دعواتكم لزميلنا المفكر د.الباقر العفيف بالشفاء العاجل
|
|
 يا زوجتي المزعجه .. كل سنه و انتي طيبه
|
يا زوجتي المزعجه .. كل سنه و انتي طيبه 
يوافق اليوم عيد ميلادك ..
اتمني لك اعوام كثيره جميله .. لالا دعيني اتمني لك للعام القادم امنيات علي مهل
اتمــني لك
1/ عـــاما هادئا دون اسئله كثيره .. نعم حبيبتي فلديك اسئله صعبه اعجز عن اجابتها ورغم هذه الاسئله الصعبه فأناطبعااحبك جدا
2/عـــاما دون نقه .. فانت يا زوجتي العزيزه نقناقه من طراز نادر
هل تذكرين ورق الحائط حين رحلنا الي المنزل الحالي .. ياربي .. لقد كنت نقناقه اكتر من المذيع داك !! نسيت اسمو .. لكنني طبعا رغم نقتك هذه فانا احبك و احب نقتك جدا
3/عـــاما بلا نقاش يا حياتي .. انت تناقشين كل شي حتي ماذا نأكل اليوم ..وتنسين اني قد استهلكت كوتتي من النقاشات زماااااااان في الجامعه لكني رغم استهلاكي لتلك الكوته اللعينه لازلت احبك
4/ عــــاما بلا مراسيل .. حبيبتي انتي رسااااااله قاتل الله العجله .. فانت رغم مراسيلك جميله كعادتك و انا احبك لذاك
اسمهان بحبك جدا رغم راسك القوي و حبيت اقول ليك ده علي الملاء عله يكون هديه مختلفه قليلا عن الاعوام السابقه
كل سنه و انت طيبه
|
|
 
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: DKEEN)
|
أسمهان الجميله
كل لحظة وانت أسعد خلق الله
حلوه وجميله وسمحه وإبتسامتك المشعه المشرقه تملأ الكون نور
وربنا يرزقك بالصحة والعافية والصبر على الزول كاتب البوست ده وغايتو جنتك مضمونه والله يستر عليك من نص جنتك الاول فى هارلمكم وما بجيب اسمهم..
وياود عمى ابوعبيده ربنا يجعل ايامكم كلها سعد وهناء
نشعل لكم فى القلب شمعه مشاركة منا فى يومكم الجميل هذا
وسنه حلوه يا أسمهان
عزيز سحر رزين ويزن
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: khider)
|
خدر
كل سنة والجميلة بخير وعقبال مية وواحد شمعة..وانشاء الله ربنا يديها الصحة والعافية ويخليها ليك...تراك الحمد لله مذكر عيد ميلاده ...ولسه تعرف تقول النضم السمح..ربنا يهنيكم ولك ولها الامنيات...(عارف اسي المدام تشوف البوست تدخلنا في ستين سين وجيم)
عبد الله جعفر
| |
|
|
|
|
|
|
|
|
 Re: يا زوجتي المزعجه .. كل سنه و انتي طيبه (Re: khider)
|
خدر
أنا يا ولدي الكلام الشين ما بعرفو، بس معاك في النص التاني من كلامك (والكلام البي الأحمر امسك فيهو قوي)
كل
سنة
وانتي
طيبة
يا مدام
وعقبال ألف شمعة حب وهناء.
(بس قررنا نسميك مرسيل خدر في حكاية المراسيل دي )
إيمان
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: khider)
|
الشابه اللطيفه بارعه
اول حاجه كل سنه وانتى طيبه ... امنيات بايام و عمر اطول واجمل.
نصائح عازب مزمن (زى صاحبنا عادل عثمان) :
- كترى من الاسئله خاصه البتكشف انو القبه ما تحتا فكى ..و لو احتجتى مساعدات الاخوان/ات تحت امرك
- ليه كلامو هو الكتير اسمو ونسه، و كلامك انتى نقه؟ مثلا ده سؤال ذو ابعاد جندرو/تمييزى.
- كضاب ما كمل كوتو: سمعت انو امبارح فى البالتوك استلم الحفله من اسيادا و مسك النقاش من الناس وفى الاخر قلع المكرفون وكان داير يفرتق الحفله، دورى فيهو نقاش لا ليهو اول لا اخر، خاصة: ورق الحيطه.
- الاخيره دى واضح انك ما دايره فيها وصيه ... عافى منك
..... كلام اخير :
الشاب اللذيذ الغناى (البتراشق مرة مرة كده) صاحبنا الاسمو خدر ....
