|
|
|
 Re: دليل موافقة الحكومة السودانية على فض اعتصام اللاجئين بالقوة - فيديو (Re: الواثق تاج السر عبدالله)
|
العزيز واثق
عموما يا واثق تورط الحكومة السودانية (شق المؤتمر الوطني) ثابت و لا يبحث عن دليل، و ما شماتة الدباب علي كرتي و صمت حكومته إلا الأدلة القاطعة على ذلك، الغريبة الكيزان عاملين "شفوت" و منزلين بوست بيسألوا فيو خبراء القانون الدولي عن قانونية دفاع الحكومة السودانية عن رعاياها اللذين قتلوا بأياد مصرية، طبعا قصد البوست ده تشتيت النقاش و تمييع هذه القضية، طيب نقول لجمهور الكيزان ديل ليه قفلتوا سفارتكم في بغداد ما تخلوا القوات الأمريكية تجيب ليكم حقكم موش شوية الكيزان بتاعين السفارة ديل تحت حماية القوات الأمريمية و في المنطقة الخضراء، ولا الإستشهدوا ديل في مصر ما ناس، عالم ما بتختشي.
مرتضى جعفر
| |
 
|
|
|
|
|
|
|
|
Re: دليل موافقة الحكومة السودانية على فض اعتصام اللاجئين بالقوة - فيديو (Re: الواثق تاج السر عبدالله)
|
المناضل الواثق
يا ايها الرائع
استمريت في التوثيق و الاستغاثه لاجلهم
عندما سكت الجميع
التحيه لك وانت
صلبا ومصداما وغير خائف من بطش الآمن المصري.
اخي
رجاء ابعث لي تلفونك عبر الماسنجر هنالك امور ضروريه.
الفاضل مرتضى جعفر
يا اخي
انتو ما تخلوهم يتشفتنوا شويه:
Quote: الكيزان عاملين "شفوت" و منزلين بوست بيسألوا فيو خبراء القانون الدولي عن قانونية دفاع الحكومة السودانية عن رعاياها اللذين قتلوا بأياد مصرية، طبعا قصد البوست ده تشتيت النقاش و تمييع هذه القضية، طيب نقول لجمهور الكيزان ديل ليه قفلتوا سفارتكم في بغداد ما تخلوا القوات الأمريكية تجيب ليكم حقكم موش شوية الكيزان بتاعين السفارة ديل تحت حماية القوات الأمريمية و في المنطقة الخضراء، ولا الإستشهدوا ديل في مصر ما ناس، عالم ما بتختشي.
مرتضى جعفر |
يعني انتو صاحين كده دائما
ما تفكوها شويه ومافي داعي تحبكوها كده
مع شفوت الكيزان والامنجيه العاملين فيها نسوان
وبتاعين عشق الاهي وصوفيه وحركات نص كم.
يا اخي صحيح الاختشوا ماتوا .
بس نحن عارفين البورداب الجداد
اللسه الكيمان ما اتفرزت ليهم
بس بنقول ليهم اعملوا حسابكم
البورد ده مليان الغام وطابور خامس وسادس وسابع كمان.
وفي موضه لناس الامن الدخول باسماء نسوان
في محاوله رخيصه لاستغلال الطرف الآخر الذي بفطرته بيرخي مع المرأه.
وعلى فكره بحاولوا يكتبوا في الحب او الادب او الصوفيه اوغيره
من مواضيع غير سياسيه لصرف الانظار عنهم
وبعد ما يرسخوا علاقات منبريه جيده مع البعض البرئ
يبدأون في بث سمومهم بطريقه زكيه.
لكن قول ليهم على مين يا مرسي
ده احنا اللي دهنا الهواء بوهيه
على قولة احبائنا اولاد بمبه.
تراجي.
