|
|
 رفعت عطية / السعودية
|
الزملاء بالسعوديه
ابحث عن صديق حميم لم اره منذ 9 سنوات
رفعت عطية
- دنقلاوي
- من ابناء الكلاكله الوحده
- وسيم و اسمر و خجول
- شديد الشبة بشخوص كتاب الـ Grammer المرحلة المتوسطة
( بطل درس The man and the pan مثلا )
- بحب اصحابوا و البنات
- فار قرايه - خاصه روايات عبدالرحمن منيف
- اصغر من اساسي و حسين ملاسي
- يرتدي فقط بنطال اسود وعُقال 
- هل تساعدوني في ايجاده
هناكـ جايزة مُدقلبه
الفي الصوره ده ما رفعت
دي جي لو 
|
|
 
|
|
|
|
|
|
|
|
Re: رفعت عطية / السعودية (Re: خدر)
|
سلامات
وعوافي
ازيك ياخدر
مابعرف طريق لي صديقك رفعت .. اسف
لكن بس زهجان وقهران قلت اخش عليك افش وجعي علي جنبات بوستك ...امكن امكن الواحد يحس بي شوية انسانية... الواحد بقي لافي في الدنيا دي ومليان مواجع ..واصدقاء كثر تساقطوا من قطار (الصحبة) بفعل الوطن الذي اصبح لايخجل من ان يظهر امامنا في وضع غير لائق كما قالت الساحرة الجزائرية مستغانمي .. اريتك تلم في رفعت ياخدر وتبل معاهو عروق الشوق ..
تقبل محبتي ...
مخرج :-
ولي اصدقاء كثيرين التهمتهم المنافي ... رجاءا لمن يتعرف عليهم ابلاغهم عني شديد المودة والحنين ..
| |
|
|
|
|
|
|
|
|
|
Re: رفعت عطية / السعودية (Re: Mamoun Ahmed)
|
خدر الله ايامك
كنت على فترات ازور دار ابناء الكلاكلة الوحدة بالرياض
يبدو لي انني صادفت فيها رفعت
كنت ازور طارق ومعاوية عبد اللطيف وبسام امين وابوزر النضيف
وغيرهم من الشبيبة الجميليين
غيرت موقع اقامتي
لكني سأبلغ الشباب بندائك
نرجو ان ت / نلتقي قريبا وعلى ارض عازة
ولا هارلم بلد الكدايس خلاص جبدتك ؟
| |
|
|
|
|
|
|
|
|
|
Re: رفعت عطية / السعودية (Re: محمد صلاح)
|
محمد صلاح ,, عوافي
كيف يبدو ليكـ !!
يا خي رفعت ده مستحيل تخطئه العين
تصدق يا محمد ,, ولد زي الورد مليان احلام جميله
واخلاق اجمل ,, السعوديه مابتشبهو خالص
شكلكـ لاقيتو ,, لانو ممكن يكون مع الشباب الجيدين اعلاه
طارق ومعاوية وبسام وابوزر
تلفوني في البروفايل ,, ادونا سلكـ
رفعت
او
محمد صلاح
او كل الشباب
نحن لسه مابقينا كدايس
| |
|
|
|
|
|
|
|
|
|
Re: رفعت عطية / السعودية (Re: خدر)
|
طارق ابو عبيدة ازيك
حليلنا
طارق ، محمد ناوا ، عصام ابوعبيدة والكتير ديل وين عموما محمد ناوا رجع السودان وعصام انت ادرى ولو ممكن تديني اخبارو اما صديقك رفعت عطية موجود بالرياض ولسه الشواكيش مدورة فيهو اخر خبر انو اخد شاكوش قبل اربعة شهور داخلى يعني في السعوديةعموما ده موبايلو 508929886
طبعاً يا طارق انا ناصر عزالدين لو بتتذكر
| |
|
|
|
|
|
|
