دعواتكم لزميلنا المفكر د.الباقر العفيف بالشفاء العاجل
|
|
 زمن التداعى
|
1-
لحظة انبهار
وانت معاى
.... سرقت من اللحظة... الزمن
قلت اتاوق
القاك.. متمدد فى السماء المدود.
.. وقف قلبي من النبض
لحظة فجيت وطليت.
. وقلت اكيد ..
متلفح وشاج سطوك.
. اعيش اللحظة بين ايدك.
. واتمنيت اعيشك.
. طيف..
ملازمك فى الصحوة والغفوة..
واتمنيت اكون منك
.. مرسوم فى حدود وعيك.
. .. لحظة اتمطت
فى مشاعر الريد.
.و أتخيل انت معاى.
. جانى احساس متضخم..
خف الوزن .
. وقمت على سجية اللحظة طاير.
... ومشيت عكس الهواء
.. والريح والتيار ..
لقيت فى الصبى قوة ..
ولقيت فى الكبر .. فكرة
.. واتمنيت اكون انت
.. وفى الشجى صوتك
اكون بحه
يتبع
محاولة مستمرة
ضد تيار الهزيمة والاحباط
|
|
 
|
|
|
|
|
|
|
 Re: زمن التداعى (Re: sharnobi)
|
سلام مربع
شرنوبــي
الجزر والخيار
وعلاقة السببية بالاحباط
ودرء الهزائــــم
بــــري للمره الاولى
اليوم الجمعة وما ادراك الجمعة
هنا
في مربع اول
للغربة
هنا في جدة
وما ادراك ما جدة
حيث انك تكون مسافة كلمة واحدة
من االاحباط
ونظرة واحدة من شكل الهزيمة
فهانذي ادخل خلسة الى حيث يوجد مشروعك
المعد سلفا
لمقاومة مد الاحباط
فكيف يمكننا انا
وانت سوية
ان نعبر تجاوزا
هذه الكميات المتندلة من الاحباط
اولا اليك مشروعي
لا ادري ماهو مشروعك لمقاومة كميات هذه الاحباطات
ان انفض يدي من كي بوردي واطفئي شاشة كومبيوتري
امعانا في اغاظة الاحباط
وان انهض بقومة واحدة من غير تلكع الى مطبخنا
ومن هناك احاول ان التقي بي ماما
لانها حتما سوف تبعث الي _بجميل كلامها
انت كنت وين يا قصفة
هذا الكلام من تواتره فيني
سوف يزيد كميات (الضمان) الاجتماعي ويمنع
زيادة الاحباط
ثانيا
افتح الثلاجة واخرج كل
انواع الخضروات الموجودة في حوض الثلاجة
واكبها في الحوض وافتح فيها كمية من المويه
ثانيا
انا احب الجزر
واكره البصل والفجل
ثالثا
ابعد الحاجات البكرها
واقرب الحاحات البحيها
رابعا
اجر طربيزة المطبخ الى منتصف المطبخ بالطبط
حتى تتضايق ماما وتشهر في وجهي السكين
وهي تنتهرني وتلحق ذلك بدعوة بت كلب
ما تزحي كدي ولا كدي يزحك المرض اللي يغطسك
وهذا التصرف بدوره
سوف يظهر الخوف ويطرد شوية من الاحباط
خامسا
لن ابالي بما تقول ولا اتزحزح من مكاني قيد انملة
هي سوف تنشغل باحاجات تانيةوتترك لي المطبخ
وعلى رحابته سوف اتفسح فيه مثلما اشاء
سادسا
سوف اقرب الى كل الخضروات التي احبها واموت فيها
وانزل فيها قطيع لمن اطلع زيتها
وهي الجرجير
الخيار
الطماطم
والبطاطس
وابعد البصل الاخضر الى تجاه ماما
هي التي تقطعه موش هي برضو امنا
ان لم تفعل (االام) لعيالها الذي يحبونه
ماذا تفعل ؟؟
نظرية برضو اهو جديدة نضيفها لعمل الاجتماع
امسك الجزر بايد
وابدأ اقرم فيهو
حتى يخرج صوتا مفرقعا
وحتى اطفئ هذا الصوت
امسك الخياره بيدي الاخري
واقرم من الجزرة وقرمه من الخياره
اه تذكرت الخيار
ايوه نسينا ثامنا
ان احضر التلفون من الصالة
ايه واشد سلك لبنت خالتي
وهي بدروها مشغولة مع ضيوف ناس بيتهم
وانا ايضا مشغولة
ومن مطبخنا ومطبخهم
نقل الشمارات
بين امي
وامها
اي بين الاختين
ماذا تبقى
تبقى لموعد صلاة الجمعة وانا الان على فكره اون لاين
نصف ساعة
اي ان الرجال اللي هم بابا واخواني
وبعض ضيوفهم من العذابة القريبين مننا
ايوه تسألني بنت خالتي
ماذا تطبخون اليوم
اسالها وانتم
تتذكر ماما ان اخي الصغير لم يأتي بالكسره من حي الصفا
ومن هذا الامر تعرف بنت خالتي ان الكسره ايضا لم تحضر
فتذكر امها وهذه بدوها تستدعي الابن الاصغر
