دعواتكم لزميلنا المفكر د.الباقر العفيف بالشفاء العاجل
|
|
 تبرع بأغنية , تنقذ عريس و تبني اسرة
|
في اتصال مع زميلنا عضو المنبر و صديقي (خضر حسين خليل)
هدد بإلغاء إجرآت عرسو لو ما جيت غنيت ليهو .
و الكلام ده طبعا ما محبة فيني ولا في غناي , القصة و مافيها انو
ماعندو قروش للفنانيين و غالبا العشاء و الفندق برضو
وانا ما عندي طريقة إجازة ايام العرس طبعا.
فيا اصدقائي الفنانيين الفي السودان, انقذوا هذا الاسره السودانية
الوليدة و انقذوا بذرة الحب التي اصبحت شجرة و العريس لسه مفلس
و شاركونا عرس اخونا و صاحبنا ده تحت شعار تعال و معكـ عازفين 
و يا بورداب العشاء و الفندق عليكم و سنمدكم بأرقام الحساب لاحقا.
رسائل الي مطربي المنبر
ياسر تمتام / عاصم البنا / اسرار بابكر
حضوركـ يهمنا و ينقذ بذره الحب القلتها ليكم فوق ديكـ و يساهم في توريط
صاحبنا ده و يفرحنا شديد نحن اصحابو . نطمنكم انو صاحبنا ده زول لطيف
و حبوب خالص و حا يفرح جدا بيكم . و نردها ليكم في الاجازات
رسالة الي بكري ابوبكر
الرجاء إعادة تمبس , المنبر ناقص من غيرو والله ( وش إنتهازي خالص )
|
|
 
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: esam gabralla)
|
ده شنو ده؟؟؟
الله لاكسبك يا خضر
والله البوست ده الصباح بدري لو ما طبعته وديتو لسعادة العميد ما ابقي انا انا
يازول الله يعلك
اقلب انصار سنة اسبوع العرس وخلاص ياخ علي الباسطة والدقن لو داير لوداير
انت ماك نصيح؟؟؟
ياخي انا قايل البوست برنامج طارحه الفنان طارق ابوعبيدة لحل مشاكل حقيقية بتخص اجيال وقلت من العنوان دي حتكون مبادرة ذكية كدة بتعتمد علي تكنلوجي وعمل اجتماعي
الهم انكم اوهمتونا...
___
إعلان هام
تم تأجيل عرس الزول ده سنة تانية وسنساهم في التمديد لستة اشهر اخري في حال لم تكتفيه تلك المدة.
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: خضر حسين خليل)
|
Quote: قمر بوبا
شوف لينا بتاع حافلة للفنانين والعدة بتاعتهم |
يا قمر بوبا انا بتاع الحافلة
يس انت شوف الحافلة وانا حا اوصل ليك الفنانين بي عدتهم وأرجعهم
بس تخلوني اودي بيها دور كسار طوب من دريم لاند
(عشان الانتهازية زاتا تأآآآآمن يا خدر)
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: nazar hussien)
|
| Quote: هدد بإلغاء إجرآت عرسو لو ما جيت غنيت ليهو |
لأني عارفة العريس متسبب :-
متبرعة بالغنا(دقا علي الدلوكة) في بص السيرة من والي بيت العريس (في المشية والرجعة)
متبرعة بالصفقة طيلة الحفلة وحث اخرين عليها
متبرعة بي صحني بتاع العشا عشان عاملة رجيم
متبرعة بالزغاريد حين ذكر اسم العريس
متبرعة بي غض النظر في الصبحية عن شتارة العروسين
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: ريهان الريح الشاذلي)
|
Quote: متبرعة بالغنا(دقا علي الدلوكة) في بص السيرة من والي بيت العريس (في المشية والرجعة)
متبرعة بالصفقة طيلة الحفلة وحث اخرين عليها
متبرعة بي صحني بتاع العشا عشان عاملة رجيم
متبرعة بالزغاريد حين ذكر اسم العريس
متبرعة بي غض النظر في الصبحية عن شتارة العروسين |
غايتو يا ريهان..
نجضتيه نجاض....وماعنده اي سبب تاني!!
اها و انا متبرع بحفر الصيوان..
وشيل العريس في الحفله..
وحجز الناس الداير تفرتق الحفله..
و مبــــــــــــــــــــــــــــــــــروك يا عريس..
