عندما طارت الوظيفة مع (صلاح إدريس) بسبب لقافتى وشفقتى وعوارتى

شرح مفصل و معلومات للتقديم للوتري 2020
إلى ذاكرة خريجي الهند ..مع التحية ًِ
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-10-2018, 08:24 PM الصفحة الرئيسية

مكتبة هشام شيخ الدين جبريل(يازولyazoalيازول)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-12-2006, 05:59 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


عندما طارت الوظيفة مع (صلاح إدريس) بسبب لقافتى وشفقتى وعوارتى



    طبعا كثير من الناس يتعجبون للحاجات العجيبة التى تحدث معى ، ولا أقول إلا أنها تحدث إما بسبب (خفة) أو (لقافة) أو شىء يشبه شخصية (توم وجيرى) التى تتبعنى فى حياتى وكلها تقع ضمن الأقدار وتوزيع الأرزاق التى يعلمها هو جل جلاله

    عندى صديق عزيز يعمل فى بنك التنمية الإسلامى ، وهو موريتانى الجنسية ، وتربطنى به صلات جميلة حتى تطورت وأصبحت (صداقة أسرية) من النوع المتين ، وهو يعمل فى سكرتارية المكتب الخاص لرئيس البنك (زول واصل) ومنصب كبير ويعتبر ك (دبلوماسى)

    وقد كنت أدخر هذا الصديق (لوقت الضيق) وفعلا قد كان ....

    وإليكم الحكاية (جنكم شمار)

    كنت أعمل فى وظيفة (مدير شئون موظفين) ، لدى شركة أمريكية كبيرة (فورد) ، وكونت خبرة متينة وقد قمت بتعليم السعوديين فنون وأسرار الوظيفة ، حتى إذا ما (تمكنوا) شاتونى كما شاتوا الذين من قبلى ، وصرت ما بين ليلة وضحاها ، فى الشارع اجرجر اذيال خيبتى والحسرة تملأنى على ضياعى وضياع أسرتى بسبب اللون والعرق ، وبسبب (السعودة) ، وما إلى آخر ذلك المسلسل المؤلم الذى يواجه كثير من مغتربى السعودية وفوضت أمرى إلى الله ، فلم ايأس ولم اقنط ولم أستسلم ، فظبطت السيرة الذاتية وصورتها عشرات المرات ، وصرت أخرج من الصباح الباكر حاملا صور السيرة فى يدى موزعاً إياها للمعارف والشركات والمؤسسات ، معتمدا على الله الرزاق الواحد الأحد ،

    وكثيرا ما أجد اليافطات المحبطة (لا توجد لدينا وظائف شاغرة) أمام الشركات والمؤسسات والمنظمات ، فأطأطىء برأسى ، وأنسحب (خجلا) من تلك الأماكن ،

    حتى حدثت المفاجأة السعيدة ، فقد إتصل علىّ شخص عزيز (عطا التوم) (يعرف بحالتى المتعسرة) ، وقال لى (ألحق يا هشام ، ناس صلاح إدريس عايزين واحد سودانى يمسك ليهم شئون الموظفين فى مستشفاه الجديد مستشفى المستقبل ، والشخص المسئول عن التعيين يدعى دكتور (عارف عثمان) بتاع الأسنان ، وهو صديق عزيز لصديقى عطا هذا ، وقد أخبره عن حكايتى فقال له خليه يجينى بسرعة لأن هذا هو الشخص الذى نبحث عنه)

    فتوكلت على الحى الأحد ، ولبست أجمل (بدلاتى) وتزينت وتعطرت وتحنكشت لزوم المعاينة ، وصرت أمشى (كالطاوؤس) ممتلئاً (عجباً وزهواً) بسماحتى وخبرتى وواسطتى ، وذهبت إلى المستشفى وقابلت الدكتور (عارف عثمان)

    الحقيقة إستقبلنى الرجل بإستقبال حميم ولطيف ، وكانت المعاينة ميسرة للغاية لم تأخذ سوى دقائق معدودة بمساعدة شخصيتى القوية وخبرتى المتينة وثقتى الطاؤسية فى نفسى وصحبتى لعطا ، فوجدت قبولا طيبا من الرجل ، وقال لى بالحرف الواحد ، إنت بالضبط الشخص الذى نبحث عنه

    فحمدت الله فى سرى ، ودعوت لصلاح إدريس بأن ربنا يزيدو ويحفظو (فعمايل الرجل فى السودان والسودانيين فاقت كل التصورات فهو أرباب بحق وحقيقة)