| |
|
|
|
|
|
|
|
|
|
Re: دليل موافقة الحكومة السودانية على فض اعتصام اللاجئين بالقوة - فيديو (Re: Tragie Mustafa)
|
المناضلة تراجي تحية النضال الضخم
شنو انت جارية ورا التلفونات في اي موضوع ادوني التلفونات ..والله لما اقرا طلبك للتلفونات بقول كل المشاكل دي بتنتهي بمجرد استلامك للتلفونات
بعدين شنو الاتهامات الواضحة على عينك يا تاجر - اثنيت على كلام مرتضى الذي يقصد به بوست الاخت القلب النابض - وعارف مثل هذا البوست لن يعجبكم ابدا لانه سيسحب الكثير
من اقدام المناضلين (المرطبين) مثلك والذي يجهدهم كثيرا النضال عبر الكيبورد هذه
الايام للاستفادة من حادثة القاهرة فقلت :
| Quote: مع شفوت الكيزان والامنجيه العاملين فيها نسوان |
ودا اتهام صريح لعضوة معروفة هي القلب النابض ..ولا عشان هي ما مناضلة زيك تكون احد رجال الامن المتخفين ..عجبي من مناضلي هذا الزمان ؟
Quote: لكن قول ليهم على مين يا مرسي
ده احنا اللي دهنا الهواء بوهيه |
والله يا تراجي ..عندك نرجسية غريبة يعني اكيد متخيلة ناس الامن ديل متفرغين ليك انت والمناضلين زيك ديل وقاعدين ليكم في المنبر دا متابعنكم حرف حرف ونقطة نقطة ..
والله ضحكتيني بالجد ...تعرفي كلما اقرا لك موضوع انت ورهط المناضلين الجدد كلما ادركت لماذا يطول عمر الانقاذ اكثر ؟...
| |
|
|
|
|
|
|
|
|
|
Re: دليل موافقة الحكومة السودانية على فض اعتصام اللاجئين بالقوة - فيديو (Re: Murtada Gafar)
|
| Quote: الغريبة الكيزان عاملين "شفوت" و منزلين بوست بيسألوا فيو خبراء القانون الدولي عن قانونية دفاع الحكومة السودانية عن رعاياها اللذين قتلوا بأياد مصرية، طبعا قصد البوست ده تشتيت النقاش و تمييع هذه القضية، طيب نقول لجمهور الكيزان ديل ليه قفلتوا سفارتكم في بغداد ما تخلوا القوات الأمريكية تجيب ليكم حقكم موش شوية الكيزان بتاعين السفارة ديل تحت حماية القوات الأمريمية و في المنطقة الخضراء، ولا الإستشهدوا ديل في مصر ما ناس، عالم ما بتختشي. |
فعلا عالم ما بتختشي
من بوست لي بوست مطاعنة لـ عضوة واحدة " قلبها نابض " بقوة تمسكها بـآراءها
فعلا عالم ما بتختشي
| |
|
|
|
|
|
|
|
|
|
Re: دليل موافقة الحكومة السودانية على فض اعتصام اللاجئين بالقوة - فيديو (Re: الواثق تاج السر عبدالله)
|
الاخوة/ات الاعزاء والعزيزات
حسام يوسف
تماضر
اسامة خلف الله
رانى
نور تاور
تراجى
اثناء متابعتى لقضية الايطاليين المختطفين فى اليمن فى الاخبار اليوم ذكر ان السفير الايطالى طلب من السلطات اليمنية بكل حزم عدم اجراء اى خطوة يمكن ان تعرض حياة مواطنيه للخطر ..... وهنا نظامنا الحاكم فى الخرطوم يوافق على اهدار دم مواطنيه من اطفال ونساء وكبار سن ( وبرضو يقولوا اسلام )..........
قلبى على وطنى .......
| |
|
|
|
|
|
|
|
|
|
Re: دليل موافقة الحكومة السودانية على فض اعتصام اللاجئين بالقوة - فيديو (Re: الواثق تاج السر عبدالله)
|
الاخ الواثق اليوم امام كنيسة السكاكينى بالعباسيه وجدت قناة السى ان ان الاخباريه توجهت لىبسؤال هل الحكومة السودانية لهل يد فى هذا الامر ؟؟؟؟؟؟؟؟؟؟؟؟؟؟؟؟؟؟
هذه الحكومة من اقذر الانظمة التى مرات على بلادنا واياديها ملوثه بدماء الشرفاء والان بدا انتقامها يصل حتى المشردين خارج حدود الوطن وما مكتب المؤتمر الوطنى بالقاهرة الا لقتل كل صوت ومنذ وجود هذا المكتب على ارض مصر بدات الاعمال القذره لذا اخى الواثق لن نصمت مهما كلفنا الامر.
| |
|
|
|
|
|
|
| |
الواثق تاج السر عبدالله
Rashid Elhag
على محمد على بشير
Tragie Mustafa
saadeldin abdelrahman
Murtada Gafar
عبدالرحمن خلف الله
حسام يوسف
Tumadir
أسامة خلف الله مصطفى
rani
nour tawir
luai
القلب النابض
Kostawi
محمد احمد ابراهيم
Haydar Badawi Sadig
فيس بوك
تويتر
انستقرام
يوتيوب
بنتيريست