|
|
 بيان هاااااااام .. جداَ
|
كل ما ( شنو كده ماعارف ) الزمان قناة / ركب المرء للقناة سنان
بسم الله الرحمن الرحيم
سنذيع عليكم بيان هام بمناسبة
1/ عيد الفطر المباركـ
2/انعكاس انهيار المنظومة الاشتراكية
3/ بلوغ تهاني الـ 19 سنة
4/ زيارتي الاخيرة للسودان
فترقبوه
فترقبوه
فترقبوه
|
|
 
|
|
|
|
|
|
|
|
Re: بيان هاااااااام .. جداَ (Re: خدر)
|
1/كل سنه وانت طيب
2/المنظومه ممكن تترقع منعا للانهيار
3/نتلاقى معاكم فى ال20
4/اوع تكون خليت السودان قبلو
بيت الشعر حيكملو ثالث واحد يتداخل فى هذا البوست
شوق اطنان ياخدر
| |
|
|
|
|
|
|
|
|
|
Re: بيان هاااااااام .. جداَ (Re: خدر)
|
قدرما طول مولانا خدر بالو علي ما يحدث في السودان داخليا و خارجيا
علي مستويي السياسي و الاجتماعي فيما يتعلق بمولانا او الاخرين .. لم
يطراء اي تحسن يمكن قياسة بمقياس ريختر حتي .. علي المستويات السابقة
لذلك قررنا انا مولانا خدر فتح النار في كل الاتجاهات املا في تغيير
افضل و سريع و ذلك عملا بمبداء يوم شكرك لازم تحضرو
اذ ان المجتمع السوداني بتركيبتة الحالية ( سياسياَ ) حكومة و معارضة
و مابين هذين السبيلين .. لافائدة ترجي منة
لذا وجب ان اقول كل ماعندي املاَ في ان اموت و ليس في حلقي شيئ من حتي
فزيارتي الاخيره للسودان كشفت لي الكثير و نفسي ضاقت من الحكمة و صوت العقل
اقول قولي هذا و استغفر الله لي و لكم
مولانا خدر و هو في حالة هدوء و حكمة
| |
|
|
|
|
|
|
|
|
|
Re: بيان هاااااااام .. جداَ (Re: خدر)
|
عيد الفطر المباركـ
لاذال ائمة الجوامع يجترون دون ملل خطبة مكتوبة في ورقة مهترئة و محفوطة بعنايه
في قاع كيس نايلون قديم .. يخرجونها مرة واحده في العام .. اول ايام العيد و تعود
الورقة البالية الي سيرتها الاولي عقب انتهاء الصلاة
تبداء الورقة بالصلاة علي النبي و تنتهي بتمنيات بطول الحياة و العزة للباب العالي
وأولي الامر منا ايَ كانو عساكر ,, حكم ديمقراطي ,, حكومات شمولية ,, كونفدرالية
لا يهم المهم ان الورقة تُحفظ جيداَ كمقدسات يجب حفظها بعيدا عن متناول ايدي الاطفال
و مياة الامطار
وحينما حدث اول تحديث لتلكم الورقة في اوائل التسعينات تم اضافة ( اللهم انصر البوسنة
علي الهرسكـ و الشيشان علي الالمان .. فقط
عليكم الله دي حالة دي !؟
الاخوة اعضاء و زوار سودانيزاونلاين
اتمني لكم عام مجيد سعيد .. مليئ بالعباده والسعاده و الاحلام الممكنة التحقيق
عام قادم نحقق فية فقط شجاعة تجعلنا نقول كلمة الحق من اجل انسان و وطن مُعافي
هذه اجندتي للعام القادم فقط ان مد الله في الاجال
| |
|
|
|
|
|
|
|
|
|
Re: بيان هاااااااام .. جداَ (Re: خدر)
|
خدر
زمان و نحن فى عز قرفة اوائل او قد تكون منتصف التسعينات , كان و د جيرانا سامى ود كدودة يقول لى ما ترح معاى الكلاكله !!! , اقول ليه: و الله انا بس من سيرة الاسم فترتا , خليك من المشوار. يقول ليا , و الله غنا العجايز العاجبك ده لو دا فى زول اسمو طارق ابوعبيدة ممكن يغنيهو ليك كلو, بعدين انت نظريا مش اتفقت معاى انو نحن مفروض نسمع غناء جيلنا؟ .....
