|
أربعة شهور
|
أربعة شهور يا جميل وانا كنت عايش في نعيم أتنفس أنفاسك وأغرد أصلى في حبك أهيم ابتسامتك سر شفاي انا كنت من قبلك سقيم كنت تائه وفى ظلالك يا صاحب الصوت الرخيم انفتح باب الأمل وانتهى الشجن الأليم
*** أربعة شهور في هنا وفى ازدياد انا شوقي ليك الليالي تمر سريعة وكلما أفارقك بشتهيك ضقت طعم الدنيا أحلى بي جمالك نور عينيك أتمنى انهل من نعيمك وعمري يكمل بين ايديك
*** أربعة شهور من عسل وفى انتظار انك تزيد أصلى مقتول في غرامك وكل يوم حبك بزيد حاسس انك في دواخلى وماشى في دم الوريد داير انعم بي وجودك وما أحسك يوم بعيد انا اصلو حياتي بعدك كل لحظة تساوى عيد
*** أربعة شهور عدو بينا ونحن في غاية السرور مرت الأيام سريعة في سعادة وفى حبور عدو كأنو تلاتة يوم وما تقول أربع شهور
*** يا جميل الدنيا معاك أجمل من حكايات الخيال ما انت سيد الابتسامة وانت ما رب الجمال انت يا حبي المفرهد تمتلك أحلى الخصال أتمنى ربى يديم هنانا وديمة نفضل في وصال
|
|
|
|
|
|
|
|
Re: أربعة شهور (Re: المعتمد)
|
حمادة سكر زيادة هههههههههههه الليلة فكيت آخرك ..
كان تصبر شوية .. شوف ود اللمين قال ( أربعة سنين ) عاشم الحب
غايتو نضم الكسير دا نحن ما بنعرف ليهو
دائما يا احمد في سعادة وحبور
تحياتي للذي ( ألهم ) الكلام
والله ترجاني مدة اسبوع بس أكتب ( اختر ) من دا
| |
|
|
|
|
|
|
Re: أربعة شهور (Re: المعتمد)
|
الاخ المبدع ود قاسم سلام لك التحية والود على هذه المداخلة والتشجيع نتمنى ايام الجميع تكون سعادة وهنا وفرح
| |
|
|
|
|
|
|
Re: أربعة شهور (Re: المعتمد)
|
الاخ عبد الرحمن سلام هههههههههههه الليلة فكيت آخرك كان دا اخرى ما الرماد كال حماد دا جزء بسيط من الاحساس الحقيقي. كان تصبر شوية .. شوف ود اللمين قال ( أربعة سنين ) عاشم الحب بعد اربعة سنين ان شاء يبقي حب وعيال ونشوة وريد غايتو نضم الكسير دا نحن ما بنعرف ليهو وقت انت عرفت نضمى التكسر نحن النضمى فى روحو كان فى تلتلة. تحية لام العيال دائما يا احمد في سعادة وحبور
تحياتي للذي ( ألهم ) الكلام آمين للجميع ان شاء الله وتحياتك تصل بالبريد المستعجل تحية وود لكل الاهل
والله ترجاني مدة اسبوع بس أكتب ( اختر ) من دا عارفك ختير وناتمنى نقرا قصة جديدة
| |
|
|
|
|
|
|
Re: أربعة شهور (Re: المعتمد)
|
الاخ على سلام نحن عشان ما بنقدر نقول الكلام دا عيني عينك بنكتبوا فى الورق بس انت تكون بتقول كلام يدوخ. ربنا يسعدكم ويهنيكم وعقبال 80 سنة لك الود والف باقة ورد (ما تنسي تتقاسمهن مع شريكة الحياة)
| |
|
|
|
|
|
|
|