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: SHIBKA)
|
عطــاء توريد مواطنيين
- مواطن يمسكـ الكشف (مؤهل جامعي في الحسابات).
- مواطن يعمل البيتيشن بتاع التضامن مع العريس (حريف انترنت)
- مواطن يوصل البنات بعد الحفلة (لدية رخصة سواقة عامة).
- مواطن قوات نظامية حليف للشعب و اهل الليل (بي دبورة او بدون).
- جزمة مقاس 45 سوداء بدون رباط( جزمةالعريس).
- طباخين (شهادات من بيوت اعراس سابقة).
- عروس ترضي بي عريسنا العولاق ده
__
لا ضرورة لارفاق شهادات خبرة او سيرة ذاتية.
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: تماضر الخنساء حمزه)
|
خدركة
ياخي تعال بغني ليك انا
عشان تآمن ذاتو
ياخي سعادتو قال ليك انضبط...قال بلغي العرس ذاتو
بتنضبط ولا لـأ
ـ
وذهب وهو يغني في سره ويردد مثل ابن زيدون....أمّا هواكِ، فلمْ نعدِلْ بمَنْهَلِهِ شُرْباً وَإنْ كانَ يُرْوِينَا فيُظمِينَا
لمْ نَجْفُ أفقَ جمالٍ أنتِ كوكبُهُ سالِينَ عنهُ، وَلم نهجُرْهُ قالِينَا
بالله لحنه ووزعه واديه للمستشرق طاهر ساتي معاك
اسمعني البوست بتاع غريبة داك ما شهدت نهايته التراجيدية،،،الحصل شنو ياخ؟؟
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: Hassan Makkawi)
|
Quote: جزمة مقاس 45 سوداء بدون رباط( جزمةالعريس).
|
42 اتنين واربعين يا طارق ياخ
45 دي كرعين كوجان
ــــــــــ
ركز لي علي ناس دبورة ديل بالله
ثم التزم انا خدر الماعندي دبورة في الدنيا دي
بحماية الفنان
ياخدر
شوف لينا ناس تيم حماية كارب برضو
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: nazar hussien)
|
اها.. النلحق نكتبلنا كلمة في البوست المصيرو الخور ده نسبة
لظهور (اسماء) فيه ربما او اكيد ستتوجو.. واعني البوست وربما صاحبه..
للقبوع في قلب خيران بلدي المنجوس بكثرة خيرانه .. ومايقبع بداخلها ..
اها الخو (خضر) ده مابنعرفلنا فنان ممكن يتغنا في عرسه (الكلو شحده) ده ..
لكن عندي (بدلة) قديمة ناقصليها 3 زراير .. تنفع ؟ ولا مابتنفع ؟ .. وموضوع الجزمة
عندي صاحب لي قطعوليهو رجلو الشمال من جراء السكري .. تنفع الفرده الشمال يافرده
لحدي مانشوف اليمن وين .. ودي دايرة منك تأجيل بسيط للمناسبة حتى يطلع عرس مجهبز ..
ومامنقوص . يامسنوح .. ودي ماللعريس ولا صاحب البوست .. لزول هنا اناقاصدو بعينو
ـــــــ
خدر وخضر
| Quote: - مواطن يوصل البنات بعد الحفلة (لدية رخصة سواقة عامة). |
احجزوا لي البند ده .. أموت ليكم كان ماحجزتوهو لي .. قبل مايجي (تمبس) لانو
بقلعو انا عاااااارف ..
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: awadharoun)
|
| Quote: - مواطن يمسكـ الكشف (مؤهل جامعي في الحسابات). |
انا البند ده عليى يا طارق بجضمو ليكم تب
باقو عريسكم ده انا داير منو حساب قديم ما اظن يخلص بى كشف العرس بس، شكلو حيتعمل كشف عرس وكشف ولادة(ده إذا القبة فيها فكى) وكشف حال عديل كده عشان يخلص لى المديونية العليهو
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: خضر حسين خليل)
|
ياخى الضبع خضر ده كشف حالنا , و البوست ده احسن التعجيل بخورنتو , عشان كده حا احكى النكتة دى يا بكرى قوم بالواجب:
قالو في واحد اسمو خضر مشي اتقدم لى واحدة , ابو البت استقبلو و اتعرف عليهو و سالو: يا ولدى انت جاهز للعرس؟
خضر: ايوة يا عم فلان.