    طيب يا دكتور ، متى يمكن أن استلم العرض والوظيفة؟ فحالتى (صعبة شديد) فلس فظيع وأطفال فى إنتظار العيش والحليب والعضة ، وصاحب البيت منتظر الإيجار والفواتير متراكمة ، والوضع قابل للإنفجار فى أى لحظة

    فرد علىّ الدكتور (ببرود وثقة):

    لا خلاص ، نحن عايزينك ، وحاتبدأ فوراً ،

    (لكن)

    يا الله على (لكن) هذه ، فوضعى لا يحتمل اللكنات

    لكن يا أخى صلاح إدريس ، يعمل بشكل إحترافى ، وقد قام مؤخراً بتعيين (سودانى) متخصص فى الموارد البشرية ، ويحمل الدكتوراه فى هذا المجال ، وهو الذى يعطينا ال ok النهائى لأى شخص يتم تعيينه ، فنحن نرفع له توصياتنا وتقاريرنا ويقوم هو بمقابلة طالب الوظيفة ، ويعطينا الضوء الأخضر لتعيينه أو الأحمر لعدم تعيينه ، والرجل صديقنا وصاحبنا ولم يرد على تزكيتنا إلا بالإيجاب ونحن زكيناك للوظيفة

    فقلت الحمد لله جات سليمة

    طيب فين زولكم الدكتور ده؟؟؟

    قال لى ، هو يعمل فى بنك التنمية الإسلامى ، وما عليك إلا أن تذهب إليه هناك وهو سيحدد لك موعد لمقابلته ، ومن ثم ننتظر رد الرجل

    وأعطانى إسم الشخص والدور الذى يعمل فيه بالبنك ، وخرجت بنفس الفرحة والزهو الذى دخلت به ، وتوجهت صوب مقر البنك القريب مهرولا وقاطعا كل إشارات المرور (فقد جاء الفرج)

    وصلت إلى البنك ، وخطرت بخاطرى فكرة حلوة

    يازول إنت عندك زول (مصيبة) كبيرة هنا ، فتذكرت صديقى الموريتانى (المدنكل) ، وقلت فى نفسى ضرورى يكون بعرف صاحبنا الدكتور المفوض ده

    ولم أتردد ثانية ، ووقفت أمام موظف الإستقبال ، وقلت له بثقة كبيرة ، ممكن أقابل (منصور فتن) فقام بعمل إجراءاته المعتادة وأخذ معلوماتى ، وإستأذن من الرجل أن شخص يدعى هشام يطلب المقابلة ، فسمح لى صاحبى وأعطونى بطاقة زائر ووجهونى نحو مكتب الرجل فى العمارة الفاخرة ، فصعدت عبر المصعد حتى وصلت إلى صديقى ، وقصصت عليه قصتى ، فرحب بى الرجل وقال لى أن مسألتى (مقضية) فالدكتور المذكور زميل عزيز لمنصور ، وهو لا يرد له طلباً ، لا بل أكثر من ذلك ، ترك منصور مكتبه وقام معى بنفسه حتى وصلنا مكتب الدكتور المستشار هذا ، وعرفنى به كصديقه ، ووصاه علىّ ، فرحب بى الدكتور المستشار وقال لى أنه سيتصل علىّ لتحديد موعد للمقابلة وشكرته وانصرفت من عنده ، وشكرت صديقى وصديقه منصور فتن على خدمته الجليلة وإنصرفت فرحا مزهوا واثقا وضامناً الوظيفة التى ساعدت كل الظروف فى إستلامها ، وصرت منتظراً الإتصال الأخير لمقابلة الدكتور المستشار

    مرّ يوم ، يومان ، ثلاثة أربعة ايام ولم يتصل الرجل ، فانتابنى القلق ، والضغط الأسرى والفلس يزيد ، فقلت يا ولد أصبر شوية فمضى أسبوع أسبوعان ثلاثة أسابيع ، ولم يتصل الرجل ، فكرهت حياتى وضاقت حيلتى ، ولما خلاص (بلغت الروح الحناجر) ذهبت إلى المستشفى لمقابلة الدكتور (عارف عثمان) ، لأقص عليه الحكاية وأقول له أن المستشار هذا لم يتصل علىّ

