|
دعواتكم لزميلنا المفكر د.الباقر العفيف بالشفاء العاجل
|
|
 Re: غشوني المراكبية (Re: خدر)
|
انا اعلم ان الجديد عادة يأتي دون ذاكرة و ما يأتي من دون ذاكرة في ثقافتا السودانية هو فعل يستوجب الحذر
هكذا نحن ولا راد لامر الله , انا هنا الان لاطالبكم بلا حق يُذكر سوي الحَنان بوضع اليد , أعطوا ارواحكم دقائق,
أنصتوا فيها لما أفعل هنا .. اخشي ان اكون قد (إتلومت) مع عميري و معكم
فمهلاَ, سادتي
دعونا لا نخاف من الجديد
قديماَ قالوا
الجديد شديد
وقد يأتي غير شديد ايضاَ (إمعانا مِنا في الامانه او جلد الذات)
حينها لن يكفينا شرف المحاولة و سنعاود الهجوم من جديد
و للاهميه, الحرب هنا ليست خدعه
فــ
تفضلوا
| |
 
|
|
|
|
|
|
|
|
Re: غشوني المراكبية (Re: خدر)
|
خدر..
ليه الخوف من الجديد
يعني نكون محلك سر؟؟؟
ياخ فنان انت
هسة بعد الكلام ده المحترم ده كلو والشعر الانيق والصوت الشجي
عايزنا نرجي منوتاني؟؟؟
ياخي كفاك تقول:
ده كله من السواحل ديل ...من ظلم المعدية
وجرة الليل العتذب ناس كتار خلاص
بلا ذاكرة بلا ما يأتي يا مولانا الذاكرة بتتملي بالمفيد في اللحظة وبس كان جاي من قديم ولا من قادم
غني ياخي ومنظرين الجديد
وما تنسي وصلة الحفظ شكلنا حنخصص ليك فلاش
يا طال عمرك جميلة واطربتني وبدون تنظير...بس وضح الصوت شوية لانو مشخشخ خفيف لكن ما كعب
| |
|
|
|
|
|
|
|
|
|
Re: غشوني المراكبية (Re: GamarBoBa)
|
يا ســــــــــــــــــــــــــــــلام
يا طارق
جد
جاجه روعـــــــــــــــــــــــــــــه
................
اول مره سمعتها من
اسيا ربيع
| |
|
|
|
|
|
|
|
|
|
Re: غشوني المراكبية (Re: عاطف عبدون)
|
يا قمر بوبا كلامي ده بناء علي تجربه هنا في ارض سودانيزاونلاين و خارجا
الاعمال المسموعة بتلقي رواج سريع عند القراء و الاعمال الجديدة بتحتاج
وكت اطول لحدي ما ذاكرة المستمتع تتعود عليها
للاسف المنبر برضو عندو ادوارو الاخري و هو قطعا ليس (راديو) يمكن ان
يداهمك في منزلكـ وانت منهمك في إنجاز امر ما
انا قصدت هنا انو كل عضو بدخل يسمع ما يطلع الا يكتب لينا رأئ
طارق ده جاب جيد ولا مقبول ولا أعد ؟؟
عبدون يا صديقي
اسيا كان ليها دور مهم في العمل ده
القصيدة لحنتها زمان بس كانت ناقصة و فضل إكمالها يرجع لي
اسويه (المرجع الرسمي لتلكـ الحقبه  )
| |
|
|
|
|
|
|
|
|
|
Re: غشوني المراكبية (Re: GamarBoBa)
|
بعدين معاك
والله ياخدر أنا بالجد حقيقي حقيقي علي قول المثقفين الثوريين
أنا متكيف من صوتك دا !
بعدين جديد شنو البتلاوز منو إنت ياخينا حتي الخامس
قام !
والله الواحد لو عندو صوتك دة كنا من دربنا دة كنا وقعنا
مع صالح كامل ولا الوليدعشان ننجز لينا كليب كليبين ينفعونا
في الزمن العلينا دة ياخ !
