|
|
 حراجي
|
هه هه هه
آه آه آه
الشعب المصري
فينك
فينك
بيبسي وشيبسي وحج وعيد وإسرائيل
الروح الحلوة ف دمك تستهر باللاجئين
يا سكان المجاورين
يا سكان المجاورين
الأرض إتباعت للمستثمر
والصرف حزين
يااااسكااااان القرافة ياااسكااااان القرافة
هدوا البيت بالجرافة
ها ها وتيت تيت يا مهندسين
إحنا نقاوم مع عبدالعاطي؟
أمن الدولة الندل الفاشي
وندين السفلة العسكريين يين يين يين
حماة العهرة في سينا اللي بيعضوا في مصر اللاجئين
ميدان فاضي ميدان فاضي ميدان فاضي
بيزنس طالع
بيزنس ماشي
ياعبدالعاطي
إطلع منهم إطلع منهم
وري الناس الناس لو كنت حقيقي حقيقي
إيه هم المصريين المصريين
هه هه هه
من سينا للسويس
قسماً عظماً
ع السمسمية والميز
الجيش المصري مطاطي
والشعب المصري حزين
هه هه هه هه
إخوان الملك الفاشي
ياحسن الشيخ يادلاهة
هتكوا العرض ضربواالطفل
لفرش الأرض لصلاة العيد؟
دا إسمه كلام ياحسن البنا؟؟
. تيت تيت يامهندسين
ظا ظا يا ظاظا يا ظا ظا
ندامة الإخوان
حكام السودان
يدوا العافية يدوا العافية للوسي وحسني وشكري وعادل إمام
مال مال مال
بس مصر هي مصر:الطلبة والعمال
وطنطا وبسطة ومحلة وكفرالشيخ
وبنها، سواري، وملوي، وقلتة وقنا، وبني مر وبني مزار
ف يا ندامة الإخوان
حكام السودان
سط المهندسين
تيت تيت يامهندسين
النار الولعت حتولع نهر النيل
والدم السال في جنينة
من طفل دايخ كالي
حيغطي السد العالي
ويسم المصريين
بظاظا يا ظاظا يا ظاظا
في مجلس زينهم
ينتهو اللغو الفاضي
بين إبنه جمال وحديد العزويوسف والي
آل وآل وآل العادلي قال
عجين فلاحة بلبس الكاكي
عجين فلاحة بلبس الكاكي
هه هه هه
فأمة أم عمروالعاص تاكل الحصحاص والنيل في إزايز للسياح
هه هه هه
آل وآل وآل القرن العادلي قال: عجين فلاحة بلبس الكاكي كاكي ياكاكي كاكي غور
ف عبد العاطي أرضه نشفت
بور بور بور
نشفت ميه وجنب السد من غير نور
والجمعية للمأمور
والمأمور للدبور
والدبور يامسرور
حجزوا على المفتوح
طيارة تطير من زينهم وتحط في باريس
آل آل وآل
من طلعت والسادات
لحكاية إبن حسني جمال
آل آل وآل
الهرم الحلو الفاضل
من أخناتون القطري
على الواحدة ونص لشريفة فاضل
في الليل الهادي وقمر الدين
ماسبيرو المايل للشعراوي
ضد درية شرف الدين
كان تمويله سعودي-فاسي يودي في داهية
الرأي الحر الواعي
من خالد خالد ياجمال
لعمرو خالد
يا زهرة البستان
يا زهرة البستان
من سينا لأسوان من سينا لأسوان
خشخاش لاظوغلي مولع
خشخاش لاظوغلي مولع
م"السـعـد" "للريـــآن"
وكل نقابة وكمشيش غابة
كلاب وديابة
بإسم نيابة تودي نيابة
نهبوا الحق المصري العام
وقلبوا الوضع فـ السودان
على مصر الكانت زينة
وهتكوا العرض ف الميدان
هه هه هه
هي هي هي
سي سي
ياسوزان
شفتي الرجم في الميدان
أفغانة مصر
حدفوا الطفلة فاطم
من دارفور
الزرقة، الناشفة، العضم
الزرقة، الناشفة، العضم
لحد الموت بإزايز البيبسي
بيبسي بيبسي بيبسي
وف الأب الصارخ نازف
بكعب الدبشك حسني مبارك
نازل يقتل
بإسم الايه
الأمن.. القومي.. المصري
الأمن ….القومي… المصري
وهوبيحيي في التطبيع في التطبيع
مع إن الـسي أي إيه... في شارع خيرت في لاظوغلي!