ياخى كل سنة و انت طيب
| |
|
|
|
|
|
|
|
|
 Re: بيان هاااااااام .. جداَ (Re: Ahmed Al Bashir)
|
الحبيب خدر
سعيد برجوعك دون قيد أو شرط ... وأنت من الذين يضئيون ساحات هذا المكان منذ أن كنت (بنصف) وجه، فما بالك وألان لك وجه كامل منير كالقمر؟؟؟
ياخدر ائمة الجوامع ما قاعدين يقولو:-
اللهم أحفظ محمد على (حاكم مصر والسودان... اللهم أهزم اليهود والنصارى ونكل بهم ويتم ابناءهم)؟؟؟؟
الفكرة الجمهورية على لسان قياديها كانوا يقولون:-
بدلا عن ذلك لماذا لا ندعو لهم بالهداية والفلاح والصلاح ويحفظ لهم ابناءهم من كل شر؟؟
آل ايه آل (تراويح) آل.
سعيد بك مرة أخرى أيها الحبيب مقاتل (لطيف)على رأس قوى الأستناره.
| |
|
|
|
|
|
|
|
|
|
Re: بيان هاااااااام .. جداَ (Re: خدر)
|
العزيز خدر
الله لا جاب يوم نطتى
ياخى ما نطيت ولا حاجة..
لكن زى ما خمنت..حبة زحمة
باقى نحن فى (دار راسمال) دى ..ما بحلك الا الموت
انت ما سمعت حميد ..قال
(عيشة يا مفترى..ويوم كامل شغل)
اوعك تكون قايلوا بهظر لامن قال كده؟
الاسرة كويسة ..الا العيد مسيخ
وحاتك كان ما لاقيت الفجراوى..كان اقول: رمضان السنة دى كم شهر؟
وبعدين ما طمنتنا على بارعة (والقادم/ة)..؟
قول ليهم كل سنة وهم طيبين
وابقى كتر من جنس ده 
| |
|
|
|
|
|
|
|
|
|
Re: بيان هاااااااام .. جداَ (Re: خدر)
|
خدر الاخدر حمدا لله...بركة الجيت بركة الجيت
وبعدين بيتك داك الا يتموا غجب الفيا
واظنوا كلما انبت الزمان قناة
وانا يهمنى غسى عمر ابوه ماتم!! هو نحن قادرين نتم بيوتنا الفى السودان؟؟
خليه يغور
| |
|
|
|
|
|
|
|
|
|
Re: بيان هاااااااام .. جداَ (Re: صديق الموج)
|
كلما أخفيتي نجماً..
قد أبان الأنجما..
و...
الزمان يا خدر زمانك..
موصول بالتهنئة المقرونة بعيد الفطر المبارك..
وكل عام وأنت بخير..
وأنت تقرنها بالرقم تسع عشرة..
والفال فال الله .....
عزيزاً..
دمت كل عام وأنت والأسرة الكريمة بخير...
| |
|
|
|
|
|
|
|
|
|
Re: بيان هاااااااام .. جداَ (Re: A.Razek Althalib)
|
ابان زيارتي الاخيرة للسودان واكبت ( الحرابة ) الحصلت حول وزارة الطاقة
فيما يتعلق بتقسيم الثروة علي الحركة الشعبية و الحكومة النقلت قسيم ريدي
الكوماندوز سلفا صرح في الصُحف عدييل و قال خلصونا و قسموها و تمو الستة
سنين بتاعتكم دي و خلونا ننفصل
عليك الله شوف السياسة العولاق دي
اكان حركة شعبية او حكومة
ياكافي البلا لا هماهم عذابنا و لا دموعنا و شقانا .. بفكروا في روحهم بس
ويأتي احدهم ممتطيا لكنة صوت غريبة و يتحدث عن مستقبل السودان في ظل
القوي الحديثة .. حديثة شنو يا ( معفن )
لا مستقبل لبلد كالسودان يعتلي صهوتة اُناس كهؤلا !؟ ... نحن قوم تافهون و مغلوبون
علي امرنا في الواقع .. اما في الصحف السياره و الميديا و بيانات الاحزاب
فنحن شعب معلم قام بأنتفاضتين ضد اعتي الدكتاتوريات في الماضي
عبود
عبود ده لو كان عندو (احتياطي مركزي) كان جهجه ليكم اكتوبر القادننا بيها دي
