|
|
|
 Re: أطيب زول فى المنبر (بدون منازع) طيبة سودانية خالصة (Re: ابو يسرا)
|
الأخ ابويسرا
لك التحية
Quote: نحن في زمن اصبحت الطيبة صفة مذمومة فعندما يقال لك فلان دة زول طيب يفهم على انه قليل فهم ولاينظر الا تحت قدمية واي شي ممكن يمر عليه دون ان ينتبه
|
أوافقك الرأى سيدى لا سيما فى الغربة فنحن نرى بعض الشعوب تتهكم على السودانيين بانهم طيبين بينما هم يقصدوا انهم سذج ويمكن الضحك عليهم واستغلالهم فهذه ملاحظة فى الغربة بشدة ..
ولكن يقينى ان الحبيب هشام مازال يختزل كل السودان بداخله ويتحدث كما الحال هنالك والطيبة هى الطيبة التى نعرف ...
| |
 
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: يازولyazoalيازول)
|
حبيبنا الريس هشام شيخ الدين
لك التحية
لقد أخجلت تواضعى يا سيدى
ولكن هذا يعيدنى الى القول المأثور "كل إناء بما فيه ينضح"
وهذا يعكس ما بداخلك وحسن ظنك بالناس فى زمن ساءت الظنون
ومن نعم الله سيدى أن يمنحنا مجموعة مثل هذه تزخر بالطيبين
ولقد اكتشفت ان أكثر الناس حدة فى حقيقته نقى المخبر
ناصع الجوهر ولكن ظروف الحياة تضطر البعض ليحتد ويكون نشاذا
ولكن فى النهاية تجد ان الكل فى سماحة متناهية
أشكرك سيدى على كلماتك الطيبات فى حقى
وعلى شهادتك التى أعتز بها
والتى لم تأت الا لاحساس داخلى من قلبك الطيب
الله يديم المعروف بيننا
والله يديك العافية
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: سجيمان)
|
العزيز دكتورنا سجيمان ( وفى مقولة أخرى رميدان )
لك التحية
وانت سيدى منذ أزمنة تمسح عنا لحظات الكآبة وتسعدنا بحلو نظمك للمواضيع المحظورة فتحرض فينا روح الثورة على الممنوع فنقرأ ونسعد وكثيرا لا نرد لان ما نضمره سيفسر خطأ ...
أشكرك سيدى على شهادتك الطيبة فى حقى
وانت بحق طيب طيبة تحدثوا عنها الاخوان وقد سمعت عنك الكثير
مع انك جيت جدة وفطيتنى وشتت للوطن ...
الله يديك العافية يا حبيب ..
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: Tabaldina)
|
حبيبنا تبلدينا
لك التحية
حقا سيدى مرّ من العمر 7 سنوات ونحن نلتقى دوما على اثير العالم السايبيرى ونتحادث ونتناقش ونقرأ جميل اشعارك وندردش ونسعد بالتلاقى دوما ..
انها حقا عشرة لا تهون ابدا بل تبقى ما بقينا وان لم يسعدنا الزمان بالتلاقى عيانا...
إنت والله يا عزيزى الطيبة كلها بس انا ما عارف ليه الريس هشام اختصنى بهذه الصفة ...
ولكنى اشهد انك واخرين الطيبة بذاتها ...
-------------
قلت لى يعنى ما صدقت
عملت البوست متكأ ؟؟؟
يا حليل ايام زمان وبورداب زمان ياخى
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: يازولyazoalيازول)
|
..
.
دقيقة ..دقيقة يا زول
نقطة
ســطر جديد
خلينى اسلم على آمونه
كيفكـ .. اخباركـ
مشتاقين ..
شنو الحكاية!!؟
كدى اطلعى من حوش الرجال دا
تعال لحوش النسوان ..
سمح ..
نرجع ليكـ يا زول
| Quote: بس مرات مرات (سخن) |
بظروفها وانت ادرى ..
بس تحرم على شوفت فرانكفورت
كن تانى ليقيتنى مسخن ..
يبقي قرشو ما أطيب زول 
مودة
ودمت أخاً كريماً
آمونة
ما تنسي 
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: Frankly)
|
الحبيب فرانكلى
لك التحية
لعل الكثيرون لا يعرفون ان حبيبنا فرانكلى كان يوما معلمنا فى هذا البورد لمعرفة فنون الكتابة فى المنابر وتلوين الكلمات واضافة الصور والموسيقى وكل الأكواد الخاصة ...
