|
|
 مناشدة من ( محمد عادل ) بقال بعودة هشام شيخ الدين
|
مناشدة بداية من الاخ العزيز محمد عادل الذى اتصل بى هاتفيا واخطرنى ان العم هشام سيستقيل من المنبر لذلك نناشده بان لايغادر المنبر لاننا قد نحتاجه كثيرا هو الحكمة والوعى والفكر الرصين لك نرجو مناشدتكم جميعا بعودته حتى تعود الحيوية لهذا المنبر ,,,
|
|
 
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: يازولyazoalيازول)
|
| Quote: عسى أن يرضى عنى دكين ومحمد سليمان |
وانت يا هشام داير برضاهم شنو؟؟
القلب الناصع العندك ده..
والطيبة المتأصلة الفيك دى ..ما كل الناس بيفهموها..
عليك الله ما تبقى حساس
البكرهك بيحدر ليك فى الضلمة ..
خليك هنا فى البورد ...البحبوك اكتر والبستفيدوا والبستمتعوا بكتاباتك
اكتر..
بل اغلبية ..
انا دى بحبك وبحب كتاباتك
وما ممكن زول يرضى كل الناس
حتى لما غلطت كنت شجاع ..وشرحت وجهة نظرك بوضوح...واسهاب..
لو فى نية سيئة من جانبك ما بتقول الكلام بالطريقة الواضحة الشارحة دى
"وجل من لا يغلط"
طالما محمد عادل نفسه "سيد الحق" اتفهم الموقف ..وأداك قدرك واحترامك
انا احترمو ..واقدرو
خليهم محمد سليمان ودكين ما يرضوا عنك لو اصروا ..ما حيقفلو منك الهوا
..الراضين عنك كتار..
واصل ..
البورد ده نحن بنشوفك فيه..وبنطمئن على ان الدنيا ما زالت بخير ..
ولك حبى غير المشروط
"وجيبى المشروط"
| |
|
|
|
|
|
|
|
|
 Re: مناشدة من ( محمد عادل ) بقال بعودة هشام شيخ الدين (Re: Tumadir)
|
تماضر شيخ الدين (شخصياً) 
ستظلى تماضرنا الرائعة الجميلة الأديبة الفنانة السياسية المنافحة المكافحة الحقانية الشجاعة الجسورة الصبورة الثائرة ، الغفورة ذات الجمال والفكاهة ، أم سارية وسيرين والإثنين الحلوين ، ذات النطاقين  النحيفة اللطيفة الجبارة المتواضعة ، ويمكننى أن أعدد لك (99) إسماً إن شئتى ، وستظلى كما يقول عنك المرحوم (تماضر أم قلبن حاضر) ، ودعينى فى هذه اللحظة أن ابتهل إلى الله شكرا وحمدا ركوعا وسجودا تبتلا وإبتهالا حامداً شاكراً أن جعل تماضر شيخ الدين لى أختاً ، وأرانى مقعدك فى الشبكة العنكبوتية ، وفى منابر الدنيا والعالمين تنادين بالديمقراطية وببسط الحياة الحرة الشريفة لكل الإنسانية ، مدافعة عن الأطفال وقضاياهم وحقهم فى الحياة الكريمة ، منددة بالأنظمة الديكتاتورية والعسكرية وكل الحكومات الفاسدة والظلم والقهر والطغيان ، ولا شك أن من تكون هذه مبادئه وخصاله لا شك أنه من أهل جنة النعيم سائلا الله أن يكتبها لنا أجمعين ، حتى نحظى بمعيتك فى الدار الآخرة (والحقنا بهم ذرياتهم) ، فما أجلها من نعمة (خوة تماضر) وكفى
تحياتى يا أم سارية ، والقومة ليك من جدة ديك تلحق تجيك تجلس لديك وتبوس يديك من زول أخيك هاكى الفرح بهديهو ليك وكل الجمال قسموه ليك يافرحتى بى خوتى ومن لوعتى جرت الدموع من مقلتى شان بس كلام عالى المقام كتبوه ليك يا فرحتى بى خوتى وتمضورتى جابت الكلام سمح السجى بقراه مرة بشوف حجى ومرات أقيف أقرا الكلام زى التكنو مكتوب اليك من زول ظريف دمو خفيف تنقدّ كل جيوب الدنيا ديك وتكب قروش فى فجتك لمن تقولى خلاص قروش ما أبغى تانى وما أريد
لووووووووووووووووووووووووووووووووووووووووول
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: ayman haroun)
|
وينو محمد عادل يجي هو ذاتو بي نفسو يناشد هشام يازول
مالو ماعندو كي بورد ولا مانعين عنو الباص ويرد؟؟
| Quote: محمد عادل الذى اتصل بى هاتفيا |
| Quote: وقد عدلت عن رأيى الإستقالة من المنبر بعد محادثة مطولة مع إبنى محمد |
الزول محمد عادل ده ادوهو باص ويرد هاتفي ولا شنو؟؟
شغلو كلو بقى هاتفني وهاتفته وقال لي وقتا ليهو...
