يروى عن الفنان زيدان أنه مولع بالشراب لدرجة الشراهة ، وكثيرا ما كان الشراب سبب رئيسى (لتبويظ) وفرتقة حفلاته ، وقد كان يوماً مرتبطاً بحفل زواج مهم ، وأكثر من الشراب ، وجاء إلى بيت الحفلة فى وضع مزرى جداً ، وجلس فى الغرفة المخصصة للفنانين ، وقام العازفين بجهود جبارة (لصحصحته) من الحالة البطالة التى كان فيها ، ولم تنجح كل محاولاتهم ، فرقد فى السرير كالجنازة ، والمحتفلين فى الخارج منتظرين ، وأم العروس تدخل وتخرج ، والعريس (يحوقص) ، والناس فى حالة تأهب وإنتظار ، ومرت الساعة ولم يخرج زيدان من حالته البطالة تلك ، وبالطبع باظت الحفلة ،
فجاءت أم العريس ووقفت فى رأسه ، وهاك يا دعاء:
يا خايب ، يا باطل ، يا سجم الرماد ، يا المابتشبه الرجال ، يا عواليق ، يا مرمد ، يا وسخان ، يا الفعلت يا التركت ، الى آخر مسلسل النبز السودانى الفظيع ، وهو لا يرد عليها ولا يتكلم ولا يفتح عينيه ، حتى قالت له:
يا وسخ الوسخ
فرفع راسه وقال لها:
يا حاجة ، يا (وسخ الوسخ) دى ، زى (سلاح الأسلحة)
12-05-2006, 09:46 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8629
والله ياعم هشام طالع لى من امتحان وشرطتنى من الضحك وكنت موش قرفان زهجان اى حاجة بس خليها على الله ياريت لو على زيدان بس ياعم هشام ماكتار ذى ديل كلهم كدة مرة فنان شاب جاء شاربها شراب شديد ومقدر اغنى الكلام دا هنا فى القاهرة لحدى ماجدع المكرفون
12-07-2006, 03:32 AM
doma doma
تاريخ التسجيل: 02-04-2002
مجموع المشاركات: 15970
دي قصة حقيقية. قالوا بعد قوانين سبتمبر وقفيل البارات زيدان كان عندو واحد صاحبو نقادي عندو استوك بتاع شري داسيهو في البيت. زيدان يجي كل يوم غاشيهو يطبق قزازتو ويفرتق. قام الامين عبد الغفار عرف القصة دي وقام يوم سبق زيدان ومشى للنقادي وقال ليهو زيدان عندو حفلة ومرسلني ليك قال ليك ترسل ليهو قزازنو. النقادي طوالي شال القزازة وأداها للأمين. بعد شوية زيدان جاء النقادي قال ليهو قزازتك شالا صاحبك الفنان البغني "اشيل الريد واشيل ودو" داك. زيدان قال ليهو يشيل الريد، يشيل الجن الأحمر قزارزتي دي تاني ما يشيلا.
12-07-2006, 09:45 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3793
Quote: النقادي قال ليهو قزازتك شالا صاحبك الفنان البغني "اشيل الريد واشيل ودو" داك. زيدان قال ليهو يشيل الريد، يشيل الجن الأحمر قزارزتي دي تاني ما يشيلا.
لا بالجد دي قويه يا شماسي ضحكتني لمن وقعت علي قفاي .... أضحك الله سنك ياخي
12-09-2006, 03:20 AM
يازولyazoalيازول يازولyazoalيازول
تاريخ التسجيل: 02-05-2002
مجموع المشاركات: 10210
عارف في حفلة عرس انا شفت اغرب حاجة من زيدان الفنان
كان بيغني والناس بترقص مبسوطة ولمن بدأ يغني أغنية الذكريات لعثمان الشفيع تحلركت انا نحو المسرح ووقفت بجانبه للاستمتاع بادائه الجميل ولكني شاهدت دموع زيدان وهي تتساقط من خلف نظاراته وتبلل خديه وهو يغني دون توقف والجميع يرقص فكان كما الشمعة يحترق ليضيء للاخرين
تخريمة ( زيدان قمة غنا شامخة)
12-10-2006, 04:08 AM
يازولyazoalيازول يازولyazoalيازول
تاريخ التسجيل: 02-05-2002
مجموع المشاركات: 10210
العزيز هشــام و اللاي بوست بهجة البهجة زي ما قال جمال..
قـالـوا عـن زيــدان ... يوم مبارة الهــلال و المــوردة .. الموردة إتغلبت من الهــلال 6/0 و زيــدان زعــلان داير إطرشق ... و واقـف جم حافـلة لاعبيـن المـوردة و ينبذ فيهـم .. بلاي عليك الله شوف العبيد الخايبين ديل إتغلبوا ستة .. واحـد من لعيبة الموردة مد رأسـو من شبـاك الحافـلة و قال ليهـو أسكـت يا خايب ... قام زيــدان بســرعـة و بطريقتو المعروفة ديك قال ليهو ..
هــي إنتـوا قاعـدين جــوة و اللاي انـا قايل الحافـلـة مظـلــــلــــة...
12-10-2006, 06:21 AM
يازولyazoalيازول يازولyazoalيازول
تاريخ التسجيل: 02-05-2002
مجموع المشاركات: 10210
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يازولyazoalيازول
أبوذر بابكر
saif massad ali
محمد عادل
doma
نجوان
Moawia Mohammed
جمال السنوسي
Haytham Abdulaziz
فيس بوك
تويتر
انستقرام
يوتيوب
بنتيريست