الظروف ياخدر بقت تافهة شديد
ياخ شكراً لصوتك يازول يافنان
ــــــــــــــــ
ومادام طار
جنا الوزين
ياداب قل نوم العين
| |
|
|
|
|
|
|
|
|
|
Re: غشوني المراكبية (Re: خدر)
|
.
أرجو تصحيح النص إذا لحقته بعض الاخطاء:
....................
أكون كضاب ...
لو اترددت شان أستقبلك جواي!!
ولو قاومت حد السيف
بريقو بلخبط الهداي!!
صحيح قبلك..
شراع الدهشة ماصفق
ولا كان العِرِق وداي
دي حتى الأغنيات قبلك
حروف أبياته كانت ساي
بس الحاصل..
بدورك تسمعي شوية..
فترت من السواحل ديك
وغشوني المراكبية..
كنت بلملم الضحكات
وحاجز في البياض نية..
و لما غلبني ريح الليل
قلت براي اعود واهي.
غلبني أساوم الرجعه
ده ليل الغربه متناهي.
فيهو الغربه...
قبلو الغربه...
بعدو الغربه...
و الأفق الرقد ساهي.
أمد ايديا بس لي وين
أقاوم كيف زمن لاهي.
لا نفع التودد فيهو
لاجاياهو حنيه..
شتت أملي في الموجات
كسر في العشم جيه..
ده كلو من السواحل ديك
و من ظلم المعديه..
أنا البعت الفرح للنيل
وغشوني المراكبيه..
.............................
صاحبنا طارق
كيفنك
وانت تقول :
واكون كضاب
لو اترددت شان استقبلك جواي
وتعيد المقطع :
اكون كضاب
لو اترددت شان استقبلك جواي
الـ (واو) حرف العطف هنا، هل هو جزء من النص الأصلي؟ أم إنك (اتصرفت)
لدواعي اللحن أو لزوم الإتكاء عليها كمدخل ضروري لعبارة ( أكون كضاب )
التي يغلب عليها شي من الصعوبة اللحنية .. والمباغتة كما في بعض الروايات
التي تبدأ بالخاتمة ..
سيف الجامعة غنى :
أجيك من وين .. وانا اللاحاسي لا شايف
بقيت بعدك عدوالخاطر
وانت مشيتي في الدنيا العريضة سؤال ..
هل إحتاج صاحبنا سيف الجامعة أن يقول :
واجيك من وين وانا لاحاسي لاشايف
سيف الجامعة يغني جميلا بصوته المحبب المتفرد .. لكنه يصر على غير عهدنا به
أن يشركنا في الاستماع لاغنيات عادية ... ده موضوع تاني !
المهم انسياب اللحن هنا مريح .. وعفوي .. وطريف .. ودرامي .. وتعبيري
حين يجسد اللحن عبارة : الدنيا العريضة سؤال؟
عندك ياللخو
- اجد ( تعسم) لحني لو جاز التعبير
أكون .. كلمة يصعب مدها( هل كان زيدان إبراهيم هو الشخص الوحيد الذي استطاع ان يمد كلمة أخونك
.. الله أعلم)
- إترددت .. هل هناك فرق بين التشديد والقوة في الكلمة؟ المعنى ياللخو اني أراك هنا قد تحاملت
على هذه الكلمة .. تقول: اترد دت تا شان .. ات رد دت دت تا .. مع أنها ياولداه تفيد الضعف
وعدم اليقين .. لكنك بقدرة قادر تنفحها بقوة لا حكت ولاكانت .. يا طارق أراك تعصر زيتها
أنا أقترح أن تبدأ المقدمة بعبارة :
صحيح قبلك..
شراع الدهشة ماصفق
ولا كان العِرِق وداي ..
بعدين يا اللخو
هداي .. هداي .. تكرارها بتلك الطريقة فيه بعض من الرتابة (وجهة نظري طبعا)
وعشان ما تقول انا متحامل عليك ... ليه ما جرجرت كلمة ساي؟
عارف ليه ما لحقتها الجرجرة؟ ببساطه لأنها من حيث الملودي اللحني نزلت كبس
يعني ظبطت معاك .. وانت عارف اللحن لمن يجيك في الخط ما عندك تاني طريقة
للملاواة ..عندك وردي في محاوراته اللحنية العجيبة لمن قال :
ورجعت خليت الدموع .. يرتاحو .. يرتاحو مني وينزلو
فعلا يقنعك بأن الدموع عشان ترتاح وتريح يجب ان تنزل على هذا النحو ..