مايجي يكتب هنا ياايمن هارون
المانعو شنو؟؟
واتمنع ليه؟؟
سؤال ليك ولي المفكرين الفوق دي..
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: رأفت ميلاد)
|
ســـلام يا هشــام،
عليك الله تانى لو حبيت تستقيل أدينى خبــر.
كويس؟
الأخ عادل،
كم كنت سعيــدا عند قراءتى قولك أن الإختلاف فى الرأى لا يفســد للود قضيـة..
ما سطـرتـه انت فى حق الأخ هشــام هـو نفسـه ما قلته أنا للناس عن هـذا الرجل وعن طيب معدنـه وخلوص نيته.. أما موضـوع الأنصـار والراتب فمن حقك أن تغضب إن لم يكن تفسيـرى واضحـا.. وكثيـر من الناس تسـألنى: هلى تأييـدى للمعارضـة المسلحـة موجود فى كتب الجمهـوريين؟ فإجيب ببسـاطـة لآ.. تماما كما أجبت أنت على ذلك التسـاؤل، ويشهـد الله فإن الغرض منـه كان لفت نظرك بطريقـة أعتقـدت أنهـا سـريعـة ومؤثـرة.. لا أكثـر ولا أقل..
لا شك عندى أننا سـوف نراك تكتب فى هـذا المنبـر بقلمك، فإن الأخ بكـرى لم يوقف أحـدا إلا وأعاده.. كما لا تعقـد أن هـذه الحادثـة كانت شــرا.. هى ليست شــرا وإنما خيـر كثيـر لك.. فهنيئـا لك بهـذه التجـربـة الثـرة فى وقت وجيـز.
وبالتوفيق حتى نرى قلمك الجرئ مـرة أخـرى.
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: ayman haroun)
|
| Quote: Re: مناشدة من ( محمد عادل ) بقال بعودة هشام شيخ الدين |
بلاي شوف العنوان ده مستفز كيف؟؟
مين بناشد مين؟؟
المطالبون بالتصفيق لمن يقصفهم..
الاخ ايمن هارون
هل تم ارجاع باص ويرد محمد عادل ؟؟
كدي هاتفو واسالو..
وليه الناس بتتكلم بالنيابة عنو ؟؟
موش عضو هنا ..مايجي براهو يقول انا اهو ومسامح في الحق الخاص ..
شنو قصة الرسايل والتلفونات والاخوانيات دي؟؟
ماتعالو نقلبها ليكم مايطلبه المستعمون ونعمل ليكم بوردفون ..
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: ayman haroun)
|
Quote: وانت يا هشام داير برضاهم شنو؟؟
القلب الناصع العندك ده..
والطيبة المتأصلة الفيك دى ..ما كل الناس بيفهموها..
عليك الله ما تبقى حساس
البكرهك بيحدر ليك فى الضلمة ..
خليك هنا فى البورد ...البحبوك اكتر والبستفيدوا والبستمتعوا بكتاباتك
اكتر..
بل اغلبية ..
انا دى بحبك وبحب كتاباتك
وما ممكن زول يرضى كل الناس
حتى لما غلطت كنت شجاع ..وشرحت وجهة نظرك بوضوح...واسهاب..
لو فى نية سيئة من جانبك ما بتقول الكلام بالطريقة الواضحة الشارحة دى
"وجل من لا يغلط"
طالما محمد عادل نفسه "سيد الحق" اتفهم الموقف ..وأداك قدرك واحترامك
انا احترمو ..واقدرو
خليهم محمد سليمان ودكين ما يرضوا عنك لو اصروا ..ما حيقفلو منك الهوا
..الراضين عنك كتار..
واصل ..
البورد ده نحن بنشوفك فيه..وبنطمئن على ان الدنيا ما زالت بخير ..
ولك حبى غير المشروط
"وجيبى المشروط" |
احسن شي في مداخلتك دي حتة جيبك المشروط ده..
ظريفة شديد..
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: ayman haroun)
|
هشام
ناس جدة ديل فكاكين ساي ..صحبك اساسي جيت جدة قال لي عازمك عشاء يوم الجمعة..
اها انا اليوم داك غدا ما اتغديت ..
صحبك عمل نايم زي الترتيب..
بتنا القوى ذلك اليوم ..
انشالله مرتو تضوي ليهو...
لذلك يافردة عزوماتكم دي الله الغني عنها..
خارج موضوع العزومة..
محمد عادل ده انتا بصراحة ضيعتو ..
الود لي يوم الليلة ما كتب..