جعفر نميري
لو كان ركب راسو و رجع من القاهرة .. كان لحقكم امات طة
صباح الخير يا شعب يا معلم
| |
|
|
|
|
|
|
|
|
|
Re: بيان هاااااااام .. جداَ (Re: صديق الموج)
|
Quote: وانا يهمنى غسى عمر ابوه ماتم!! هو نحن قادرين
نتم بيوتنا الفى السودان؟؟
خليه يغور |
صديق
والله كتلتني بالضحكـ
انت زهجتكـ شكلها اكبر من حقتي
تشتري البوست ده !؟
وكل سنة وانت طيب ياخي
| |
|
|
|
|
|
|
|
|
|
Re: بيان هاااااااام .. جداَ (Re: tmbis)
|
قالوها ليكـ ويين .. جاي تسألني منها بالدس هنا
تدجين يا سيد الامانتي ليكـ
يعني استئناس .. اصلها داجن
اي مُستأنس
تقول العرب جكس داجن
اي
هادئ الطبع غير مشاغب
مرطب و مابتاع مشاكل يعني
| |
|
|
|
|
|
|
|
|
 Re: بيان هاااااااام .. جداَ (Re: خدر)
|
| Quote: قالوها ليكـ ويين .. جاي تسألني منها بالدس هنا |
ما قالوها ليكم ولا حاجة
لكن صحيت الليلة من النوم لقيت القصة دي شابكة معاي
وقلت بسسس إلا خدر ..
وبعدين في مطعم بي ورانا هاه اسمو مطعم( داجن )..
يعني ممكن اسمي المطعم ده مطعم| Quote: مرطب و مابتاع مشاكل |
خدر ياخ دقيقة
| |
|
|
|
|
|
|
|
|
|
Re: بيان هاااااااام .. جداَ (Re: tmbis)
|
يا وهم
داجن ده هنا هو (سيد المطعم)
بعدين
وانت قايل الجداد ده سموهو دواجن ليه
ما عشان مرطب .. الغلة بتجيهو لحدي عندو
بعدين اطلع لينا برة ماتقلب لينا البوست نحو
وشوف لينا الـ BN جيب لينا منها الوصيتكـ بيهو
| |
|
|
|
|
|
|
|
|
|
Re: بيان هاااااااام .. جداَ (Re: خدر)
|
Quote: يعني ممكن اسمي المطعم ده مطعم
مرطب و مابتاع مشاكل |
لووول
ما ممكن
داجن دى تطلق على الجكس بس
النوع البرسل كتير ده غير داجن
يسمى جكس شرس او متوحش او "عنيد"
| |
|
|
|
|
|
|
|
|
 Re: بيان هاااااااام .. جداَ (Re: Hatim Elhassan)
|
البرسل شنو يا ما صاحبي ؟؟
..
تعرف يابرادعي
الله احسن منك لقيت لي زول رايح ..فردة من المتوسطة في بوست بي هناك ..
مافي مشكلة
انت مشوار مشوارين ( بندجنك )
وكان ما بقيتك كوز وبي سيختك ياسمبر ..
اديها صنة بس
الغريبة يا سمبر والله مشتاق ليك زي التقول صاحبي
| |
|
|
|
|
|
|
|
|
|
Re: بيان هاااااااام .. جداَ (Re: سامى عبد الوهاب مكى)
|
نحن جندالله جند الوطن
ان دعا داعي الفداء لن نخن
نتحدي الموت عند المحن
نشتري المجد بأغلي تمن
كل الدول في العالم تحتوي كلمات نشيدها القومي علي كلمات و قيم
الحب و التسامح و الحرية
الا نحنا كاتلانا الرجالة
قوموا كده بلاهي .. سلاح طيران ماعندكم
| |
|
|
|
|
|
|
|
|
|
Re: بيان هاااااااام .. جداَ (Re: خدر)
|
العزيز جدا سامي
انت منا جميعا في القلب .. نضع ايدينا علي قلوبنا
خوفا عليكـ من رياح الغربة و انت متذودا بتلكـ الـ 50 دولار الشهيرة
كل سنة وانت بألف خير و حميمية
| |
|
|
|
|
|
|
| |
خدر
osly2
إيمان صالح
Ahmed Al Bashir
لؤى
فيصل عباس
معتصم الطاهر
sharnobi
صديق الموج
A.Razek Althalib
tmbis
ودقاسم
فيس بوك
تويتر
انستقرام
يوتيوب
بنتيريست