دعواتكم لزميلنا المفكر د.الباقر العفيف بالشفاء العاجل
|
|
 العايز يطلق مرتو يدخل هنا
|
أنا والله ما عايز أطلق مرتى ، ربنا سبحانه وتعالى أنعم على بأجمل وأحسن وأظرف إمرأة فى الدنيا قاطبة ، سماحة أخلاق وخلقة ، وقد عشت معها سبعا وعشرون عاما ورزقت منها بستة من البنين والبنات ، وعايش معها فى سعادة وحبور وهى (ذات الدين) التى وصانا بها رسولنا الكريم ،
خلاص ...
إنتو داخلين ليه؟ وعايزين تطلقوا ليه؟؟؟
مقلبتكم
|
|
 
|
|
|
|
|
|
|
 Re: العايز يطلق مرتو يدخل هنا (Re: ناصر جبريل)
|
يا ناصر ، اشكر فضلك فأخوك لن يطلق بتاتا ،
تعرف يا ناصر أفضل شىء يمكن أن يعمله البنى آدم بعد العشرة الزوجية الطويلة هو برمجة حياته على نحو أن لا يفارق هذه الفردة ابدا بل يتسامح ويتعايش معها بكل التغيير الذى تخلفه (طول السنين) فتصبح العشرة (معتقة) والحب (صافى ونقى) والعلاقة أزلية والتفاهم يصل درجة بعيدة جداً والتواصل يكون إستشعارا عن بعد كالريموت كونترول تماما
يا ناصر (إستوصوا خيراً بالنساء) يا ناصر (خيركم خيركم لأهله وأنا خيركم لأهلى) صدق المصطفى عليه افضل الصلاة وأتم التسليم
يا ناصر ، أشكر مشاعركم النبيلة
| |
|
|
|
|
|
|
|
|
 Re: العايز يطلق مرتو يدخل هنا (Re: يحى الشريف)
|
يحى ، عرس عرسك ساى وما تسمع كلام الحاسدين البيقولوا ليك حريتك وما أدراك ما التقييد وىخر الإحباطات التى يعزف بسببها الشباب عن الزواج
عرس ، يا يحى ، العرس لزيز
واسأل مجرب
والماضاقو يضوقوا
| |
|
|
|
|
|
|
|
|
 Re: العايز يطلق مرتو يدخل هنا (Re: يازولyazoalيازول)
|
استاذي هشام ...
اتخيل اسم البوست عجبني جداً ...
عشان من بدري مبيت النية على موضوع الطلاق ,,,!!
بس عندي مشكلة واحدة ...
مشكلة موقفاني من موضوع الطلاق ده ,...!!!
المشكلة انو .....!!!
ما عرست لسة ...!!!
الحل كيف ..!!
؟؟؟؟
و دمت ..
| |
|
|
|
|
|
|
|
|
|
Re: العايز يطلق مرتو يدخل هنا (Re: Sobajo)
|
أظنك سمعت بي قريبنا اليوم كله علي بالطلاق وعلي بالحرام
مشى عرس في حلة ناس { زول ساكت }
أها أول ما دخل بيته دخلوا عليهو أهل العروس
مفتكرهم عايزين يباركوا ليهو العرس
لكن قالوا ليهو : اسمع يازول نحن سمعنا بيك جنك علي بالحرام وعلي بالطلاق
اها من الليلة دي أديناك 100 طلاق وخمسين حرام ساااااااي دي مننا
وكان زدت منها بنجي نشيل زولتنامنك
تصدق هسي ماقاعد يقولها
لكن أول ماتجي قايم منهم تسمع {المرة } تقول ليك علي بالطلاق الا تنتظر يوسف
تعرف ياهشام الطلاق هسي زي ماقال أخونا في بوست تماضر
قال في نكتة أضحكتني اليوم كلو { على لسان مرأة تفاجأت بان زوجها اي كلام
فقالت لهم : والله نخرة كلام فارغ ساكت
اها الطلاق بقى كلام فارغ ساي
يعني حتى لو طلقتها برضو قاعدة ليك في البيت
زمان الواحدة لمن تتكلم معاها وتشاكلها طوالي تمشي بيت ناس أبوها
هسي لو شاكلتها تقعد ليك في سريرك كيتاً عليك !!!