|
|
|
Re: رفعت عطية / السعودية (Re: خدر)
|
قلت { ولد مليان احلام جميلة }
والله { أحلام } جميلة جدآ
أجمل مما تتصور
لا أقبل أي تعليق منك سوا: { شد وأركب } في نوق الفلاة المشتتة { موية سكر} وحب حب وصبوات لإستمالة رفعت البحب البنات السمحات
أنا برضو بعرف واحد زي رفعت وبرضو ضائع مني إسمو عاطف مكاوي ، قااااااعد في كلورادو وماسك بالعروة الوثقى وقابض الجمرة البتحرق الواطيها
وجملو الهدار ؟ ، عاد متل حرفنتك مالاقاني
ياخدر
إنتظرتك تدخل الماسينجر ، ناديتك ونشدتك وما رديت
المهم
راجع مكتب الخطوط الجوية القطرية لديكم
الحجز رقم Y8BYQE
حاتلقى حجز خلال شهر يوليو وهو غال جدآ ولا أنصح به
وحجز أخر خلال أغسطس معقول نوعآ
بعد ما تراجع مكتب القطرية لو لديك أسئلة ، أدخل الماسينجر أو إتصل تلفونيآ
| |
|
|
|
|
|
|
|
|
|
Re: رفعت عطية / السعودية (Re: أبو ساندرا)
|
يبدو انه لا مفر من ابدل اسمي ليصبح (خدرسطس )
آآآآه من اغسطس هذا انه خلفي دائما
ولدتني امي في اول اغسطس
و هاجرت في اغسطس
تركتني حبيبتي الاولي ايضا في اغسطس
وهاهو اغسطس يطل من جديد
ابوساندرا
خلي الاحلام الانت ماقدرها دي
عملت لي شنو في البتاعات
| |
|
|
|
|
|
|
|
|
|
Re: رفعت عطية / السعودية (Re: abas)
|
يا خدارنا المالي بيتنا بالورود والجمال،
Quote: العوض
.. شد و اركب
ياهو ذاتو
اها ,,, وين تلفونو / ايميلو !!! |
الحمد لله شايف بناتك السميحات ديل جابن الغايب. كتر منهن لكن بلاش مسدسات.
على كل حال أنا كملت الجزء الأول من نصيحتك. لكن ما عندي ناقه للركوب. (واقف براك والهم عصف). بلغ تحياتنا للرفعت فهو كان زميلي في بنك الخرطوم فرع الجمهورية وكنت بقسم الكمبيوتر وقول ليهو (عوض كمبيوتر) بيبلغك السلام والمحبة.
ومودتي لك.
| |
|
|
|
|
|
|
|
|
|
Re: رفعت عطية / السعودية (Re: خدر)
|
لقيتو. ترجم ليهو كتابين تلاتة. لاكين يمكن ما هو القاصدو خدر. المهم! هنا كتابين من ترجمة رفعت عطية، رضى الله عنه، وشفى به وجد من يبحث عنه فى اقاصي الدنيا واقاربها.
__________
المخطوط القرمزي/ تأليف انطونيو غالا ؛ ترجمة رفعت عطية. - ط.1. - دمشق، سوريا : دار ورد، 1996. - 511 ص. (دار ورد - دمشق {350 ل.س})
ملحمة آل ماركس : تأليف خوان غويتيسولو ؛ ترجمة رفعت عطية. - ط. 1. - حلب، سوريا
دار عبد المنعم، 1999. - 256 ص. (دار نينوى - دمشق 240 ل.س
| |
|
|
|
|
|
|
| |
خدر
soghayroon
Mamoun Ahmed
ودرملية
عبداللطيف خليل محمد على
Elawad Eltayeb
الليندي
abas
أبو ساندرا
صلاح الدين عبدالله محمد
Hussein Mallasi
Adil Osman
فيس بوك
تويتر
انستقرام
يوتيوب
بنتيريست