لى ناذر..
تسلم ياصديقى ومانجيك فى شينة
| |
|
|
|
|
|
|
|
|
|
Re: قصة غريبة.. 226جنيه استهلاك انترنت لنصف يوم فى زين !!! (Re: محمد عكاشة)
|
محمد عكاشة
من كلامك إنت شريحتك خط post paidركبتها في الكونكت وإتصفحت
لمن ماتفعل خدمة البرودباند (الخدمه على ماأعتقد للدفع المقدم فقط) prepaid ، في الحاله دي بتتحاسب على كل عشره كيلوبايت على ماأعتقد بي عشرة قروش .. لو فتحت صفحة سودانير اون لاين براها دي حجمها
زي 300 كيلوبايت تقريباً يعني بتكلفك مايقارب واحد جنيه وعشرين قرش ... لكن برضو المبلغ مامافروض يحصل الحاجه الخرافيه دي .. عموماً ناعندك حل غير إنك تقلل استهلاكك الشهر ده
| |
|
|
|
|
|
|
|
|
|
Re: قصة غريبة.. 226جنيه استهلاك انترنت لنصف يوم فى زين !!! (Re: محمد عكاشة)
|
سلام
والله
دخلت نفس الفيلم
سدت فاتورتي يوم 22 وبعد يومين الرقم محظور
يا جماعة انا ما عملت الا كان اتصال او اتنين
كدي اعملو لي استاتمنت
لقيتها ليك كلها البقولو عليها جي بي ار اس
وهي الشي دي غالية كدي وطيب منو البيستعمل
عاينت لزمن الاستهلاك كلها بعد عشرة مساء
قبضتو ليك
ولدي بقولو يا ماما عشان اظبط المنبه واصحى بدري بيشيل مني الموبايل بالليل
ود الذين
المبلغ حيتخصم منك بالتقسيط المريح كل يوم تدفع جنيه من مصروفك
ههه
الله يعوض ياخي
سلام
صفية
| |
|
|
|
|
|
|
|
|
|
Re: قصة غريبة.. 226جنيه استهلاك انترنت لنصف يوم فى زين !!! (Re: محمد عكاشة)
|
Quote: الشلاقة العليك شنو تدخل ب شريحتك ... الشريحة المعاك بريبيد .. بها رصيد نت 5 أيام بس تنشط الخدمة كل يوم
عموما آآآآآآآآآآآآسف إذا ساهمت ف قطع الإرسال عنك وأكييييييييييد ح أعمل حاجة
"ع فكرة ..زين من أفضل الشبكات الممكن تتعامل معاها بس اتبع الخطوات وبعدها الخدمة تكووووون ناجحة جدا |
| |
|
|
|
|
|
|
| |
محمد عكاشة
فدوى الشريف
Safia Mohamed
فيس بوك
تويتر
انستقرام
يوتيوب
بنتيريست