عندنا واحدة بت لذينة جداً متزوجة في رفاعة وأهلها في الشكينيبة
أها ماتعمل شكلة مع راجلها الا بعد الساعة { 11 }
يازول ماتمشي بعيد وتقوم تحلل تقول ليه في الوقت دا بالذات
طبعاً عارفة بعد الساعة { 11 } راجلها مايقدر يوديها الشكينيبة
لأنو البنطون ما بشتغل بعد 11
أها الصباح عليك أمان الله تقوم عادية كأنو ماحصل شيء
عشان كدا البتزوج في حته فيها بنطون ما أظنه يطلق بسهولة
أكيد سمعت بالضابط الزاروه الكيزان في البيت وكانت مرتو جميلة جداً
أها قالوا ليهو والله زول واحد غيرك حايقدر يحرر الجنوب مافي
قام قال ليهم : اسمعوا : الخرطوم دي مابطلع منها
وكان عايزين { المرة } بطلقها ليكم هسي
قال تحرير قال
| |
|
|
|
|
|
|
|
|
|
Re: العايز يطلق مرتو يدخل هنا (Re: محمد الأمين موسى)
|
Quote: أظنك سمعت بي قريبنا اليوم كله علي بالطلاق وعلي بالحرام
مشى عرس في حلة ناس { زول ساكت }
أها أول ما دخل بيته دخلوا عليهو أهل العروس
مفتكرهم عايزين يباركوا ليهو العرس
لكن قالوا ليهو : اسمع يازول نحن سمعنا بيك جنك علي بالحرام وعلي بالطلاق
اها من الليلة دي أديناك 100 طلاق وخمسين حرام ساااااااي دي مننا
وكان زدت منها بنجي نشيل زولتنامنك
تصدق هسي ماقاعد يقولها
لكن أول ماتجي قايم منهم تسمع {المرة } تقول ليك علي بالطلاق الا تنتظر يوسف |
علي الطناش
نحنا عندنا النسوان بحلفن طلاق
واحد قريبنا الجماعه حسبو ليهو 99 حليفة الطلاق في قعده واحده
لما جا يقوم منهم قالوا ليهو عليك الله تمهن ميه
قال ليهم على الطلاق مااتمهن
شنو ليك
| |
|
|
|
|
|
|
|
|
|
Re: العايز يطلق مرتو يدخل هنا (Re: زول ساكت)
|
Quote: علي الطناش
نحنا عندنا النسوان بحلفن طلاق
واحد قريبنا الجماعه حسبو ليهو 99 حليفة الطلاق في قعده واحده
لما جا يقوم منهم قالوا ليهو عليك الله تمهن ميه
قال ليهم على الطلاق مااتمهن
شنو ليك |
انت يازول ...
داير اسعلك ..
عباس حرم (بتشديد الراء) ...
قريبكم ولة شنو ...
نفس الحكاية منطبقة على واحد معرفة كدة الاسم المذكور ..
و تسلم ...