بحبك جدآ
منى و عدد من الاصدقاء والصديقات
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: بنت الاحفاد 2001)
|
عبد الله جعفر
تسلم ياخي كرتك وصل
القاضي دكين
كل عام وانت بخير ..تسلم يا زميل
عزو و الاسر الكريمه
كا سنه وانتو سعداء و تامين و سالمين و يزن
عبدالله جعفر
عندي ليك مفاجاه .. نحن اتزوجنا قبل 6 شهور
فاهمني طبعا 
ايمان
خليك معاي تكسبي
سيبك من بارعه دي .. شكرا يا صديقه
عدول
شكرا يا حلو
غايتو انا شحنت لي بطاريتي بي مزيكتك دي
كبسيبه
الحمدلله البوست عن عيد ميلاد بارعه
اسه لو كان عن ولادتها كان خلعتهابي زولك ده
هلوله السمح قولا
كل سنه وانت اجمل
سجيمان
اول مره اقراك وانت جادي خالص
شكرا يا دكتور و نجيكم في عيد ميلاد المدام 
شاينق استارز
جميله مشاركتك لينا
نصار العزيز
شكرا ليك و مانجيك في شينه
عصام جبر الله !!!
الجابك هنا شنو .. و منو الوصل ليك القوالات دي
شحتفت روحي .. الاصدقاء و الصديقات ديل ياتم
والله انا محتاج ليهم جنس حوجه اسه
اسمهان بتتصل عليك من كم يوم وانت مافي .. اجمع
الغاليه بت الاحفاد
بكره كلو ببقي عليك ما تتفاصحي اسه ساكت
كل سنه وانت بالف خير
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: الجيلي التجاني جمعه)
|
عزيزي طارق
فلتدم لكما السعادة
أعوام عديدة مديدة مفعمة بالحب
Quote: /عـــاما دون نقه .. فانت يا زوجتي العزيزه نقناقه من طراز نادر
هل تذكرين ورق الحائط حين رحلنا الي المنزل الحالي .. ياربي .. لقد كنت نقناقه اكتر من المذيع داك !! نسيت اسمو .. لكنني طبعا رغم نقتك هذه فانا احبك و احب نقتك جدا |
إسمه حمزة عوض الله...
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: بنت الاحفاد 2001)
|
مكى مشكـــــــــــــــــــــــوووور
عبدالله.... دخولك دة ما كرت ورابح كمان
دكــــــــــــــــين.....
ويغرس فى قلبك الرحمة والعدل
عمو عزيـــــــــــــــــــــــــز العزيز انت الفاهمنى
تحياتى الخاصة جدا(( لى ابلة سحر ))  والعيال اللذيذيـــــــــن بالذات يزن
عبدالله جعفر مالك على؟؟  ايمان حاشاك من الكلام الشين
والمراسيل!!! اسكتى ساى ما نقوا  فيها بقى ما بترسل كتير
يادوب التموين ويجيب لى موية
وشاى المغرب بس!!!
الله عليك يا عادل عثمان يا راقى
كبسيبة اجيب اولاد كيفن مع صورتك دى دايرنى ايام الوحم اقاطع بوستاتك
لا رد لا قراية مش كدة؟؟؟ 
مشكورة يا هلولة السمح قولها على قولة خدر هو السماك كدة ما عندنا اى خيار تانى
شكرا ليك سيجيمان جدا (جدا هنا راجعة لى شكرا) 
نجمتناالمضيئة الجميلة والجميلة مشاركتها مشتاقين ليك جدا 
وانت كمان طيب يا نصار
بت الاحفاد كل الجمال انت وما تشتغلى بى خدر دة
بتلقى ليك واحد ترسليه هدى ورضى
Quote: يا ايتها المعبأة في شراييني اختزليني في
حدود الحلم امنية وسكر |
كلمات جميلة خالص فيها احساس عالى وختيتها عندى فى البروفايل مع بعض التعديل
تسلم ياالجيلى
اسماعيل وراق يعنى قايلو ما عارفو؟؟
خدر عملوليك مقلب وانت شربتو شيل شيلتك هو معانا هنا فى البورد
وميلادك يا بدر الدين ونشاءالله تصحى من النوم تلقى روحك بقيت تشبه جورج قرداحى
وليام عليك الله فى زول اسمو خدربعرف يركب ورق حيطة؟؟
وانت طيب يا صغيرون طيب جدا
دى احلى امنية يا جندرية ((يسمع من بًًٌََُُقك ربنا))
وكل سنة وانتى تماضرنا اللذيذة دى (( تحت تحت كدة مشتاقيييين))
وانت طيب يا نادوس
وامنياتى انا ليك باجمل من كدة واحلى
عمر رجب وانت طيب يا عمر رجب انت كل مباركاتك لينا ح تكون فى البورد كدة؟؟ اوووكى
هولندا ضيقة!!