لكن المعنى اللحني البليغ هنا في الإشارة لراحة تعود للمتحدث وشفاء روحه من فجاعة غربتها وشجونها..
وليس راحة الدموع .. هي الدموع مجردة كده شن طعمها!!
والله أعلم
بجيك راجع
وين التلفون يا شاب
سيف اليزل
.
| |
|
|
|
|
|
|
|
|
 Re: غشوني المراكبية (Re: خدر)
|
الله يسعد صباحك ياطارق أخوي
صوت جميل ولحن رائع وكلمات فوق الوصف
وعبرك نترحم على روح الراحل المقيم العميري
تخريمة :-
عارف يا طارق أنا عندي أعمال خاصة غير النزلت
هنا في المنبر كلماتي والحاني وبحاول أسمعك
ليها بس لوسمحت رسل لي إيميلك يمكن تعجبك
واسمعها بصوتك الحلو ده
أو خد إيميلي ده وجرب
[email protected]
| |
|
|
|
|
|
|
|
|
|
Re: غشوني المراكبية (Re: هاشم أحمد خلف الله)
|
خدرصباح الخير
شكرا جزيلا تتصور انا لى زمن بفتش على هذه القصيده وما لاقياها
الصوت ما مسموع لكن رحم الله الفنان القدير الشاب المبدع عبدالعزيز العميرى فقد رحل عن دنيانا وما زال الوقت باكرا
اللهم رحمه واغفر له
ام الاء
| |
|
|
|
|
|
|
|
|
|
Re: غشوني المراكبية (Re: هاشم أحمد خلف الله)
|
نصار
شكرا علي التقريظ يا فنان
بعدين الزيارة (هارلم) زي الحِنة , بطبقوها
محمد الطيب
شكرا علي الابلاوس يا فنان
يا هاشم
ياخي ده كلام حلو منكـ يا شاعر يا حلو
نتلاقا في الايميل و الليل يغنينا
| |
|
|
|
|
|
|
|
|
|
Re: غشوني المراكبية (Re: خدر)
|
يا سيدي خدر
(دي حتي الاغنيات قبلك حروف ابياتها كانن ساي )
اول مرة اسمع مفردة( ساي ) ملحنة يعني المفردة جاءت دون ذاكرة عندي لكن وقعت وقعة جميلة وانطربت والله
شكرا للابداع
وحسمع الغنية زي 70 مرة تاني عشان اشوف ثغرة انزل بيها درجاتك من (جيد) الي ( مقبول)
| |
|
|
|
|
|
|
|
|
|
Re: غشوني المراكبية (Re: محمد الطيب يوسف)
|
أخي خدر ،
تحياتي ،
أخوي هاشم :
Quote: الله يسعد صباحك ياطارق أخوي
صوت جميل ولحن رائع وكلمات فوق الوصف
وعبرك نترحم على روح الراحل المقيم العميري |
شحتفتو روحنا والله
أنا أبا يفتح معاي ضُمة ؟!!
واحدين قالوا الصوت مخشخش
حتى مخشخش ذاتو ما لميت فيهو ؟!
انجدنا وافزعنا يا ود ابوعبيدة .
و ياريت كمان لنك الحفظ يا خدر
عشان نستمتع مع البقية
ونستمع للغنا السمح جد .
ورحم الله العميري :
بس داير أقولك يا أصيلة ..
لو تعب فينا التمني ..
وإنهتك وتر المغني ..
لو تسدِّي علينا طاقات البشاير ..
بنهزم يوم التجني ..
وأجيك لا هماني شي ..
عندك وقفت من المشي ..
وغرقت في ضوء النهار ..