| |
|
|
|
|
|
|
|
|
|
Re: العايز يطلق مرتو يدخل هنا (Re: ابوحراز)
|
أبوحراز
(زول ساكت) قريبك ولاّ شنو؟
أعجبتنى حكاية بنطون الشكينيبة ، وزمان كنا بنكره حفلات (حمد الريح) عشان الساعة عشرة بينتهى وبيقول ماشى يلحق البنطون وكنا نكره العريس البيجيب (حمد الريح) ، شوف الجهل ده
بعدين عجبنى صاحبك الداير يطلق مرتو للكيزان ، بدل ما يعملو ليه عرس الشهيد ، وهم يعرسوا (المنقة)
تسلم يا ابحراز فأنت دايمن (لزيز ورايق) قايلك سفن أب
تحياتى
| |
|
|
|
|
|
|
|
|
|
Re: العايز يطلق مرتو يدخل هنا (Re: يازولyazoalيازول)
|
الهشوم
Quote: إنتو داخلين ليه؟ وعايزين تطلقوا ليه؟؟؟
|
كان عارفين ليه كان اتفكينا يا أبو مدينة
حتى في اليوم المشينا ليهم كنا منتظرين تدخل كديسة عشان نعمل حجة دي كديستكم ما كديستكم
عليك أمان الله شغلونا جيب الصينية ودي الصينية ولحدي اليوم مدورين صينية
| |
|
|
|
|
|
|
|
|
|
Re: العايز يطلق مرتو يدخل هنا (Re: المسافر)
|
كنت داخلة بشكلة طارت..الا على الطلاق الا ابدلها بنكتة
الحكاية جديا هشام
ناس البوست ازيكن
و
بعض اهلنا الشيوعيين دوغمائيين للطيش حتى في الحب والطلاق
اتنين اصحابنا ، جونا نص الليل هم جيرانا الله يطراهم بالخير حيثما
كانوا ، أها الراجل قال الزولةد ي قالت الا أطلقها ، قعدناهم عشان نشوف الحاصل ونرضييهم
وبس زولتنا وقفت الف حمر الا الطلاق يقع صاحبنا من ناس الجزيرة وهي امها مصرية
وشدة الدناقلة عليها ،( هي يا هشام أنا قاصدة ثورة الدناقلة )ماقاصدة الكلاكة صنقعت ،
قدر ما شلنا وختينا ما نفع ، بس الجو اتكربن واتكهرب ، والجماعة زرزروا الزول قالوا ليه خلاس طلق الموضوع ما نافع ، فرد عليهم قائلا : يا جماعة هي مافي شيوعي بطلق وصارت مثلا منذ الثمانينات وحتى اليوم .
| |
|
|
|
|
|
|
|
|
|
Re: العايز يطلق مرتو يدخل هنا (Re: يازولyazoalيازول)
|
يازول يازول ياحبة بندول ،، لك التحية ،،
=======================
+ مشيتو للزول دا أديتوه الفاتحة؟
- المات ليهو منو؟
+ مرتو،،
===
بعد شهر نفس المشهد!!!!
+ مشيتو للزول دا أديتوه الفاتحة؟
- المات ليهو منو تاني؟؟
+ مرتو الجديدة،،
- بالله الزول المرزق دا !!! الحريم البموتن ديل بلقاهن وين؟؟
====
سلامي للجميع ، وربنا يحفظ حريمنا وعيالهن ويخليهن لينا ، يارب لا موت لا طلاق،، (والله من جوة)
| |
|
|
|
|
|
|
|
|
|
Re: العايز يطلق مرتو يدخل هنا (Re: يازولyazoalيازول)
|
Quote: (بورداب الأمارات) مالهم؟؟؟؟
عيبهم لى |
أخوك أصبح مجهجه بين بورداب المغرب وبورداب الإمارات وبورداب الخرطوم.. والبورة أصبحت بوكس 81.. واحتفال يوم 22 يونيو ده لازم يشوف لينا حل حتى لا ألجأ لمقاضاة المهندس بكري على شبابنا (شيبنا) الضاع بين جنبات البوستات.. أما لنا مخرج غير استنساخ سجيمان؟؟!!
| |
|
|
|
|
|
|
|
|
|
Re: العايز يطلق مرتو يدخل هنا (Re: محمد الأمين موسى)
|
حلوة إستنساخ سجيمان دى
بس تصدق
(سعيدة الحظ) مستنياك ، وهى (محل ما القسمة تقع)
يا محمد الأمين: إنت عملة صعبة ، خليك تقيل
قالوا فى ماليزيا قصاد كل راجل هنالك (14) مرة
شوف جنس الحال ده
همسة: أمشى ماليزيا ونقى العنب الصافى ده زى ما داير
| |
|
|
|
|
|
|
| |
يازولyazoalيازول
ناصر جبريل
أحمد الشايقي
يحى الشريف
Sobajo
ابوحراز
محمد الأمين موسى
زول ساكت
ودقاسم
المسافر
عشة بت فاطنة
بدرالدين شنا
فيس بوك
تويتر
انستقرام
يوتيوب
بنتيريست