وياتوا بالكسره
ايه رايك
الجزر كمل
والخيار خلاص
اخر طلقة
والكلام لسعه ماكمل
لكن الاحباط باقي منو شوية
ايه رأيك
تاني نرسل يجيبوا جزر
وخيار
عشان نطفش بيهو الاحباط
وعاشت وحدة تكاتف الجزر والخيار
والجرجير
هذا هو مشروعي انا
مشروعك انت شنو
ولا كلام جرايد ساكت
| |
|
|
|
|
|
|
|
|
|
Re: زمن التداعى (Re: sharnobi)
|
الحبيب شرنوبى
دائما تبادرنى الخواطر عندما اقرا كلماتك المعبره
واهم بالتعليق الا ان كلماتى سرعان ما ترتدى نقاب
الحياء عندما تصطدم بصدق كلماتك التى تنبع
من قلب ما زال يتدفق بالحيويه والانتعاش و برغم
ما اصابه من احباط الا انه ما زال فى ريعان شبابه
كم انت رائع ايها النوبى وكلى امل الا تجعل الاحباط
يتسسل غفلة الى دواخلك حتى لا نصاب نحن بالاحباط
فاذا كنت وانت تملك هذا القلب الانسانى تصاب بالاحباط
فهذا يعنى باننا لابد ان نستسلم للاحباط قبل ان نواجهه
فى ساحة المعركه ولك حبى وتقدي
| |
|
|
|
|
|
|
|
|
|
Re: زمن التداعى (Re: sharnobi)
|
الاستاذ الفاضل شرنوبي .. حقيقة كنت أظنك من الجيل التائه .. الجيل الذي ترعرع في أحضان التشوه .. الجيل الذي كانت تُسدد الفاتورة من لبن رضاعته .. كما قال الفارس (بالنسبة لي) صلاح أحمد ابراهيم
و الفاتورة من لبن الرضيع مدفوعة
في هجائية طويلة لأبي عاج .. ما زلت احتفظ بهذه الهجائية
على كل .. رأيت صورتك فاطمأن قلبي و ايقنت بأنك لست من هذا الجيل -المشرتم - الذي أنا منه
و بعد .. يا شيخي شرنوبي .. لماذا كل هذه البكائيات و النحيب و التيه النفسي المجسد في شعر و نثر و خواطر السودانيين الشباب؟ هل هو انكسار لا رجعة منه؟ هل هو تعبير عن فقدان البوصلة أو الحيلة؟ هل هو حنين الى شيء مفقود و لا يستطيع أحد تسميته؟ هل هو ضعف إنساني طبيعي كثفناه بأنفسنا ليصبح تياراً جارفاً كما أرى الان؟ ...... الاسئلة كثيرة تجعلني أحياناً كعبد الحميد الديب - كان عبد الحميد الديب يحد النظر لكن لا الى شيء- و اظنك تعرف عبد الحميد الديب
ادعو الله يا شرنوبي أن تواصل مشروعك الذي سميته "محاولة مستمرة
ضد تيار الهزيمة والاحباط" .. و أنا لديّ عدة مشاريع لمقاومة الهزيمة و الاحباط - و الارهاب كمان- لكن مشاريعي اقرب الى الفوضى أحياناً .. و البكاء في صمت أحياناً .. فالبكاء في صمت له جلال يًكسب القوة .. و الفوضى (هي ليست فوضى لا قوانين لها .. فوضى مسئولة تحكمها قوانين). هل تعلم يا شرنوبي اني أحياناً اميل الى الفكر الفوضوي؟
I mean Anarchism .. not Chaos
من جانبي .. لدي الكثير المثير الذي ورثته ليحميني من مد و جزر الضعف و الانكسار .. و أنت عايشت ذلك الموروث بكل جمالياته (اتكلم عن موروث لم يتعد عمره الثلاثين عاماً) .. فاذا كنت انا امتلك صورة الموروث و استعين بها على مقاومة الاحباط .. فانت تمتلك أصل تلك الصورة .. فقر عيناً و هنئياً لك بذكريات حية و ليست موروثة. المعركة اسهل بالنسبة لك ممن على شاكلتي
و بالمناسبة أنا مش من عنديكم (حلوة دي) .. لكن ذلك الطمبور الذي أراه في الصورة يربط بيننا و كفى .. فهو رابط وجداني تتضاءل امامه كل الروابط الفكرية والعقلانية و المصطنعة و المش عارف ايه - ما اقوم اخرمج فيحكم علي بالتجديف
يا شيري .. اوعك من الخيار و الجزر. الجزر ده بتاع ارانب و الخيار ده القرع لما استوى قال ليه يا لوبيا.. يعني مضطهد . البصل و الفجل و الله انا ما بريدن .. لكن حاولي اقرشي ليكي بصلة غليييييدة و لوميني لو ما قعدتي تضحكي اليوم كلو
فرفشوا يا ناااااااس
| |
|
|
|
|
|
|
|
|
 Re: زمن التداعى (Re: Shinteer)
|
الاحباط...