مودتي ،
( ليمو )
| |
|
|
|
|
|
|
|
|
|
Re: غشوني المراكبية (Re: abdulhalim altilib)
|
يا خدر،
لم أسمع بهذه الأغنية من قبل ولي أذن محصَّنة ضد كل الجديد في الغناء السوداني
وتطور (الوضع) إلى رفض بل إلى مقاومة صريحة ، لا أستمع إلى أي أغنية (صُنعت) في
تسعينيات القرن المنصرم سوى بضع أغان لا أرى من اللياقة ذكرها، لكن غنيتك دي مريحة
وسأسمعها مرة ومرة لأعود (خاطري) عليها ، أترى لأنها من نَفَسِ العميري الفنان الشامل
أم لأنه صوت المؤدي الندي الصديق؟
| |
|
|
|
|
|
|
|
|
|
Re: غشوني المراكبية (Re: 3mk-Tango)
|
سلامات يا طارق
الأغنية جميلة جدا وهي مسجلة عندي من قبل كم سنة كده بصوتك الجميل , ولو ما خانتني الذاكرة انا نزلتها من سودانيزاونلاين هنا ايام
صفاها لما كان الخواض بيتحفنا بالجمال ,
المهم , لا يبدو لي انو في فرق بين الاداء القديم والجديد , وقد اكون مخطيء ....
رحم الله العميري ...
واحدة من الحاجات الصعبة في الغنية دي استعمال كلمة " ساي " ودي ما لاقتني في أي شعر تاني , في حاجة قريبة من دي في غنية تانية اظنو
بغنيها عثمان مصطقي : وما لقيت في دنيا الناس / ساكت شبه زيك ...
برضو استعمال كلمة ساكت هنا صعب جدا ...
شكرا للجمال .
| |
|
|
|
|
|
|
|
|
 Re: غشوني المراكبية (Re: Ishraga Mustafa)
|
الله يديك العافية كلام جميل وصوت اجمل ..
انا هسه قلت اشوف غش المراكبية ده كيفنو كمان اول مرة اسمع بيه ..
لكن الحمدلله الدخلت غايتو لقيته غشه سمحة شديد ..
تسلم ياطارق انشالله انت من كل شــر ..
| |
|
|
|
|
|
|
|
|
|
Re: غشوني المراكبية (Re: ضياء الدين ميرغني)
|
اكون كضاب
لو اترددت شان استقبلك جواي
-- ولو قاومت حد السيف بريقو يلخبط الهداى
-- صحيح قبلك شراع الدهشه ماصفق
ولا كان العرق وداي
-- دي حتى الأغنيات قبلك
حروف ابياتا كانت ساي –
بس الحاصل بدورك تسمعي شويه
-- فترت من السواحل ديك
وغشوني المراكبيه –
وكنت بلملم الضحكات
وحاجز فى البياض نيه –
ولما سالنى ريح الليل
وكنت براى
اعود واهى
غلبنى اساوم الرهبه
ونزفت جروحي زى ماهى –
وماتلومت لو شفتى
ده ليل الغربه متناهي --
حدودو الغربه بعدو الغربه
فيهو الغربه والأفق الرقد ساهى
-- امد ايدي بس لي وين
واقاوم كيف زمن لأهي
لانفع التودد فيهو لا جاياهو حنيه –
شتت املي في الموجات
وكثر في العشم جيه –
ده كلو من السواحل دي
ومن ظلم المعديه
وانا البعت الفرح لليل
وغشوني المراكبيه –
وفجا صحيت من الحاصل
افتش غنيه فى زمن الصحا
دايشه المفردات جواي
والكان اتمحى –
هاك باقى روحى تغنى ليك
عشمانا فيك
تريح –
بس اوع من
رحلا تتوه انا تاني قاسى اصابحها –
وادينى سمعك فى الاخير
انا عمرى مافاضل كتير
شالوه منى الامسيات
الضايعه