والله يا ابو حراز هو جنس حب 
انا زاااتى مستغربة
عصام جبر الله جيتك بى رواااااااااقة
انت وين؟؟؟
انت اساسا سبب البلاوى
ما تعمل لى فيها معاى وفى صفى
ارفع سماعتك دى خلينا نعرس ليك  خلاص بعد دة
خدر تخيلنى بدون
1/اسئلة
2/نقة
3/ نقاش
4/ مراسيل
kan niet ....... kan niet........ kan niet
....طارق .....
بابا.....
أأأأ .....
أأأأأأأ
 بحبك جدا
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: khider)
|
خضر انته قلته ورق حائط... يعني انته في الغرب ... بس ده ما الموضوع .... تعرف احلي حاجه هو البوح وعلي العلن .... ودي ياسلام مفقوده عندنا وبرضو ده ما الموضوع .... الموضوع بكل اختصار جيت اهنيك واهني المدام بسنه سعيده والكثير من السنوات القادمات مليئه بالسعاده والصحه والعافيه وزي ما قال اخونا عين الحسوده فيه شطه وعود كمان .....
نسيت
.....
كل سنه وحبكم يكبر ويكبر
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: الجندرية)
|
تقول ليها احبك ودايرنا نصدق انك متزوجها؟؟
بالله عليك الله قوم كده بلاش مكنات معاك
هاهاهاهاها
يا خدووووووورى
انت رقيق لشكل؟؟ وجميل لشكل؟؟؟ وزوجتك دى حسة كلنا حبيناها معاك ...تستفيد شنو؟؟؟
كل سنة وهى جميلة ونقناقة وسأأألة ورساااااالة
وكل سنة وانت تحب سااااااى ويرسلو فيك
وكل سنة وجذوة الحب مولعة فى دياركم العامرة
والسنة الجاية ...ارررررررربعة
واتحداك كان تدق البورد دة تانى
لك كل المحبة ....ولها كل الـــــــ...." المحبة وكملتها انت الفضل شنو؟؟" خلاص لها ...كل الجمال
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: omar_ragab)
|
ياسلالالالالالالام على هذا الكلام الجميل والرائع
ما اعظم هذا الحب الكبير
وما اعظم ان نمنح الآخرين هذا الرحيق
لنجعل الحب يتنفس دائماً في كل الفصول
ولنجعل الجمال يشكل كل حياتنا
بعيدا عن النص
عينك التانية وووووووين ما يكون الجماعة لكموك فيها بالليل
قال مزعجة قال
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: khider)
|
كل سنه وانت طيبه و نقناقه و رسآله و اسئلتك كتيره يا اسمهان..
بالمناسبة خدر زوجك ده ما شفنا لينا زول ببارك ليه عيد ميلاده الكان قبل اقل من شهر..كل سنه وانت طيب و مغني جيد و مخلص كما تعودتك في حبك للموسيقى... واهم شئ تديم حبك ده لزوجتك و اللآخرين..
صادق و هاله,,
| |
|
|
|
|
|
|
|
|
|
Re: يا زوجتي المزعجه .. كل سنه و انتي طيبه (Re: Elmosley)
|
الله.. الله ابو مريم مالك جبت لى اللوم انا اتذكرتو واحتفلنا بيه واى حاجة لكن مــــــــــــــا برانا بس!!
تحياتى للهالة اللذيذة
استاذ موصلى شكرا للطلة ..
عليك الله لقيتنى كيف؟؟
كديسة ..؟؟ .. واحدة..؟؟ كدى انت مش قلت جايينا
ح احنطهم ليك لغاية ما تجى
مبروك تانى الماجستير وعقبالنا
| |
|
|
|
|
|
|
| |
khider
mekki
عزيز
إيمان أحمد
Adil Osman
سجيمان
نصار
بنت الاحفاد 2001
إسماعيل وراق
بارعة
بدرالدين شنا
soghayroon
willeim andrea
الجندرية
Tumadir
nadus2000
omar_ragab
ابوحراز
Abu Mariam
Elmosley
Raja
فيس بوك
تويتر
انستقرام
يوتيوب
بنتيريست