    فوقعت الكارثة التى أخشاها

    يا دكتور (عارف عثمان) ياخ مستشاركم ده ما إتصل علىّ ، شنو الحكاية؟؟؟

    فقال لى الدكتور (عارف عثمان) ما لم يكن فى حسبانى مطلقاً

    قال لى ، لا لن يتصل عليك مطلقاً ، وأضاف أن هذا الدكتور المستشار لو كان يكره شخصاً واحداً فى الدنيا لكنت أنت يا هشام

    فخرجت أعينى من محاجرها من هول ما سمعت

    إيه الحكاية يا دكتور ، الزول بيكرهنى ليه؟؟؟

    فقال لى:

    ياخ إنت كدت أن تتسبب للرجل فى كارثة محقة

    فقلت كيف؟؟؟

    قال لى أن الرجل موقع عقد كبير مع بنك التنمية الإسلامى ، وأن عمله مع (صلاح إدريس) يتم بشكل سرى للغاية ، حتى لا يعلم (ناس البنك) أنه متعاقد مع جهة أخرى ، ولو عرفوا ذلك لفصلوه فى التو والحال لأنه خالف بنود العقد المحترم ، وما قمت أنت به يشبه الصاعقة للرجل فقد أتيت ومعك (موظف كبير) ومسئول فى مكتب الرئيس شخصياً ، وهذه وحدها كفيلة بطيران الرجل من البنك بل من السعودية بلا عودة ولا مستحقات نهاية خدمة ، ولذلك إتصل علينا الدكتور المستشار ، وقال لنا بالحرف الواحد ، هذا الرجل بالذات اللى هو أنا (ما داير أشوفو ولا أشوف خلقتو فقد أحضر لى منصور فتن فى مكتبى وفضحنى فضيحة بجلاجل) وربنا ستر معاهو بأعجوبة

    وبالفعل لم يتصل أبدا ، ولم أرى وجهه منذ ذلك اليوم ، وهو ما زال يحمل (كرها) عجيبا لشخصى ، بسبب لقافتى ورعونتى وحرصى الشديد على رزقى (الذى هو فى السماء وما توعدون)

    وخرجت من مستشفى صلاح إدريس ، لأعيد ترتيب أوراقى ، وخشمى ملح ملح

    (عدل بواسطة يازولyazoalيازول on 11-12-2006, 06:27 AM)
    (عدل بواسطة يازولyazoalيازول on 11-12-2006, 07:55 AM)

                   |Articles |News |مقالات |بيانات

11-12-2006, 06:14 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    اللقافة تطير

    والشفقة خلت القرد اجن والأسد سخلة
    مالك انت و( فاعل خير)
    اقضو حوائجكم في كتمان
    كاتم صوت وحركه اغتس حجرك
    يعني من بكره شوف ليك حجر مدنكل عشان لمن اغطس اقولوا ياسلام علي حجر الزول كان جنس حجر
    ما اتزكروا ولاعمل صالح ليك اتزكروحجرك
    والله زعلتني جنس زعل يعني بعد خبرتك دي كلها لسه لابس جلد حمل وديع
    من الليلة تمشي تتعلم كيف تكون مرفعين أو ضبع
    كيف تحك من بره وتجامل وكيف تشتغل كتيمي
    اللقافة تطير
                   |Articles |News |مقالات |بيانات

11-12-2006, 06:39 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: محمد سنى دفع الله)

    محمد سنى دفع الله

    سأعمل وفق النصيحة وأركّب (جلد تمساح) وأقضى حاجاتى بالكتمان ، حتى يعلم الكتمان أننى كاتم أمراً لو علمته يدى اليمنى لما وصل إلى يدى اليسرى

    وبمناسبة قضاء الحاجات بالكتمان ، فقد قال لى شقيقى ابوعبيدة ذات يوم (ياخ همرور (شقيق أصغر) ده فاهم حديث قضاء الحاجات بالكتمان غلط ، فهو كتوم فوق درجة الحديث النبوى)



    أشكرك للمشاركة التى ساهمت فى تفريج همى وكربى ، علماً أن الحدث قديم حدث قبل حوالى الثمانية سنوات

    تحياتى يا فنان يا أصيل

    بالمناسبة ، ما عنكم لى شغل فى الدوحة؟؟؟؟؟

    (شوف اللقافة) وهى طبعة والطبع يغلب التطبع

                   |Articles |News |مقالات |بيانات

11-12-2006, 06:29 AM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    والله يا هشام وعامل فيها تصبرني وشنو ما عارف وتراك مضغوط اكتر من الشاورمة ظاااتا

    بس والله قصتك تحير قلت لي هو

    Quote: وهو موريتانى الجنسية ،



    يا اخوي توسط موريتاني الوظيقة دي شاعر ولا شنو !!