الاب: اها عندك بيت؟
خضر:لا يا عم فلان
الاب: عندك عفش؟
خضر:لا يا عم فلان
الاب: شغال؟
خضر:لا يا عم فلان
الاب: يا ولدى انت جاهز كيف؟ مطهر يعنى؟
التطهير واجب وطنى
يلا يا بكرى ...... الخور و لا الرفيق الفسل
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: خدر)
|
النكتة بعد صيانتها واعادة ترميمها
العريس : ازيك ياعم فلان انا جيت عشان اتقدم لي فلانة
ابو القدح : ياولدي انت جاهز
العريس : ايوة يا ابو القدح
ابو القدح :عندك بيت
العريس : البيت ما كل حاجة يا ابو القدح
ابو القدح : عندك عفش ؟
العريس : العفش ما كل حاجة يا ابو القدح
ابو القدح : شغال
العريس: الشغل ما كل حاجة يا ابو القدح
وهكذا الي آخر التطهير
ـــــــــ
حقيقي العرس ما كل حاجة ياعصام
ليس بالعفش والبيت والعرس وحده يحيا الانسان
ولا كيف يا ......... أبو القدح
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: esam gabralla)
|
ياعصام العريس دة لسع اميارح قال لي ياخي انا عايز ابتدي اوفر عشان العرس
عوض يا فردة ازيك ومشتاقين
خدر مشروعك خطييييييييييييير بعد العريس ده المقترح للتمويل على
خضر
سلامات انت قايل العرس بقروش !!!!!!!!!!!!!!!!!!!!!!!!!
لكن يا خضر انت ما غشيتنى وقلت لى نومى قفا خلاص انا جهزت للعرس ؟؟؟؟؟؟؟؟؟؟؟؟
صاحبتى العروس مسكينة ولا اقول ليك تعال ما عندك مشكلة الفنان على
اها وتانى كل يوم الغداء على
عشان بعد داك انا امشى بيت ابوى بالمزيكا وتبقى عرس خضر وخراب بيتى انا ههههههههههه
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: tayseer alnworani)
|
يا تيسير
ازيك اولاً
بمناسبة الغداء الكل يوم دة انا حقيقي دي واحدة من اصعب المشاكل الحياتية البتواجه الاسر الحديثة
عندي صاحبي اتزوج من سنتين المهم اول امس بتكلم معاهو قلت ليهو
اها هسي امورك ماشة كيف
قال لي والله يا خضر بعد العرس اخوك وقع في الاسود
الاسود دة فعلاً لليوم الاسود
فياريت تختينا من الاسود يا تيسا
ـــــــــــــــــ
أستاذ حمد
ازيك
سمعنا كدة انك ماشي الدوحة خميس وجمعة ! اها تحياتنا لي دكين الوغد
واتمنيناك لو أجلت سفرك الليلة
في لسان (عرب) وكوارع ومطايب الليلة
بمناسبة خطوبة هيثم
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: خضر حسين خليل)
|
Quote: واتمنيناك لو أجلت سفرك الليلة
في لسان (عرب) وكوارع ومطايب الليلة
بمناسبة خطوبة هيثم |
طبعآ الكلام ده كلو رشوة عشان انا ما امسك كشف العرس،
وعاوز ياكل بي عقلى حلاوة وما يدينى الديون العليهو
ما مشكلة كشف العرس برخيهو يا خضر
لكن كشف الحال ، مش لو جبت لسان ولا كوارع
ده لو ضبحت ليهو عديل كده ما بفكو
ـــــــــ
فى انتظارك بالكوارع ، بالله ما تنسى الشطة الخضراء والبصل والليمون والذى منو
الباقى على اخوك( سوائل وكده)
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: خضر حسين خليل)
|
ياخدر
هو بالله خضر لسع عذابي وانا اقول الزول ده فصيح كده لي شنو لووول يكه
على العموم الف مبروك مقدما غناء مابنعرف نغني ولا بنعرف نعزف ممكن نشارك بي شنو ندق الصيوان ونلم الكراسي
مشاركة مادية ممكن في حدود المعقول قصرنا معاك
بس انشاء الله بعدين ترفع راس البورداب عاليا لوووول يكه
تحياتي
زاتوووو
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: ALZOLZATOO)
|
يا الزول زاتو
انت كدي خليني الارفع راس اول وبعد داك راس البورداب ملحوق
بالمناسبة متي ما الله سهل في تساهيل العرس
بورد ليكم مافي تاني
انا هسي لانو زهجان قاعد معاكم بي جاي