فى الوهم الكبير
والدنيا ماتمت هنا –
لسه فاضل ناس تعاشر
وناس تضوق طعم الهنا –
بكره اجمل من ظروفنا ولسه جايات المنى –
بس شيل مع شنطك معاك
حبة حزر فتح عيونك
وخلى بالك في الصبر –
انا ليسه في ايدي
بواقي من الكتابات والحبر
داير اسمعك شايل سواقيك السبر –
تسقى الجروف وتمشط الارض الحزينه
تبنى من عرقك
مواني
وتصنع القادوس مدينه –
واكون ميت انا
وعايش على السهله الفرايحيه --
انا البعت الفرح لليل
وغشوني المراكبيه
ومن الذى لم يغشه المراكبية
الله عليك
الله عليك
| |
|
|
|
|
|
|
|
|
|
Re: غشوني المراكبية (Re: سلمى الشيخ سلامة)
|
واكون كضاب
لو اتردت في لقياك
امازج الضوء خفوت لونك
وامرجح قلبي بين دنياك
صحيح القلب لما طراك
وقف عصب الضلام غناك
وباقي نجوم شحب لونا
من الخجل الاظنو غشاك
ياصديق
تعرف انو كل المحاولات للحضور لزواج الصديق بكري عبدالوهاب بهولندا ستدخل في قلبي السرور وبعد هذه الاغنيه الشجيه الطروبه علي بالاجتهاد حضورا اليكم للقاء الجميل فهل شاء لي ان اصلكم بي فرحتي دي زاتا
ماعايز اقول يابورداب هولندا وكلام العامه خليها كده لتصبح فرحتيين
وكلنا تاميين
كلنا تامين
| |
|
|
|
|
|
|
|
|
|
Re: غشوني المراكبية (Re: عليش)
|
يا طارق
المراكبيّة ديل قبل كده عزموا ليهم زول وأكل معاهم؟ ما حصل، يعزمو سااكت، العيزومة زيها وزي السلام..
رحم الله العميري وعمّر الله قبره بالمحبات..
___
صاحبك بتاع الإسكيتنق، ترك لي مسج، صوتو معسّم، زي الواقع على صفحتو ولّ كمان ضربو برد..
عليك الله المرة الجايّة لحِن الونسة..
| |
|
|
|
|
|
|
|
|
|
Re: غشوني المراكبية (Re: باسط المكي)
|
Quote: ياصديق
تعرف انو كل المحاولات للحضور لزواج الصديق بكري عبدالوهاب بهولندا ستدخل في قلبي السرور وبعد هذه الاغنيه الشجيه الطروبه علي بالاجتهاد حضورا اليكم للقاء الجميل فهل شاء لي ان اصلكم بي فرحتي دي زاتا |
ده اجدع كلام يا صاحب والله
انا ذاتي فرحتا اسه
يلا اسرع تعال نحن مشتهنكـ في عضمكـ يا عليش ياخي
Quote: صاحبك بتاع الإسكيتنق، ترك لي مسج، صوتو معسّم، زي الواقع على صفحتو ولّ كمان ضربو برد..
عليك الله المرة الجايّة لحِن الونسة.. |
كااااااااااااااااااااااااااكــــ
ريحتني والله
شكرا يا باسط
كلامكـ عجبني شديد
شكرا ياخي
| |
|
|
|
|
|
|
|
|
|
Re: غشوني المراكبية (Re: سلمى الشيخ سلامة)
|
شروق و ماجده
اعفو لي الخلعة المراكبية ديل غشو الناس كلهم
و شكرا علي الاستماع و جبر الخاطر
شروق لنكـ الحفظ في الاسفل
ضياء سلامات
و ازيدكـ من الشعر بيت
حمزة سليمان برضو لحن نفس القصيدة
شفت عميري بلم الناس كيف ؟
بصدد المقارنة شوف يا سيدي
ما عندي اي مانع انك تنزل لحنكـ هنا