ها ها ها
ظاظا ياظاظا ياظاظا
ياياشارع الفراعنة
هدوا ضريح ومليون تصريح سبوا مسيح
لأجل الإذن والتصريح
لإبن كسيح بزيارة عم اسلام في التحبيس
وعزام عزام
بياخد شمس في أسوان
وزهرة ومنجة تمام
لانه صريح لانه صريح
ولأنه شيك شيك شيك قال
إيه الفرق يينوا وبين الريس في التسليك
ببيع في القرنة وهو بيبيع في الشام
ينادي ينادي في الأروام، ينادي ينادي في الأروام
يبيع البنك والعيش الذهبي، يبيع البنك والعيش الذهبي
ويشد الراديو ويشد الراديو ويشد الراديو
قالك إيه قالك إيه
الأمن... القومي ...المصري..!!
حتة وااحدة؟!
ده اسمه كلام؟
دول حتة لاجئين؟؟!!
بس البيزنس يمشي للأخر
من ساحة نصر لساحة مصر
الساحة الأولى في مصر يا عبد الناصر، تحت القبة
لبيزنس إسرائيل
هه هه هه
ما القناة إتباعت يا فرغلي ونشاً ونش
والسكة حديد
وزيت النفط وطلمبة مصر
بيب بيب بيب
والقصب المصري والقطن المصري وحب المش والدود
ومصنع الطيارات ف حلوان ونهضة مصر
بيب بيب بيب
الأرض مصر يـاااجمااال
مع خالص حسني وحزني
تتكلم عبري والبنك المركز ف تل أبيب
هه هه قال قتلوا الأسرى قال !!؟؟
يامهندسيــن..؟؟؟
ياسوزااان سيبك منو أكمنو حزين في آخر سنه
راعية طفولة مصر
راعية الثقافة ياسوزان
هه هه هه
مش هي العملة دي من ثقافة مصر ؟؟!!
وبلطجة الحكم والتزوير
يازهرة البستان
في مجلس الخردة رفعت السعيد
الوله مصطفى سأله:
الحس الملكي فين؟
أخ.غلط،.قصدوا، الحس الطبقي فين؟
ما الشعب المصري سعيد
ف الحق يتقال
أحمد نبيل أحمد نبيل
هو واحد. قول إتنين. تلاتة ..أربع تالاف
مش حيغطوا فضيحة جمهورية بحالها
تقتل متين طفل وأم وأب وعيال
ولا حد صريخ بدي آذية
ف لا أم جمعة صوتت ،
ولا المدام الصغيرة بكت في أوضتها
ولا قصيدة م الأبنودي أو حجازي أوحتى نجم
أو واحد إنتحر م الذنب
ولاحتى إخونجي واحد قام من صلاة العيد في الميدان قال يا حرااام
بس مش هم الإخوانجية اللي قالوا السوادنة لازم يمشوا عشان الميدان يفضى للصلاة ؟؟
مش ليه حق في اللي عملوا في المحكمة عزام عزام؟
ما دام عاكف قبل الحج بعتذر قوام
مع إنو مش لاجئي وصاحب حق
بس هو عرف الوضع ف مصر
ماهو يعرف إن ربنا عارف
فذكرها في القرآن بكل سوء وإفتح إقرأ يا جاهل: يهود، وبصل وتوم، وإمرأة العزيز، وفرعون، وقتلة يوسف
وفلوس الشعراوي فتحت ملهى
بس الآن فسطراً سطر دم العيال دم العيال يبكي إذاعة مصر
الأخت الكبرى رص عرص رص
لو كنت حقيقي ما تشتمنيش
إعمل حاجة لرفعة مصر
هه هه هه
فالزيف الكامل كله يالنبوي يا إسماعين
غير إسمه لمصر
ما تشتمنيش.. لو كنت حقيقي إعمل حاجة
قوم إتكلم إرفع راسك وإرفع صوتك حرر نفسك قول لمبارك لا
لو إنت صحيح إجهر بالحق
قول للعادلي يا مجرم
أو مهما كان الريس نفسه ع الموجود في السودان إهتف ضده
بكلمة حق: عميل مجرم سلم ومجرم حرب
تقدر؟
فين وفين هي مصر
عشان كده ربنا مؤزيكو بالضعف
وحيهد مصر
من مارينات العهر طابا لمكلمة (الشعب)
وف ديك الساعة
الوله كراوية والوله محمود
والبنت نادية المش لاقية شغل
حيلموا عزالهم ويروحوا
واحد واحد
سودان المية، الأرض، اللحمة، الدهب والنفط
سودان الحق
لا إخوانجي
ولا لاظوغلي
إحنا هناك قاعدين
وتيت تيت يامهندسين
إخص يا مجرم ساكت
كاتم الحق
إخص ياكلب
هه هه هه
تيت تيت يامهندسين
حراجي القط
إبن الكلب
|
|
 
|
|
|
|
فيس بوك
تويتر
انستقرام
يوتيوب
بنتيريست