    Quote: كنت أعمل فى وظيفة (مدير شئون موظفين) ، لدى شركة أمريكية كبيرة (فورد) ، وكونت خبرة متينة وقد قمت بتعليم السعوديين فنون وأسرار الوظيفة


    وبالله الوقت دا كله غانج واخوك عاوز ليه سيجنال 2 كبير والوقت دا كله بستعمل معجون ابوورده

    لمان اليومين ديل في فراشات قاعد ترك في خشمي !!

    Quote: وبسبب (السعودة)


    الله يلعن طاش ما طاش

    Quote: صلاح إدريس ، يعمل بشكل إحترافى



    احترافي هو دا اصله صلاح ادريس ولا هيثم طمبل


    Quote: وأعطونى بطاقة زائر ووجهونى نحو مكتب الرجل فى العمارة الفاخرة ، فصعد عبر المصعد حتى وصلت



    قبل شهر عملت نفس الحركة دي ومشيت اقابل مدير مكتب الامم المتحدة للايدز ولما

    نزلت منه اديت السكيورتي البطاقة ورجع لي رخصتي ولما مشيت بعد اسبوع بتاع الحركة

    قال لي رخصتك ؟ سلمته البطاقة وانا قايلها الرخصة !! اتاري الجماعة السودانيين

    بتاعين السكيورتي سلموني بطاقة شخصية بتاعة واحدة اسمها حليمة خاطر وانا سايق

    بيها لاسبوع !! حاولت افهم بتاع الحركة .. الحركه دي ما استوعب شال مني المخالفة

    الفورية20000 جنية رجعت للسكيورتي قالو ادو رخصتي لحليمه والله هسه فوق الشهرين انا

    حليمة !! غايتو هسة لي شهرين بحسب للشهر التسعة ورينا يهون ما اقوم اولد !!

    Quote: قال لى أن الرجل موقع عقد كبير مع بنك التنمية الإسلامى ، وأن عمله مع (صلاح إدريس) يتم بشكل سرى للغاية ، حتى لا يعلم (ناس البنك) أنه متعاقد مع جهة أخرى ، ولو عرفوا ذلك لفصلوه فى التو والحال لأنه خالف بنود العقد المحترم ، وما قمت أنت به يشبه الصاعقة للرجل فقد أتيت ومعك (موظف كبير) ومسئول فى مكتب الرئيس



    شفت جنس دا هو البسبب العطاله للمرفودين اللزيك !!


    Quote: وخرجت من مستشفى صلاح إدريس


    حمد الله ربنا حلاك بالسلامه يا هشام اخوي !!


    والله اليومين ديل قصصك كلها قروش واستنكاح الله يهون !!


    تعرف البعجبني في القصة دي كلها بتاع الايجار ال حيجيك قريب

    اصله بتاعين الايجارات ديل زي وجع الضرس مؤلم وجميل اسال اخوك ..


    هسه انا اتفقت مع مشتسار ضريبي اشتغل معاه مستشار ايجاراتي !!


    اها يا اخوي اوصت ليك صلاح ادربس زاتوو بعرف صحفي رياضي صحبي

    حبرتجي بعرفة !!


    منعم

    (عدل بواسطة عبد المنعم سليمان on 11-12-2006, 06:35 AM)
    (عدل بواسطة عبد المنعم سليمان on 11-12-2006, 06:49 AM)

                   |Articles |News |مقالات |بيانات

11-12-2006, 06:47 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: عبد المنعم سليمان)

    اللذيذ عبدالمنعم

    الحصل معاى يحصل للعدو

    وربنا يكفيك شر بتاع الإيجار

    وربنا يرد غربتنا بالسلامة والعودة حتى ولو بلغة (ألوو دى) كناية عن قوة ساعدى

                   |Articles |News |مقالات |بيانات

11-12-2006, 06:59 AM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    Quote: وربنا يرد غربتنا بالسلامة والعودة



    مره يا هشام 97 كداوالبلد عارف كان حالها كيف هنا !!


    انا كنت في ابوظبي لعمل واخوك جديد عندي صحبي اماراتي

    مجنني والله تجيني العيد في لبيت اها مشيت ليهو اعيد

    اول ما قابلني في الباب شيكني ليك ادعية وربنا يرد

    غريتك وما عارف ايه !!

    اظن قرا لي دعاء الابعاد ظاااتو !!