ومنذ ذلك الزمان وهو اثير الى النفس حبيب الى القلب ...
أشكرك اخى الغالى على حلو كلماتك ويعلم الله اننى أحبك كذلك لله اضافة الى انك صاحب افضال علي ...
الله يديك العافية ويرد غربتك يا سيدى
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: اساسي)
|
Quote:
طلبت منه تسعة ألآف ولاسع ما سلفني ليها . |
ولدنا اساسى
لك التحية
ياخوى التسعة الاف ما خلاص غرضها وانتهى ثانى شنو
ويا داااابك بتشوف بعد ده الدراهم دى مركبة جنحين كيف
تجيبه من هنا تطير من هنا
مع الامنيات لك بالسعادة والهناء وراحة البال وملى الجيوب كمان
يديك العافية
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: bayan)
|
عزيزتنا الدكتورة بيان
لك التحية
يا سلام ياخى على الايام الحلوة والبتبقى فى الذاكرة ما حيينا
من لم يرافقك يا دكتورة منذ البدء فهو قطعا لن يعرفك
ومن حسن الحظ ان كان لنا ذلك الفضل وتلك الحظوة برفقتك مع بقية الاحباب
ما اجملها رفقة عزيزتى وما اجملها ايام
اشكرك على كلماتك الطيبات فى حقى يا ستى
والله يديك العافية
| |
|
|
|
|
|
|
|
|
 Re: أطيب زول فى المنبر (بدون منازع) طيبة سودانية خالصة (Re: AMNA MUKHTAR)
|
..
.
| Quote: افتاء جماعتو مابقى عواسة كسرة سااااكت ..!! |
قرقر قرقر قرقر
حامضة ولا فطيرة !!؟
والله يا قرشو طلعت انت ويا زول3
اطيب ناس والدليل انو استغلينا البوست
دا استغلال سئ .. بس تقول شنو.. ما اخوان وكدا بعدين
وجود بعض الشخصيات هاهنا خلانى احتل
ولا ما كدا يا انتِ !! - ورمز لآمونه -
_____________
يالله انها الذكري يا قرشو
لى زمن لم اضع الكَسرة فى كلمة إنتِ
أين دياركـ يا تري !!؟
وبمناسبة الكِسرة
احسن امشى اتغدى مفروكة بامية
وشوية لوايق
اساسي ممكن حبة كبسة بالرز
عن طريق DHL
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: ajaj)
|
قرشو
ما شفت شوف العين
لكن الزمان اسعدني بحواره في سودانيز اون لاين
فوجدته سميدعا والمعي في معلوماته فريد اوانه في انتقاء الحروف
التي تلزع عند الاختلاف لزع الدبابير ولكنها تترك عطر الورود من عفتها
فمن حواره تعلمت كيف احترم واتحمل من يخالفني الراي
فيا ليت الزمان يسعفني بالمشاهده
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: Dr_Bringy)
|
حبيب العمر ورفيق الزمان الباهي : قرشو
للذين لا يعرفون الرجل عن قرب أقول :
سوداني .. أصيل المنشأ..
كريم الأصل والعود والطيب ..
خلوق وأخو أخوان .. وأخو بنات كمان ..
حافظ للعشرة وان طال الزمن وطال ..
رزين .. ينتقي كلماته بعناية يحسده عليها الكثيرون ..
أديب في كلامه .. ومتأدب حتى مع من يخالفونه الرأي والوجه ..
يجبرك على احترامه وان تصادفت معه لأول مرة ودون معرفة سابقة ..
رجل لا يحابي .. ولا يجامل .. ولا ينازعك الرأي في ما أنت قانع ومقتنع به ..
انه رفيق لأجمل أيام عمري .. وصديق أباهي به كثيرا وأفخر ..
حياك الله ياقرشو أينما كنت وحيثما تكون ..
ولك يازول يازول كل ودي وعظيم تقديري ..