لكن لحنك ما حا يتسمع لانو الفايل الصوتي بتاعي
بشتغل اوتوماتيكـ بمجرد فتح الصفحة
فأنا شايف انو تفتح بوست منفصل و ننزل فيهو العملين
بحيث انهم يتفحوا بالضغط و التشغيل
اتفقنا ؟
سلوم
ندهناكـ فوق محتاجين حكيكـ عن شعر عميري
احكي عليكـ الفن و حبانكـ و الله
| |
|
|
|
|
|
|
|
|
|
Re: غشوني المراكبية (Re: الوليد محمد الامين)
|
Quote: يا خدر،
لم أسمع بهذه الأغنية من قبل ولي أذن محصَّنة ضد كل الجديد في الغناء السوداني
وتطور (الوضع) إلى رفض بل إلى مقاومة صريحة ، لا أستمع إلى أي أغنية (صُنعت) في
تسعينيات القرن المنصرم سوى بضع أغان لا أرى من اللياقة ذكرها، لكن غنيتك دي مريحة
وسأسمعها مرة ومرة لأعود (خاطري) عليها ، أترى لأنها من نَفَسِ العميري الفنان الشامل
أم لأنه صوت المؤدي الندي الصديق؟ |
حديث راقي ,, شكرا يا محمد
و طبعا ما عندي إجابه علي سؤالكـ الاخير (وش غامز)
شكرا ليكـ انت يا ابوحوه اخي
و عوافي والله عوافي
والله يا تنقو شكيتكـ انا
وين انت يا مواطن مختفي ؟
ووين لحن الخميس ياخي ؟
| |
|
|
|
|
|
|
|
|
|
Re: غشوني المراكبية (Re: الوليد محمد الامين)
|
الوليد سلامات
زي ما قلت لي ريهان فوق انو عميري واحده من مميزات شعرو استخدامو لي العامية في قصايدو
و توظيفها بي سهولة تحولها من كلمة الي جزء متحد من نص كامل حتي من الصعب انكـ تميزها
ودي ميزة العِظام من اهل الفنون
بتزكر انو عندو قصيدة تانية بقول فيها
ليكـ مليون حق تخافي
جبت ليكـ شبط هدية
واصلي طول العمر حافي
شفت كيف ؟ 
ياريت يا الوليد يحضرونا
خطاب حسن احمد
سلمي سلامة
اسيا ربيع
و يدونا إضاءات مفيدة حول الكلمة في شعر عميري
فهم اقدر و اجدر مني في ذلكـ
| |
|
|
|
|
|
|
|
|
|
Re: غشوني المراكبية (Re: ريهان الريح الشاذلي)
|
يا خدركه
يا صاحب انا ما ملاوز انا داير اتونس مع الملاوزين
و اقول ليهم لو ادينا روحنا دقايق الجديد ببقي مقبول
يا ام الاء صباح الخير
القصيدة في الحقيقة طويلة جدا
بتنتهي بي
اديني سمعكـ في الاخير انا عمري ما فاضل كتير
شالوهو مني الامنيات الضايعة في الوهم الكبير
حتي آخر القصيدة
يا ريهان
خطاب حسن احمد و عكري وظفوا كلمات عامية و احيانا (رندوكـ)
في قصائدهم و اتلحنت و طلعت اجمل من جميل
شفت الفنانيين ديل فنانيين كيف ؟
اما فيما يخصني انشاء الله كل ما تسمعي ربنا يعلي الدرجات
| |
|
|
|
|
|
|
|
|
|
Re: غشوني المراكبية (Re: خدر)
|
خدوري صباحو
تعرف لو الكلمات ما كتبها العميري تشعر انها كلمات العميري
ان كلماته بصمة
شكرا يا (ندي)
اوعي تقراها غلط (ندي ) دي 
| |
|
|
|
|
|
|
|
|
|
Re: غشوني المراكبية (Re: khaleel)
|
كتب خضر هسين هليل:
Quote: بعدين جديد شنو البتلاوز منو إنت ياخينا حتي الخامس
قام !