    قمت قلت ليهو دا البخلينا ما نتواصل معاكم


    يا زول الدنيا قبايل عيد والدعوة مستجابة وانت

    شابكني ربنا يرد غربتك انا يا دوب لي 4 شهور !!


    اها يا هشام ربنا يرد غربتك


    منعم
                   |Articles |News |مقالات |بيانات

11-12-2006, 07:06 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: عبد المنعم سليمان)

    عشان تعرف (حرارة) الغربة

                   |Articles |News |مقالات |بيانات

11-12-2006, 07:25 AM

بدرالدين شنا
<aبدرالدين شنا
تاريخ التسجيل: 30-07-2002
مجموع المشاركات: 3514

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    هشام حبيبي سلام يحمل كلام مضمونو حبي

    Quote: وبالفعل لم يتصل أبدا ، ولم أرى وجهه منذ ذلك اليوم
    بتصل إنت إنت بس اصبر


    الظريف عبدالمنعم سليمان
    سلام كارب

    Quote: اتاري الجماعة السودانيين

    بتاعين السكيورتي سلموني بطاقة شخصية بتاعة واحدة اسمها حليمة خاطر وانا سايق

    بيها لاسبوع !! حاولت افهم بتاع الحركة .. الحركه دي ما استوعب شال مني المخالفة

    الفورية20000 جنية رجعت للسكيورتي قالو ادو رخصتي لحليمه والله هسه فوق الشهرين انا

    حليمة !! غايتو هسة لي شهرين بحسب للشهر التسعة ورينا يهون ما اقوم اولد !!
    ياخي فقعتني بالضحك
    إنت زول لذيذ عديل كدا


    تحياتي للكل
                   |Articles |News |مقالات |بيانات

11-12-2006, 07:29 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: بدرالدين شنا)

    بدرالدين شنا

    شكرا للمشاركة يا لذيذ

    وعندنا هنا فى جدة (محن) كتيرة

                   |Articles |News |مقالات |بيانات

11-12-2006, 07:39 AM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    بدر الدين شنا

    ازيييك يا ظريف

    والله انا مره ناس الجوازات صوروني صورة وكان في الخلفية صورة

    امراه دينكاوية اها مشيت لناس الجواز طلعو لي طوااالي جواز

    بقت محل الصوره انا والمره الدينكاوية وراي !!


    قلت اشوف افتش ليها واختها مكان الاولاد عديل طالما هي بقت

    قسمتي !!

    قصصي وحظي مع الحاجات الوهمية دي في السودان يا بدر كتيرة

    اكون انا مسكون !!

    كسره : احسب معاي للشهر التاسع يا بدر غايتو هسه بديت ابصق

    ما عارف من قرف الحركه والسوق العربي ولا من بطاقة حليمه !!


    منعم

    (عدل بواسطة عبد المنعم سليمان on 11-12-2006, 07:45 AM)

                   |Articles |News |مقالات |بيانات

11-12-2006, 07:49 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    Quote: وخرجت من مستشفى صلاح إدريس ، لأعيد ترتيب أوراقى ، وخشمى ملح ملح


    ياقريبي كدة كدة انت كنت حترفد نفسك براك لو كترت بعد شهر واحد ؟؟ لو مستشارو زي ما بتقول خاتف لونيين (دة تعبير coined by myself ومش من سك العملة لامثالو الملونيين والداسيين حاجات وحاجات) ات بلسانك دة - اهو دة ضريبة عرقك البربري القت عليهو - كان ممكن ما تشوبر بعدما تشتغل وتقوم تطلع الجوة والبرة من اساليب كسب العيش الشرعية واللا شرعية ....
    اها كنت حتكون معروف ب " الزول الرفد نفسو " ( دي تنفع اسم مسرحية - اسال اختك يمكن تستفيد منو )
                   |Articles |News |مقالات |بيانات

11-12-2006, 07:58 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: abubakr)

    أبوبكر

    حلوة (الزول الرفد نفسو) وسأعرض الأمر على تماضر شيخ الدين

    بس قول لى الحل شنو فى جنس اللقافة دى؟؟؟؟

                   |Articles |News |مقالات |بيانات

11-12-2006, 08:51 AM

الشيخ إبراهيم الشيخ
<aالشيخ إبراهيم الشيخ
تاريخ التسجيل: 02-11-2006
مجموع المشاركات: 705

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    يا زول يالذيذ يارايق

    بصراحة عاجباني كتاباتك شديد حتى من قبل ما أكون عضو

    والأيام ده كمان جيتني في (الأتو) بتاعي زاتو

    إنت ما بتاع شئون موظفين العقودات البتكتب فيها ده

    كل يوم نسيتها من الفلس الله يقطع الفلس والتفنيش

    مشيت للراجل فضحتو فضيحة وداير تشتغل كان ليك

    لكن يازول عسى أن تكرهو شيئاً...