خضرعطاالمنان
[email protected]
| |
|
|
|
|
|
|
|
|
 Re: أطيب زول فى المنبر (بدون منازع) طيبة سودانية خالصة (Re: خضر عطا المنان)
|
حبيبنا الاستاذ خضر عطا المنان
لك التحية
الشاعر الرقيق والانسان المفعم بالاحساس
لا يعرفون سيدى اننا منذ ثلاثون عاماً كنا معا
جمعنا حب ذلك الوطن الجميل
وضمنا وهج الثورة
فتفجرت دواخلنا عشقا للسودان الابى
كنا - ومازلنا - نحمله هما فى دواخلنا
ونفديه بكل ما نملك
ونلتقى هاهنا سيدى على ضفافه
انها ايام لن تمحى من الذاكرة
انها روعة العمر ونداوته
كم اشتاق اخى ان نلتقى ثانية فى رحاب الوطن الحبيب
اسأل الله ان يعيد غربتنا معا
والوطن كما عهدناه رائعا جميلا
لا يخضع لسطوة احد الا محبيه
ولا يبتزه ويهدده احد ابدا
لك كل المنى
ولك الشكر على كلماتك الرائعات فى حقى
والله يديم المحبة بيننا جميعا
مع كل الود
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: ajaj)
|
العزيزة بت عجاج
لك التحية
اول حاجة اشكرك على حسن ظنك يا ستى ...
بعدين دكين ده ياخى جاب لينا معلقة ما انزل الله بها من سلطان
خلانا نغمد ونفتح ونتلفت
اتاريك انتى كنتى قااااااااااااعدة
بعدين يا ستى شربوفا دى قربت تطير لى باقى الصواميل الفاضله لى دى
انتى عارفه انا وين ؟؟؟
انا فى بلد ما مسموح ليك تشوف اى حاجة
وحاتك الا فى شاشة التلفزيون بس
وفجأة القى ليك شربوفا دى فى بوست دكين الوغد
اها اسوى شنو بس بالله
فى ذمتك ما حاجة تطير العقل ؟؟؟؟؟
يديك العافية عزيزتى
وخليك ضمن الفريق
قولى النصيحة بالله ما تخبيها
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: bayan)
|
هشام شيخ الدين(يازول يا زول)
قرشو رجل طيب وصديق لمعظم البورداب ولكن الاطيب منه انت
والله كلاكمالم اقرأ لكم الا كل خير
قرشو مرات بيولعها مع ناس دارفور شويه وبنبلعا بمويه غايتو
لانه عارفين دوافعه خيره.
ولكن هشام ما شفنا
منه الا بوست تسليح الشماليه وبداية كفاهم المسلح للرطانه
اقصد اعنف بوست لهشام ,لانه لا يعرف العنف.
التحيه لكم معا,ويا هشام لا تغضب من اي كائن ما بشبهك الغضب.(خليه لينا نحن)
وخليك في بوستاتك الدائم فرايحيه ومبهجه.
تراجي.
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: wedzayneb)
|
العزيز ود زينب
لك التحية والود
أولا اشكرك سيدى على كلماتك الطيبة فى حقى وعلى شهادتك الغالية والتى أعتز بها...
ثانياً دعنا نأخذ الناس بحسن نية دوما ونتفق على ان كلمة طيب تأخذ معناها السودانى هنا ولاننا نستنكر على اولئك تحويرهم للمعانى فلا نأخذ بما يأخذون به ولتكن دواخلنا دوما نقية ...
Quote: " شوف يا أخوي خالد، لم يحصل لي الشرف برؤيتك، لكنّني شباب شباب( ) " و لا يداعلني شكّ في أنّ الأخ خالد ربّما يكون في مثل حالي: شباب شباب. العبرة يا أخوتي ما بالعمر الزمني.
|
حديث اعلاه اطربنى طبعا ... فقد كان البورد سابقا يعج بابناء وبنات الدفعة ولكنه الان اصبح - وككل الاشياء - يضج بالشباب مما جعلنا نقرأ أشياء وأشياء يضخ فيها دم الشباب الحار .. ومع ذلك سيدى فسعيد ان اجد من دفعتى بين هؤلاء يساندنى ويفهمنى ويقف الى جانبى .. وكما تفضلت فنحن شباب ياخى ولو تقدم العمر قليلاً والشباب شباب القلب .... خلينا نطمن نفسنا ياخى ...
أعود وأشكرك كثيرا على كلماتك فى حقى والتى اعطتنى اكثر مما استحق وهذا من لطفك وكرم اخلاقك ومن حسن معشرك ...
راجيا ان يدوم الود بيننا ما بقينا سيدى...