|
شالت فيك مكنة الملاوزة دي يا خضر
ما تقع في شرك المتلاعب ده
ويعمل ليك فيها ( اكون كضاب )
ومستهبل كمان
الزول ده عارف نفسو
وطول نفسو
والحنية الكامنة في صوتو
وعارف ح يجهجه حنانا ذاتو
شكرآ يا مولانا خدر
| |
|
|
|
|
|
|
|
|
|
Re: غشوني المراكبية (Re: الملك)
|
شكرا يا روز يا فنانة
و مذيدا من الشعر و الموسيقي
خليل
بصمة فهمناها
ندي دي منو؟
الله يستر حا يجوا ناس ودجبرالله يشيلوا حالنا
و نبقي في تلاتل
يا ابوساندرا حا نحرمكـ من لقب كاتم السر
بقيت ثرثار يا زميل
ده غير انو مشتاقين و تلفونكـ شكلو اتغير
ولا انت و عماد متفقين ؟
ما تحيرونا و افتحوا البتاعات دي
يا ناجي طيب ياخ ما تصالحني بهناكـ ؟
74 وش ضاحكـ و معاهم جيش عيون غامزه
| |
|
|
|
|
|
|
|
|
|
Re: غشوني المراكبية (Re: خدر)
|
Quote: يا ناجي طيب ياخ ما تصالحني بهناكـ ؟
74 وش ضاحكـ و معاهم جيش عيون غامزه |
مصالحك يا حبيبى ,,!
أنا حأشيلا وأشوف ناس الناس البهناكــ,,
| |
|
|
|
|
|
|
|
|
|
Re: غشوني المراكبية (Re: الملك)
|
خدر...
صوتك دا براهو حكاية والله...
ياخدر نحن حنكون مسجونين لمتين ومتحركين بذاكرة غيرنا
المهم نحن منتظرين شهر4 ...
ودا حسب تصريحاتك فى مكان ما وزمان ما فى هذا المنبر
| |
|
|
|
|
|
|
|
|
|
Re: غشوني المراكبية (Re: Amira Elsheikh)
|
وين يا ....
من زمان غايظنى انك غير مهتم باخراج اعمالك الخاصة ... ان وجدت
في مليون زول و زولة عندهم صوت سمح و بيغنو غنا الناس التانية
انت عندك قدرات تانية وعندك مشروع رؤية مختلفة للغنا ليه ما تقعد في الواطة دى و بي جدية تشتغل فيها؟
اقعد ا...... كده لما الطيارة تفوتك
| |
|
|
|
|
|
|
|
|
|
Re: غشوني المراكبية (Re: esam gabralla)
|
فعلا انا غلطان انو اغني غناء الاخرين
ما عندي اي سبب مقنع ما غني بيهو اغنياتي الخاصة
مبسوط و سعيد في الحياة
ابداء يومي بنسكافية دافي و اتابع اخبار المزيكة
في المجلات المتخصصه ثم اجري بعض الاتصالات لتنسيق بروفات المساء
و حجز الاستوديو و لقاءت مراجعة الترتيبات الاخيرة لحفل
الكونسرت خباو القادم
ثم اتناول افطارا خفيفا( علي قول عدلان ع.ع)
و اذهب في قيلولة قصيرة اصحو بعدها لاجري بعض التمارين
علي آلتي العود و تمارين الصوت و اتناول غدائي و اذهب
الي البروفه
يا عصام اقول ليكـ لي 13 سنه ما غنيت او صفرت وانا بستحمي
تقول لي اقعد في الواطة و اشتغل فيها ؟
__
اسمع لندن قائمة ؟ و متين ؟
| |
|
|
|
|
|
|
|
|
|
Re: غشوني المراكبية (Re: Amira Elsheikh)
|
يا ملكـ
شيل شبابي و شيل عيني و شيل العدة ذاتها
يا طروق
بس انت بطل تحكي لينا بالقطارة و تشحتفنا
اوعدكـ انجضكـ نجاض فلانة
يا اميرة وحات امي زينب
الاغنيات قاعدة ولي شعراء يسدوا عين الشمس
القدال - خطاب - عاطف - ابراهيم سلوم - امين صديق - الكتيابي- شعيرية
الي اخر العقد الفريد
| |
|
|
|
|
|
|
|
|
|
Re: غشوني المراكبية (Re: Amira Elsheikh)
|
Quote:
ياريت يا الوليد يحضرونا
خطاب حسن احمد
سلمي سلامة
اسيا ربيع
و يدونا إضاءات مفيدة حول الكلمة في شعر عميري
فهم اقدر و اجدر مني في ذلكـ |
تعرف يا طارق انا التلاتة الانت ذكرتهم ديل من الناس الاثروا في تكويني الثقافي , خاصة العزيز خطاب , لاقتهم كتير وقعدت معاهم أيام
كانو في السودان أيام كانوا بيجوا لي عمر وعلي ابوراس خيلاني الكنت ساكن معاهم ...