    ولك مودتي
                   |Articles |News |مقالات |بيانات

11-12-2006, 09:36 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: الشيخ إبراهيم الشيخ)

    الشيخ أبراهيم الشيخ

    أشكرك على الإطراء ، وفعلاً يا إبراهيم الفلس والتفنيش نسونى (نصوص العقد) و (شروط التعاقد) ومشيت للراجل ومعاى زميلو اللى (كشف) حالو ، وأعاد المستشار الضربة القاضية الفنية فى رأسى مباشرة



    تحياتى يا إبراهيم
                   |Articles |News |مقالات |بيانات

11-12-2006, 08:13 AM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    هشام اخوي جاتني فكرة

    ما تجي تشتغل مع جمال الوالي

    والله اي زول بكون مع صلاح جمال بشيلوه طوااالي

    ما شايف هيثم طمبل !!

    اليومين ديل قالوا بحاول اسحق الحلنقي ظااتو !!

    منعم
                   |Articles |News |مقالات |بيانات

11-12-2006, 09:48 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: عبد المنعم سليمان)

    فكرة حلوة

    بس يا عبدالمنعم ، اليومين ديل أنا داير (جمال الوالى) يشتغل معاى ، إنت نسيت البوست بتاع الملايين داك ، الحكاية ماشية معاى تمام التمام

                   |Articles |News |مقالات |بيانات

11-12-2006, 09:50 AM

Haytham Abdulaziz
<aHaytham Abdulaziz
تاريخ التسجيل: 28-05-2006
مجموع المشاركات: 2871

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    العزيز هشـام كيفـك ...
    غـايتــو يا هـشـام بالغـــت عدييييل كــدة .... يعنـــي الفـولــة ما تتبلا في خشمـــك ..... دي شفقــة شنــو ... ولا شفقــة منــو ... و زي ما قـالــو الشقــــي تعتـــر ليهــو (......) و كمـان الشقــي بلقى في الآيسكــريم عضمــة ... أنــت ياتــو فيهــم ... ياخوي زي ما قال ليك أخـونـا محمد السنــي أعمـلوا على قضــاء حـوائجكـــم بالكتمـــان مُــش بالموريتــانــي ...
    يعـنــي كان أخيــر ليــك تخــش حافــلـة لعيبــة المــوردة بتاعت زيــدان ديــك من الحصل ليك دة و مافي زول كان بشوفـك...

    مــع مــودتـــي.....

    هيثــــم.....
                   |Articles |News |مقالات |بيانات

11-12-2006, 09:59 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: Haytham Abdulaziz)

    الحبيب هيثم عبدالعزيز

    تقول شنو بالله؟؟؟

    سأعمل بالنصيحة ، وبعد كده تطبيق سياسة الكتمان (المظلل)



    تحياتى
                   |Articles |News |مقالات |بيانات

11-12-2006, 09:58 AM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    Quote: و زي ما قـالــو الشقــــي تعتـــر ليهــو (......) و كمـان الشقــي بلقى في الآيسكــريم عضمــة



    وفي تالت شقي


    الشقي بعتر ليه محمد اي سليمان في المنبر !!


    منعم
                   |Articles |News |مقالات |بيانات

11-12-2006, 12:47 PM

أبوشيبة


للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: عبد المنعم سليمان)

    كيفك هشام ...

    سؤال بطرح نفسو

    إنت مشيت تتعين ... وللا مشيت ترفد المستشار ... ؟



    دي ياهازااااتاالشلاقة الكتلت إشراقة ... كما جاء في المستطرف .
                   |Articles |News |مقالات |بيانات

12-12-2006, 04:06 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: أبوشيبة)

    أبو شيبة

    فعلا الشلاقة الكتلت إشراقة

    كما جاء فى مستطرفكم الظريف



    تحياتى
                   |Articles |News |مقالات |بيانات

11-12-2006, 12:59 PM

احمد العمار

تاريخ التسجيل: 05-11-2006
مجموع المشاركات: 2034

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: عبد المنعم سليمان)

    هشام كيف حالك وان شاء الله برد الرياض دا ما جاكم فى جدة

    تعرف ذكرتنى بالمثل ( جا يكحلا عماها) انت ما كان تخليها بدون كحل .