مفروض اعمل ليهوا جدول محدد و ايام معينة لانه اصبح يزورني كل يوم ساعات كثيرة...انا بكره يوم الجمعة..بحس بيهوا يوم الحزن العالمي المفروض اكون فيهوا مكتئبة حتى لو ما دايرة...يوم مزعج ..ممل ..و اي حاجة....
التفكير الكتير...
متعب شديد ..لمن تحس نفسك تعبتى جسديا بجانب التعب النفسي...نفس في يوم اجازة من التفكير...من الحلم و من اي حاجة..
بس
| |
|
|
|
|
|
|
|
|
|
Re: زمن التداعى (Re: ensana)
|
سلام مربع
يا انسانه
سلامتك من التعب
بلا وجع
والف سلامة ليك من الاحباط
دخلت هنا ونافذتي مشرعة صوب الفراغ الاسمنتي
الذي يحتل كل المساحات التي تفصل بيننا وبين
بحر السودان
ومع ذلك جاءني يقينا
ان الناس الهناك متذكريننا
ودخلت هنا وحسيت انني ممكن اشيل الاحباط
لااني برضو بكره يوم الجمعة
وسمعت خطبة الجمعة
واكتشفت ان الامام هو نفسه
الامام
نفس الكلمات
ونفس الموضوع
ونفس الناس هم ذاتهم
وبدأت اراقب من نافذتي
والكلام يدخل الى داخل غرفتي
وتسللت الى مطبخي
نفس اكلام يلاحقني
ونفس التعابير
ولما اخاف الكذب نفس صرة الوجه التي
يبديها الامام وهو يقطب ما بين الجبين
حينما يذكرنا بكلامه
وهو يقصد ان اليوم الجمعة
ماذا في الجمعة
وماهو الجديد
ان نصحوا من النوم لكي نتذكر ان اليوم اجازة
لمن اجازة ..
انا اكره احساس انو اليوم الجمعة
وكميات الاشغال الكتيرة المرتبطة بالمطبخ
وبس
ماذا يمنع الامام ان يغير من كلامه
ان يتحدث قليلا عن ماساة الهنود
واحلال الوظائق
ما الذي يمنع ان يتحدث ان الخيار اليوم
ارتفع الى خمسة ريالات
هذا ماقاله اخي
ان الخيار سرعة ارتفع فجأة من 2 ريال الى خمسة ريال
لانو امريكا جابت اسطولها بالقرب من السعودية
والاردن وقفت تصدير خيارها
وجزرها وفومها وعدسها
ماذا يحدث هنا
الكي بورد زهج مني
وانا مشتته
للجميع محبتي
وللخيار والجزر سطوة
التوهج وفرض الذات
وسلام مربع
ليك يا انسانه
| |
|
|
|
|
|
|
|
|
 Re: زمن التداعى (Re: sharnobi)
|
..
.
الشــرنوبي
دائما بقول الاختلاء بالنفس او مناجاتها.....بتولد احاسيس جميله
حتى لو كانت الاحاسيس دي سبب الاكتئاب و الاحباط او حتى الوحده....
يا ريت لو كان بمقدوري اخف وزني و احلق بعيد بعيد بعيد.......
يا ريت لو كان بمقدوري ارجع عجله الزمن لورا....عشان ابقى طفله...
عارف...الانسان ده كائن عجيب ما بتحلل و ما بتفسر لانو في الدقيقه عند 60 احساس و انطباع....العايزه اقولوو انك دائما تسرق لحظات من الزمن...عشان نعيش دقيقه او حتى لحظه حلوه..
تحياتي لي شيري و انسانا و الكل...
تحياتي
Solara...
| |
|
|
|
|
|
|
|
|
|
Re: زمن التداعى (Re: sharnobi)
|
مسوي مسكاقمى
يوم ركبنا عربات الخط ووصلنا بلدا ما نحن منها من اليوم داك اعلنا حالة الجنون من فارقنا البلد الطيبة والنخل الباسق والكلمة الحلوة وقدلة بنوتنا فى العصريات فى الجرف الاخضر نحشف القش ونتسامر وماشين للطاحونة.. او فى فرح نتلم نغنلى ..او فى وداع واحد من اخوانا.. المهم من ديك تم الفصل الجد بين احساسنا واقعنا بقينا جد فاقدين
| |
|
|
|
|
|
|
|
|
|
Re: زمن التداعى (Re: sharnobi)
|
والله ياشرنوبى حيرتنى معاك وأنا مرة تعب ومرةإحباط ومرة قلب مجروح ولكن أحب أن أطمنك قلبك ده بكره مصيره يتمرد ينسف سجنه لما يثور
الأمدرمانية
| |
|
|
|
|
|
|
| |
sharnobi
shiry
SAdo7
Shinteer
MASSOUB
فيس بوك
تويتر
انستقرام
يوتيوب
بنتيريست