ومن اهم الحاجات البتجي في العرس
انو الزهج والاصحاب من شاكلة حمد وهيثم ديل
بتلاشوا وكذلك الحال مع منبر من لا زوجة له
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: خضر حسين خليل)
|
بمناسبة السلام على دكين دي يا خضر سمعنا قالوا دكين بقى ممثل مسرحي كبير ( خمسة كيلو كدا ) فمقدم لينا دعوة لحضور تدشين دكين الممثل و الكلام دا عشان بالك ما يمشي بعيد ، اصلا انا عارفك ما بتقدم حسن النية في الامور دي
اما في ما يخص الكوارع و الالسنه انتا موش عامل رجيم ؟؟ و بمناسبة الرجيم يا خضر عندنا واحد صاحب انتا بتعرفوا كويس ، اخر صاحب عرس دا ، طبعا كان عندو كرش زي ما انتا عارف ، و جا في الزمن الضايع قعد يعمل رجيم و رياضية و مجهود بدني جبار كدا ، اها الزول دا مما عرس ما كمل الخمسطاشر يوم ، امس ضرب لي قال لي عازمكم عشا ، الود ما سمع كلامنا الزمان لما قنا ليه الحجات دي في الزمن الضايع بتخليك تقطع قوام قوام و تتذكر خيلانك
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: حمد فتح الرحمن)
|
| Quote: الباقى على اخوك( سوائل وكده) |
مواصلة كشف حال الضبع خضر
تقول هو ناقص .... الجماعة (ناس هيثم ديل) البرموها بردللللب ديل بتجيبوهم من وين؟
هيثم انا جاى العرس رغم انى ما معزوم ( جاى مع الطهار), رسل لى عنوانك و تلفونك السايل ده
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: خدر)
|
| Quote: الجماعة (ناس هيثم ديل) البرموها بردللللب ديل بتجيبوهم من وين؟ |
( ناس هيثم ديل ) جابوهم ناس خضر و دكين و وليد طه ديل براهم يا عصام
شابكننا هيثم درار يا بكري ما عارف نفس مواصفات هناي يا بكري لغاية ما جا ختاها ليكم عديل
يلا بل راسك يا دكين
انصرافي شنو يا خدر ياخ
و الله اما بوستك دا انا ما عارف كان قضيت باقي الدوام دا كيف ؟
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: طارق جبريل)
|
Quote: عطــاء توريد مواطنيين
- مواطن يمسكـ الكشف (مؤهل جامعي في الحسابات).
- مواطن يعمل البيتيشن بتاع التضامن مع العريس (حريف انترنت)
- مواطن يوصل البنات بعد الحفلة (لدية رخصة سواقة عامة).
- مواطن قوات نظامية حليف للشعب و اهل الليل (بي دبورة او بدون).
- جزمة مقاس 45 سوداء بدون رباط( جزمةالعريس).
- طباخين (شهادات من بيوت اعراس سابقة).
- عروس ترضي بي عريسنا العولاق ده
__
لا ضرورة لارفاق شهادات خبرة او سيرة ذاتية. |
خدر يا بوم كلامك ده ناقص كتير
مواطن يحرس الزول الماسك الكشف (خبرة سنتين فى شركة الهدف او شركات مماثله)
مواطن يشيل عريس البخت ده فى كتفو(مصارع او بتاع كمال اجسام)
والله ياخدر لو ما الزول مكسوف ولوماخايف بكرى يؤفدنى ولو ما لو دى زاتا بتفتح عمل الشيطان
ولمعرفتى اللصيقه بالعريس كان طلبنا مواطن يمشى مع العريس ده الفندق
عشان يرتب هدوم العرسان..
قال خضر حسين خليل عريس؟؟
الواحد لما يكضب حقو يكضب ليه كضبه مبلوعة
دى ولا كذبة ابريل كمان،،،
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: صديق الموج)
|
خدر
انا متبرع باني ابشر في الفنان (المتبرع برضو ) وممكن ارقص في الاغنيات التلات الاولى
لانو باقي الاغاني عارف نوعية الفنانين اللي بجو تبرع ديل ، اسال صديق الموج يوم عرسو عملو ليهو شنو
العريس ، سلامات
امسك لسانك شوية (انت عارف اللسان دة شغلو) اوع ما يتقل وتبقى في نكتة العريس المسطول
اللي بعد الحفلة قاعدة جنوبو العروس في الغرفة قال (بلسان تقيل طبعا ) انا ما قلت ناس العرس ديل بنسوا ليهم زول ..