    غايتو الله يكون فى عونك وعون جميع ناس جدة بالذات فى اليومين دى ( موسم الحج )

    يعنى ضيوف بالجملة وطبعا ( بيشوفو القبة وبيقولوا تحتا فكى ) وماعارفين الحاصل شنو

    الله بيفرجا يازول بس الزم الصبر

    لك صادق مودتى

    أحمد العمار
                   |Articles |News |مقالات |بيانات

12-12-2006, 04:11 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: احمد العمار)

    الأخ أحمد العمار

    أشكرك على المشاركة الظريفة ، البرد بدأ (لطيفاً) فى جدة وإستبشرنا خيرا بموسم حج معتدل الطقس وفى ذلك رحمة للحجاج

    بعدين الواحد يا أحمد ما عارف إيه الحكاية فقد قيل (الحج عرفة) لكن شكلها (الحج فى بيوتنا فى جدة)

    فعلا ناس جدة تعبانين شديد فى مواسم الحج والعمرة وسأفرد لذلك الأمر بوستاً مخصوصاً

    لك أيضا مودتى وحبى

                   |Articles |News |مقالات |بيانات

11-12-2006, 03:24 PM

Adel Sameer Tawfiq
<aAdel Sameer Tawfiq
تاريخ التسجيل: 05-10-2006
مجموع المشاركات: 1074

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    هشام.ز
    تدفع كم أكلم ليك صلاح إدريس ؟؟!!
                   |Articles |News |مقالات |بيانات

12-12-2006, 04:16 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: Adel Sameer Tawfiq)

    عادل سمير توفيق

    ياخ إن شاء الله ربنا ما يحوجنا لأحد

    فالقصة دى قديمة (فى بدايات صلاح إدريس) ، مافى نصيب

    والحمد لله هسع مافى حوجة لى أى زول

    أشكرك للمبادرة الطيبة


    تحياتى
                   |Articles |News |مقالات |بيانات

11-12-2006, 07:31 PM

Ashraf el-Halabi
<aAshraf el-Halabi
تاريخ التسجيل: 08-10-2006
مجموع المشاركات: 5508

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    شايف عوارضك كترت يا هشام!!
    غالباً إنت أُصبت بلعنة الحلبة!!
    رجع للناس شريحتم وأمورك تمشي تمام التمام، زي مجيد وحسام

    يا هشام عندك طريقة سرد غاية في التشويق أرجو إنك تنميها
    تحياتي
                   |Articles |News |مقالات |بيانات

12-12-2006, 04:31 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: Ashraf el-Halabi)

    الحبيب أشرف الحلبى

    أولا أشكرك على المشاركة نيابة عن (الحلبة)

    وبعدين دى فعلا الظاهر (لعنة الحلبة)

    عشان كده عايز أفك اللعنة دى حتى لو أمشى (الإهرامات) لحرق البخور

    وعبرك أحيى كل حلبى وحلبية ، وأقول لهم بياض البشرة يدل على بياض القلوب وأؤكد أن (البياض) فيه خير كثير

    أما الشريحة (فمستحيل) رجوعها رغم (جقلبة) الراجل ، ولكن حدود التأديب لا تسمح بالإستعادة

    تحياتى ووافر حبى
                   |Articles |News |مقالات |بيانات

12-12-2006, 05:20 AM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    هشام صباح الخير

    انت عندك




    Quote: (لعنة الحلبة)




    وانا عندي

    (
    Quote: مديدة الحلبة)


    الله يشغلك ويبعدني من السوق العربي


    منعم
                   |Articles |News |مقالات |بيانات

12-12-2006, 06:15 AM

بدرالدين شنا
<aبدرالدين شنا
تاريخ التسجيل: 30-07-2002
مجموع المشاركات: 3514

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    Quote: بقت محل الصوره انا والمره الدينكاوية وراي !!
    ووراء كل عظيم يا عبدالمنعم إمرأة

    تخريمة:
    لو عايزها قدامك إنت جيب الصورة وأنا بتفنن ليك فيها

    والله بستمتع بي مصايبك الكتيرة دي يا عبدالمنعم
                   |Articles |News |مقالات |بيانات

12-12-2006, 06:22 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: بدرالدين شنا)

    صدقت يا بدرالدين فعبدالمنعم طلع (مصيبة) كبيرة

                   |Articles |News |مقالات |بيانات

12-12-2006, 06:25 AM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    بدر الدين شنا

    يا زول يا ظريف يا رايق



    Quote: ووراء كل عظيم يا عبدالمنعم إمرأة في الجواز



    كدة تمام يكون باقي لي تغيير المهنة بس ..


