|
دعواتكم لزميلنا المفكر د.الباقر العفيف بالشفاء العاجل
|
|
 Re: يا حليل الهجيج - برانا بنعشق مستوانا - الكابلى وأب داوود - enjoy it (Re: يازولyazoalيازول)
|
يا زول مالك داير تفرطق راسنا باالغنا الجميل ده من أول الصباح؟
يا أخي بالطريقة دي بتعوق ليك زول يا زول....؟
و تصور هو ده ما هجيج ده طرب أصيل
بس تأمل إستعمار أبوداوود بس.... لجزئية برانا فقط.... دي براها أغنية يازول:
برانا...هي أربع أحرف: الباء و الراء و النون و ألفي المد(صوت واحد)
و نوتين موسيقيات: (برا) في نوتة و (نا) في النوتة الثانية
بس قف! تأمل! العدد الهائل من التنويعات الجميلة و التي أدخلها عبدالعزيز على هذه الكليمة (برانا)
فصارت بذلك سيفونية تنويعات غنائية.
دي زمبارة هائلة من الغناء و الغنائية الرائعة قل أن يجود بها الزمان...ألف رحمة و نور عليه..
ملحوظة:
زمبارة هائلة ده إسم أطلقه الموسيقار العظيم مربي الأجيال العم بدر التهامي على حنجرة أبوداوود
و أستعمار أبوداوود للأغنية دي فكرة البروفسور علي المك عليه الرحمة عن أسلوب و غنائية أبوداوود
| |
 
|
|
|
|
|
|
|
|
Re: يا حليل الهجيج - برانا بنعشق مستوانا - الكابلى وأب داوود - enjoy it (Re: يازولyazoalيازول)
|
يا هشام يا حبوب
هنا طبعا جبت من بيت الكلاوي مش (عكو) ساكت
لاحظ إنه عازف العود هنا الساحر برعي دفع الله (ريشة زي الريح)
و الثنائي برعي و عبدالعزيز كانوا (عليهم الرحمة) يصلون درجة من التوحد حتى تخالهم فردا واحدا.. وأحيانا يتفقان على تفاصيل من الصعب حدوثها في الزمن الحقيقي..... حتي من مؤدي واحد يعزف و يغني في نفس الوقت.. ناهيك عن إثنين بإحساس و حضور مختلف...و أحيانا برعي يؤدي تعبير آدائي آلي بحت مختص بآلة العود (نبر,عفق وسحب على الوتر) و عبدالعزيز يغني ذلك التعبير معه في نفس اللحظة و العكس هو الصحيح.....دي كيف!.... و الله ما أدوها لينا في المدرسة..... و دي براها مدرسة...
تسلم يا زول
| |
|
|
|
|
|
|
|
|
|
Re: يا حليل الهجيج - برانا بنعشق مستوانا - الكابلى وأب داوود - enjoy it (Re: يازولyazoalيازول)
|
عزيزى .. هشام
التحية لك وانت تذكرنى مستوانا الذى عشناه وحبيناه حتى العشق..
ايام حضارتنا التى سادت ثم بادت ..ايام كنا نلهو و نمرح مابين
ضفاف النيل الازرق الى مقرن النيلين مرورا بكازينو النيل الازرق
ونادى الضباط ودار الاطباء ونادى الكشافة البحرية ووقوفا بالفندق
الكبير وفندق السودان وانتهاءا بكازينو المقرن " صالة الكريزى هورس "
او لمن اراد فشارع الجمهورية ابتداءا بفندق الشرق مرورا بفندق الواحة
ثم " كبوكبانا" او "اتنى" او " سانت جيمس " ولو حبيت تعريجة خفيفة الى
" جى بى " او " زكى " ثم فندق اراك وبالعدم الى " رويال " او استراحة
فى بار " ود الحسين " . ولو كنت محظوظ زينا كده من اولاد الخرطوم "2" او
"3" فهناك بستان "1" و"2" ثم السلمانى ونادى الخرطوم" للصفوة فقط "
وثم هناك حدائق نمرة "2" الثلاث الشهيرة . اما اذا كنت ممن يعشقون الجاليات
فهناك النادى الايطالى والكاثوليكى والارمنى والسورى والقبطى ثم النادى العربى
اما اذا كنت من محبى الاسفار فمطعم مطار الخرطوم او النادى الالمانى .. فى كل
هذه الاماكن كان هناك الشراب النظيف و"المزة" والعشاء الفاخر والطرب الجميل.
يا هشام قول للاولاد دى كان مستوانا.. مش لينا حق لو عشقناه ..بالله يا هشام مش
صحيح حضارة سادت ثم بادت ..
اخوك يوسف
| |
|
|
|
|
|
|
| |
يازولyazoalيازول
Azhari Nurelhuda
doma
يوسف محمد يوسف
محمد عادل
فيس بوك
تويتر
انستقرام
يوتيوب
بنتيريست