|
|
|
 Re: استحلفكم بالله ، ما هو دور الدولة إن لم تعالج محجوب شريف ؟؟ (Re: ودقاسم)
|
الاستاذ ود قاسم
تحياتي
ولي سؤال ايضا ، منذ متى كانت الدولة تهتم بعلاج مواطن او حتى تهتم بفكرة المواطن من حيث المبدأ في هذه البلد الظالم حكامها؟؟
لو عرفت الدولة معنى طريق الاهتمام بمواطنيها وتوفير ابسط حقوقهم ، لما وصل حال الاستاذ محجوب شريف لما وصل اليه الان !!
يا سيدي دولتنا تجيد وتعرف تماما كيف تعذب ، تشرد ، تعتقل ، تقتل ، تسرق ، تنهب
لكن ما ان يأتي الحديث عن حقوق مواطن غلبان عاوز يعيش من حقه وحق بلده، هنا يقيف الكلام.. ولتعيش الانقاذ ويموت الاخرون كمدا وشمار في شوربة
| |
 
|
|
|
|
|
|
|
|
Re: استحلفكم بالله ، ما هو دور الدولة إن لم تعالج محجوب شريف ؟؟ (Re: maia)
|
العزيزة مايا
نعم ، لا يوجد اهتمام ، فكثير من المبدعين لم يجدوا من الدولة دعما ولا سندا ، لكن رغما عن كل السنين العجاف ، ورغما عن كل ما نلاقيه من دولتنا إلا أننا سنظل نذكّر الحكومة بواجباتها كحكومة ، ونطالبها بحقوق المواطنين ، ونؤكّد في كل مرة أن الشعب هو صاحب الثروة والسلطة والقرار .
لابد أن نطالبهم ، لابد أن نذكّرهم ، لابد أن نأخذ حقوقنا منهم ...
| |
|
|
|
|
|
|
|
|
|
Re: استحلفكم بالله ، ما هو دور الدولة إن لم تعالج محجوب شريف ؟؟ (Re: ودقاسم)
|
يا ود قاسم يا شفيف يا ود الشعب وعصب الشعب الحي. لو كنت في السودان كان عرفت انو رسمياً كلامك صاح عملياً القصة دايرة وقت العصابة مسيطرة مش على مفاصل الدولة واقتصادها مسيطرة على النفس الطالع ونازل والقصة دايرة شغل شديد ومركز وبصير ونظرة مفتحة عشان الفي قامة محجوب شريف نقدر نشيل ليهو حق علاجو من عين العدو ومباشرة من خزنة الدولة عشان بالحق محجوب شريف هو خزنة الدولة الحقيقية.
لكن أقل ما يعمله المأفونون هو تجاهل علاج محجوب
محجوب رافض من باب العفة وترتيب الأولويات ونحنا رافضين عشان الشعب غني وحقوا لابد راجع تالت ومتلت المسألة وقت وإرادة.
ومات عافين ليها جوع ومرض الشعب
| |
|
|
|
|
|
|
|
|
|
Re: استحلفكم بالله ، ما هو دور الدولة إن لم تعالج محجوب شريف ؟؟ (Re: ودقاسم)
|
ود قاسم
تطراك العافية يا كاتب الروائع
اغسطس الماضي سافرت للاردن لزيارة والدتي التي حضرت من السودان لاجراء جراحة في القلب تكللت بالنجاح
لفت نظري وجود العديد من المرضي القادمين على نفقة الحكومة السودانية وبالتحديد حاجة اسمها ديوان
أو صندوق الزكاة، احدهم احضروا له قرنية من امريكا وكلفت العملية اكثر من 15 الف دولار وتشوف ناس
السفارة طالعين ونازلين في المستشفي بحجة عمل تخفيضات في فاتورة العلاج،
محجوب شريف، ترعاه العناية، ستتجاوزه بيوت الزكاة واموال الدولة السائبة في كل مؤوسساتها المتخمة
لانه لم ينزلق لترهاتهم ولم تغريه بريق بهرجاتهم
محجوب شريف يستمد عافيته من عافيتكم وهمًَكم وحزنكم عليه
متعه الله ومتعكم كمان بكمالات الصحة والعافية
وشفاه شفاء لايغادر سقماً
| |
|
|
|
|
|
|
|
|
 Re: استحلفكم بالله ، ما هو دور الدولة إن لم تعالج محجوب شريف ؟؟ (Re: تيسير عووضة)
|
عزيزى تيسير
أموال الدولة غير مشبوهه
أموال الدولة من عرق الشعب
بتبقى مشبوهة لمن حيازتها تنتقل للمشبوهين
محجوب شريف ابن الشعب له حق فى مال الدولة
والمشكلة كان الدولة اقتنعت بالكلام ده
منو البيقدر يقنع محجوب
حأغنّـي
حأغني وأغني وأغني
أندم ولا يوم....
ما أظني!
والزمن الضايع منّي
يرجع لىْ ثواني
يا ضل الفرح الدافي
جيتك يا النبع الصافي
مجروح ومعنّى و.....
حافي
وأيامي منافي منافي
قالوا لى عيونك أهلا
مهلا.....
يا صبي عوّافي
نوّرتي دروبي قوافي
ومليتي حياتي أماني
واصبحت أنا زولاً تاني
مسحت الصدا عن بابي
ورجعت جمعت صوابي
من تاني فتحت كتابي
والشمس أهى بتصحابي
النيل مجراو أعصابي
بالسما حسيت يا دابي
وبالعالم عالم تاني
مليان بالفرح الدايم
من فوق اكتافو حمايم
والسلم عليهو عمايم
والناس في دربو توايم
الصاحي بيرعى النايم
والنايم بحلم حايم
في مدن
وحقول
ومواني
في وطن اشجار واغاني
يا سلام على حب انساني
يا سلام على وطن انساني
يا سلام
على
كل جميله
| |
|
|
|
|
|
|
| |
ودقاسم
خالد العبيد
حيدر حسن ميرغني
تيسير عووضة
مزاحم الضوي
Mohamed Abdelgaleel
فيس بوك
تويتر
انستقرام
يوتيوب
بنتيريست