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: BitAlhana)
|
Quote: قطع شك الناس الهنا ديل كلهم الظاهر كانوا في حفله ناديه عثمان الفي الرياض
لوووووووووووووووول
انا متبرعه بي مسك الكشف لو ما زول حجزه |
بت الهنا الناس البمسكو الكشف عندنا لكن دايرين الناس البكشفو
او البعلموا العروس الكشف والرقيص،باقى عروسنا شتره
كان ما شتره كانت رضت بالزفت الاسمو خضر حسين خليل ده؟؟
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: حنين للبلد)
|
Quote: ولمعرفتى اللصيقه بالعريس كان طلبنا مواطن يمشى مع العريس ده الفندق
عشان يرتب هدوم العرسان.. |
والله يا صديق الموج حكاية الفندق دة كنت ناسيهوا تماما
ـــــــــــ
غايتو كلما البوست مشي لي قدام بتظهر عقبة جديدة
أنا كنت متخيل العرس دة أكبر إشكال فيهو الفنان
ــــــــ
حنين
صحن عشا بتاعك دة حأرسلوا ليكي ديلفري (صحن شنو يا بت الحلال
القصة شاروما وطعمية) وربما طعمية وفول
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: Ishraga Mustafa)
|
Quote: عاد كان كدى اكلت نيم ياالعريس
العرس ده يا اخوى مسئولية, مسئولية كبيرة..
وتحت تحت بيقتل الحب...{ وش منطط عيونو} |
يا شروقة يا حبيبتي....مالك مهبطة همة الولد ده من اسه،،، خلي اليفرح شوية.,,ضاجين العرس العرس العرس,,,اها عرسوا...وخموا وصروا...
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: Ishraga Mustafa)
|
والله يا صديق الموج حكاية الفندق دة كنت ناسيهوا تماما[
انت عارف يا خضر مع اكل الدكوة الكتير ده،انا متخيل
سوف تكون حكاية الفندق هى العقبه الكؤد او الكاداء
(وحات خوتك الصاح ياتا فيهن ما عارفه) فى الموضوع
يعنى كان انحلت دى باقى عوارات خدر البكتب فيهن ما
عندهن معنى...
عموما الله يساعد،،،
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: سارة علي)
|
والله يا سرور كلو الا احراجك
انا بس كان قصدي انك تغيري الهدية
علوب ملحوق ياخ
ــــــــــــــ
إشراقة
انا مصر انو الفنان يبدأ الحفلة بي الغنية دي
طولنا ما اتزوجنا ياناس
طولنا طولنا
آي والله طولنا
وصبرنا ياما صبرنا
حتي الصبر فاتنا
الكلمات أعلاه من وحي الغربة وهسي في طريقها للاستاذة ندي القلعة
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: صديق الموج)
|
| Quote: يا شروقة يا حبيبتي....مالك مهبطة همة الولد ده من اسه،،، خلي اليفرح شوية.,,ضاجين العرس العرس العرس,,,اها عرسوا...وخموا وصروا... |
ماهو كمان لازم نقول رأينا...
العرس ده مسئولية
ومما تدخل المسئولية والارقام الخرافية بالشباك بيطلع الحب على عينك ياتاجر بالباب
بعدين الفنان مهم والغنا اللى بغنيهو اهمّ
بعدين ياسيدى اللى امنت عليك احزر الفنان الللى بجيك ويبدأ ليك الحفلة باغنية {فى الليلة ديك}
وكان غناها اوعك تقوم ترقص فيها
--------
ده كلام زهج ساى ياخدر ماتشتغل بيهو, اختك الليلة قايم عليها الزار
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: Ishraga Mustafa)
|
| Quote: بس ماتكوني قاصدة العروس ولا الفنان ولا الفندق الظهر مؤخراً |
مافى عروس من غير فنان
ومافى فنان من غير فندق..
القصة تكاملية..
غايتو امسك فى ايام الفندق دى,
دى ايام مابتتكرر, صدقنى وحياة المحبة...