غايتو ... زمن يا طارق ابو عبيده .....
معاك برضو باتمني الماجانا لسه هنا يجي .....
| |
|
|
|
|
|
|
|
|
|
Re: غشوني المراكبية (Re: الوليد محمد الامين)
|
سلا م
طارق ووليد وجميع الصحاب
وسلا م للحبيب الكل ما بعدت سنينو بيقترب وهو القائل فى بواكير تفتق شاعريته
.. اصلو عُمُرنا جدول شوق
..وحبة ذكرى ما اكتر
.
.
وحين رحيله غناه ُ شاويش
من كلمات تماضر شيخ الدين
..
. باقى الوهج الفضل منك
. انور مية سنه ضوئيه
..
حاضرين
وحياة الخوه بس كُنا بنتاوق ساي
.. ....
ساعود ولكل من رأى سؤالى عن العميرى فأنا سكرتيره الخاص
منذ رحيله ذاك القيامه .. كما قال القدال ..
بداية الحيف والظلم والفوضى
فى 30 يونيو1989 وحتى الاّن ..
..
لقد ولد صديقكم الفنان يوم 20 فبراير 1954 بمدينة الابيض
.
وهذه اجمل تحيه تقدمها له يا طارق ابوعبيده
يا ضياء ميرغنى
يا هيبه
ويا همزه سليمان
ومن لم يتنامى الى علمى اشتغاله على هذا النص
بعد
فهو نص شعرى محرض على الابداع
.
| |
|
|
|
|
|
|
|
|
|
Re: غشوني المراكبية (Re: khatab)
|
يا خدر
جديد؟!!
وينو الجديد دا؟
مش دي وامونة سمعناهن قبل خمسة سنين ـ ولا هن كم سنة ـ اول ما سمعناك ؟
وقومن علينا الظار
اجيب اللنكات هسي دي ؟
بطل حركات وامرق بالجديد ياخ
بعدين اكون كضابة لو قلت ليك انه صوتك دا لو قحيت ساكت ما بنقدر غير نستقبلو جوانا
أماالكلام عن تجربة تلحينك دي
ما خلاص افتوناناس شيخي الموصلي ، شن نفرنا نحن كمان؟
| |
|
|
|
|
|
|
|
|
|
Re: غشوني المراكبية (Re: الجندرية)
|
نور الهادي يا قلب
إشتهينا طلتكـ علينا والله
ابقي طيب
اماني ياخي انتو نفركم بكملنا
و بكمل شيخنا الموصلي
بالمناسبة الاغنية دي مفروض تكون حقتو و هو ناسي (وش غامز)
الحاصل يا ستي لقيت مجموعة شرائط قديمة فيها كتير حا يعجبكـ
المراكبية واحده منها
| |
|
|
|
|
|
|
|
|
|
Re: غشوني المراكبية (Re: الوليد محمد الامين)
|
| Quote: معاك برضو باتمني الماجانا لسه هنا يجي ..... |
والله يا الوليد الفكي بتاعكـ كارب
اها جاكـ اجمل الغيث
الكجونكا الكبير و الصاحب الاعظم
خطاب حسن احمد شخصياَ
خطاب استاذنا
اتفضل ياخي
مافي كلامكـ وانت موجود
احكي و نحن نستمع
| |
|
|
|
|
|
|
| |
خدر
GamarBoBa
عاطف عبدون
نصار
خضر حسين خليل
khatab
هاشم أحمد خلف الله
ريهان الريح الشاذلي
abdulhalim altilib
محمد المرتضى حامد
فاروق أبوحوه
Ishraga Mustafa
ماجدة عوض خوجلى
ضياء الدين ميرغني
سلمى الشيخ سلامة
عليش
Yassir Tayfour
باسط المكي
rosemen osman
khaleel
أبو ساندرا
الملك
طارق جبريل
الجندرية
ibrahim kojan
عبداللطيف حسن علي
محمد عبد الماجد الصايم
فيس بوك
تويتر
انستقرام
يوتيوب
بنتيريست