    منعم
                   |Articles |News |مقالات |بيانات

12-12-2006, 08:10 AM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: عبد المنعم سليمان)

    هشام

    انا عندى ليك واسطة قوة وسوف ترجعك ليك الوظيفة
    بس تاكد ان الوظيفة شاغرة لسع

    الواسطة هو اللاعب هيثم طمبل...


    هها ها ها ها ها

    الله يعينك...حتى صلاح ادريس عاوز واسطة...
    تشوف ليك قصيدة من شعر ابو ذكر المطر
    وتقوم تقول ليه انا شاعر..وعاوزك تلحن القصيدة دى
    وعندى ليك فنان حريف ولامى الاتنين كفر ووتر
    وبعد كدا تصاحبو...
    خيرها فى غيرها....
                   |Articles |News |مقالات |بيانات

12-12-2006, 11:08 AM

garjah
<agarjah
تاريخ التسجيل: 04-05-2002
مجموع المشاركات: 4702

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: abuguta)

    هشام

    لو محلك

    اتصل بالدكتور الما شبع من بنك التنمية ده

    واقول ليهو

    - الوظيفة والا أفتـــــــو
                   |Articles |News |مقالات |بيانات

12-12-2006, 11:24 AM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    Quote: أفتـــــــو



    هشام دا تاني فول ما يفتو !!

    لحق سيف يا اخوي !! وبحكي ليك قصة سيف يا هشام !!

    عندنا واحد كده في مدني يعني في الحسبة خالنا كان قبل ما يسافر (بقعد)

    مع واحد صحبة ظريف بحب ال(بلح المعبا) وعود وحقيبة وابوداؤد واللذي منه !!

    المهم سافر كده وجات (الانقاذ) طبعا عدمو ليك الناس الوقفة خلي القعدة

    المهم سيف لسة في قعداتو وظريف مدينه مسكوه ليك كم مره شي جلد وفضايح

    وتشهير ورفد من الشغل لامن خلي السكر والقعدات وجري وراء معيشته بعدما

    رفدوه يعني خشا السوق ! المهم اتزوج ونسي الوهمة كلها وعمل لية 5 اولاد

    ساكي معيشتهم !! قريبي دا بعد 10 سنوات جا السودان والمساء كدا اتهندم واتعطر زي

    حالتك يوم المعاينة ديك وقال ماشي !! ناس البيت قالوا ليه ماشي وين قال ليهم

    مشوار كده وبتاخر ما تنتظروني للعشاء !! قريبي جا بالذاكره القديمة والسودان

    الجميل داك لا القديم و لا الجديد دا !! المهم مره علي صحبه عبود بالبيت وقال ليه

    يالله نمشي !! عبود قال ليه نمشي !! وين قريبي رد ما نمشي لسيف !!

    عبود ضحك لمان قعد قريبي قال ليه مالك سيف ماله ؟!!


    عبود قال ليه يا حليلك سيف ما بقا(سيفTHE CHILDREN) .






    عشاااان تااااامن

    منعم
                   |Articles |News |مقالات |بيانات

13-12-2006, 04:28 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: عبد المنعم سليمان)

    وكلنا يا عبدالمنعم سايرين فى سكة (سيف أور جلدرن)

    وفى رواية (من أجل أبنائى)

    وفى رواية (دعونى أعيش)

    يعنى نحن ناقصين يا سيف


    بعدين يا قرجة فكرتك بت لزينا ، إنت كنت فى السجن زمان ولا شنو؟؟؟؟



    تحياتى للمشاركات وخصوصا ابقوتة
                   |Articles |News |مقالات |بيانات

13-12-2006, 05:20 AM

شرير والبرتقاله

تاريخ التسجيل: 18-03-2002
مجموع المشاركات: 0

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: يازولyazoalيازول)

    ما قلنا ليك زماااااان
    خلى العوارة بتاعتك دي .. عملت ضبااان ضكر

    خم وصر . خلي عوارتك تنفعك .. والله موش يرفدوك من شغلك بس . مفرض يـــ ....... ذاتو ..
                   |Articles |News |مقالات |بيانات

13-12-2006, 05:56 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما طارت الوظيفة مع (صلاح إدريس) بسبب لقافتى وشفقتى وعوارتى (Re: شرير والبرتقاله)

    والله يا فيصل عقدتنى عديل كده

                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de