ايام لذيذة ياخ... واحزر بصل المكادة والفسيخ والصعود
--------
اوعى تقول لىّ مابتعرف بصل المكادة
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: خضر حسين خليل)
|
اولا مبروك مقدما
تانيا ما فى حاجة ما تتصورها يوم داك راضى , مجبور حتعمل فى حاجات ومن غير نقاش
غايتو يمكن اصحابك ( كلاب لهب ) يفكوا بعض الزنقات
انا غايتو مساهمتى من غير احباط كما يقول انيس منصور
الزواج عقوبة للذين كذبوا ايام الخطوبة ( اوع تقول لى ما خطبت )
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: حامد محمد حامد)
|
Quote:
الزواج عقوبة للذين كذبوا ايام الخطوبة |
الهرشوا منو ياناس؟!!
----------
انا غايتو اللى وعدتك بيهو زمان ملتزمة بيهو...
------
ياخدر اعقد فى الجامع على بلحات وسوق مرتك وكسحوا الشمالية..
بس الحفلة ضرورية, اهمّ مافى الشغلانية دى كلها...
------
الدنيا صنت ولتفرغت لسيرة العرس...
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: Ishraga Mustafa)
|
Quote: انا متخيل
سوف تكون حكاية الفندق هى العقبه الكؤد فى الموضوع
يعنى كان انحلت دى باقى عوارات خدر البكتب فيهن ما
عندهن معنى... |
| Quote: بعدين انت حاكي حتة الفندق شديد قدر دة مالك |
كاااااااااااااااااااااااااااااااكـ
كاااااااااااااااااااااااااااااااكـ
كااااااااااااااااااااااااااااااااااااااااااااااااااااااكـ
___
صديق ده بوديكـ الماسورة يا صاحب , كبر اللفة منو
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: حنين للبلد)
|
لا كان كدة معناتها ما قاصداني لاني جليت الفكرة دي من اساسو
خاصة بعد المصروفات الغير مرئية والحالة الاقتصادية الإجتاحت
العالم ما بين ليلة وضحاها مما كان لها الاثر السالب علي الوضع
الاجتماعي لجماهير شعبنا
ــــــــــــ
وأنا أي حاجة
ولا جماهير شعبنا
نهائي مابرضي فيهم
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: خدر)
|
شمالية منو يا اشراقة
سد كجبار وسد دال ديل
وين معاهم تاني شمالية ؟
بعدين
أنا مستقبلي في الخرتوم
ـــــــــــــــــــــ
ياخدر
عمك صديق دة
انا كبرت منو اللفة لكن شايفو مصر
يا صديق جلي الفندق دة ياخ
والله شكلي ما براي !
والله كلو منك
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: حنين للبلد)
|
| Quote: عطاء لتوريد مواطن مفتول العضلات |
في داعي للاوصاف ما تكتفي بي مواطن وتتلم يا خدر اهاعشان توريتك دي انا حاتلة ليك انت وصديق الموج في البوست ده لغاية عرس خضر حسين
قال مفتول العضلات قال .. مالها الصحة يا يمة اريتها صحتك بعد الحالة .. قول هو الله احد
..
شكرا يا مصطفي سري علي المسنجر الداخلي وفعلا لو ما رسالتك دي كنت حموت عشان اعرف الشمار .. لكن صاحبك بالغ
| |
|
|
|
|
|
|
|
|
|
Re: تبرع بأغنية , تنقذ عريس و تبني اسرة (Re: elsawi)
|
طيب موش في شركات بترعي حفلات التخريج من والي ؟
كدعاية ليهم !
ـــــــــ
الفرق شنو بين الاعراس وحفلات التخريج
داك عرس اكاديمي ودة عرس صحي صحي
بفتكر انو ناس التسويق مفروض يدرسوا المقترح دة
وهاك المقترح دة ياقمر بوبا
| |
|
|
|
|
|
|
| |
خدر
محمد حيدر
GamarBoBa
خضر حسين خليل
ريهان الريح الشاذلي
Hawari Nimir
SHIBKA
Hassan Makkawi
محمد الجزولي
awadharoun
هيثم درار
حمد فتح الرحمن
ALZOLZATOO
طارق جبريل
صديق الموج
مصطفي سري
ibrahim kojan
Ishraga Mustafa
سارة علي
Ahmed Abdallah
محمد عبد الماجد الصايم
elsawi
Mohamed Idris
فيس بوك
تويتر
انستقرام
يوتيوب
بنتيريست