التلفونات البتضربها ليهو دي اضربها لي بكري خليهو يرجع باص ويردو..
او جيب لينا مايفيد انو ماعايز يكتب تاني..
لكن تخلوهو معلق كدي وتقعدو تضحكو ..
ويجي ايمن يقول انا كلمتو تلفون ..
وتجي انتا تقول انو محمد عادل اتصل بي هاتفيا ..
وانو رسل ايميل ..
وتجي تماضر تفتي في انك طيب وانو قلبك ابيض....
ده كلام غير منتج في قصتنا دي..
القصة باص ويرد مسحوب ..
لذا يجب ان تكون المداخلات في انو يرجع او مايرجع بي اسباب..
الاتصالات الهاتفية دي اخوانيات منكم وشي جميل ..
وقلبك الابيض القالتو تماضر ماعندو دخل شنو في موضوع باص ويرد انتا سحبتو..
ولامن جيت ترجعو مالقيتو..
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: ayman haroun)
|
| Quote: طيب مادام إنت فاهم الحكاية (الحكحكة دى لزوما شنو؟؟؟؟) |
حكحكة شنو ياهشام يامنقة يالذيذ
الزول لحدي هسي ماقادر يكتب في المنبر ده فقط لانك اعتقدتا انو غلطان..موش لانو فعلا غلطان..
الزول ده بكري ماشال منو الباص ويرد لانو بعتقد انو نبذ بيان ونبذ تماضر زي ما انتا شفتا
الزول ده انتا الشلتا منو الباص ويرد لانك انتا البتعتقد..
انتا اتصرفتا وفق معتقدك ..
وانتاماعندك حق التصرف وفق الاعتقاد..
يعني بكري سيد الحوش مافارز نبذو لي الناس ديل لامن تجي انتا تفرز ليهو؟؟
انتا ياخي عضو منبر ولا فرازة ؟؟
فطورك بي شنو؟؟
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: DKEEN)
|
يا دكين
جرجرتنى (بى لواقتك) دى ، رغم أنى كنت مصمم ما أدخل معاك فى نقاش
بس خلينى أذكرك:
رئاستى للمنبر لمدة عامين
عضويتى لمدة مجلس الحكماء (عيييييييييييك) من الزمن
أقدميتى التى فاقت سبعة سنوات
كل ذلك يضع لى مكانة خاصة عند الحبيب بكرى وبقية الأعضاء وأرتال من القراء
صلتى الخاصة بمحمد عادل تجعلنى أفعل ما فعلت
حرصى الأبوى عليه ، وشرحى الضافى فى البوست لما حدث (بصدق وتفصيل وشجاعة)
وأبيانى (للكلام المغتت)
كل ذلك يعطينى الضوء الأخضر لأفعل (ما أريد)
يا دكين بيننا إحترام عظيم ، فلماذا ترغب فى إنهائه؟
يا دكين (شوف لك شغلة تقضيها) بدل ضياع وقتك فى (الفارغة)
يا دكين لو جيت جدة ، حاتكرم من جانبنا كرم كبير (ولا تعمم قبل أن تضوق)
يا دكين ، فطورى بسيط وطاعم ولزيز وخفيف على المعدة ، لا بيغلت عليك ، ولا بسو يبوسة
يا دكين ، من الله خلقنى ما شفت جنس (لواقتك) دى ، ولذلك الفطور أى ملاح (لايوق) بى عصيدة وشطة وليمون تعقيها سكسكانية (حتى لا تسكنى) مثل هذا السك ، لزوم التحلية ، وبعدها كباية شاى (كاربة) لتكربك ظروفك كما (كرّبت) على حالى
ورغم بعدى (وإختلافى) ، برسل سلامى ، وأهديك عيونى عشان أستريح ، الدنيا بعدك ما تسر
يا حليلو
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: يازولyazoalيازول)
|
الحمد الله على نعمة العافيه
تسلم يا عزيز
عارف يا هشام
لمن جيت سودانيز اون لاين بتذكر الزمن داك لمن الموقع كان شات بتاع فرفشه وكدا وردرشه
وتفكها فينى وافكها فيك..واعتقد انك بتذكر اكتر منى بحكم مساعدتك للاخ بكرى لمدة عامين
ما داير من حليفه يا هشام عارف الدفعه ديك ليها معزه خاصه جدا...واظرف حاجه ما تتعقد  الوقت داك كنتا قايلك زول شاب صغيرونى ..يعنى الواحد قلته لو عامل حاجه كدا ولا كدا ابو الشباب ده ما عندو مشكله بمشيها لى ..المهم بعد مرور الزمن عرفتك بوليدلتك
ياخى بقيت احترم نفسى لمن اشوفك بتتقاطع بهناك ..بقيت قلبى كبير ادخل جقر ..بس هسى
يا مان نحنا حبايب فرد وكدا ...اها بعد القصه والحنك ده كلوا قول لى مشتت..تكون اديتنى شاكوش تلج
تحياتى
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: bob)
|
يا بوب ، افوت عينيك أقبل وين؟؟؟
أنا فعلا بتذكر الزمن السمح داك ، ونحن السودانيين يا بوب بنحب نغنى للذكريات ونعشقها حتى الثمالة
أما الجهل والخفة وصغر السن ، فما زلنا متشبثين بها ، على أمل أن ببعد بعبع (الكبر) عننا
وقالوا لو (الكبر) بضم الكاف ، خلاك ، (الموت) ما بخليك ، سجمنا
تحياتى يا بوب ، وهظر زى ما داير وقول زى ما داير ، آخرتها كوم تراب ، شوف بالله
تقول لى باسوورد
| |
|
|
|
|
|
|
|
|
|
Re: مناشدة من ( محمد عادل ) بقال بعودة هشام شيخ الدين (Re: ayman haroun)
|
يا هشام انا ما بتكلم عن محبةالناس ليك
ولا لي رئاستك لي المنبر او مجلس الحكما القتو ده
اصلا ايام انتا كنتا في مجلس الحكماء انا تم طردي من هذا المنبر..