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: Tragie Mustafa)
|
العزيزة تراجى
لك التحية
أشكرك عزيزتى على شهادتك الطيبة فى حقى وعلى حسن ظنك وارجو ان يدوم الود بيننا
دارفور عزيزتى قطعة غالية من الوطن ولقد عرفت اهلها منذ نعومة اظافرى ولذا
تجدينى انكر وبشدة ان يأتوا بمثل ما يشاع وما يقولون ... ورغم يقينى بأن الزمن
قد يتغير ولكن قناعتى فى انسان دارفور راسخة بأنه لن يتغير ولذا استنكر ما يقولون عنه..
حقيقة يا تراجى اهل المنبر ده طيبين جدا
وانا اعذر من يحتد ومن يتهمنى فى وطنيتى لانه لا يعرفنى ولانه منفعل تجاه قضية معينة
ولذا صدقينى للجميع فى نفسى مكانة
وآمل ان التقيهم جميعا حتى اصحح له ما علق ناحيتى من سوء فهم ..
لك الود كله عزيزتى ( ودارفور فى قلوبنا )
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: Hafiz Bashir)
|
العزيز حافظ بشير
لك التحية
أشكرك سيدى على حسن ثقتك فى شخصى
وارجو ان اكون دوما عند حسن ظنك
كما اوافقك الراى ان هذا البورد جمع ثلة من الطيبين
وصدقا لقولك فما ان تلتقى بأحدهم حتى تجد انه مثال للسودانى الاصيل ود البلد
حقا انا سعيد بلقيا هذا العقد النضيد من ابناء وبنات بلدى الاوفياء المحبين لبلدهم
وانها لسعادة ان تكون بين مثل هؤلاء ...
مع خالص الود سيدى
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: يازولyazoalيازول)
|
الاخ هشام
مسكاقمي
الاخ قرشو انا تعرفت به عبر النت سنة 1999م ومازالت علاقتي به ممتازة وطيلة فترت تعرفي به وعلاقتي عبر النت لم اجد منه الا كل خير وانسان على خلق وتحدثت معه عدة مرات عبر الهاتف ولم احظى بمقابلته شخصياً واتمنى ذلك ولكن رسمت له صورة شخص ذات وقار وهيبة .
وعلى فكرة الاخ قرشو من اوائل السودانيين الذين تواجدوا في المواقع السودانية في الشبكة العنكبوتية فكان عضوا في اول موقع سوداني هو سودانت دوت نت ومنذ سبع سنوات فهو الزعيم القائد العاقل .
يا قرشو تذكر اصحابنا سامبا ودكتا ونعناع الجنينه ومهند وابوصفاء والحصحاص حلاوة والمجنون وحبيبو تلك المجموعة الرائعة .
لكم مودتي وتحياتي
| |
|
|
|
|
|
|
|
|
|
Re: أطيب زول فى المنبر (بدون منازع) طيبة سودانية خالصة (Re: حمزاوي)
|
الحبيب حمزاوى ( ود فرح )
لك التحية
واسأل الله أن يمد فى أيامك سيدى لتعمرها بالحب والخير والعطاء الذى لا انتهاء له
حقا سيدى ومن ينسى تلكم الايام ومن ينسى اولئك الاحباب
هل تصدق اننى ما زلت اتعقب اخبارهم ولكنهم تفرقوا ولم يبقى غيرنا انا وانت سوى القليلون هنا منهم اخونا النيل (المهندس الزاكى ) ولكن الجمع اللطيف تفرق وانداح فى بقية المنتديات ربما...
أشكرك سيدى على كلماتك الطيبات فى حقى وذلك تماما ينطبق عليك تماما وبدون مجاملة..
رعى الله ايامك اخى الكريم وتحياتى لكل من بقى من اولئك الاوفياء الأحباب ...
مع خالص الود
| |
|
|
|
|
|
|
| |
يازولyazoalيازول
ايوب عبدالرحيم
قرشـــو
ابو يسرا
Sidig Rahama Elnour
saif massad ali
سجيمان
ابو عثمان
AMNA MUKHTAR
Frankly
Mustafa Mahmoud
ebrahim_ali
اساسي
bayan
محمد الامين احمد
فيصل نوبي
ajaj
عمار عبدالله عبدالرحمن
خضر عطا المنان
Hafiz Bashir
Tragie Mustafa
حيدر حسن ميرغني
willeim andrea
nile1
غادة عبدالعزيز خالد
Muna Khugali
طارق جبريل
فيس بوك
تويتر
انستقرام
يوتيوب
بنتيريست