| Quote: كل ذلك يضع لى مكانة خاصة عند الحبيب بكرى |
محبتك الخاصة عند بكري او ارتال القراء دي غير منتجة برضو في القصة بتاعتنا دي..
محبة بكري الخاصة لاتعطيك الحق في ماليس لك او لبكري..
يحبك انشااللة مية كيلو ..بس تبقى محبته زي ما انتا قتا شي خاص ولاتعطيك تلك المحبة اي صلاحيات للعبث في باص ويردات اعضاء المنبر ده..حتى ولو المنبر بتاع حبيبك..
| Quote: وبقية الأعضاء وأرتال من القراء |
يعني هل لانو 99% من ارتال المنبر مثلا بحبوك ده بديك الحق في انك تتصرف وفق الاعتقاد والظن وتبطش بمن تشاء؟؟
ياخوي شفتا لو عشرين رتل مربع من ارتال القراء المحبين ديل زينو لك انك تشيل باص ويرد عضو فهم قد زنيو لك الباطل..
| Quote: يا دكين بيننا إحترام عظيم ، فلماذا ترغب فى إنهائه؟ |
هشام اخو تبارك
المحبة والمعزة بينا واصلة..بس ده برضو غير منتج
انا بالمناسبة من ضمن القراء الذين يحبوك ..وبحبو العائلة ونسابتك ذاتو..
لانك زول اخو اخوان ولانك ما قاعد تخوض في كثير من الفارغة التي يلوكها الكثيرين هنا..
حبوب وونااااس ..
ودي مالواقة زي ما بتقول ..انا عايز بس باص ويرد محمد عادل يرجع..
ولو انا ما عصرتك كده واتلايقتا الباص ويرد ما برجع..
لانوعارف انو بكري (حبيبك) ..انا بحاول اعصر عليك عشان بكري يتعصر وفي النهاية يدي الود باص ويردو..
يعني بولتيكا وكده..
| Quote: يا دكين ، فطورى بسيط وطاعم ولزيز وخفيف على المعدة ، لا بيغلت عليك ، ولا بسو يبوسة |
| Quote: يا دكين ، من الله خلقنى ما شفت جنس (لواقتك) دى ، ولذلك الفطور أى ملاح (لايوق) بى عصيدة وشطة وليمون تعقيها سكسكانية (حتى لا تسكنى) مثل هذا السك ، لزوم التحلية ، وبعدها كباية شاى (كاربة) لتكربك ظروفك كما (كرّبت) على حالى |
يخوانا اشهدو
انا بعتا القضية دي خلاص..
الزول ده جاب اخري بصراحة..ولانو ليهوسجل نضيف خالي من المشاكل ..انا الزول ده فكيت دربو عديل..
شوفغوا ليكم محامي تاني ارشوهوا
محمد عادل اخوي
والله انا سعيت ليك لامن فترتا.. خالك هشام ده بالرغم من انو حقر بيك ..بس اثبت انو هو زولا حبوب وماقصدو..
الباص ويرد لو رجعو ليك بكري خير وبركة وان مارجعو ليك امسحها في وشي ..
| |
|
|
|
|
|
|
| |
ayman haroun
يازولyazoalيازول
Tumadir
ابراهيم بقال سراج
Mustafa Mahmoud
فيصل محمد خليل
Tragie Mustafa
ناذر محمد الخليفة
رأفت ميلاد
Abureesh
Mohamed E. Seliaman
bob
محمد عادل
لؤى
فيس بوك
تويتر
انستقرام
يوتيوب
بنتيريست